Lidhja Demokratike e Kosovës do ta zhvillojë sot Kuvendin e Jashtëzakonshëm, pasi janë përmbyllur procedurat e përcaktuara me statut dhe janë verifikuar nënshkrimet e delegatëve që kërkuan thirrjen e tij.

Partia ka njoftuar se kërkesa ka siguruar mbështetjen e nevojshme statutare nga të paktën një e treta e delegatëve, duke mundësuar kështu mbajtjen e mbledhjes.

Punimet e Kuvendit të Jashtëzakonshëm të LDK-së janë caktuar të nisin në ora 18:00.

Kjo mbledhje zhvillohet në kohën kur LDK-ja po përballet me tensione të brendshme. Një grup delegatësh ka kërkuar largimin e kryetarit Lumir Abdixhiku, me arsyetimin se partia duhet të mbajë përgjegjësi politike për rezultatin e zgjedhjeve parlamentare të 7 qershorit.

Në komunikatën zyrtare, LDK-ja ka bërë të ditur se të gjitha veprimet janë ndërmarrë në pajtim me Statutin e partisë. Po ashtu, është theksuar se Kuvendi do të organizohet mbi bazën e demokracisë së brendshme, transparencës dhe respektimit të vullnetit të delegatëve.

Kuvendi i Jashtëzakonshëm pritet të përbëjë një prej ngjarjeve më të rëndësishme politike brenda LDK-së gjatë këtij viti. Delegatët do të shqyrtojnë gjendjen në parti dhe veprimet që do të ndërmerren më tej, ndërsa mbetet të shihet nëse do të hidhet në votim shkarkimi i Abdixhikut apo ai do të vazhdojë ta drejtojë LDK-në.

The post LDK-ja mbledh sot Kuvendin e Jashtëzakonshëm appeared first on Albeu.com.

Burime bëjnë me dije se në këtë Kongres të Jahstëakonshëm të thirrur nga kryeministri Edi rama, njëherësh kryetar i PS, pritet të zgjidhet Sekretari i përgjithshëm, vend i lënë vakant pas shkarkimit të Damian Gjiknurit në Kongresin e 4 shtatorit.

Në Kongres pritet që të votëbesohet Sekretari i Përgjithshëm i PS, ku mes kandidatëve është edhe Blendi Klosi, që më herët mbante detyrën e sekretarit organizativ do të votëbesohen për të nisur punën në postet drejtuese në parti.

Gjithashtu numri dy i partisë, Blendi Klosi do të prezantojë para delegatëve platformën për forcimin dhe organizimin e mazhorancës socialiste, si një parapërgatitje për vitin zgjedhor.

Organi më i lartë vendimmarrës i PS do të mblidhet sërish në fillim të verës së vitit të ardhshëm, i cili përpos piketave për zgjedhjet parlamentare të 2025 do të jetë një Kongres Zgjedhor, ku në mes të socialistëve do të ketë sërish ndryshime, pasi forumet e kësaj force politike do t’i nënshtrohen votës së delegatëve.

The post PS mbledh Kongresin e Jashtzakonshëm në 4 nëntor, çfarë pritet të ndodhë appeared first on Albeu.com.