Elbasani dhe Vllaznia do të matin forcat këtë të shtunë, në takimin e vlefshëm për javën e dytë të “Abissnet Superiore”. Përballja do të luhet në stadiumin “Elbasan Arena” dhe është planifikuar të nisë në orën 18:30.

Edhe pse ndeshja ende nuk ka filluar, rivaliteti mes dy skuadrave është shfaqur prej disa ditësh në rrjetet sociale. Vllaznia zgjodhi ta ngacmonte kundërshtarin përmes posterit të takimit, ku vendosi Emiljano Mustën, ish-futbollistin e Elbasanit.

Elbasani iu përgjigj të njëjtën mënyrë, duke publikuar një poster me Rubin Hebajn, Ardit Nikajn dhe Elmando Gjinin. Të tre janë shkodranë dhe ish-futbollistë të Vllaznisë.

The post Përplasja nis para sfidës, Vllaznia dhe Elbasani shkëmbejnë “provokime” në rrjetet sociale appeared first on Albeu.com.