Jasmine dhe Juan janë tashmë prindër edhe të një vajze dyvjeçare, Mia. Çifti e kishte ndarë lajmin e shtatzënisë në korrik, duke publikuar foto të ëmbla ku modeles i dallohej barku i rrumbullakosur. “Një shpirt tjetër për ta dashur,” kishte shkruar ajo në atë kohë.

Në një intervistë për revistën People, Jasmine kishte folur hapur për përvojën e saj gjatë shtatzënisë së dytë. “Kësaj here është pak më e vështirë, sepse kam një vajzë të vogël që kërkon shumë dashuri dhe vëmendje. Por përpiqem të pushoj sa herë që mundem dhe jam e mbushur me emocion,” tha ajo.

Modelja e famshme, e cila dikur ka qenë një nga “engjëjt” e Victoria’s Secret, shprehu se mezi pret kapitullin e ri në jetën e saj familjare me ardhjen e vogëlushit Mateo.

The post Jasmine Tookes bëhet nënë për herë të dytë, 13 ditë pasi hapi sfilatën e “Victoria’s Secret Fashion Show” appeared first on Albeu.com.