Kronologjia e ngjarjes së rëndë:

Rreth orës 19:15 të datës 10 qershor makina luksoze nën drejtimin e 19-vjeçarit Jehon Breçani djali i ish- numrit dy të Policisë së Shtetit Erzen Breçani për shkak të shpejtësisë doli nga rruga në zonën e Kinostudios dhe goditi vajzën 23-vjeçe dhe më pas u përplas me një pemë që ishte buzë rrugës duke përfunduar në fund në murin e një zyre noterie.

Vajza Xhesina Gega humbi njërën këmbë në vend nga goditja duke përfunduar rëndë në spital, ndërsa disa ditë më pas gjendja u stabilizua. Për Breçanin fillimisht u dha masa e sigurisë “arrest me burg”, por më pas ajo u ndryshua në “arrest shtëpie” dhe i riu iku menjëherë në shtëpi pasi u shërua nga dëmtimet e marra prej aksidentit.

Prokuroria e Tiranës apeloi vendimin duke kërkuar ndryshimin e masës së sigurisë për Breçanin nga “arrest shtëpie” në “arrest me burg”. Por ditën e sotme, gjykata e Apelit në njoftimin për mediat thekson se prokuroria u tërhoq nga ankimimi.

“Referuar kërkesës së paraqitur nga organi i prokurorisë për heqjen dorë nga ankimi, vendosi “mospranimin e ankimit ndaj vendimit nr.938/1 akti, datë 25.06.2021 të Gjykatës së Rrethit Gjyqësor Tiranë për shkak të heqjes dorë prej ankimit. Pra është vendosur që të mbetet në fuqi masa “arrest shtëpie” për Jehon Breçanin”.

Ngjarja e rëndë shkaktoi mjaft reagim publik pasi arroganca dhe pakujdesia e të rinjve të pasur me makine luksoze në rrugët e Shqipërisë është duke rrezikuar çdo ditë jetën e qytetarëve. /abcnews.al

The post Aksidenti i frikshëm që i këputi këmbën vajzës, djali i ish-shefit të Policisë shpëton paq: Të qëndrojë në shtëpi! appeared first on Albeu.com.

Gjykata ka ndryshuar masën e sigurisë për djalin e ish-zv.drejtorit të Policisë së Shtetit, nga “arrest me burg” në “arrest shtëpie”.

Në lidhje me këtë vendim, ka reaguar Prokuroria, ku ka parashtruar 4 argumente dhe ka theksuar se dëmtimet që e reja ka pësuar janë mjaft të rënda ndërsa 19-vjeçari ka qenë duke udhëtuar në shkelje të rregullave të qarkullimit rrugor.

Argumentet e prokurorisë

-Pavarësisht se ende nuk është përcaktuar mekanizmi i zhvillimit të aksidentit, dëmtimet e viktimës në momentin e parë të ngjarjes kanë qenë të një shkalle të tillë që kanë sjellë nevojën që të dërgohet në urgjencën e Spitalit Universitar të Traumës dhe referuar fakteve të njohura botërisht se viktima ka humbur një gjymtyrë të poshtme. Gjatë seancës së shqyrtimit të kësaj kërkese nga ana jonë është paraqitur akti i ekspertimit mjeko-ligjor të viktimës ku ka rezultuar se dëmtimet kanë qenë të rënda dhe viktima ka gjymtim të përhershëm në masën mbi 1/3 të aftësive të përgjithshme.

-Së dyti, pavarësisht se nuk është përfunduar akti i ekspertimit autoteknik, qartazi nga rrethanat e ngjarjes të bëra tashmë publike, personi nën hetim nuk ka qenë duke zbatuar rregullat e qarkullimit rrugor.

-Gjithashtu pavarësisht rrethanave personale të personit nën hetim, gjendjes së tij shëndetësore, për të cilën ende nuk është administruar akti i ekspertimit si dhe faktit të normalizimit të marrëdhënieve, këto rrethana nuk ndikojnë në kualifikim ligjor të faktit penal. Vepra penale parashikuar nga neni 290/2 i K. Penal ka një rrezikshmëri të lartë ndaj dhe dispozita parashikon burgimin që fillon nga 1 deri në 5 vjet. Në këto kushte vlerësojmë se në bazë të akteve që disponohen deri në momentin e caktimit të masës nuk ndodhemi në kushtet e zëvendësimit të masës së sigurimit personal.

-Së fundmi, duhet mbajtur parasysh fakti se pavarësisht praktikës së ndjekur për caktimin e masave të sigurimit persona ndaj këtyre shtetasve dhe rrethanave personale, numri i rasteve të arrestimit në flagrancë në këtë kategori veprash penale, vijon të mbetet i lartë, çka tregon që kjo masë shtrënguese nuk ka arritur të jetë efektive. Nga gjykata duhet të mbahet parasysh fakti që kjo vepër penale është mjaft e përhapur në shoqërinë shqiptare dhe pasoja e mundshme është e rëndë./albeu.com

The post Gjykata liroi nga qelia 19-vjeçarin që gjymtoi të renë në aksident, reagon Prokuroria appeared first on Albeu.com.

Pas këtij vendimi Prokuroria e Tiranës i ka kërkuar Gjykatës ndryshimin e masës nga “Arrest në shtëpi” në “Arrest me burg” për Jehon Breçanin, të riun që përplasi 23-vjeçaren më 10 qershor në rrugën “Xhanfize Keko” në Tiranë.

Mjekët u detyruan që t’i prisnin njërën këmbë të resë pas dëmtimeve që mori.

19-vjeçari, po drejtonte makinën luksoze tip “Benz S Class”. Ai hipi në trotuar u përplas me një pemë dhe përplasi këmbësoren.

ARGUMENTET E PROKURORISË:

Referuar kërkesës së Prokurorisë, rezulton se nga faktet e mbledhura prej saj, dëmtimet e shkaktuara ndaj viktimës që në momentin e parë të ngjarjes kanë qenë tepër të rënda, çka ka bërë të detyrueshëm dërgimin e saj në Spitalin e Traumës, ndërkohë që, është konstatuar po ashtu se si pasojë e përplasjes së fortë, e reja e aksidentuar ka humbur njërën nga gjymtyrët e poshtëm, duke i shkaktuar gjymtin të përhershëm në masën 1/3-n e aftësisë së përgjithshme.

Sipas Prokurorisë, referuar rrethanave të ngjarjes, drejtuesi i mjetit nuk ka qenë duke respektuar rregullat e qarkullimit rrugor.

Gjithashtu, sipas Prokurorisë, refruar të gjitha fakteve të mbledhura në vendin e ngjarjes, kjo vepër penale për të cilën akuzohet 19-vjeçari konsiderohet e një rrezikshmërie të lartë, dhe dispozitat përkatëse ligjore përcaktojnë burgimin nga 1 deri në 5 vjet. Ndaj, referuar të gjitha këtyre fakteve dhe argumenteve, Prokuroria ka kërkuar vendosjen e masës ‘arrest me burg’ për Jehon Breçanin.

The post I këputi këmbën vajzës e nuk hyri asnjë ditë në burg, Prokuroria kërkon ndryshimin e masës appeared first on Albeu.com.

Gjykata ka vendosur të nxjerrë nga burgu djalin e ish-zv. Drejtorit të Policisë pasi përplasi një vajzë të re në trotuar duke bërë që ajo të humbë këmbën.

I riu, Jehon Breçani, autori i aksidentit të frikshëm në rrugën “Xhanfize Keko” në Tiranë ku iu pre këmba një të reja, tashmë ndodhet në shtëpi, shkruan abcnews.al.

Pavarësisht se vajza është tashmë e gjymtuar dhe mund të humbiste edhe jetën, i riu Jehon Breçani, nuk ka bërë asnjë ditë burg.

Burimet bëjnë me dije se ai është shtruar fillimisht në Spitalin e Traumës për t’u kuruar pas përplasjes së fortë dhe ndërkohë që shërohej, gjykata e shkallës së parë ndërroi masën e sigurisë nga “arrest me burg” në “arrest shtëpie”.

Aksidenti i të riut bëri bujë të madhe në rrjetet sociale dhe shkaktoi reagime të forta nga qytetarët të cilët ndihen të pasigurt në rrugët e Shqipërisë, ku çdo ditë ndodhin aksidenti me viktima të pafajshëm dhe autorë të cilët nuk bëjnë asnjë ditë burg. /albeu.com/

The post Asnjë ditë burg! Gjymtoi vajzën e re në aksidentin e frikshëm, djali i ish zv/drejtorit të Policisë së Tiranës ia hedh paq appeared first on Albeu.com.

Ngjarja në fjalë ka ndodhur me 10 qershor, dhe sot në emisionin “Log” në ABC, gazetarja Xhensila Kodra tha se djalit të ish-zv-drejtorit të Policisë së Shtetit, Erzen Breçanit i është ndryshuar masa e sigurisë nga “arrest me burg” në “arrest shtëpie”./albeu.com

The post Ndryshon masa e sigurisë për Jehon Breçanin, lirohet nga qelia appeared first on Albeu.com.

Seanca është zhvilluar në ambintet e spitalit të Traumës, për shkak se i riu ka mbetur i plagosur nga aksidenti.

Ngjarja ndodhi pasditen e se premes, ku dyshohet se 19-vjeccari humbi kontrollin e mjetit që drejtonte duke përplasur 30-vjeçaren që po ecte në trotuar duke i këputur këmbën.

Kujtojmë se Jehon Breçani është djali i ish-zyrtarit të lartë të policisë, Erzen Breçani./albeu.com

The post I këputi këmbën kalimtares në aksident, Gjykata lë në burg Jehon Breçanin appeared first on Albeu.com.

Ndryshe nga sa u tha fillimisht, e reja nuk ka qenë shtatzënë, pas ekzaminimeve që i janë kryer në spitalin e Traumës, ku po mbahet në reanimacion.
Vajzës i është dëmtuar aorta femorale, çka i ka shkaktuar një humbje të madhe gjaku, dhe mjekët janë shprehur se ka qenë me fat që ka mbërritur në gjendje jete në spital.

Vajzës i është dashur që ti prihet njëra prej gjymtyrëve, në mënyrë që të shpëtohej pjesa tjetër e trupit.

Ndërkohë, policia njoftoi sot arrestimin e të riut, i cili është dhe djali i ish shefit të policisë, Erzen Breçnit. “Specialistët e Qarkullimit Rrugor bënë arrestimin në flagrancë të shtetasit: J. B., 19 vjeç, pasi ditën e djeshme në rrugën “Xhanfize Keko”, ka aksidentuar këmbësoren shtetasen Xh. G., 24 vjeçe, e cila ndodhet në spital, nën kujdesin e mjekëve”, njofton zyrtarisht Policia e Tiranës.

The post Iu pre një këmbë, por nuk ishte shtatzënë: Si paraqitet gjendja e vajzës që u aksidentua dje nga Jehon Breçani appeared first on Albeu.com.

Në pranga është vënë 19-vjeçari, Jehon Breçani i cili aksidentoi të renë në trotuar.

Njoftimi

Vihen në pranga 5 drejtues mjetesh.

Specialistët e Qarkullimit Rrugor bënë arrestimin në flagrancë të shtetasve :

J. B., 19 vjeç, pasi ditën e djeshme në rrugën “Xhanfize Keko”, ka aksidentuar këmbësoren shtetasen Xh. G., 24 vjeçe, e cila ndodhet në spital, nën kujdesin e mjekëve;

V. U., 50 vjeç dhe N. P., 58 vjeç, pasi janë kapur duke drejtuar mjetet përkatëse në gjendje të dehur;

F. V., 23 vjeç, pasi ditën e djeshme, në Kashar, ka aksidentuar biçiklistin e mitur të moshës 9 vjeç, i cili ndodhet në spital, nën kujdesin e mjekëve;

F. Rr., 29 vjeç, pasi duke drejtuar mjetin ka aksidentuar duke u larguar nga vendngjarje mjetin taksi me drejtues I. M. Si pasojë është dëmtuar pasagjeria në mjetin taksi shtetasja E. A., e cila ndodhet në spital, nën kujdesin e mjekëve.

Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.

The post Aksidentoi 24 vjeçaren, arrestohet djali i ish-shefit të Policisë appeared first on Albeu.com.

Burimet bëjnë me dije se vajza e identifikuar si Xhesina Gega, më vendbanim në Tiranë është plagosur rëndë kur makina e shtetasit Jehon Breçani, e cila doli në trotuar duke shtypur 23-vjeçaren.

Burimet jo zyrtare bënë me dije se e reja është në gjendje të rëndë pasi makina e ka dëmtuar rëndë në njërën këmbë, ndërkohë ende nuk dihet nëse është përmirësuar apo jo gjendja e saj shëndetësore.

Në pranga është vënë 19-vjeçari, Jehon Breçani, djali i ish-shefit të Policisë së Tiranës, Erzen Breçani.

NJOFTIMI I POLICISË:

Tiranë/Informacion paraprak

Rreth orës 19:15, në rrugën “Xhanfizo Keko” mjeti me drejtues shtetasin J. B., 19 vjeç, ka aksidentuar një këmbësore ende të paidentifikuar rreth 30 vjeçe, e cila ndodhet në spital, nën kujdesin e mjekëve.

Drejtuesi i mjetit po shoqërohet në ambientet e Komisariatit nr.4, për veprime të metejshme hetimore.

Grupi hetimor ndodhen në vendngjarje dhe po punon për sqarimin e rrethanave të ngjarjes. /albeu.com/

The post EMRI/ Vetëm 23 vjeç, kush është vajza që u shtyp me makinë nga djali i ish-shefit të Policisë (FOTO LAJM) appeared first on Albeu.com.

I riu i cili dyshohet se po ecte me shpejtësi, ka hyrë në trotuar duke përplasur 30-vjeçaren e cila dyshohet se është shtatzënë. E plagosura është dërguar me urgjencë në spital ku mësohet se ka dëmtuar rëndë njërën këmbë.

Burimet për albeu.com bëjnë me dije se i riu, është djali i ish-drejtorit të Policisë Tiranë, Erzen Breçani.

Siç mund t’a shihni në pamjet e publikuara, i riu duket i fiksuar pas jetës luksoze, me veshje firmato dhe makina luksoze.  Vetëm 2-3 orësh para aksidentit, Jehon Breçani ka postuar një foto në story, ku shihet se po drejtonte makinën gjatë motit të keq që pushtoi Tiranën, pasditen e sotme.

NJOFTIMI I POLICISË:

Tiranë/Informacion paraprak

Rreth orës 19:15, në rrugën “Xhanfizo Keko” mjeti me drejtues shtetasin J. B., 19 vjeç, ka aksidentuar një këmbësore ende të paidentifikuar rreth 30 vjeçe, e cila ndodhet në spital, nën kujdesin e mjekëve.

Drejtuesi i mjetit po shoqërohet në ambientet e Komisariatit nr.4, për veprime të metejshme hetimore.

Grupi hetimor ndodhen në vendngjarje dhe po punon për sqarimin e rrethanave të ngjarjes. /albeu.com/

The post Me veshje e makina super luksoze, autori i aksidentit horror në Tiranë është djali i ish-shefit të Policisë(FOTO LAJM) appeared first on Albeu.com.