Në një video të publikuar të enjten në “Instagram”, 37-vjeçarja, emri i vërtetë i së cilës është Jessica Ellen Cornish, tha se operacioni nuk është serioz, por duhet të kryhet brenda këtij viti, pikërisht në mes të datave të turneut.

“Fatkeqësisht, më duhet të bëj një operacion të dytë. Nuk është ndonjë gjë shumë serioze, por duhet ta kryej para fundit të vitit dhe për fat të keq, kjo bie pikërisht në mes të një turneu që e kisha planifikuar”, tha ajo.

Jessie J, bëri të ditur në qershor se ishte diagnostikuar me kancer të gjirit në fazë të hershme, ndërsa operacionin e parë e kreu në fund të atij muaji. Në korrik, ajo tregoi se nuk kishte përhapje të sëmundjes dhe se ndjehej mirë.

Megjithatë, ndërhyrja e dytë është e domosdoshme. Edhe pse nuk dha shumë detaje, ajo më herët kishte shpjeguar se synon një rikuperim estetik pas mastektomisë, për të rregulluar pamjen e gjoksit.

“Po jetoj momentin, po e përqafoj këtë rrugëtim dhe po shkoj me rrjedhën… më vjen keq. Jam e trishtuar… por duhet të shërohem, duhet të jem më mirë – dhe e di që kjo është zgjedhja e duhur”, shtoi ajo në mesazhin e saj.

Jessie J, konfirmoi se pjesa evropiane e turneut, e planifikuar fillimisht për tetor 2025, është shtyrë për prill 2026. Ndërsa turneu në SHBA, i planifikuar për nëntor, është anuluar për momentin, për shkak të pamundësisë për të gjetur një periudhë të përshtatshme me sallat koncertale.

“Ju lutem kini durim me ne për pjesën amerikane të turneut. Dua ta realizoj, por vetëm kur të jetë koha e duhur. Mund të ndodhë më vonë këtë vit… ose më herët, nuk e di ende”, u shpreh ajo.

Këngëtarja theksoi se po përpiqet të balancojë të gjitha sfidat që po përjeton, por se shëndeti është përparësia e saj absolute.

“Po mundohem të bëj më të mirën. Po përpiqem të menaxhoj të gjitha gjërat që po ndodhin në jetën time dhe energjinë që duhet të ndaj. Më duhet të shërohem. më falni, më vjen keq…”, përfundoi ajo.

The post Jessie J shtyn turneun botëror pas operacionit të dytë: Më falni, më duhet të shërohem appeared first on Albeu.com.

Këngëtarja 37-vjeçare, e cila njoftoi më parë se kanceri ishte zbuluar herët nga mjekët, ishte në periudhë rikuperimi që nga operacioni i saj në qershor.

Por përmes një postimi në “Instagram” ditën e  djeshme, ajo bëri të ditur se është shtruar sërish në spital, ku më vonë mjekët i konfirmuan se ka një infeksion.

Jessie J, ndau një foto nga shtrati i spitalit, ku shihej një kanulë infuzioni në dorë. Ajo pranoi se kjo periudhë pas operacionit ka qenë një nga kohët më të vështira për të, veçanërisht në aspektin emocional, shkruan DailyMail.

“Ja si i kalova 24 orët e fundit:Gjashtë javë pas operacionit dhe u ktheva në të njëjtën dhomë ku isha pas operacionit. Nuk ishte as e planifikuar, as e pritur”, shkroi ajo.

Më tej ajo tregoi: ”Kisha – dhe ende kam – simptoma që tregonin për një mpiksje gjaku në mushkëri. Faleminderit Zotit nuk është mpiksje! Më bënë shumë analiza, dhe u zbulua se kam një infeksion (ende nuk dihet saktë çfarë) dhe pak lëng në mushkëri”.

“Po e kam të vështirë të marr frymë thellë, por u largova vetë nga spitali mbrëmë (nuk e duroj dot të jem aty) dhe do ta vazhdoj trajtimin si paciente ambulatore”.

Në një postim të dytë, Jessie shtoi: “E di që ka shumë njerëz që kanë kaluar të njëjtën gjë, ose diçka të ngjashme, dhe mund të mos bien dakord me atë që them – dhe kjo është në rregull.

Por për mua, dita e operacionit ishte fizikisht pika më e vështirë e gjithë kësaj rruge. Rikuperimi nuk është as i lehtë, as i shpejtë. Ndërsa emocionalisht ka qenë sfida më e madhe”.

“Si nënë e një fëmije të vogël, të mos jem në gjendje të jem nëna që jam zakonisht ka qenë shumë e vështirë.

Po ashtu, të detyrohem të ndryshoj të gjitha planet për karrierën time këtë vit, pas kaq shumë pune për t’u rikthyer, ka qenë shumë zhgënjyese. Por kjo është jeta.

Dhe mos më keqkuptoni – lajmi që nuk ka më kancer ishte fantastik. Por ky rezultat nuk e bëri fare më të lehtë rikuperimin fizik nga operacioni”.

Në postimin e fundit, Jessie u shpreh se kjo përvojë i ka kujtuar se duhet të ngadalësojë ritmin dhe të kujdeset më shumë për veten.

“Është një kujtesë për veten time që të ngadalësoj, edhe pse ndjehem sikur tashmë po lëviz me ritmin e një breshke. Ky nuk është një rikuperim i shpejtë – dhe as që duhet të jetë.

Si një grua e pavarur, me energji pa fund dhe me sindromën ‘mundem vetë gjithmonë’, kjo ka qenë një goditje. E dua lëvizjen, punën dhe aktivitetin, por tani nuk mundem – dhe kjo është realiteti.

Por po gjej forcë në faktin se gjithçka mund të përshtatet me këtë ritëm të ri, me ndihmën e rrethit tim të vogël të mbështetjes. Ju e dini kush jeni – faleminderit!”.

Me ironi të lehtë ajo shtoi: ”Trupi dhe imuniteti im më thanë:‘Ulu pak, budallaqe!’”.

Në qershor, Jessie kishte ndarë një postim tjetër ku tregonte se sapo kishte hequr drenën pas operacionit dhe po përpiqej të përshtatej me ndryshimet trupore.

“Tani jam unë dhe gjoksi im i çuditshëm duke u përpjekur të gjejmë si të vishemi. Ana e majtë më sheh si të më thotë ‘je mirë, zemër’”?

Në atë kohë, ajo kishte treguar se në momentin që mori lajmin për diagnozën, kishte kaluar menjëherë në “modalitet mbijetese”, duke mos pasur kohë të përpunonte emocionalisht situatën për shkak të përgjegjësive të shumta.

“Nuk e kisha menduar as largimin emocional nga pjesa e trupit që humba. Tani po më kapin vonë ndjenjat – pak zhgënjim që nuk i thashë më mirë lamtumirë. Tingëllon çuditshëm, por kështu po ndihem tani”.

Edhe pse më parë kishte lënë të kuptohej se ishte pa kancer, Jessie sqaroi se ky mesazh ishte keqinterpretuar.

Ajo shtoi: ”Ndonëse po lutem për lajme të mira, fatkeqësisht ende nuk mund të konfirmoj se kanceri është zhdukur plotësisht”.

The post Çfarë po ndodh me Jessie J? Këngëtarja dërgohet me urgjencë në spital appeared first on Albeu.com.

Ajo shpërtheu në lot dhe përjetoi sulme paniku, duke pranuar se dita e djeshme ishte më e keqja deri tani.

“Puna. Fëmija i vogël. Kanceri. Jeta etj., më kishin lodhur mendjen”, – shkroi ajo në Instagram.

“Sulme paniku, lot. Frika të mëdha, zemërim, mbytje e fortë. Dhe e dini çfarë ndihmoi? Hëngra një misër të pjekur… E rekomandoj shumë”.

Jessie shtoi: “Nesër është një ditë e re. Rrëmuja e kancerit është shteruese… Nuk do të flas vetëm për momentet kryesore. Kjo nuk është jeta reale”.

Ajo theksoi se është e rëndësishme të lejojë veten të ndjejë gjithçka: “Do të qaj, do të kem frikë, do ta ndiej të gjithën për një minutë ose një ditë të tërë. Pastaj do të ha një misër, do të dëgjoj një këngë, do të qesh me një shoqe… dhe do të vazhdoj”.

Jessie J zbuloi diagnozën para publikimit të këngës “No Secrets” dhe do t’i nënshtrohet një operacioni pas performancës në Summertime Ball më 15 qershor, shkruan DailyMail.

“Kanceri është i tmerrshëm në çdo formë, por po i përmbahem fjalës që në fillim”.

The post Jessie J shpërthen në lot mes betejës me kancerin: Po përballem me ditën më të vështirë të jetës sime appeared first on Albeu.com.

33-vjeçarja thotë edhe pse po kalon një moment shumë të vështirë, prapë nuk do të heq dorë nga turneu i saj muzikor.

Sipas Jessie, shtatzënia ishte një mrekulli në vetvete dhe një përvojë që nuk do ta harrojë kurrë, derisa ta ketë sërish.

Postimi i plotë i këngëtares:

“Dje në mëngjes isha duke qeshur me një shoqe duke thënë ‘seriozisht, por si do ta kaloj koncertin tim në LA nesër mbrëma pa i thënë të gjithë audiencës se jam shtatzënë. Dje pasdite kisha frikë nga mendimi për të kaluar koncertin pa u prishur…pasi shkova për skanimin tim të tretë dhe më thanë se nuk kishte më rrahje zemre.

Këtë mëngjes. Ndihem sikur nuk kam kontroll mbi emocionet e mia. Mund të pendohem që e postova këtë. Unë në fakt nuk e di. Ajo që di është se dua të këndoj sonte. Jo sepse po shmang pikëllimin apo procesin, por sepse e di që të këndoj sonte do të më ndihmojë. Unë kam bërë 2 shfaqje në 2 vjet dhe shpirti im ka nevojë për këtë. Edhe më shumë sot. E di që disa njerëz do të mendojnë se thjesht duhet ta anulojë atë. Por në këtë moment e kam të qartë një gjë. Kam filluar të këndoj kur isha e re nga gëzimi, për të mbushur shpirtin tim dhe terapinë e dashurisë ndaj vetvetes, që nuk ka ndryshuar kurrë dhe unë duhet ta përpunoj këtë sipas mënyrës time.

Dua të jem i sinqertë dhe i vërtetë dhe të mos e fsheh atë që ndiej. Unë e meritoj atë. Dua të jem aq sa mundem në këtë moment. Jo vetëm për audiencën, por për mua dhe fëmijën tim të vogël që e bëri më së miri. E njoh veten dhe e di që do të flisja për këtë në skenë, sepse kështu jam. Pra, në vend të një fjalimi emocional me lot, duke u përpjekur të shpjegoj energjinë time. Kjo ndihet më e sigurt.

Vendosa të kem një fëmijë vetë. Sepse është gjithçka që kam dashur ndonjëherë dhe jeta është e shkurtër. Të mbetesha shtatzënë ishte një mrekulli në vetvete dhe një përvojë që nuk do ta harroj kurrë dhe e di që do ta kem përsëri. Unë jam ende në shok, trishtimi është i madh. Por e di që jam e fortë dhe e di që do të jem mire.

E di gjithashtu se miliona gra në mbarë botën e kanë ndier këtë dhimbje dhe shumë më keq. Ndihem i lidhur me ata prej jush që njoh dhe ata prej jush që nuk i njoh. Është ndjenja më e vetmuar në botë. Kështu që do të shihemi sonte LA. Mund të bëj më pak shaka, por zemra ime do të jetë në dhomë”.

 

View this post on Instagram

 

A post shared by Jessie J (@jessiej)

The post “Jam në shok”, këngëtarja e njohur rrëfen abortin appeared first on Albeu.com.

Së bashku me një video të saj duke kënduar “Purple Rain” në një konkurs në Kinë, ajo tregoi:

“Dje provova të këndoja një këngë, që zakonisht e këndoj shumë lehtë, por nuk mundesha. Problemi që kam nuk është zëri im, por po prek zërin tim.

Dhe mirë… Unë qava. Për orë të tëra. Prej 6 muajsh unë ende nuk mund ta kaloj një ditë të plotë pa dhimbje në mes të qafës dhe fytit. Disa ditë janë shumë më të mira se të tjerat. Pjea më e keqe është se nuk janë kordat e mia vokale. Ato janë të shëndetshme dhe më presin me duart lart. Ka diçka rreth tyre. Tirodija, alergji. Kush e di. Testimet vazhdojnë.

95% të kohë unë jam mirë. Pozitive dhe e fortë. Gjëja që tregoj edhe më shumë këtu. Por në atë 5% ndihem ndonjëherë si dje. Thyhem. Ndjehem e humbur dhe e vetmuar me gjënë që po më ndodh”, shprehet Jessie J.

The post “Nuk kaloj një ditë pa dhimbje”, me lot në sy Jessie J flet për sëmundjen e saj appeared first on Albeu.com.

Së fundmi, ajo ka publikuar në Instagram një video, e cila duket se është shkëputur nga videoklipi i saj më i ri, i cili nuk është publikuar ende.

“Jam e lodhur që më cilësojnë si të nënvlerësuar”, ka shkruar artistja përkrah videos së saj.

Menjëherë pas publikimit ajo ka marrë mbështetjen e shumë fansave dhe kolegëve të saj, mes tyre edhe të reperit të njohur shqiptar Seven Saraqi. Ky i fundit ka publikuar videon e Jessie J në profilin e tij në Instastory dhe përkrah ka shkruar:

“Mbretëresha u rikthye”.

Këtë postim e ka rishpërndarë Jessie J në profilin e saj, që do të thotë se ajo ka njohje me artistin shqiptar.

Por nuk mbaron me kaq, sepse artistja me famë botërore dhe reperi shqiptar ndiqen me njëri-tjetrin në Instagram. Siç duket ata të dy njihen personalisht me njëri-tjetrin, përderisa ndjekin një rreth të ngushtë miqsh në këtë rrjet social.

The post Nuk e keni vënë re, por Jessie J ndjek në Instagram reperin e njohur shqiptar (FOTO LAJM) appeared first on Albeu.com.