Jefferson nuk do të jetë më pjesë e Egnatias, me skuadrën rrogozhinase që ka vendosur t’i japë fund bashkëpunimit me mbrojtësin e krahut të majtë.

Futbollisti 23-vjeçar u largua nga brazilianët e CSA për t’iu bashkuar Egnatias, por aventura e tij me klubin zgjati vetëm 1 vit.

Megjithëse marrëveshja mes palëve ishte firmosur deri në verën e vitit 2027-të, duket se qëndrimet kanë qenë të ndryshme. Gjatë sezonit 2025-2026, Jefferson u aktivizua në 26 ndeshje në të gjitha kompeticionet me ekipin rrogozhinas, pa arritur asnjëherë të sigurojë vendin e titullarit.

23-vjeçari brazilian e mbyll eksperiencën te Egnatia si kampion i Superiores, ndërsa tashmë do të kërkojë një skuadër të re.

The post Egnatia mbyll bashkëpunimin me Jeffersonin, mbrojtësi brazilian largohet nga rrogozhinasit pas një viti appeared first on Albeu.com.