Jasmir Raboshta ka mbyllur aventurën e tij me Besëlidhjen. Përfundimi i bashkëpunimit mes klubit lezhjan dhe sulmuesit 36-vjeçar u bë publik përmes rrjeteve sociale.

“Klubi falenderon lojtarin për kontributin e dhënë me fanellën e Besëlidhjes dhe sukseset e arritura bashkë”, thuhet ndër të tjera në njoftimin e Besëlidhjes.

Destinacioni i ardhshëm i ish-sulmuesit të Vllazninsë dhe Elbasanit është tashmë i përcaktuar. Ashtu siç raportoi “Newsport.al” disa orë më parë, Raboshta do të hedhë firmën me Gramshin.

Në këtë mënyrë, sulmuesi i njohur për aftësitë e tij realizuese do ta vijojë karrierën në Kategorinë e Dytë.

The post Besëlidhja ndahet me sulmuesin me përvojë, përcaktohet destinacioni i radhës appeared first on Albeu.com.