Agjencia e lajmeve “Reuters” shkruan se; “Balluku u shkarkua, ndërsa ajo përballet me akuzat për abuzime me tenderat publik”, ndërsa theksohet se këto akuza kanë nxitur edhe protestat e opozitës.

“Struktura e Posaçme kundër Korrupsionit dhe Krimit të Organizuar, e njohur si SPAK, ngriti aktakuzë ndaj Ballukut në dhjetor, nën dyshimin se ka ndërhyrë në dhënien e dy kontratave ndërtimi në vitin 2021, me vlerë mbi 200 milionë euro”, thuhet më tej në shkrimin e “Reuters”.

Ndërkohë, Parlamenti pritet të vendosë më 5 mars nëse do të votojë apo jo për heqjen e imunitetit të Belinda Ballukut, duke i hapur rrugë SPAK për ta arrestuar atë.

Kryeministri, i cili drejton vendin që prej vitit 2013, nuk dha arsye konkrete për shkarkimin e saj, që erdhi në kuadër të një riorganizimi më të gjerë të qeverisë, ku u prekën shtatë poste, përfshirë ministrat e Mbrojtjes dhe të Jashtëm.

Zëdhënësja e qeverisë, Manjola Hasa, deklaroi për Reuters se; “Rama kishte paralajmëruar që në fillim të mandatit se riorganizimet mund të ishin më të shpeshta, ndërsa gjatë katër muajve të fundit kishte refuzuar tre herë dorëheqjen e Ballukut”.

“Që prej marrjes së saj të pandehur, forca më e madhe opozitare, ka organizuar protesta duke kërkuar dorëheqjen e Ramës. Gjatë tubimeve janë regjistruar përplasje, ku protestuesit kanë hedhur bomba molotov, ndërsa ka pasur të lënduar si nga radhët e policisë ashtu edhe të demonstruesve”, shkruan Reuters.

Shqipëria, e cila synon anëtarësimin në deri në vitin 2030, përballet me presion nga Brukseli për të intensifikuar luftën kundër korrupsionit dhe krimit të organizuar.

Zyrtarë të BE-së, kanë deklaruar se po ndjekin nga afër mënyrën se si qeveria po i trajton çështjet e korrupsionit, duke theksuar se progresi në këtë drejtim është kyç për integrimin evropian të vendit.

The post Shkarkimi i Ballukut jehonë në mediat ndërkombëtare/ “Reuters”: SPAK e akuzon për abuzime me tenderat, BE ndjek qeverinë shqiptare si po trajton çështjet e korrupsionit appeared first on Albeu.com.

“Mijëra njerëz u mblodhën në sheshin kryesor të martën në mbrëmje për të kërkuar dorëheqjen e zëvendëskryeministres Belinda Balluku, e cila akuzohet për korrupsion. Disa demonstrues hodhën Molotovë drejt një ndërtese qeveritare, dhe policia përdori ujë me presion.[…]Tensionet politike u përshkallëzuan në dhjetor pasi një zyrë e prokurorit të posaçëm ngriti akuza kundër Ballukut. Ajo akuzohet për ndërhyrje në tenderët publikë për projekte të mëdha infrastrukturore dhe favorizim të kompanive të caktuara. Balluku, e cila është gjithashtu Ministre e Energjisë dhe Infrastrukturës, i mohon akuzat”.

Gazeta gjermane “Die Zeit”, i kushton vëmendje protestës në Shqipëri, duke theksuar shkallëzimin e saj.

“Përleshje shpërthyen midis policisë dhe demonstruesve gjatë një proteste kundër qeverisë shqiptare në kryeqytetin e vendit, Tiranë. Sipas policisë, të paktën 16 oficerë u plagosën dhe 13 persona u arrestuan. […] Mijëra mbështetës të opozitës kërkuan dorëheqjen e qeverisë së kryeministrit Edi Rama në një demonstratë. Qeveria është kritikuar ashpër për shkak të akuzave për korrupsion që përfshijnë zëvendëskryeministren Belinda Balluku. Anëtarëve të parlamentit iu bë thirrje të heqin imunitetin e saj parlamentar në mënyrë që ajo të mund të ndiqet penalisht. Rama kishte refuzuar ta shkarkonte Ballukun”.

Ndërsa portali NTV, shkruan se qytetarët janë të zemëruar në kohën kur, prokuroria heton në një rast të dyshuar korrupsioni kundër zëvendëskryeministres, Balluku. Sërish shpërthyen protesta në Tiranë.

“Përleshje të dhunshme shpërthyen midis policisë dhe protestuesve antiqeveritarë në kryeqytetin e Shqipërisë, Tiranë. Mijëra njerëz u mblodhën në sheshin kryesor të martën në mbrëmje, duke kërkuar dorëheqjen e zëvendëskryeministres Belinda Balluku, e cila përballet me akuza për korrupsion. Demonstruesit, shumë prej të cilëve ishin të maskuar, hodhën kokteje Molotov në një ndërtesë qeveritare, duke bërë që policia të përdorte ujin me presion. […]Këto trazira janë të fundit në një seri protestash të dhunshme që kanë kërcënuar gjithnjë e më shumë sundimin e Kryeministrit Edi Rama, i cili filloi në vitin 2013”.

“Në kryeqytetin e Shqipërisë, Tiranë, shpërthyen përleshje të dhunshme midis policisë dhe kundërshtarëve të qeverisë. Mijëra njerëz u mblodhën në sheshin kryesor të martën në mbrëmje për të kërkuar dorëheqjen e zëvendëskryeministres Belinda Balluku, e cila akuzohet për korrupsion. Demonstruesit hodhën kokteje Molotov në një ndërtesë qeveritare dhe policia përdori ujin me presion. Trazirat janë të fundit në një seri protestash të ashpra që po kërcënojnë gjithnjë e më shumë qeverisjen e kryeministrit Edi Rama, që zgjat që nga viti 2013”, shkruan RTR për Gjermaninë.

Radioja gjermane “Deutschland Funk”, shkruan se në kryeqytetin shqipat ka pasur përplasje me policinë në një demonstratë të opozitës në Tiranë.

“Pas fjalimit të politikanit të opozitës së djathtë, Berishës, përpara selisë së qeverisë, demonstruesit hodhën molotovë dhe gurë drejt policisë. Më vonë, pjesëmarrësit u përpoqën të thyenin barrikadat e policisë gjatë rrugës për në parlament. Policia u përgjigj me ujë me presion dhe gaz lotsjellës.[…] Të dy kampet politike akuzojnë njëri-tjetrin për korrupsion. Berisha akuzohet për dhënie kontratash publike bashkëpunëtorëve, gjë që ai e hedh poshtë. Të mërkurën, një komision parlamentar është planifikuar të diskutojë kërkesën nga zyra e prokurorit publik për heqjen e imunitetit të zëvendëskryeministres Balluku. Kërkesa ka të bëjë me akuzat për përfshirjen e saj në një rast korrupsioni që lidhet me kontratat publike”./DW

The post Mijëra protestues kërkojnë dorëheqjen e Ballukut/ Protesta e opozitës jehonë në mediat gjermane: SPAK e akuzon për abuzime me tendera, qytetarët të zemëruar me qeverinë appeared first on Albeu.com.

Për këtë në Turqi i kanë bërë jehonë, duke kujtuar periudhën e artë te Konjaspor.

Vlera e 29-vjeçarit është 2.5 milionë euro në tregun e “transfermarkt”. Anësori i krahut të majtë po ashtu, numëron 24 paraqitje me përfaqësuesen e Kosovës, ku ka gjetur një herë golin.

Disa klube kanë përfituar nga shitja e kartonit të sulmuesit. Olimpiakos e afronte Bytyqin për 1 milion euro, ndërsa e shiti më pas te Antaliaspor për 3.5 milionë eruo. Rënia e tij filloi pikërisht dy vite më parë.

Zymeri u largua nga CSKA pikërisht për shkak të paraqitjeve. Në Turqi ndërkohë është shpërndarë si profil, duke treguar vlerësimin e tij për Konjaspor.

The post Vlerësohet 2.5 milionë euro dhe ka mbetur pa ekip, sulmuesit shqiptar i bëjnë jehonë në Turqi appeared first on Albeu.com.

CNN ka raportuar për ngjarjen e paprecedentë, duke theksuar se sulmi ndodhi në një vend që ka ndërmarrë prej vitesh reforma të thella në drejtësi, por që përballet ende me sfida të mëdha në funksionimin e sistemit.

Sipas CNN, vrasja ka ndodhur në një moment kur tensionet lidhur me konfliktet e pronësisë, zvarritjet e proceseve dhe besimi ndaj sistemit gjyqësor janë ende të larta.

Shkrimi nga CNN:

Një gjyqtar në Gjykatën e Apelit të Tiranës, u qëllua për vdekje të hënën nga një burrë i përfshirë në një gjyq, njoftoi policia shqiptare.

Astrit Kalaja, gjyqtar i njohur në sistemin e drejtësisë, u qëllua brenda sallës së gjyqit nga një i dyshuar 30-vjeçar me inicialet E.Sh. Kalaja ndërroi jetë gjatë transportit drejt spitalit, si pasojë e plagëve të marra.

Sipas autoriteteve, autori i armatosur qëlloi edhe dy persona të tjerë të pranishëm në sallë. Të plagosurit janë jashtë rrezikut për jetën.

Policia njoftoi se autori u largua me vrap nga vendngjarja, por u arrestua pak orë më vonë, ndërsa iu gjet dhe arma e përdorur në krim – një revole.

Autoritetet nuk kanë dhënë ende informacion zyrtar mbi motivin e ngjarjes. Nga të dhënat paraprake të publikuara në faqen e gjykatës, rezulton se çështja kishte lidhje me një konflikt prone.

Ngjarja ka ndodhur në një kontekst ku Shqipëria, me mbështetjen e Bashkimit Evropian dhe Shteteve të Bashkuara, ka ndërmarrë reforma të thella në sistemin gjyqësor që nga viti 2016.

Megjithatë, sistemi vijon të përballet me sfida serioze, përfshirë vonesat shumëvjeçare të mijëra çështjeve, por edhe tensionet e rritura në çështje delikate si ato të pronave.

Vrasja e gjyqtarit brenda sallës së gjyqit, ka ngritur shqetësime serioze për sigurinë në institucionet e drejtësisë në Shqipëri dhe për klimën e tensionuar që vijon të shoqërojë procese të caktuara gjyqësore në vend.

The post Vrasja e gjyqtarit Astrit Kalaja jehonë në mediat e huaja, shkrimi i CNN për ngjarjen e rëndë në sallën e gjyqit appeared first on Albeu.com.

Mediat greke, raportojnë lajmin duke theksuar se tani Beleri do të jetë i lirë të kryejë detyrën si eurodeputet.

“Eurodeputeti, i cili qëndroi në burg për 16 muaj, kishte bërë kërkesën përkatëse që në korrikun e kaluar ashtu siç i takon sipas ligjit shqiptar, pasi kishte kryer 2/3 e dënimit.

Pas këtij vendimi, Fredi Beleri, do të mund të kryejë pa ndërprerje detyrat e tij në Parlamentin Evropian. Sipas ERT, edhe pse prokurori publik refuzoi kërkesën e Beleri, gjykata vendosi se ka arsye për lirimin e tij nga burgu vetëm me një kusht kufizues, që ai të komunikojë me autoritetet policore disa herë në muaj pasi duhet të jetë në Bruksel.

Pas vendimit të gjykatës së shkallës së parë në Fier, Beleri është transferuar në burg për procedimin dhe pritet të lirohet rreth orës 16.00.

Sipas të njëjtave informacione, dhjetëra banorë të Heimarës do të presin jashtë burgut zotin Beleri, ndërsa po përgatisin një festë për lirimin e tij”, thuhet në artikullin e Protothema.gr.

The post Mediat greke jehonë lirimit të Fredi Belerit: Himariotët po i përgatisin festë, ja kur do të dalë përfundimisht nga burgu appeared first on Albeu.com.

Harrojini Maldivet dhe drejtohuni në destinacionin mesdhetar, Shqipëri, shkruan e përditshmja amerikane “The US Sun”.

Riviera Shqiptare, me pamje nga detet Adriatik dhe Jon, është më pak se tre orë larg me fluturim nga Britania e Madhe.

Vendi bregdetar ofron plazhe të stilit Maldive, me shezlongë dhe çadra prej kashte, të cilat mund të rezervohen për 8 paund në ditë.

Shezlongët mbi ujë, gjenden në një nga plazhet me rërë në Shqipëri dhe jo në mes të Oqeanit Indian.

Pranë Ksamilit, në Jug të Shqipërisë, ndodhet një plazh privat me rrjeta mbiujore.

Shqipëria mund të mos jetë vendi i parë që u shkon në mendje britanikëve kur mendojnë për një destinacion pushimi, por Riviera e saj ka fituar zemrën e shumë udhëtarëve falë plazheve të saj të bukura dhe kohës së shkurtër të fluturimit.

Plazhi i pabesueshëm i stilit Maldive Pema E Thatë, është një plazh privat që ka akses në ujërat e mahnitshme blu të vendit.

Në plazhin Pema E Thatë ofrohen kasolle që mund t’i merrni me qira për një ditë për vetëm 8,06 paund.

Çdo kasolle ka dy jastëkë, dy dyshekë dhe një hamak rrjetë me pamje nga deti, ashtu si vilat mbi ujë në Maldive.

Fluturimet për në Shqipëri nuk janë vetëm më të shpejta se fluturimet për në Maldive, por janë edhe më të shpejta se në ishujt Kanarie, pasi nevojiten vetëm tre orë për të fluturuar nga Britania e Madhe.

Fluturimet direkte janë zakonisht të lira, duke filluar nga 60 paund.

Gjithçka është e lirë në Shqipëri për shembull, një gotë verë kushton 1,70 paund dhe një krikëll birrë kushton vetëm 1,10 paund.

The post Media amerikane: Ksamili, vendpushimi mesdhetar i ngjashëm me Maldivet appeared first on Albeu.com.

Evropa është shtëpia e disa prej vendeve më të mrekullueshme, të larmishme në botë, të cilat ofrojnë çmime efektive për t’u vizituar. Kështu që, nëse po ëndërroni për pushime në Evropë në vitin 2024, kjo mund të bëhet realitet.

Në kemi përzgjedhur 12 vendet më të lira për t’u vizituar në Evropë; Shqipëria, Bullgaria, Mali i Zi, Hungaria, Sllovenia, Portugalia, Republika Çeke, Estonia, Rumania, Sllovakia, Polonia, Bosnje-Hercegovina.

Shqipëria

E izoluar nga pjesa tjetër e kontinentit përgjatë shekullit të XX, Shqipëria ka qenë prej kohësh një nga sekretet e ruajtura më së miri të Evropës. Sot portat e saj janë të hapura dhe shumë shpejt vendi do të mbipopullohet nga turistët dhe bukuritë e Shqipërisë do të bëhen më të njohura. Përpara se Shqipëria të preket nga turmat masive,  zbuloni këtë vend jashtëzakonisht të larmishëm dhe një nga enigmat më të mëdha të kontinentit.

Vija bregdetare gjarpëruese, e quajtur Riviera Shqiptare është e mbushur me plazhe ëndërrimtare me ujëra në ngjyrë blu të thellë dhe vendpushime magjepsëse, si Dhërmiu dhe Ksamili.

Akomodimi, ushqimi dhe udhëtimi janë mjaft të lira. Në brendësi të vendit, do të gjeni male të larta, kala, kështjella dhe rrënoja të panumërta të lashta greke dhe romake. Nëse jeni adhurues i historisë, aventurave apo i apasionuar pas plazhit, Shqipëria ofron gjithçka për të gjithë.

Kryeqyteti i gjallë, Tirana, është një vend i shkëlqyer për të eksploruar pjesën tjetër të Shqipërisë dhe është një nga qytetet më të përballueshme në Evropë.

The post Media britanike “jehonë” Shqipërisë: Mes 12 vendeve evropiane më mahnitëse për t’u zbuluar appeared first on Albeu.com.

Revista prestigjioze “House and Garden” e ka prezantuar Shqipërinë si një vend piktoresk, duke vlerësuar stilin e jetesës në fshatrat shqiptare, ku vende vende gjen rënoja piktoreske ilire dhe një mënyrë jetese që ndihet pothuajse e paprekur nga koha.

Përmes një mesazhi në rrjetet sociale, Rama i ka bërë jehonë reportazhit i cili mes rreshtash përshkruan bukuritë e Adriatikut, malet në Parkun Kombëtar të Llogarasë ndonjëherë pluhurosen me borë në dimër, rrënojat me diell të Apolonisë apo qytetin e gurtë të Gjirokastrës.

“House and Garden” e konsideron Shqipërinë një vend ku ndërthuren gjurmët e lashta të historisë, traditat artizanale, shpirtërore, folklorike me frymën për t’i rikrijuar, rigjallëruar e përmes ekoturizmit modeleve të qëndrueshme të zhvillimit e të mikpritjes.

The post Revista prestigjioze “House and Garden” jehonë bukurive shqiptare: Vendi piktoresk ku ndërthuren traditat me gjurmët e lashta të historisë, folklorin e frymën për t’i rikrijuar appeared first on Albeu.com.

“Ky është momenti shokues kur e moshuara rrihet nga infermierja në një azil në Kosovë. Punonjësja e shtëpisë së pleqve ‘Orenda’ në Pejë, mban duart e të moshuarës dhe e godet me shuplakë disa herë. Shihen dy gra tjera në video dhe një tjetër duke filmuar, që dëgjohet duke qeshur me zë ndërsa koleget e saj sulmojnë të moshuarën”, shkruan prestigjozja britanike, Daily Mail.

Mbarë opinioni publik në Kosovë dhe Shqipëri është tronditur nga dhuna që punonjësja Aurona Pelaj ka ushtruar ndaj të moshuarës në një azil në Pejë, Kosovë
Punonjësja shihet duke goditur me shpulla dhe këmbë në bark të moshuarën ndërsa vajzat e tjera e filmojnë dhe qeshin.

E moshuara është nëna e dëshmorit Taulant Nura. Sakaq mediet në Kosovë raportojnë se e moshuar ndodhet ende në azil, dhe se të afërmit e saj janë në pritje të një dokumenti për ta nxjerre atë nga azili i të moshuarve.

Video është xhiruar nga një anëtarë tjetër e stafit, teksa në video dëgjohen edhe të qeshura. Policia ka konfirmuar se dy punonjëse të shtëpisë së pleqve “Orenda” janë arrestuar, përfshirë edhe kujdestaren, Aurona Pelaj, që shihet duke e goditur me shuplakë në fytyrë dhe në kokë të moshuarën, e cila është e pafuqishme të reagojë.

Autorja është nga fshati Novosellë e Pejës dhe ka disa muaj që punon në këtë qendër. Prokuroria Themelore në Pejë, ka njoftuar se ka angazhuar dy prokurorë për ta hetuar rastin. “Dy prokurorët e shteti dhe Policia e Kosovës kanë identifikuar dhe arrestuar dy persona të dyshuar dhe të njëjtit me urdhër të Prokurorit të Shtetit janë ndaluar për 48 orë, nën dyshimin se në bashkëpunim kanë kryer veprën penale ‘Sulm’ dhe veprën penale ‘ndihma për kryerjen e veprës penale të sulmit” thuhet në njoftimin zyrtar.

Në lidhje me ngjarjen ka reaguar edhe ministri i brendshëm, Xhelal Zveçla, i cili përmes një postimi në rrjetet sociale ka kërkuar që të gjithë përgjegjësit të çohen para drejtësisë.

The post Daily Mail i bën jehonë skandalit në Pejë: Tronditëse, infermierja rreh të moshuarën në azil appeared first on Albeu.com.

Botërori fillon së shpejti, pas pak më shumë se një muaji, por Messi nuk e përfshiu kombëtaren e tij në rrethin më të ngushtë të favoritëve.

“Kur flasim për favoritë, sigurisht që ka kombëtare të mëdha si Brazili, Gjermania, Anglia dhe Spanja. Duhet të kem harruar dikë tjetër. Nëse do të më duhej të zgjidhja një ose dy kombëtare, atëherë do të thosha se Brazili dhe Franca janë dy favoritët më të mëdhenj për të fituar kampionatin botëror, tha Messi për Direct TV. /G.D albeu.com/

The post Kush do ta fitojë Kupën e Botës? Fjalët e Messit bëjnë jehonë në mbarë botën! appeared first on Albeu.com.