Rrugëtimi i gjashtë vëllezërve Maserati, të cilët në vitin 1926 nisën të ndërtonin ëndrrën e tyre automobilistike në një punishte të vogël në Bolonjë, do të rrëfehet së shpejti në ekranin e madh.

Produksioni i ri mban titullin “Maserati: The Brothers” dhe traileri zyrtar i tij tashmë është publikuar.

Filmi ndjek hapat e parë të familjes Maserati, pengesat me të cilat u përballën dhe përpjekjet që i çuan drejt arenës së motorsportit.

Mes emrave të njohur të Hollywoodit që janë pjesë e kastit renditen Al Pacino, Anthony Hopkins, Andy Garcia dhe Jessica Alba.

Një episod qendror i rrëfimit pritet të jetë Indianapolis 500, garë të cilën Maserati e fitoi në vitet 1939 dhe 1940 me modelin 8CTF Boyle Special.

Xhirimet janë realizuar në Modena dhe Cinecittà, ndërsa projekti ndodhet tani në fazën e post-produksionit.

Premiera në Itali është parashikuar për 15 tetor 2026, por kjo datë ende nuk është konfirmuar zyrtarisht.

Bobby Moresco ka marrë drejtimin e filmit, ndërsa personazhet e vëllezërve Maserati do të interpretohen nga Michele Morrone, Salvatore Esposito dhe Lorenzo De Moor.

Nga një hapësirë modeste pune deri te skena globale e garave, historia paraqet mënyrën se si një familje italiane u përball me emrat më të mëdhenj të industrisë së automobilizmit.

“Maserati: The Brothers” synon të sjellë në vëmendje zanafillën e markës italiane dhe trashëgiminë e saj të rëndësishme në motorsport.

The post Maserati: The Brothers”, historia e gjashtë vëllezërve bëhet film me yje të Hollywoodit appeared first on Albeu.com.

Aktorja 44-vjeçare ndau pamje pranë pishinës, ku dukej e qetë dhe e relaksuar, me mesazhin: “Miqësi, frymëmarrje, kujdes për veten”.

Në imazhet që ndau me ndjekësit, Alba shihet me një kostum banje me motive dhe një kapelë dielli, ndërsa në një tjetër fotografi relaksohet në spa, shkruan DailyMail.

Pushimet vijnë disa javë pas divorcit të saj, ndërkohë që ajo është parë herë pas here me një burrë misterioz në Londër, por sipas burimeve, Jessica nuk është në një lidhje të re serioze.

Ajo është përqendruar te vetja, miqtë dhe momentet e lumtura, ndërsa vazhdon të jetë aktive në rrjete sociale, duke ndarë momente nga udhëtimet e saj, përfshirë edhe festimin e ditëlindjes në Las Vegas me shoqet.
Ish-çifti, që kanë tre fëmijë së bashku, kanë kërkuar kujdestari të përbashkët pas ndarjes, ndërsa Jessica shfaqet e vendosur për të nisur një kapitull të ri në jetë.

The post Jessica Alba tregon trupin e tonifikuar, teksa shijon pushimet pas divorcit appeared first on Albeu.com.

Ajo mori një pauzë nga Hollywood-i vitet e fundit, me filmin e saj të fundit “Killers Anonymous” i vitit 2019. Filmi i saj më i ri “Trigger Warning” u shfaq në Netflix më 21 qershor, ku aktorja luan rolin e komandos së Forcave Speciale Parker. Përmbledhja e tij thotë: “Një komando e forcave speciale kthehet në qytetin e saj pas vdekjes së papritur të babait të saj, vetëm për t’u përplasur me një bandë të dhunshme”.

Komentet për filmin nuk kanë qenë edhe aq pozitive. “Trigger Warning”, një film i ri i Netflix me Jessica Alba duhet të ketë një nga shkrimet më të këqija të skenarit”-shkroi një person në X. Një tjetër tha: “Kam parë filmin “Trigger Warning” në Netflix. Është i tmerrshëm.” Më zuri gjumi duke parë këtë”-vazhdoi një tjetër.

Që nga fillimet e saj në televizion dhe në film si adoleshente e deri te suksesi i saj mahnitës si biznesmene Jessica Alba është bërë një model për sipërmarrësit aspirantë. Ajo jo vetëm që njihet për performancat e saj mahnitëse në ekran, por vlera e pasurisë së saj neto, e vlerësuar në mbi 390 milionë dollarë, e vendos atë ndër individët më të pasur.

Rrugëtimi i Jessica Marie Alba drejt suksesit filloi që në moshë të re, me paraqitjet e saj të para televizive dhe filmike vetëm në moshën 13-vjeçare. Momenti i saj i shpërthimit erdhi në moshën 19-vjeçare kur mori rolin kryesor në serialin televiziv Dark Angel (2000-2002), duke i dhënë asaj një nominim për Golden Globe.

The post I bie suksesi, filmi i ri me protagoniste Jessica Alba kritikohet ashpër nga ndjekësit appeared first on Albeu.com.