Këtë përgjigje Ambasada e SHBA-së e ka dhënë për Gazetën Express, pas mbylljes së qendrave të votimit, me ç’rast edhe u konstatua dështimi i iniciativës për largimin e kryetarëve, duke theksuar se kryetarët e Mitrovicës Veriore, Zveçanit, Leposaviqit dhe Zubin Potokut mbesin në funksione sipas ligjit.

SHBA dhe partnerët e saj e ndoqën nga afër procesin e votimit dhe sikurse edhe KQZ konstatojnë se pjesëmarrja në votime ka qenë e ulët.

“Qëndrimi i SHBA-së është i qartë dhe i pandryshuar: Ne mbështesim demokracinë e larmishme, gjithëpërfshirëse, multietnike të Kosovës dhe zgjedhjet e lira, të drejta dhe legjitime që e mbështesin atë. Në përputhje me kërkesat e saj ligjore, Kosova mbajti një votim për tërheqjen e kryetarëve të komunave më 21 prill në katër komunat në veri të Kosovës. Ky votim u kërkua si rezultat i përpjekjeve të suksesshme nismëtare të bëra nga qytetarët brenda kuadrit ligjor ekzistues dhe të vërtetuar nga Komisioni Qendror i Zgjedhjeve”, tha një zëdhënës i Ambasadës Amerikane të dielën për Gazetën Express.

Zëdhënësi citon ambasadorin Hovenier që është e rëndësishme për qytetarët që të ushtrojnë të drejtën e tyre demokratike.

“Siç kanë thënë vazhdimisht ambasadori Hovenier dhe zyrtarë të tjerë të qeverisë amerikane, ne besojmë se është e rëndësishme që qytetarët e Kosovës të kenë aftësinë për të ushtruar të drejtën e tyre për të tërhequr zyrtarët e zgjedhur në përputhje me kornizën ligjore të Kosovës, nëse ata vendosin ta bëjnë këtë”.

Pavarësisht kësaj, SHBA shpreh keqardhje për tërheqjen e Listës Serbe dhe politikanëve serbë të Kosovës nga mundësia për largimin e kryetarëve në Veri.

“Vendet e QUINT-it dhe BE-ja i bënë thirrje Listës Srpska dhe akterëve të tjerë politikë serbë të Kosovës më 10 prill që të rishqyrtojnë qëndrimet e tyre për t’u tërhequr nga pjesëmarrja në këtë votim ligjor për tërheqjen e kyetarëve. Na vjen keq që ata nuk e bënë një gjë të tillë dhe për këtë arsye nuk i shfrytëzuan plotësisht mjetet demokratike në dispozicion të tyre sipas ligjit kosovar për të avancuar demokracinë efektive dhe përfaqësuese”, vijon përgjigja e zëdhënësit të ambasadës së SHBA-së për Gazetën Express.

“Pjesëmarrja demokratike ndihmon për t’u siguruar që udhëheqësit janë përfaqësues të popullësisë të cilës u shërbejnë. Votimi është një liri kritike e shoqërive demokratike”.

Më tej në përgjigje theksohet se 4 kryetarët e zgjedhur mbesin në detyrë.

“Jemi të vetëdijshëm se Komisioni Qendror i Zgjedhjeve (KQZ) u bëri thirrje të gjithë votuesve me të drejtë vote. Ne vlerësojmë përpjekjet e bëra nga zyrtarët kosovarë të zgjedhjeve për të lejuar të gjithë qytetarët e Kosovës të regjistruar në katër komunat të marrin pjesë në këtë proces demokratik. Ne kuptojmë nga ekipet ndërkombëtare të vëzhgimit se ka pasur pjesëmarrje jashtëzakonisht të ulët të votuesve. Prandaj nuk ka asnjë vendim nga votuesit për të tërhequr kryetarët e bashkive. Kryetarët aktualë të komunave janë zgjedhur dhe mbesin në pozita sipas kornizës ligjore të Kosovës”, përfundon përgjigja.

Kreshnik Radoniqi, kryetar i KQZ-së, pas mbylljes së qendrave të votimit konfirmoi se ka dështuar shkarkimi i katër kryetarëve shqiptarë në veri për shkak të mospjesëmarrjes së qytetarëve në votime.

Në një konferencë të thirrur për media ai tha se në Zveçan s’ka pasur asnjë votues.

“Të 23 qendrat e votimit janë mbyllur në orën 19:00, sipas të dhënave që kemi pranuar në këto katër komuna, numri i qytetarëve që kanë votuar në procesin e votimit për apo kundër largimit të kryetarëve nga funksioni i tyre është si në vijim:

Leposaviq 124 votues, Zubin Potok 18 votues, Zveçan nuk ka votuar asnjë votues dhe në Mitrovicën e Veriut 111 votues”, tha Radoniqi, transmeton Gazeta Express.

“Nuk kanë votuar shumica e votuesve të regjistruar, pra nuk është arritur 50% plus 1 i domosdoshëm, prandaj konstatojmë se iniciativa e qytetare për largimin e kryetarëve ka dështuar”, konfirmoi ai.

Presidentja e Kosovës, Vjosa Osmani, ka thënë se Beogradi përmes Listës Serbe ka bërë presion te serbët lokalë që të bojkotojnë procesin.

Me këtë akt, Osmani thotë se presidenti serb Aleksandër Vuçiq shkeli fjalën që ua kishte dhënë partnerëve ndërkombëtarë.

“Kosova i dha qytetarëve të komunave të veriut mundësinë që t’i largojnë kryetarët aktualë dhe t’i zgjedhin kryetarët e rinj. Qytetarët në masë të madhe nuk e shfrytëzuan këtë mundësi. Për fat të keq, kjo kryesisht ndodhi për shkak të presionit të Beogradit, të ekzekutuar nga Lista Serbe dhe strukturat ilegale kriminale. Edhe njëherë, Serbia kreu ndërhyrje të paligjshme në një proces zgjedhor të një shteti tjetër. Edhe njëherë, Vuqiçi shkeli fjalën që ua kishte dhënë partnerëve ndërkombëtarë”.

Elbert Krasniqi, ministër i Pushtetit Lokal, i bën thirrje BE-së t’i heq masat ndaj Kosovës, sepse thotë se edhe përkundër mundësisë për largimin e kryetarëve në Veri, Lista Serbe dhe Beogradi urdhëruan bojkotimin e procesit të votimit. Kësisoj ai shprehet se Kosova nuk mund të mbetet prapa.

Ministri Krasniqi thekson se Kosova ka zbatuar marrëveshjen e Bratisllavës dhe Kosova duhet të ecë përpara.

“Ne siguruam infrastrukturën dhe mundësinë që qytetarët të shprehin vullnetin e tyre demokratik. Lista Serbe dhe Beogradi, nga ana tjetër, urdhëruan edhe një herë bojkotimin e procesit të votimit në 4 komunat veriore – pavarësisht thirrjeve që të mos bëhet një gjë e tillë nga komuniteti ndërkombëtar”, u shpreh Krasniqi, transmeton Express.

Ndërsa, Lista Srpska që hapur e pranon afërsinë me Beogradin zyrtar, ka deklaruar se procesi i sotëm ishte “një shfaqje e Kurtit”.

“Duam të përsërisim qartë se ishim më se të gatshëm të marrim pjesë në këtë proces për të parë prapavijën dhe për të zëvendësuar këta kryetarë fallco në komunat tona, por nuk donim të luanim lojëra të dirigjuara nga regjimi në Prishtinë”, u tha në njoftimin e tyre.

The post Ambasada amerikane: Kryetarët në Veri mbesin në detyra, na vjen keq që serbët nuk e rishqyrtuan pozicionin e tyre appeared first on Albeu.com.

“Ky muze do t’i ndihmojë të gjithë atyre që vijnë ta shohin atë, ta mësojnë atë që ne tanimë e dijmë, të mos lajthitet se faktet historike janë të pakontestueshme”, ka deklaruar ai.

“NATO-ja veproi pikërisht për shkak të krimeve të tmerrshme si ky që kishte ndodhur këtu. Të njëjtën ditë, sekretarja e atëhershme e shtetit, Marilyn Albright tha: “e kemi të pamundur të negociojmë përderisa Millosheviqi shton numrin e forcave, i sulmon civilët dhe i djeg fshatrat në Kosovë”.

“Aksionet e NATO-s kanë synim të shtyejnë paqen dhe sigurinë në Evropë dhe t’i jap fund mizorive dhe krizës humanitare. Si aleancë ne u bëmë bashkë për të reaguar vetëm pasi i kishim shterrur të gjitha alternativat për të ndalur gjakderdhjen”, ka thënë Hovenier.

Ai ka shprehur ngushëllimet e tij dhe solidaritetin me familjet e viktimave në cilësinë e përfaqësuesit të presidentit amerikan në Kosovë.

Hovenier ka thënë se e kupton që familjet dhe të mbijetuarit e kësaj masakre kanë kërkuar themelimin e muzeut qe 25 vjet, teksa është shprehur krenar për kontributin amerikan në proces.

“Shtetet e Bashkuara të Amerikës ndihen krenare që i kemi mbështetur deri diku përpjekjet e juaja, përmes trajnimit të 30 kosovarëve për shkathtësi të intervistimit, etikë të historisë gojore dhe arkivimit si pjesë e historisë gojore të Bibliotekës Kombëtare me të mbijetuarit e masakrës së Krushës së Madhe”, ka deklaruar ambasadori amerikan.

Në mesin e disa rrëfimeve të masakrës, ai ka veçuar narrativën e ndërmarrëses Fahrije Hoti në filmin “Zgjoi” të Blerta Bashollit.“Edhe pse u përballën me gjithë ato tragjedi të tmerrshme, gra të Krushës e tejkaluan stigmën, diskriminim, u përballën me mërzinë e tyre dhe vendosën që të krijojnë një jetesë që është e lavdërueshme për çdo individ dhe është më e madhe se individi”, ka thënë ai.

Rohde: NATO ndërhyri për të ndaluar katastrofën humanitare dhe spastrimin etnik

Ambasadori i Gjermanisë në Kosovë, Jorn Rohde në ceremoninë përkujtimore të 25-vjetorit të Masakrës së Krushës së Madhe dhe inaugurimit të muzeut, ka thënë se kjo masakër ka treguar se kishte ardhur koha që NATO të ndërhynte për të shmangur tragjedinë humanitare dhe spastrimin etnik.

“Jam këtu për të përkujtuar dhe mbajtur zi për të gjitha ato viktima të atij krimi të tmerrshëm mizor të kryera nga forcat e Milloshoviqit dhe natyrisht për t’iu shprehur ngushëllime familjarëve të të gjitha viktimave. Kjo masakër si dhe masakrat tjera treguan se kishte ardhur koha që NATO të ndërhynte për të shmangur atë tragjedi humanitare si dhe spastrimin etnik që po ndodhte këtu”, ka thënë ai.

Rohde ka deklaruar se shumica e atyre që i kanë kryer këto krime janë ende në arrati dhe se kjo sipas tij, nuk do të duhej të lejohej, pasi ata duhet të japin llogari.

“Jam krenar që jam sot këtu dhe së bashku me aleatët dhe partnerët tanë mund të them se Gjermania e ka ndihmuar që të ndërtojmë Kosovën në një shtet të lirë shumetnik dhe demokratik. Gjithashtu shpresoj që Kosova bashkë me të gjithë fqinjët e saj, së shpejti do t’i bashkohet shoqërisë evropiane”, tha Roohde.(E.Hoti)

Malaj: Duke respektuar të kaluarën hapim një të ardhme

Ambasadori i Republikës së Shqipërisë në Kosovë, Petrit Malaj në 25-vjetorin e masakrës në Krushë të Madhe, ka thënë se “duke respektuar të kaluarën hapim një të ardhme”.

“Ne këtu jemi mbledhur nën hijen e një historie të zymtë, në një ditë të shënuar nga pikëllimi dhe respekti i thellë”, tha Malaj.

Ndërsa për hapjen e muzeut, ai bëri me dije se nuk është vetëm një akt kujtimi, por një deklaratë e guximshme e angazhimit kolektiv për të vërtetën, për drejtësinë e për pajtimin.

“Sot këtu përurohet një muze kushtuar kujtimit të masakrës në Krushë, një tragjedie të papërshkrueshme”, deklaroi Malaj. /K.Kasumi, rtk/

The post Hovenier për masakrën e Krushës: NATO reagoi për të ndaluar gjakderdhjen appeared first on Albeu.com.

Gjeneralmajor Ulutash dhe Hovenier folën mbi zhvillimet më të fundit të sigurisë në Kosovë, teksa e ka përshëndetur kontributin e gjatë të SHBA-së për KFOR-in dhe stabilitetin rajonal.

Në lidhje me takimin, ka shkruar edhe ambasadori Hovenier i cili tha se ShBA-të qëndrojnë fuqishëm me NATO-n.

“Takim i mirë me Komandantin e KFOR-it, Ulutash. Përfocuam angazhim tonë të përbashkët për sigurinë në Kosovë dhe diskutuam sfidat e vazhdueshme”, tha Hovenier.

Në lidhje me temat aktuale, Hovenier bashkë me ambasadorët e tjerë të QUINT-it dhe atë të BE-së në Kosovë kanë folur edhe me kryeministrin Albin Kurti.

“Qëllimi i takimit ishte informimi dhe koordinimi për temat aktuale”, thuhet në njoftimin e qeverisë.

The post Komandanti i KFOR-it takohet me ambasadorin amerikan, flasin mbi zhvillimet e fundit të sigurisë në Kosovë appeared first on Albeu.com.

Ky demantim brutal ka nervozuar zyrtarët e lartë të partisë në pushtet, të cilët kanë nisur sulmet t ndaj diplomatit amerikan.

Eksponentë të ndryshëm të VV-së, përfshirë deputet e këshilltar, nuk kanë kursyer as fyerjet ndaj ambasadorit Hovenier.

Ata ia kanë përmendur kompetencat ambasadorit, duke thënë se nuk duhet t` kalojë ato.

Kritikat e Hovenierit nuk i ka përbir as deputeti i VV-së, Dimal Basha.

Ai ka marrë guximi që ambasadorit amerikan t`i thotë se reagimi i djeshëm kundër Kurtit nuk ka qenë në mandatin e tij.

“Me krejt respektin për ambasadorin amerikan, por si duket edhe ky po reagon përtej mandatit që e ka! Fillimisht ta sqarojmë se serbët kanë drejtë me mbajt dinarin në banka, vetëm për transaksione ju kërkohet t’i bëjnë me euro, dhe atë duke ju dhënë mundësi për një kohë tranzicionale! Për më tepër, po u jepet mundësia që edhe xhirollogaritë t’i hapin falas! Dhe pas krejt kësaj ambasadori prapë vazhdon me konferenca për shtyp duke ushtru padrejtësisht presion ndaj qeverisë së Kosovës!”, ka shkruar ai në profilin e tij në “Facebook”.

Më tej, Basha është munduar t`i tregojë ambasadorit amerikan pasojat që po ia shkakton Kosovës me veprimet e tij.

“Veç kuptona se janë disa pasoja të dëmshme si rrjedhojë e reagimeve tuaja z. Ambasador: e para, kjo kërkesë e juaja shkon në kundërshtim me ligjet dhe Kushtetutën tonë! Tash reagimet e juaja vetëm çka po e legjitimojnë Vuçiqin në kërkesat e tij absurde. Kjo sallamadi ka zgjatë 15 vjet, dhe sikur ambasadat ta kishin pas këtë çështje kaq për zemër, kaherë e kishin kërku implementimjn. Qeveria megjithatë ka ofru të gjitha mundësitë për një tranzicion të arsyeshëm, ju thirni konferenca për shtyp me dyfishu presionin, pa asnjë argument të vetëm, por vetëm pse Vuçiqi atje po ankohet! E dyta, pse gjithë ky presion në Kosovën që synon me mbrojt ligjin e Kushtetutën, kurse ambasada Amerikane në Beograd fle gjumë dhe nuk i dëgjohet zëri për asnjë krim të Vuçiqit, e sidomos ato në raport me Kosovën! Torturon rival poltik pse kërkojnë falje për krime që rehe ju i dini, kidnapon policë, organizon sulme terroriste në Kosovë, diskriminon ndaj shqiptarëve në Luginë, dhe nuk ka konferenca atje”, ka shkruar Basha.

Sipas tij, ambasadori bën gabim të madhe nëse mendon se mund të sillet si shef i shtetit.

“Populli shqiptar ka respekt e dashni t’jashtëzalonshme për Amerikën, por shef e ka zgjedh Albin Kurtin, dhe jeni gabim nëse mendoni se e pranojnë çdo mendim të çdo ambasadori amerikan! E treta, po manipuloni me opinionin kur po i paketoni kërkesat e Vuçiqit si kërkesa të Amerikës! Ne po i refuzojmë ankesat dhe britmat e Vuçiqit, dhe refuzimi jonë nuk ka asgjë të bëj me Amerikën. Nuk është se e kemi ndaluar dollarin amerikan, të cilin dollar edhe familja ime detyrohet ta këmbej dhe s’ka asnjë ankesë, prandaj refuzojmë Vuçiqin, e jo Amerikën siç po e paketoni reagimin! Dinari mund të rëndoj raportet tona me Serbinë, por jo me Amerikën, sepse dinari nuk është valutë amerikane!”, ka shkruar Basha.

Edhe Hysamedin Feraj, këshilltar i kryeministrit të Kosovës, Albin Kurti, ka shkruar një status kundër diplomatit amerikan.

Në shkrimin e tij, Feraj ka shkruar se tash partneriteti me ShBA-në po thonë se bazohet në dinarët e Serbisë.

“Fillimisht na thanë se partneriteti me SHBA-të bazohet në vlerat amerikane, tani po na thonë se bazohet në dinarët e Serbisë. Sa dinarë?”, ka shkruar ai në profilin e tij në “Facebook”.

Fyerje edhe më të ulëta në drejtim të ambasadorit ka lansuar avokati Tomë Gashi, i cili njihet si militant i flaktë i kryeministrit Albin Kurti.

Përmes një statusi në profilin e tij në “Facebook”, ai ka fyer ambasadorin amerikan dhe SHBA-në.

“Ta pshurrsha dinarin e Serbise! Nese shume e doni kete dinarin bane valute zyrtare ne ?? Apo me shume preferoni rublen Ruse? Mos e dhini punen! Miqet nuk kercenojn !” – ka shkruar ai.

Pas disa orëve, Gashi i ka rënë pishman për këtë status dhe e ka fshirë atë.

Demanti i ambasadorit amerikan
Ambasadori amerikan në Prishtinë, Jeff Hovenier, dje ka theksuar se raportet në mes Kosovës dhe ShBA-së janë prekur pas vendimit për dinarin serb.

Në një konferencë për media, ai është shprehur i shqetësuar me veprimet e Qeverisë së Kosovës.

“Jam i shqetësuar që ka deklarata pas kësaj interviste të O’Brien, që sugjerojnë që marrëdhënia mes Kosovoës dhe ShBA-së nuk është prekur dhe se nuk do të prekur nga kjo situatë, më duhet të jem i qartë që kjo thjeshtë nuk është e vërtetë. Kjo nuk është situata.”, ka deklaruar ambasadori Hovenier.

Diplomati amerikan ka thënë se SHBA-së është e përkushtuar që të mbështes popullin e Kosovës.

Pavarësisht mospajtimeve me Qeverinë, ai ka thënë se të shtunën do të jetë i pranishëm në ceremoninë për të festuar 16-vjetorin e pavarësisë së Kosovës.

“SHBA përkushtohet për popullin e Kosovës dhe jemi plotësisht të përkushtuar. Dhe të shtunën do të festojmë përvjetorin e pavarësisë së Kosovës dhe gjithsesi se do të jemi i pranishëm për të festuar atë që kemi arritur se bashku. Por, kjo nënvizon prapë atë se sa problematik është ky moment. Pra, Qeveria duket se nuk po punon në partneritet me neve. Pra duan të shmangim gjera të tilla që të ndodhin në të ardhmen”, ka thënë diplomati amerikan.

Ambasadori amerikan është pyetur edhe pasojat e mundshme ndaj Kosovës, nëse Qeveria nuk reflekton ndaj kërkesës së SHBA-së për të pezullua rregulloren e re të BQK-së.

“Kjo na bëhet shpesh si pyetje. Është bërë e njëjta gjë edhe në Departamentin e Shteti. Dhe është thënë se nuk jemi në pozitën për të folur për ndonjë masë specifike dhe këtë mund ta them edhe unë. Por po them prapë, siç e ka thënë z. O`Brien, ne do të shpresonim që Qeveria dhe kryeministri Kurti do të angazhohet si partnerë që ta zgjidhim këtë çështje se bashku në vend se të marr veprime të njëanshme”, është shprehur ai.

Ndryshe, dje kryeministri Kurti u pyet nëse janë prekur marrëdhëniet me ShBA-në, duke u përgjigjur në mënyrë të vetëvendosur se një gjë e tillë nuk ka ndodhur.

“A po rrezikohet partneriteti me Amerikën?”, ishte pyetja e një gazetari drejtuar Kurtit dje.

“Nuk po rrezikohet, nuk po rrezikohet”, ishte përgjigja e Kurtit. /nacionale/

The post “S`je shef i shtetit”; “dinarin merre në Amerikë”: Eksponentët e VV-së i “turren” ambasadorit amerikan appeared first on Albeu.com.

Në një intervistë për RTV 21, Hovenier tha se nëse do të ishin në dijeni të miratimit të kësaj rregulloreje – që ndalon përdorimin e dinarit serb për pagesa – Uashingtoni do të ishte i gatshëm që të diskutonte me Qeverinë e Kosovës për sfidat e një vendimi të tillë.

“Nëse Qeveria ka qenë e shqetësuar për shkak të automjeteve të blinduara që kanë sjellë shuma të mëdha të parave të gatshme dhe ka dashur të gjejë mënyra alternative për ta bërë këtë që do të ishte më pak të cenueshme, me shumë dëshirë do të kishim biseduar për ato çështje. Nuk besoj se ka pasur bisedime të tilla”, tha Hovenier.

Rregullorja e BQK-së për operacione me para të gatshme hyri në fuqi më 1 shkurt, pavarësisht shqetësimeve të ndërkombëtarëve për ndikimet që mund të ketë te komuniteti serb, pasi që kjo rregullore pamundëson kryerjen e pagesave me dinarë serbë.

Diplomati amerikan përsëriti se SHBA-ja nuk konteston autoritetin e ekzekutivit kosovar e as atë të BQK-së, por ritheksoi se “jemi të shqetësuar për shkak të mënyrës se si Kosova synon ta zbatojë atë që mendojmë se nuk iu përgjigjet apo nuk merr parasysh ndikimin që do të ketë në komunitetin e cenueshëm”.

Serbia ua paguan serbëve të Kosovës – përmes një sistemi paralel – pagat, pensionet, ndihmat sociale, dhe përfitimet tjera.

Hovenier përsëriti se kërkesa e SHBA-së drejtuar Qeverisë së Kosovës është e qartë: “shtyrje e zbatimit të vendimit deri sa të vendoset një strategji e mirë për të zbutur efektet mbi popullatën e cenueshme, dhe unë po flas, përveç tjerash, për popullatën etnike në Kosovë dhe një plan të mirë të informimit publik”.

Kryeministri i Kosovës, Albin Kurti, më 6 shkurt e pranoi se komunikimi i vendimit nuk ka qenë i qartë, por ai u zotua se gjatë një periudhe të tranzicionit autoritetet do të ofrojnë informacione rreth kësaj rregulloreje.

Ambasadori Hovenier sërish paralajmëroi se mund të ketë pasoja “në cilësinë e partneritetit” mes SHBA-së dhe Kosovës, nëse kjo e fundit nuk dëgjon kërkesat e Uashingtonit, por nuk specifikoi se për çfarë pasojash bëhet fjalë.

I pyetur nëse kritikat e fundit amerikane mund të kenë pasoja në kërkesën që Kosova bëri më herët për të blerë armë nga SHBA-ja, Hovenier tha se SHBA-ja mbështet Forcën e Sigurisë së Kosovës në aspektin e trajtimit dhe pajisjeve. Por, ai theksoi se bashkëpunimi në këtë varet nga ajo se sa i fuqishëm është partneriteti mes Prishtinës dhe Uashingtonit.

“Pres nga Qeveria e Kosovës që të punojë me ne për të përmirësuar dhe forcuar partneritetin tonë”, tha Hovenier.

Ambasadori amerikan po ashtu tha se shteti i tij dëshiron që shoqëria e Kosovës të ruajë karaketin shumetnik dhe pret nga Qeveria në Prishtinë që të ofrojë siguri dhe kushte të dinjitetshme të jetës për të gjitha komunitetitet, pavarësisht përkatësisë së tyre etnike.

Ndërkaq, duke folur për çështjen e themelimit të Asociacionit të komunave me shumicë serbe, Hovenier tha se Kosova duhet të zbatojë pjesën e saj të Marrëveshjes Bazë për rrugën drejt normalizimit të raporteve dhe Aneksit të zbatimit të kësaj marrëveshjeje – të arritur vitin e kaluar nga Kosova dhe Serbia në kuadër të dialogut të ndërmjetësuar nga Bashkimi Evropian – duke theksuar se Kosova ka përgjegjësi që ta themelojë këtë asociacion.

I pyetur se nëse mund të ketë pasoja të reja për Kosovën nëse nuk e themelon Asociacionin, Hovenier tha:

“Ne do të marrim ato vendime kur të vijmë aty. Por ,nuk është gabim të thuhet se jemi të shqetësuar dhe do të donim që të shihnim përgjigjeshmëri më të mëdha ndaj kërkesave tona nga ajo që ne po shohim se kemi në këtë kohë”.

Marrëveshja në rrugën drejt normalizimit të marrëdhënieve, ndër të tjera, e obligon Kosovën ta themelojë Asociacionin e komunave me shumicë serbe, i cili do t’u mundësonte serbëve në Kosovë një nivel të caktuar të vetëmenaxhimit.

Paraprakisht, palët kishin arritur më 2013 një marrëveshje për themelimin e Asociacionit, por ajo marrëveshje ende nuk është zbatuar.

The post Ambasadori Hovenier: Nuk kemi qenë të njoftuar paraprakisht për rregulloren e BQK-së appeared first on Albeu.com.

Hovenier ka thënë se s’mund ta shmangësh frustrimin mes qytetarëve pasi implementimi i Rregullores së BQK-së ka impakt të ndjeshëm tek ta. Ai ka marrë edhe një shembull të një moshuari që e ka marrë një përfitim social nga Serbia përmes një poste apo ngjashëm, duke pyetur se cilat procedura janë vendosur që ai i moshuar të vazhdojë të marrë atë përfitim social.

Ambasadori amerikan ka thënë se do të ketë tensione nga qytetarët meqë ata do të ndjehen se iu është ndërprerë një benefit nga i cili varen dhe potencon se SHBA është e shqetësuar për individët dhe jetët e tyre.

“Unë nuk e di se nuk mund ta shmangësh frustrimin e qytetarëve si rezultat i këtij vendimi dhe implementimit dhe që ky implementim bëhet në një mënyrë që është i ndjeshëm ndaj shqetësimeve të tyre. Më lejo japë një shembull, kur një i moshuar që merr një përfitim social, e ka marrë atë përmes një poste serbe dhe i ka marrë në cash, nuk e di specifikisht, por si ai person do ta marrë atë përfitim social, çfarë procedura janë vendosur  që ai person ta marrë atë benefit. Mendoj se do të ketë tensione nga njerëzit sepse do të ndjehen se iu është ndaluar një përfitim nga i cili ata varen. Askush s’e dëshiron një gjë të tillë. Ne jemi të shqetësuar për individët dhe jetët e tyre”, ka thënë ambasadori Hovenier.

The post Ndalimi i dinarit, Hovenier: S’e di si mund të shmanget frustrimi te serbët lokalë, jemi të shqetësuar appeared first on Albeu.com.

Me rastin e kësaj feste,  ambasadori amerikan në Kosovë, Jeff Hovenier, së bashku me vajzat e presidentes së Kosovës, Vjosa Osmani kanë kënduar këngën “Jingle Bells”.

Këtë video e ka publikuar Osmani në llogarinë e saj në Instagram, ku shihet Hovenier duke luajtur në piano, teksa vajzat këndojnë.

“Gëzuar Krishtlindjen”, shkroi Osmani në Instagram.

View this post on Instagram

A post shared by Vjosa Osmani (@vjosa.osmani)

The post VIDEO/ Ambasadori amerikan dhe vajzat e Presidentes Osmani këndojnë “Jingle Bells” për Krishtlindje appeared first on Albeu.com.

Ai u pyet për publikimet e ministrit Sveçla, i cili bëri publike disa pamje ku tha se pjesë e grupit terrorist ishte edhe Milan Radojiçiq, nënkryetar i Listës Srpska.

Hovenier tha se e kishte parë këtë, por se është ende herët për t’i ditur të gjitha.

“E kam parë postimin e Ministrit, kanë kaluar vetëm 48 orë, nuk i dimë të gjitha. Ka shumë gjëra që ende nuk i dimë. Ky ishte një kërcënim për Kosovën dhe popullin e saj me pasoja tragjike”./express

The post Radojiçiç brenda Manastirit, Hovenier: E kam parë postimin e Ministrit, kanë kaluar vetëm 48 orë, nuk i dimë të gjitha appeared first on Albeu.com.

“Keqardhje të shohësh se çka ndodhi sot në Kuvendin e Kosovës. Do të dëshiroja të mos më binte ta them këtë:  përdorimi i dhunës nuk është kurrë një mjet i pranueshëm për të shprehur mosmarrëveshje”, ka shkruar Hovenier.

Ambasadori thotë se është normale të ketë dallime të forta në demoraci, por ato duhet zgjidhur në formë tjetër.

“Në çdo demokraci shpesh ka dallime të forta. Por dallimet duhet të zgjidhen nëpërmjet diskursit – një qëllim themelor i legjislaturës së çdo demokracie”, thuhet në postimin e Hovenierit.

Sot në seancën plenare, derisa po fliste Kryeministri Kurti, deputetja e PDK-së, Ganimete Musliu, vendosi një fotografi të tij me hundë të zgjatur, pranë foltores. Ka pasur edhe raste të mëhershme kur opozita ka vendosur parulla dhe fotografi pranë foltores. Por, sot, Zv.Kryeministri Besnik Bislimi u ngrit nga vendi i tij për ta marrë fotografinë dhe për ta shqyer.

Pas këtij veprimi të Bislimit, deputeti i PDK-së, Mërgim Lushtaku, u hodhi ujë Bislimit dhe Kurtit. Zv.Kryeministri iu kundërpërgjigj duke e qëlluar deputetin Lushtaku me një shishe që e kishte pranë vetës. Me afrimin e Lushtakut pranë foltores, u ngritën edhe ministrat e tjerë të Kurtit, ndërsa aty shkuan më pas deputetë tjerë të PDK-së dhe Lëvizjes Vetëvendosje. Kryeministri rrethohet nga rojet e tij dhe nga disa deputetë të LV-së që bëhen mburojë për të. Ndërkaq deputeti Lushtaku, deputeti Hajdar Beqa dhe zv.kryeministri Bislimi shihen duke përdorur dhunë.

The post Ambasadori amerikan reagon pas ngjarjeve në Kuvend: Dhuna nuk është mjet për t’i shprehur mosmarrëveshjet appeared first on Albeu.com.

Hovenier thotë se nuk mund të deklarojë se ka një marrëveshje me Kurtin se si duhet të ndodhë çtensionimi i situatës, megjithatë tregon kërkesën që ia kanë bërë Kurtit.

“Kemi marrëveshje se deeskalimi duhet të ndodhë, por nuk e di se a mund të them se ka marrëveshjes se si duhet të ndodhë ai. Çfarë mund të them është se çfarë SHBA-ja po kërkon është ajo se ne besojmë se nuk është e nevojshme për kryetarët e zgjedhur që të punojnë çdo ditë nga ato objekte [komuna]. Në fakt, ne rekomandojmë që për një afat të shkurtër, kjo të mos ndodhë”, ka thënë ai.

Hovenier, i pyetur për përgjigjen që mori nga Kryeministri Kurti, tha se nuk i takon atij të flasë në emër të shefit të Qeverisë, porse ai mund ta japë vetëm qëndrimin e SHBA-së.

Ai tutje ka thënë se siç është bërë betimi i kryetarëve të rinj shqiptarë të Leposaviqit, Zubin Potokut dhe Zveçanit në objekte alternative, duhet të vazhdojë edhe puna e tyre.

Në fund, ai i ka dënuar sulmet ndaj automjeteve zyrtare të KFOR-it, të Polciisë së Kosovës dhe të ekipeve mediale, si dhe sulmet ndaj gazetarëve. /Express/

The post Ambasadori i SHBA në Kosovë, pas takimit me Kurtin: Të çtensiohet situata në veri appeared first on Albeu.com.