Sipas mediave ndërkombëtare, një grua rreth të 30-ave dyshohet se hapi zjarr nga makina e saj drejt banesës së artistes, ndërsa ajo ndodhej brenda.

Autoritetet ndërhynë menjëherë dhe arrestuan të dyshuarën në vendngjarje. Sipas raportimeve të TMZ, gruaja dyshohet se qëlloi disa herë drejt rezidencës së këngëtares.

BREAKING: Police are on scene after several gunshots were fired toward a home belonging to @rihanna in Beverly Hills.

Officers with the Los Angeles Police Department say one woman has been arrested in connection with the shooting. pic.twitter.com/LCsIliYAfk

— Matthew Seedorff (@MattSeedorff) March 9, 2026

Rihanna, 38-vjeç, ndodhej në shtëpi në momentin e të shtënave, por fatmirësisht nuk mbeti e lënduar. Nuk është konfirmuar ende nëse partneri i saj, A$AP Rocky, dhe tre fëmijët e tyre ishin në banesë në atë moment.

Policia po heton rrethanat dhe motivin e sulmit, ndërsa deri tani nuk dihet se çfarë e shkaktoi incidentin.

Pamjet  nga vendi i ngjarjes, tregojnë një mobilizim të madh policor jashtë rezidencës, me shiritat e verdhë të sigurisë që rrethojnë zonën.

Oficerët e Los Angeles Police Department, bllokuan gjithashtu rrugën pranë shtëpisë së artistes për arsye sigurie.

Sipas raportimeve të Daily Mail, përfaqësuesit e Rihannës dhe policia e Beverly Hills nuk kanë dhënë ende një koment zyrtar për incidentin.

Këngëtarja dhe familja e saj jetojnë në një rezidencë luksoze me vlerë rreth 14 milionë dollarë në Beverly Hills.

Prona, e blerë nga artistja në vitin 2021, ka pesë dhoma gjumi, shtatë banjo dhe një oborr të madh me pishinë, ndërsa ndodhet përballë shtëpisë së legjendës së muzikës Paul McCartney.

The post Të shtëna me armë jashtë shtëpisë së Rihannës, arrestohet një grua në Los Anxhelos appeared first on Albeu.com.

Trupi i një modeleje të njohur stërvitjeje në rrjet ishte lënë jashtë shtëpisë së prindërve të saj në Brazil, pas vrasjes së dyshuar nga bashkëshorti gjatë një konflikti shtëpiak, raportojnë mediat vendase.

30 vjeçarja Debora Michels, u gjet në trotuarin në qytezën Montenegro, në jug të Rio Grande do Sul, mëngjesin e të shtunës.

Policia beson se ajo është vrarë nga bashkëshorti i i 10 viteve, bodybuilder-i i identifikuar si Alexander Gunsch.

Ky i fundit gjatë marrjes në pyetje tha në polici se dyshja ishin përfshirë në një debat të ashpër në shtëpi që degradoi në përleshje fizike.

Ai pranonte se e kishte përplasur gruan te një dollap por nuk e kishte vrarë, pasi sipas tij ajo kishte nisur të ndjehej keq dhe humbi ndjenjat.

Burri thotë më tej se ishte nisur për të çuar gruan në spital por kishte kuptuar se kishte vdekur dhe e kishte lënë para shtëpisë së prindërve.

Rrjeti vendas Correio Do Povo citonte organet e rendit të thonin se kamerat kishin kapur momentet kur i dyshuari nxirrte trupin e Deby nga makina për ta lënë në trotuar.

Funerali i Debora u krye më 27 janar, para varrimit të varrezat bashkiake të Montenegro.

Vëllai i tronditur i viktimës Alex Michels tha për mediat: “Është një situatë revoltuese, familja jonë kërkon drejtësi, askush nuk mund të kalojë pa ndëshkim”.

Ai shtonte se Deby donte të ndahej nga Gunsch para tragjedisë.

“Familja jonë po kërkon forcë për të duruar këtë tragjedi”, tha Alex Michels.

“Komuniteti është i frikësuar. Një ditë para krimit ai dhe babai im kishin folur për ndarje. Gjërat dukeshin në rregull para se prindërit e mi të gjenin bijën e tyre të vdekur para shtëpisë”, shtoi vëllai.

Mikja e ngushtë e viktimës Deise Chemelo tha: ‘Debora ishte një person magnetik. Ajo ndriçonte çdo vend ku shkonte, nuk kishte asnjë armik dhe bënte vetëm mirë”.

Zyrtarët thanë se policia po e trajton ngjarjen si një femicid, dhe Gunsch është i dyshuari kryesor por hetimet vazhdojnë.

Deby postonte shpesh në rrjetet sociale si stërvitëse personale dhe krijuese përmbajtjesh. Ajo kishte mijëra ndjekës që pëlqenin informacionet e mireqenies, stilit të jetesës dhe punës së saj si stërvitëse, shkruan Daily Mail.

Në fotot e publikuara Deby shihej shpesh me bashkëshortin duke bërë stërvitje në palestër.

The post Trupi i modeles së stërvitjes gjendet jashtë shtëpisë së prindërve pas vrasjes nga bashkëshorti ‘bodybuilder’ (fotot) appeared first on Albeu.com.