Futbollisti 24-vjeçar pritet të bëhet baba në muajin korrik dhe ka theksuar hapur se nuk dëshiron të mungojë në një nga çastet më të rëndësishme të jetës së tij, edhe në rast se Belgjika vazhdon garën në turne.

“Askush nuk dëshiron ta humbasë lindjen e fëmijës së tij të parë. Është një moment unik në jetë”, deklaroi Doku.

Qëndrimi i tij, megjithatë, ndezi diskutime në Francë. France Pierron, prezantuesja e “L’Equipe”, e vuri në kritikë mundësinë që lojtari të largohej, duke u shprehur se babai është “i padobishëm” gjatë lindjes së një fëmije. Këto komente sollën reagime të shumta dhe çuan si median franceze, ashtu edhe vetë prezantuesen, të kërkonin falje publike.

Pas kësaj, lojtari belg ka marrë mbështetje të konsiderueshme nga figura të ndryshme të futbollit. Mes tyre ishte edhe sulmuesi i Anglisë, Ollie Watkins, baba i dy fëmijëve, i cili nënvizoi se lindja e fëmijës së parë është një përjetim që nuk zëvendësohet.

“Mendoj se është e gabuar të quhet e neveritshme. Kam parë çfarë ka kaluar gruaja ime dhe e di sa i rëndësishëm është ai moment. Është një bekim dhe e kuptoj plotësisht Dokun”, tha Watkins.

Në anën e Doku u pozicionua edhe Asociacioni i Futbollistëve Profesionistë, që theksoi se lojtarëve duhet t’u jepet mundësia të ruajnë ekuilibrin mes karrierës dhe çasteve më të rëndësishme familjare.

“Lojtarët janë njerëz para se të jenë sportistë dhe duhet të mbështeten në situata të tilla”, thuhet në reagimin e organizatës.

Raste të ngjashme nuk mungojnë edhe më herët në futboll. Në Kupën e Botës 2018, Fabian Delph u largua nga grumbullimi i Anglisë për të qenë pranë bashkëshortes gjatë lindjes së vajzës së tij.

Po ashtu, David Silva mungoi në disa ndeshje të Manchester Cityt pas lindjes së parakohshme të djalit të tij, ndërsa David De Gea mori pushim të zgjatur pas ardhjes në jetë të vajzës së tij.

Nga ana tjetër, ka pasur edhe futbollistë që nuk kanë arritur të jenë fizikisht të pranishëm. Mbrojtësi norvegjez Leo Ostigard e ndoqi lindjen e djalit të tij përmes një videolidhjeje gjatë qëndrimit në Kupën e Botës, ndërsa Ruben Neves e pa ardhjen në jetë të fëmijës së tij nga telefoni, për shkak të kufizimeve të udhëtimit gjatë pandemisë.

Aktualisht nuk dihet ende nëse Doku do të largohet nga kampi i Belgjikës, por federata belge pritet të mbështesë çdo vendim që ai do të marrë në lidhje me familjen e tij.

The post Doku merr përkrahje të gjerë pasi tha se mund të largohet nga Kupa e Botës për lindjen e fëmijës së parë appeared first on Albeu.com.

21-vjeçari realizoi një ëndërr fëmijërie për të luajtur në Ligën Premier verën e kaluar, kur iu bashkua Manchester Cityt nga skuadra e Ligue 1, Rennes.

Ai hapi llogarinë e tij kundër West Hamit në mes të shtatorit dhe vazhdoi të lulëzojë, duke shënuar tre gola dhe gjashtë asistime në 12 paraqitjet e tij të para.

Pas një sezoni torturues të mbrojtësve të krahut, belgu përfundoi sezonin 2023/24 me disa statistika mbresëlënëse.

Përveçse mburrej me paraqitjet më progresive në Ligën Premier, ai përfundoi i dyti për driblime të suksesshme (168 tentime me 51.2% sukses).

Në fakt, gjatë barazimit 1-1 të Cityt kundër Liverpoolit në nëntor, Doku përfundoi më shumë driblime (11) se çdo lojtar i Ligës Premier që nga shtatori 2021.

Anësori i lindur në Antwerp shpesh ka dalë fitues kur bëhet fjalë për betejat një me një këtë sezon, megjithëse një lojtar dallohet si kundërshtari i tij më i vështirë.

Në nëntor, Doku dhe shokët e tij të Cityt u ndeshën kundër Chelseat në barazimin 4-4 në Stamford Bridge dhe belgu ka mbetur i impresionuar nga reprezentuesi anglez, Reece James, teksa ka folur për sezonin e tij.

“Kam luajtur kundër shumë mbrojtësve të mirë. Tani është bërë shumë më e vështirë me skuadrat që luajnë më shumë në mbrojtje. Do të thosha Reece James. Mendoj se ai është një mbrojtës shumë i fortë dhe i mirë, dhe një nga më të vështirët kundër të cilëve kam luajtur ndonjëherë”, ka thënë fillimisht Doku për SPORTbible.

Përveçse foli për kundërshtarin e tij më të fortë, Doku tregoi edhe frymëzimet e tij më të mëdha.

“Unë jam një driblues kështu që gjithmonë jam frymëzuar nga ata më së shumti. Messi dhe Neymar, kundër të cilëve kam luajtur, më frymëzojnë, ashtu si edhe Ronaldinho”.

“Më frymëzon edhe Eden Hazard, me të cilin kam pasur mundësinë të luaj”.

Lojtarët e kombëtares sime më frymëzojnë gjithashtu si Kevin De Bruyne, Vincent Kompany dhe Romelu Lukaku”, përfundoi ylli i Cityt. /telegrafi/

The post Jeremy Doku tregon kundërshtarin e tij më të vështirë, zbulon edhe emrat e yjeve që e frymëzojnë appeared first on Albeu.com.