Shërbimi i Zjarrfikësve i Izraelit raportoi të paktën pesë vatra aktive në kodrat e Jeruzalemit, duke rrezikuar zonat e banuara. Si masë parandaluese, autoritetet evakuuan tre komunitete, ndërprenë një ceremoni përkujtimore në memorialin ushtarak të Latrun-it dhe evakuuan edhe manastirin aty pranë. Policia mbetet në gatishmëri për evakuime të mëtejshme, pasi zjarri po përhapet drejt jugut.

Autoriteti i Natyrës dhe Parkeve largoi vizitorët nga parqet natyrore dhe zonat e mbrojtura. Shtatë persona, përfshirë dy adoleshentë, kanë pësuar djegie të lehta.

Ministri i Jashtëm izraelit, Gideon Sa’ar, kërkoi ndihmë nga Qiproja, Kroacia, Italia dhe Greqia. Autoritetet greke po shqyrtojnë kërkesën, ndërsa edhe Autoriteti Palestinez ka ofruar ekipe zjarrfikësish për ndihmë, ofertë që ende nuk është pranuar nga Izraeli.

Zjarret shkaktuan ndërprerje të mëdha në rrjetin rrugor dhe hekurudhor. Autostrada kryesore Jeruzalem–Tel Aviv u mbyll, së bashku me katër rrugë të tjera, ndërsa linja hekurudhore mes dy qyteteve u anulua.

Ky është zjarri i dytë brenda një jave në këtë zonë, duke ngritur shqetësime për qëndrueshmërinë e rajonit ndaj motit ekstrem dhe thatësirës.

The post Jeruzalemi rrethohet nga zjarret, evakuime masive dhe thirrje për ndihmë ndërkombëtare appeared first on Albeu.com.

Ai i emëroi sulmuesit si Murad Muhammad Nimr, 38 vjeç dhe Ibrahim Muhammad Nimr, 30 vjeç, për të cilët policia izraelite tha se u vranë në vendngjarje.

“Ky operacion erdhi si një përgjigje ndaj krimeve të paprecedentë të pushtimit, duke përfshirë masakrat brutale në Rripin e Gazës dhe vrasjen e fëmijëve në Jenin, dhe shkeljet e shumta ndaj të cilave të burgosurve tanë që janë të ekspozuar në burgjet izraelite”, thuhet në deklaratë.

Hamasi përsëriti thirrjet e tij për “përshkallëzimin e rezistencës”./albeu.com

The post Sulmi terrorist në Jeruzalem, Hamasi merr përgjegjësinë appeared first on Albeu.com.

“Dy terroristë të hipur në një makinë dhe të armatosur njëri me një M-16 dhe tjetri me pistoletë ” hapën zjarr ndaj qytetarëve që prisnin në një stacion autobusi rreth orës 07:40 (koha lokale), tha drejtori i policisë së Jerusalemit Doron Torgeman për gazetarët.

BREAKING:

Terrorist attack in Jerusalem.

2 Israelis waiting at a bus stop killed by 2 shooters.

5 in critical condition.

The terrorists were quickly killed by 2 armed off duty Israeli soldiers and one armed civilian driving past. pic.twitter.com/UCKNvZBQRQ

— Visegrád 24 (@visegrad24) November 30, 2023

Sipas policisë, dy terroristë nga Jeruzalemi lindor që mbanin një M16 dhe një pistoletë arritën në kryqëzimin Givat Shaul pranë hyrjes së Jerusalemit të enjten në mëngjes dhe filluan të qëllonin mbi civilët që prisnin në një stacion autobusi përpara se të qëlloheshin dhe vriteshin nga forcat e sigurisë. Ambasadori i SHBA në Izrael, Jack Lew dënoi sulmin të enjten.

“Sulm i tmerrshëm terrorist në Jerusalem këtë mëngjes. Ne e dënojmë pa mëdyshje këtë dhunë brutale. Mendimet e mia janë me familjet e viktimave dhe shpreh ngushëllimet e mia të sinqerta për të gjithë të prekurit”.

Sulmin e dënoi edhe ambasadori i Bashkimit Evropian në Izrael, Dimiter Tzantchev, duke shkruar: “Dënoj sulmin terrorist me të shtëna në Jerusalem këtë mëngjes, i cili vrau tre persona dhe plagosi shumë izraelitë të tjerë. Ngushëllime të afërmve të viktimave. BE dënon të gjitha format e terrorizmit dhe qëndron përkrah Izraelit në këtë kohë të vështirë”.

The post VIDEO/ Sulm terrorist në Jeruzalem, 3 të vrarë dhe 6 të plagosur appeared first on Albeu.com.

Kur kryqëzatat sollën krijimin e mbretërisë së Jeruzalemit, ka pasur një periudhë kur mendohej se burrat kishin më shumë të drejta sesa gratë që të sundonin. Por duke nisur që nga mbreti i dytë i Jeruzalemit, në krye të fronit ka qenë thuajse gjithmonë edhe një mbretëreshë. Ja cilat janë 11 nga gratë e Mesjetës që lanë gjurmën e tyre në një botë të dominuar nga meshkujt.

Alisa e Shampanjës. Mbretëroi në vitet 1243-1246

Regjenca ishte një opsion i dytë më i mirë për Alisën. Ajo ishte përpjekur të shpallej mbretëreshë që në vitin 1229, por kërkesa e saj për divorc nga Bohemondi V, Princi i Antiokisë, u refuzua. Gjyshja e saj ishte Maria Komnena (mbretëresha e Jeruzalemit në vitet 1167-1174), por do të kalonin edhe 14 vite të tjera para se ajo të ngjitej në fron.

Alisa u martua sërish në Ralfin, Kontin e Suason, dhe që të dy u njohën si regjentë të Jeruzalemit. Por regjenca e saj do të zgjaste vetëm tre vjet pasi ajo vdiq në 1246, në moshën 53-vjeçare dhe kurora i kaloi djalit të saj, Henrikut I të Qipros.

Arda e Armenisë. Mbretëroi në vitet 1100-1105

Për Ardën dihen shumë pak gjëra – përfshirë emrin e saj të vërtetë – por ajo mbahet mend si bashkëshortja e parë mbretëreshë e Jerusalemit. Një princeshë armene, burri i saj ishte Balduni i Bulonjës, një nga udhëheqësit e Kryqëzatës së Parë. Falë babait të Ardas, Balduini u bë konti i parë i Edesës, një shtet kryqtar i marrë nga territori armen në Mesopotami.

Më pas ai u bë mbreti i parë i Jeruzalemit, me Ardën pranë tij. Arda nuk bënte dot fëmijë dhe 5 vite më vonë Balduini u nda prej saj. Ai pretendoi se Arda ishte përdhunuar në udhëtimin e saj nga Edesa në Jerusalem disa vjet më parë, duke e detyruar të mbyllej në një manastir. Pak kohë më vonë u martua sërish.

Isabela I. Mbretëroi në vitet 1190-1205

Kur Balduini IV vdiq në vitin 1186, pretendente për fronin ishin 2 trashëgimtare gra: motra e tij Sibila dhe Isabela. Bashkëshorti i Isabelës, Hamfri nuk donte të bëhej mbret i Jeruzalemit, ndaj në fillin fronin e mori Sibila. Por pas vdekjes së saj 4 vjet më vonë, ishte radha e Isabelës.

Burri i saj vazhdonte të ishte kundër, ndaj Isabela e ndau dhe u lidh me Konradin e Monferratit. Ata sunduan bashkë për më pak se një vit, pasi Konrad u vra. Shtatzënë me fëmijën e tij, Isabela u martua me Henrin II të Shampanjës, nipin e famshëm të mbretërve të Francës dhe Anglisë.

Ai vdiq në vitin1197, dhe Isabela u martua me bashkëshortin e katërt:Amalrikun e Lusinjonit, mbretin e Qipros. Në momentin e vdekjes, vetëm 33 vjeçe dhe për arsye të panjohura, ajo ishte sërish e ve (këtë herë bashkëshorti vdiq nga një helmim ushqimor), ndërsa djali i saj kishte vdekur 2muaj më parë.

Maria e Monferratit. Mbretëroi në vitet 1205-1212

Vajza e Isabelës I dhe e Konradit të Monferratit, Maria nuk e njohu kurrë babanë e saj. Ai vdiq para se ajo të lindte në vitin 1192. Në 1205, kur ajo ishte vetëm 13 vjeç, përjetoi vdekjen e nënës së saj, njerkut dhe gjysmë-vëllait të mitur. Kështu ajo ishte mbretëresha e Jeruzalemit, me xhaxhain e saj, Xhoni i Ibelint, si regjent.

Bashkëshorti i saj Zhani i Brienës iu ofrua asaj nga Filipi II i Francës. Ata u kurorëzuan mbret dhe mbretëreshë më 3 tetor 1210 në Katedralen Ture. Fatkeqësisht, Maria vdiq vetëm dy vjet më vonë, rreth moshës 20 vjeçare, duke lënë pas burrin dhe vajzën e saj të mitur, Isabela II.

Sibila. Mbretëroi në vitet 1186-1190

Jeta e Sibilës ishte e mbushur me konflikte familjare. Prindërit e saj u detyruan të ndaheshin kur ajo ishte e re. Sibila dhe vëllai I saj, Balduini, mbetën nën kujdestarinë e babait të tyre. Ndërsa Balduni u mësua me punët e brendshme të oborrit mbretëror, Sibila u izolua në një manastir aty pranë.

Por kur vëllai i saj u sëmur nga lebra, princesha ishte pretendente për fronin. Pas gjashtë vitesh kërkime, u gjet një bashkëshort për të, por ai vdiq vetëm 8 muaj pas dasmës. Ajo e donte burrin e saj të dytë, Gi dë Lusinjon, por ai urrehej nga të gjithë të tjerët. Sibila dhe Gi u ngjitën në fron nëvitin1186.

Gi humbi 17.000 ushtarë dhe Jerusalemin brenda një viti përpara se të kapej rob nga myslimanët. Sibilës iu desh ta mbronte vetë mbretërinë, ndaj iu lut Sulltan Saladinit që ta burgoste bashkë me të shoqin. Aty do të vdiste pranë të shoqit, e përkushtuar ndaj njeriut që mbretëria e saj e urrente deri në fundin e tij të hidhur.

Melisenda. Mbretëroi në vitet 1131-1153

E lindur nga një burrë që u bë më pas mbret i Jeruzalemit, Melisenda, më e madhja nga 4 vajzat, e pa veten si trashëgimtare të mbretërisë kur vdiq nëna e saj në tetor 1126. Martesa e saj me Fulkun V, Kontin e Anzhu dhe Mein në vitin 1129 solli në jetë një trashëgimtare.

Por kur babai i saj vdiq në vitin 1131, ai la amanet një rregull të çuditshëm të trashëgimisë.

Melisenda, Fulk dhe djali i tyre duhej të trashëgonin së bashku fronin. Në fillim, Melisende nuk u lejua të bënte shumë gjëra, por kur Fulk u tregua një sundimtar i paefektshëm, ajo mori më shumë pushtet. Nisi zbatimin e një programi të gjerë ndërtimesh në të gjithë Jerusalemin, përfshirë punimet për rikonstruksionin e Kishës së Varrit të Shenjtë.

Por e papritura ndodhi në vitin 1143. Fulk vdiq, duke lënë në krye Melisendën dhe djalin e tyre, Balduinin III, që në atë kohë ishte vetëm 13 vjeç. Melisenda sundoi si regjente, dhe me sa duket ishte e aftë në atë post. Problemet lindën në fillim të viteve 1150, kur Balduini u rrit dhe nuk donte që nëna e tij të ishte në krye. Ai e fitoi betejën, duke u bërë sundimtar i vetëm i Jeruzalemit. Sidoqoftë, Melisenda mbajti ende disa poste me rëndësi në oborrin mbretëror deri në vdekjen e saj në 1161.

Adelaide del Vasto. Mbretëroi në vitet 1112-1116

Pas divorcit të tij nga Arda e Armenisë, gruaja e dytë e Balduinit I ishte Adelaide del Vasto. Në atë kohë thesari i Jeruzalemit ishte boshatisur, dhe Adelajda ishte e ve, nënë e tre fëmijëve… dhe regjente e Siçilisë. Kur djali i saj Roxher arriti në moshë madhore, Adelaide u dërgua me paratë e saj në Jerusalem për t’u bërë mbretëreshë.

Balduin ishte aq i dëshpëruar për paratë e saj, saqë Adelaide arriti ta bindte që Roxher të ishte trashëgimtari i tij nëse nuk do të kishte një djalë tjetër. Por kundërshtimi ndaj kësaj martese të re ishte i fortë. Pasi shtiu në dorë paratë e Adelaides, Balduin e pranoi bigaminë e tij dhe martesa e tij u anulua.

Adelaide u kthyer sërish në Siçili, ku do të vdiste dy vjet më vonë, por djali i saj nuk do ta harronte kurrë trajtimin që i bëri Jerusalemi nënës së tij. Për pjesën tjetër të mbretërimit të tij në Siçili, ai refuzoi ta ndihmonte mbretërinë, pavarësisht se sa shumë e kërkuan ndihmën e tij.

Morfia e Melitenës. Mbretëroi në vitet 1118-1127

Ajo ishte armene, por një ditë do të ulej në fronin e Jerusalemit. Morfia ishte vajza e një princi armen dhe u martua me një kalorës kryqtar, Balduinin, kontin e Edesës. Aty jetuan deri në vitin 1118, kur Balduin u zgjodh mbret i Jeruzalemit. Ata u shpërngulën me 4 vajzat e tyre, Melisenda, Alisa, Hodierna dhe Joveta.

Në fakt, Balduin e vonoi enkas kurorëzimin e tij që bashkë me të kurorëzohej edhe Morfia. Siç pritej nga një grua në atë kohë, ajo nuk u përfshi në drejtimin e përditshëm të mbretërisë. Gjithsesi ishte e aftë ta bënte këtë. Kur burri i saj u mor peng në vitin 1123, ajo punësoi mercenarë armenë për të zbuluar se ku mbahej i burgosur. Më pas drejtoi negociatat që çuan në shpëtimin e tij. Kur ajo vdiq në 1126/27, ajo ishte shumë e mallkuar.

Teodora Komnena. Mbretëroi në vitet 1158-1162

Teodora ishte mbesa e perandorit bizantin Manuel I Komneni, mbesa e perandorit Gjoni II Komneni dhe kunata e mbretit Stefan IV të Hungarisë. Por do të ishte lidhja e saj me perandorin bizantin që do ta bënte shumë të dëshirueshme për Balduinin III të Jeruzalemit. Por martesa e tyre do të zgjaste vetëm 4 vjet, për shkak të vdekjes së parakohshme të Balduinit. Theodora ishte tashmë një e ve pa fëmijë, vetëm 17 vjeçe, dhe nuk ishte më mbretëreshë.

Pleisans e Antiokisë. Mbretëroi në vitet 1258-1261

Teknikisht mbretëria e saj ishte Qiproja. Kur bëhej fjalë për Jerusalemin, roli i saj ishte si  regjente. Ajo pati me Henrin e Qipros një djalë, Hugh II, i cili u bë mbreti i mitur i Qipros dhe i Jeruzalemit. Fisnikët e Jeruzalemit e mbështetën regjencën e Plaisans dhe ajo do ta mbante me sukses këtë pozicion deri në vdekjen e saj në vitin 1261, pavarësisht se u bë bashkëshortja e Xhoni Xhafas.

Isabela II. Mbretëroi në vitet 1212-1228

Ishte vetëm disaditëshe kur u bë mbretëreshë e Jeruzalemit në vitin 1212. Nëna e saj, Maria e Monferratit, kishte vdekur, ndoshta nga ethet pak pas lindjes. Kur ishte vetëm 13 vjeç u fejua me Frederikun II, mbret i Gjermanisë dhe Siçilisë. Ata u martuan në Brindisi të Italisë në vitin 1225.

Më pas Frederiku mori fronin e mbretit. Por raportet midis tyre nuk ishin të mira. Ai e mbajti Isabelën me haremin e tij ndërsa e vonoi kryqëzatën, ndaj u shkishërua. Fëmija i saj i parë, një vajzë, vdiq para se ajo të mund të festonte ditëlindjen e parë. Fëmija i dytë, djali, u vra nga vetë i ati. Ashtu si nëna e saj, Isabela vdiq vetëm disa ditë pas lindjes së tij në vitin 1228.

The post Mbretëreshat e Jeruzalemit, disa nga gratë që mbretëruan në Lindjen e Mesme në kohën e Mesjetës appeared first on Albeu.com.

Policia izraelite e përshkroi atë si një “sulm terrorist” dhe tha se ndodhi në një sinagogë në Neve Ya’akov, e konsideruar nga izraelitët si një lagje brenda Jerusalemit, ndërsa palestinezët dhe shumica e komunitetit ndërkombëtar e konsideron të pushtuar tokën e aneksuar ilegalisht pas një 1967, Lufta e Lindjes së Mesme.

❗️ At least 7 people were killed and 10 others injured in a shooting in #Jerusalem

It is reported that an unidentified man entered a synagogue in the Neve Yaakov district in eastern Jerusalem while praying and shot people. The shooter has been eliminated.

? The Jerusalem Post pic.twitter.com/gstX04EMPe

— NEXTA (@nexta_tv) January 27, 2023

Në Gaza, zëdhënësi i Hamasit, Hazem Qassem, i tha Reuters: “Ky operacion është një përgjigje ndaj krimit të kryer nga okupimi në Jenin dhe një përgjigje e natyrshme ndaj veprimeve kriminale të okupimit”, megjithëse ai ndaloi së pretenduari sulmin.

Xhihadi Islamik Palestinez gjithashtu reagoi, por nuk e mori përsipër sulmin.

Incidenti vjen një ditë pasi 9 persona u vranë në Bregun Perëndimor, në qytetin e Jeninit.

Ushtria izraelite tha se trupat e saj hynë për të arrestuar “operativët terroristë” të Xhihadit Islamik që planifikonin “sulme të mëdha”.

Presidenca palestineze akuzoi Izraelin për një “masakër” dhe më vonë njoftoi se kishte përfunduar bashkërendimin me Izraelin për çështjet e sigurisë.

/albeu.com

The post Sulm në Jerusalem, 7 të vrarë dhe shumë të plagosur appeared first on Albeu.com.

Në fjalën e tij, Kryeministri foli për lidhjet historike miqësore midis shqiptarëve dhe popullit hebre, se si këta të fundit gjatë Luftës së Dytë Botërore u strehuan në vendin tonë nga familjet shqiptare.

“Do të tregoj që jo vetëm kjo histori e bashkëjetesës midis shqiptarëve dhe hebrenjve filloi me Luftën e Dytë Botërore por përfshin shumë shekuj të tjerë. Është e rëndësishme të theksohet për të mos harrohet se hebrenjtë në Shqipëri u shpëtuan nga familjet shqiptare myslimane dhe të krishtera. Ata vunë përpara identitetit fetar atë njerëzor, duke i qëndruar besnikë thënies së vjetër se “Shtëpia shqiptare është e Zotit dhe e mikut”. Miku jo detyrimisht është ai që ftohet, por ai që kërkon ndihmë e troket në derë dhe që mund të jetë i panjohur. Sipas zakonit, miku strehohet dhe mbrohet. Deri më tani, 73 shqiptarë, myslimanë dhe të krishterë, janë njohur si të drejtë ndër kombet dhe shumë të tjerë, duke përfshirë zyrtarë të lartë të asaj kohe që ende presin të njihen si të tillë”, tha ndër të tjera Kryeministri Edi Rama në fjalën e tij.

Në Izrael, Kryeministri Edi Rama u prit në takime zyrtare nga krerët më të lartë të shtetit, ku ndër të tjera u diskutua edhe për sigurinë kibernetike.

The post Nata e nderit në Jeruzalem, Rama: Hebrenjtë në Shqipëri u shpëtuan nga familjet myslimane e të krishtera appeared first on Albeu.com.

Presidenti Biden u takua sot me presidentin palestinez Mahmoud Abbas në Bregun Perëndimor për t’i shprehur qëndrimin amerikan për zgjidhjen me dy shtete të konfliktit izraelito-palestinez. Para takimit Presidenti Biden njoftoi një paketë ndihme për institucionet mjekësore atje.

“Kam kënaqësinë të njoftoj se Shtetet e Bashkuara po ofrojnë 100 milionë dollarë shtesë për të mbështetur spitalet dhe stafet tuaja që punojnë për popullin palestinez”.

Të enjten Izraeli e nderoi udhëheqësin amerikan me Medaljen Presidenciale të Nderit.
Por më herët, Presidenti Biden dhe kryeministri izraelit në detyrë Yair Lapid nuk u pajtuan mbi mënyrën se si duhet të ndalohet Irani që të shtjerë në dorë armë bërthamore.

“Diplomacia nuk do t’i ndalojë ata. E vetmja gjë që do ta ndalojë Iranin është se ata duhet ta dinë se nëse vazhdojnë me zhvillimin e programit bërthamor, bota e lirë do të përdorë forcën. Rruga e vetme për t’i ndaluar ata është një kërcënim ushtarak i besueshëm”, tha kryeministri izraelit në detyrë Yair Lapid.

Presidenti Joe Biden tha se një Iran pa armë bërthamore është një “interes jetik sigurie” për Shtetet e Bashkuara dhe Izraelin.

“Vazhdoj të besoj se diplomacia është mënyra më e mirë për ta arritur këtë rezultat”, tha Presidenti Biden.

Izraeli e kundërshtoi marrëveshjen e vitit 2015 për të kufizuar programin bërthamor të Iranit në shkëmbim të lehtësimit të sanksioneve. Uashingtoni po përpiqet ta ringjallë marrëveshjen në disa mënyra, përfshirë bisedimet indirekte në Vjenë.

Teherani mbron qëndrimin se programi i tij bërthamor ka synime paqësore dhe do të përdoret për prodhimin e energjisë.

Pas nënshkrimit të Deklaratës së Jeruzalemit për sigurinë, ku Presidenti Biden dhe Kryeministri Lapid u angazhuan që të mos lejojnë kurrë Iranin të shtjerë në dorë armë bërthamore, presidenti iranian Ebrahim Raisi reagoi ashpër.

“U them amerikanëve dhe aleatëve të tyre rajonalë se kombi iranian nuk do të pranojë asnjë krizë, apo pasiguri në rajon dhe se çdo gabim i bërë në këtë rajon do të përballet me një përgjigje të ashpër dhe për të ardhur keq”, u shpreh presidenti iranian.

Për t’ju kundërvënë Iranit, Uashingtoni po nxit lidhje më të thella mes Izraelit dhe fqinjëve të tij arabë, përfshirë procesin e integrimit të sistemeve ajrore të mbrojtjes rajonale.

“Kjo do të thotë se secili prej vendeve do të ketë më shumë kohë për të reaguar, më shumë alternativa, gjë që ndihmon Shtetet e Bashkuara të frenojë konflikte sepse ka më shumë kohë për të vepruar”, thotë për Zërin e Amerikës profesori Jonathan Rynhold, specialist për marrëdhëniet izraelito-amerikane në Universitetin Bar Ilan në Tel Aviv.

Të enjten, Presidenti Biden dhe Kryeministri Lapid morën pjesë në takimin virtual I2U2, një partneritet i ri mes Indisë, Izraelit, Emirateve të Bashkuara Arabe dhe Shteteve të Bashkuara për të trajtuar sigurinë ushqimore dhe energjinë e pastër./VOA

The post Biden: Diplomacia mënyra më e mirë përballë ambicieve bërthamore të Iranit appeared first on Albeu.com.

Masa autorizon autoritetet izraelite që të mbyllin zyrat e këtyre organizatave, të konfiskojnë asetet e tyre dhe të arrestojnë stafin e tyre në Bregun Perëndimor të pushtuar, u tha në një deklaratë të përbashkët të organizatave ndërkombëtare për të drejtat e njeriut Human Rights Watch dhe Amnesty International.

Të dyja këto organizata e dënuan veprimin e Izraelit, transmeton Reuters.

Ministria e Mbrojtjes e Izraelit tha se gjashtë grupet palestineze kishin lidhje me Frontin Popullor për Çlirimin e Palestinës (PLFP), një fraksion i krahut të majtë që ka kryer sulme vdekjeprurëse kundër izraelitëve.

“Organizatat e deklaruara morën shuma të mëdha parash nga vendet evropiane dhe organizatat ndërkombëtare, përmes një sërë falsifikimesh dhe mashtrimesh”, tha ministria e Mbrojtjes në një deklaratë, duke pretenduar se përmes parave që kishin marrë këto organizata kanë mbështetur aktivitetet e PFLP-së.

Ndër organizatat e ndaluara janë edhe Al-Haq dhe Addameer, që njihen si grupet kryesore palestineze për të drejtat e njeriut.

Këto organizata monitorojnë shkeljet e supozuara të të drejtave të njeriut nga Izraeli dhe Autoriteti Palestinez i mbështetur nga Perëndimi, i cili ka vetëqeverisje të kufizuar në Bregun Perëndimor.

I pyetur për të komentuar masën, Kayed Al-Ghoul, një zyrtar i PFLP-së, i cili është në listën e zezë të terrorizmit të Bashkimit Evropian, nuk hodhi poshtë plotësisht lidhjet me gjashtë organizatat, duke shtuar se ata mbajnë marrëdhënie me organizatat e shoqërisë civile në të gjithë Bregun Perëndimor dhe Gaza.

Organizata Al-Haq nuk bëri komente ndërsa Addameer dhe një organizatë tjetër që është në listë, Defense for Children International – Palestine, hodhën poshtë akuzat izraelite si një “përpjekje për të eliminuar shoqërinë civile palestineze”.

Human Rights Watch dhe Amnesty International thanë se “vendimi është një përshkallëzim alarmues që kërcënon të mbyllë punën e organizatave më të shquara të shoqërisë civile palestineze”.

Izraeli pushtoi Bregun Perëndimor, Rripin e Gazës dhe Jerusalemin Lindor në luftën e Lindjes së Mesme të vitit 1967.

Palestinezët i kërkojnë këto territore për një shtet të ardhshëm./REL

The post Izraeli i shpall terroriste gjashtë OJQ palestineze appeared first on Albeu.com.

Mësohet se palestinezët kanë hedhur gurë në drejtim të policisë izraelit, pasi këta të fundit kanë hedhur granata marramendëse dhe gaz lotsjellës.

Përleshjet e reja midis shpërthyen këtë të remten në kompleksin e Xhamisë Al-Aqsa të Jeruzalemit.

Trazirat ndodhën pas lutjeve të së premtes në xhami, vetëm disa orë pasi një armëpushimi mes Izraelit dhe Hamasit hyri në fuqi.

Kujtojmë se Hamasi dhe Izraeli kanë qenë për 11 ditë në luftë, me sulme raketash të cilat u morën jetën shumë njerëzve dhe shkaktuan dëme të mëdha materiale./albeu.com

The post Jeruzalemi nuk gjen paqe as pas armëpushimit, sërish përplasje në xhaminë Al-Aqsa appeared first on Albeu.com.

Herët këtë të shtunë, Izraeli kreu sulme ajrore në Gaza dhe militantët palestinezë u përgjigjën duke qëlluar me raketa në Izrael. Përleshjet e regjistruara gjatë 5 ditëve të fundit shënojnë disa nga dhuna më e rëndë në rajon në vite.

Konflikti filloi të hënën dhe pasoi disa javë tensioni izraelito-palestinez në Jeruzalemin Lindor. Armiqësitë e shtuara arritën kulmin në përleshjet në një vend të shenjtë të nderuar nga myslimanët dhe hebrenjtë, informon albeu.com. Hamas, grupi militant islamik që sundon Gazën,  filloi të lëshonte raketa pasi paralajmëroi Izraelin të tërhiqej nga vendi, duke shkaktuar sulme ajrore hakmarrëse.

Deri më tani  janë vrarë 133 njerëz në Gaza dhe 8 në Izrael./albeu.com

The post Konflikti në Lindje të Mesme, i dërguari i SHBA mbërrin në Izrael për negociuar armëpushim appeared first on Albeu.com.