“Talmudi mëson se kushdo që shpëton një jetë të vetme, është sikur të ketë shpëtuar të gjithë botën”, tha Rama në konferencën ndërkombëtare për antisemitizmin “Generation Truth” të organizuar nga Ministria e Çështjeve të Diasporës dhe Luftës Kundër Antisemitizmit e Izraelit.

Takimi, i mbajtur në Jeruzalem për të dytin vit radhazi, që përkon me Ditën Ndërkombëtare të Përkujtimit të Holokaustit, mblodhi udhëheqës ndërkombëtarë dhe figura të komunitetit hebraik në Izrael, për të diskutuar rritjen globale të antisemitizmit.

“Antisemitizmi nuk është thjesht një urrejtje ndaj hebrenjve, por një sulm ndaj arkitekturës morale të vetë njerëzimit”, tha Rama.

“Bëhet fjalë për njerëzimin. Historia tregon se fillon me hebrenjtë, por nuk mbaron me hebrenjtë”, tha kryeministri Rama për “The Jerusalem Post”.

Paralajmërimi i Ramës, i cili është pjesërisht instinkt historik, pjesërisht gjykim politik, qëndron në fokus të marrëdhënies së tij me Izraelin.

Pikëpamja e Ramës për Jeruzalemin nuk është pikëpamja mesatare diplomatike, por vjen nga një botë ku ai u rrit duke u mësuar të urrente shtetin hebre.
Jeruzalemi diskutohet pas Perdes së Hekurt

Historia personale e Ramës fillon në një Shqipëri komuniste të izoluar nga bota, ku paranoja ishte politikë shtetërore dhe ku pak miq gjendeshin në të dyja anët e Perdes së Hekurt.

“Që kur isha fëmijë, isha i fiksuar pas Jeruzalemit”, tha ai.

“Ne jetonim në një vend krejtësisht të izoluar dhe na mësuan se duhej të përgatiteshim për “luftën e madhe”, sepse “ata” do të vinin për ne. “Ata” ishin imperialistët amerikanë, socialimperialistët sovjetikë dhe sionistët izraelitë”, shtoi Rama.

“Jeruzalemi vinte nëpërmjet dy kanaleve. Njëri ishte versioni i miratuar nga shteti, ai i nxënësve të shkollës që lexonin gazetën e Partisë Komuniste në mëngjes, me raporte rreth “sa keq ushtria sioniste vret, plagos ose zhvendos palestinezët”, tha kryeministri Rama.

“Kanali tjetër ishte më privat dhe shumë më i ndaluar nën regjimin e Enver Hoxhës”, shtoi ai.

“Kanali tjetër i lidhjes sime ishte Bibla e gjyshes sime, e cila ishte një katolike shumë e zjarrtë”, tha Rama.

“Bibla në atë kohë ishte e ndaluar, por ajo kishte një Bibël të vërtetë, dhe kështu edhe nëna ime”, shtoi ai.

“Pas rënies së komunizmit, nuk mund të vija në Izrael sepse nuk kishte udhëtime ajrore ose detare”, kujtoi ai.

“Por fillova të mësoja shumë më tepër rreth historisë së Jeruzalemit, dhe më në fund arrita të vija, dhe dashuria vetëm rritej që atëherë”, tha Rama.

Ishte pas Luftës së Ftohtë që marrëdhëniet moderne midis Izraelit dhe Shqipërisë u rindërtuan.

Marrëdhëniet u vendosën menjëherë pas themelimit të Izraelit, u ndërprenë për disa dekada dhe u rivendosën në fillim të viteve 1990.

Ambasadat u krijuan, më vonë si në Tel Aviv ashtu edhe në Tiranë, dhe bashkëpunimi u zgjerua në ekonomi, kulturë, bujqësi, kibernetikë dhe turizëm.

Në konferencën e Jeruzalemit, ai u rikthye te historia e kohës së luftës që është bërë karta morale e Shqipërisë: kodi i nderit i njohur si “Besa” dhe strehimi i hebrenjve gjatë Holokaustit.

“Kur Shqipëria u bë i vetmi vend në Evropë që nuk dorëzoi asnjë hebre gjatë Luftës së Dytë Botërore, popullsia hebraike u rrit gjatë luftës”, tha Rama, ndërsa i tha pjesëmarrësve se Shqipëria i kishte dhënë mbi 3,700 emra, Qendrës Botërore të Përkujtimit të Holokaustit “Yad Vashem” – të hebrenjve të shpëtuar gjatë Holokaustit.

“Gjatë Holokaustit, zyrtarët nazistë erdhën në Shqipëri me dy kërkesa: listat e hebrenjve dhe listat e arit”, tha Rama në konferencë.

Ai tha se përgjigjja u dha përmes autoriteteve të Shqipërisë dhe më pas u përforcua nga katër udhëheqësit fetarë të vendit – figurat që vetë nazistët i trajtuan si arbitra moralë dhe u përpoqën t’i angazhonin për të zgjidhur ato “dy çështje”.

“Por, përgjigjja e Shqipërisë nuk u përkul dhe nuk bëri pazar. Ishte e thjeshtë dhe përfundimtare: “Mund t’ua merrni arin, nuk mund t’i merrni hebrenjtë tanë. Ari ishte i tyre për ta marrë, hebrenjtë ishin tanët për t’i mbrojtur. Dhe kjo nuk është një legjendë, është një fakt”, theksoi Rama.

“Antisemitizmi po rishfaqet sërish hapur dhe pa turp, shpesh i maskuar si kritikë politike, ankth kulturor, ose edhe më keq, superioritet moral”, shtoi ai.

“Urrejtja nuk fillon me dhunë. Fillon me gjuhë. Fillon me indiferencë. Fillon me justifikime”, tha Rama.

“Sapo të fillosh të tolerosh antisemitizmin, në fakt po hap një vrimë në strukturën që i mban shoqëritë të qëndrueshme”, këmbënguli Rama.

“Është si të hapësh një vrimë, pastaj ajo bëhet gjithnjë e më e madhe me kalimin e kohës. Ose si të kesh një ndërtesë pa dritare ose dyer për mbrojtje”, shtoi ai.

Rama iu drejtua gjithashtu 7 tetorit dhe luftës dyvjeçare që pasoi, duke iu referuar perceptimit se Izraeli kishte dështuar në “luftën e PR” në Perëndim.

“Terrorizmi nuk është një perspektivë. Është thjesht një krim kundër njerëzimit. Masakra e 7 tetorit nuk ishte rezistencë. Ishte një vrasje masive”, tha ai.

Ai i pranoi vuajtjet palestineze në Gaza si “reale” dhe “vërtet zemërthyese”, por tha se detyrimet morale në Perëndim e kishin ngatërruar të vërtetën për disa njerëz.

“Ne jetojmë në kohë të vështira të së vërtetës, sepse tani opinionet po trajtohen si fakte dhe faktet po trajtohen si opinione”, tha ai.

“Është një rrëmujë. Më shumë se kaq, bazuar në besnikëri, njerëzit zgjedhin opinione se “kjo është e drejtë” dhe pastaj e konsiderojnë atë si fakt”, tha Rama.

“Është një çmenduri të turbullosh vijat morale ose të legjitimosh terrorin në emër të proporcionalitetit. Paqja nuk do të thotë dhe nuk mund të nënkuptojë neutralitet ndaj terrorit”, tha kryeministri Rama.

Gjatë intervistës, Rama argumentoi se marrëdhënia e Shqipërisë me Izraelin nuk kufizohet vetëm në historinë ceremoniale.

“Izraelitët, mund ta ndiejnë atë në terren, veçanërisht në një kohë kur hebrenjtë janë përballur me armiqësi në pjesë të Evropës”, tha ai.

Presidentja Osmani, kurorë lulesh për dy dëshmorët e familjes Humolli në Koshare
“Nuk kishte asnjë tubim, nuk kishte asnjë shenjë në asnjë formë antisemitizmi ndaj numrit shumë të gjerë të turistëve hebrenj që vijnë në Shqipëri”, tha ai, duke e krahasuar atë me vendet e tjera të afërta – ku tha se turistët hebrenj kishin vuajtur për shkak të luftës së Izraelit kundër Hamasit.

Megjithatë, pati momente më të lehta gjatë vizitës së tij. Kryetari i Knesset-it, Amir Ohana, i dhuroi Ramës një palë këpucë të dizenjuara me porosi të stampuara me flamurin shqiptar si shenjë vlerësimi.

Gjithashtu, kryeministri Rama pati takime për të çuar përpara Dhomën e Tregtisë së Shqipërisë në Izrael dhe një konferencë për shtyp së bashku me kryeministrin Benjamin Netanyahu.

Rama mori gjithashtu një duartrokitje në këmbë kur doli në podiumin e Knesset-it ndërsa do iu drejtohej ligjvënësve izraelitë.

Rama e shpjegoi këtë afërsi në terma më të thjeshtë.

“Mendoj se është normale të jesh mik me Izraelin, por është një nder të konsiderohesh një mik kaq i ngushtë i Izraelit”, tha Rama.

I pyetur se çfarë do të ndodhte më pas midis dy vendeve, Rama tha: “Shpresoj se do të kemi shumë gjëra të tjera të mira”.

Për Izraelin, vizita e Ramës ishte më shumë sesa thjesht një gjest diplomatik midis vendeve miqësore.

Jeruzalemi ka një aleat të vërtetë te kryeministri shqiptar, i cili mund të qëndrojë në skenë në kryeqytetin e përjetshëm të Izraelit dhe të citojë Talmudin.

Por për Ramën, përgjigjja është e qartë dhe kthehet te ideja e tij thelbësore e njerëzimit – se “nëse i lini të fillojnë me hebrenjtë, së shpejti do të vijnë për ju”.

The post Rama për “Jerusalem Post”: Kush shpëton një hebre, shpëton botën appeared first on Albeu.com.

Pelegrinë te krishterë kanë mbushur Kishën e lashtë të Varrit të Shenjtë për të shënuar traditën shekullore, sipas të cilës çdo vit në të shtunën e Madhe të pashkëve ortodokse, zjarri i shenjtë u kalohet me qirinj besimtarëve.

Ceremonia do të drejtohet nga Patriarku Theophilos III. Patriarku ortodoks grek i Jeruzalemit, pasi heq petkun e tij hierarkik dhe vishet me një rrobë të bardhë, hyn në dhomën e errët me ne duar tufa prej 33 qirinjsh, që simbolizojnë vitet e jetës tokësore të Jezu Krishtit, çka përbën dhe momentin kulmor të ceremonisë.

Atje, ai qëndron në lutje për rreth 15 minuta. Pak çaste më vonë, del duke mbajtur qirinjte e ndezur nga Zjarri i Shenjtë, çka shënon Ringjalljen.

Festa e Pashkës, që simbolizon pikërisht ringjalljen e Jezusit, zakonisht tërheq mijëra adhurues në Kishën e Varrit të Shenjtë, ku të krishterët besojnë se Jezusi u varros. Varri ndodhet në zemër të lagjes së krishterë të qytetit të vjetër në Jerusalemin Lindor, të aneksuar nga Izraeli pas luftës së vitit 1967, në një lëvizje që nuk njihet ndërkombëtarisht.

The post “Ejani merrni dritë”/ Nisin në Jerusalem përgatitjet për ceremoninë e Zjarrit të Shenjtë appeared first on Albeu.com.

Siç raportohet nga mediat e huaja, një sulm terrorist ka lënë të plagosur tre persona, të cilët ishin duke ecur në rrugë, kur u përplasën dhe u hodhën në ajër nga një mjet.

Më pas pasagjeri nxori një automatik të improvizuar “Carlo” për të gjuajtur, por arma duket se u bllokua.

Ai hodhi armën dhe u larguan me shpejtësi me mjetin e tyre, ndërkohë që autoritetet izraelite kanë nisur kërkimet për gjetjen dhe arrestimin e tyre.

Terrorist attack in #Jerusalem: Terrorists in a car ran over Israeli civilians, 150 meters away ran over more Israeli civilians, then got out of the car with automatic rifles and tried to shoot people, but the rifles jammed.

The terrorists have been detained. pic.twitter.com/AKXT5Y0UD1

— NEXTA (@nexta_tv) April 22, 2024

The post Pamje të rënda, makina përplas këmbësorët (VIDEO) appeared first on Albeu.com.

Dy persona, babë e bir, kanë mbetur të plagosur rëndë, ndërsa sulmuesi është qëlluar dhe plagosur nga kalimtarët dhe po mbahet në spital.

Sulmi erdhi pasi shtatë persona u vranë dhe të paktën tre të tjerë u plagosën, nga të shtënat të premten në një sinagogë në Jerusalemin Lindor. Policia ka arrestuar 42 persona në lidhje me atë sulm.

Duke përshkruar incidentin e së shtunës, i cili ndodhi në lagjen Silwan pak jashtë qytetit të vjetër të Jeruzalemit, një zëdhënës i policisë izraelite tha se sulmuesi u zuri pritë pesë personave ndërsa po shkonin për në lutje, duke lënë dy në një “gjendje kritike”.

“Kjo është një rritje e konsiderueshme e nivelit të terrori”, tha Dean Elsdunne, duke shtuar se “terroristi” po trajtohet në spital.

Në përgjigje të dy sulmeve, autoritetet kanë pozicionuar oficerë nga një njësi kundër terrorizmit “përgjithmonë” në zonën e Jerusalemit për “të reaguar menjëherë ndaj ngjarjeve të jashtëzakonshme sa herë që është e nevojshme”.

Burri që sulmoi sinagogën të premten u identifikua nga mediat lokale si një palestinez nga Jeruzalemi Lindor.

Adhuruesit izraelitë ishin mbledhur për lutje në fillim të Shabatit hebre në një sinagogë në lagjen Neve Yaakov të qytetit dhe po largoheshin kur personi i armatosur hapi zjarr. Policia tha se oficerët më pas e qëlluan për vdekje. /albeu.com

The post Sulmi me dy të plagosur në Jerusalem, policia arreston një 13-vjeçar appeared first on Albeu.com.

“Shtëpia e shqiptarit i përket mikut dhe Zotit”, tha ndër të tjera Rama.

“Ka një komponent themelor që bashkon ardhjet masive të hebrenjve në Shqipëri. Ata nuk janë drejtuar asnjëherë drejt këtij porti të qetë, por vetëm kur kanë qenë më të rrezikuarit. Vendbanimet më të hershem të hebrenjve u krijuan në jug të Shqipërisë.  Ndërsa kudo tjetër hebrenjtë po shfaroseshin Shqipëria i dha barazi etnike. Shtëpia e shqiptarit i përket mikut dhe Zotit. Fjala mik nuk ka kuptim njeriun e ftuar por atij që troket në portë sepse ka nevojë për ndihmë. Tradhtia ndaj këtij miku në Kodin e Nderit së shqiptarit është krim”, tha Rama.

Kreu i qeverisë gjithashtu u ka bërë thirrje përfaqësuesve politikë që takoi që vitin e ardhëm të mbajnë konferencën në Shqipëri dhe u premtoi se nuk do të pendohen nëse vizitojnë vendin tonë.

“Nuk mund të bëhesh kryeministër i Shqipërisë nëse nuk je fëmijë i vështirë. Unë mërzitesha me prindërit e mi dhe gjyshja më thoshte: “Mos u shqetëso, rri i qetë. Kështu janë prindërit. Je djalë dhe djemtë bëhen burra dhe burrat nga natyra nuk janë krijesa të përsosura dhe perfektë. Por ka një gjë që nuk duhet ta harrosh. Një burrë mund të përballojë të bëjë gabime, por nuk mund të përballojë të jetë i mërzitshëm. Jam i lumtur t’ju them nëse doni një vend të bukur për të mbajtur konferencën e radhës, ejani në Shqipëri vitin e ardhshëm. Ju premtoj se nuk do të pendoheni. Mund të mos mësoni më shumë nga sa dini, por nuk do të mërziteni”, u shpreh Rama.

The post Rama në Jerusalem, flet për strehimin e hebrenjve: Shtëpia e shqiptarit, e mikut dhe e Zotit appeared first on Albeu.com.

“Jerusalem – Takimi me Presidentin, Isaac Herzog”, shkruan Rama.

Kujtojmë se Rama prej ditës së djeshme ndodhet në Izrael, me ftesë të kryeministrit Yair Lapid.

Fokusi i takimeve me zyrtarët izraelitë do të jetë mbi sigurinë kibernetike dhe sulmet kibernetike iraniane ndaj vendit tonë./albeu.com

The post Rama në Jerusalem, takohet me presidentin Isaac Herzog (VIDEO) appeared first on Albeu.com.

Sulmuesit qëlluan në një autobus dhe hapën zjarr në një parkim makinash pranë Murit historik Perëndimor në orën 01:24 me orën lokale (22:24 GMT), thanë zyrtarët e emergjencës.

Policia ka nisur një kërkim për personat e armatosur, të cilët u larguan pas sulmeve.

Një zëdhënës i policisë tha për mediat lokale se incidenti po trajtohet si një sulm i dyshuar terrorist.

Të plagosurit, gjashtë burra dhe një grua, janë dërguar në spitalet në Jerusalem, për të marrë ndihmë mjekësore.

Në një deklaratë për BBC, kryeministri izraelit Yair Lapid tha se forcat e sigurisë “po punonin për të kapur terroristin” dhe u zotua se kushdo i përfshirë në sulm do të “paguante një çmim për çdo dëm ndaj civilëve tanë”.

Muri Perëndimor është një nga vendet më të shenjta në judaizëm dhe mijëra adhurues shkojnë në një pelegrinazh atje çdo vit për t’u lutur.

Sulmi vjen një javë pasi 44 persona u vranë në Rripin e Gazës gjatë shpërthimit më serioz që nga një konflikt 11-ditor në maj 2021.

Tre ditë dhune panë forcat izraelite që synonin udhëheqësit e Xhihadit Islamik Palestinez (PIJ) dhe militantët që gjuanin raketa në Izrael./albeu.com

The post Sulm terrorist në Jerusalem një javë pas tensioneve në Rripin e Gazës, 7 të plagosur appeared first on Albeu.com.

Mësohet nga mediat e huaja se si pasojë e kësaj, tre makina kanë rënë brenda.

Megjithatë nga burimet paraprke besohet se gropa është shkaktuar nga një tunel autostrade, që është duke u hapur aty pranë. Fatmirësisht, nga ky incident nuk ka pasur të lënduar, ndërsa pamje të shumta tregojnë makinat teksa “gëlltiten” nga gropa.

The post Hapet papritur gropa në mes të rrugës, “përpin” 3 makina (VIDEO) appeared first on Albeu.com.

Kjo ngjarje vjen vetëm pak javë pasi 45 persona humbën jetën në një festival ultra ortodoks në malin Meron, në Izraelin verior.

Sipas medieve të huaja, policia bën me dije se rreth 650 adhurues ultra-ortodoksë ishin në sinagogën në Givat Zeev, një vendbanim hebre në Bregun Perëndimor.

Pamjet tregojnë momentin e shembjes së ulëseve dhe njerëzit që bien mbi njëri tjetrin.

Raportet fillestare nga shërbimi i ambulancës thanë se mjekët ofruan shërbim për rreth 60 të plagosur, duke përfshirë rreth 10 në gjendje kritike për jetën.

Më vonë u konfirmuar se 2 persona kishin ndërruar jetë, teksa dhjetëra të tjerë ishin lënduar.

The post Shembet Sinagoga në veri të Jerusalemit, 2 të vdekur dhe dhjetëra të plagosur (VIDEO) appeared first on Albeu.com.