Ata kërkojnë ndjekjen penale dhe dërgimin për gjykim të anëtarëve të fisit Rraja. Gjithashtu Bilbili dhe Jashari kanë bërë edhe dy kërkesa prokurorisë, si kryerjen e veprimeve hetimore shtesë, në administrim të provave dhe kryerjen e një akti tjetër ekspertimi, duke konkluduar në kryerjen edhe të veprave të tjera penale në ngjarjen e datës 06/07/2023.

Në kërkesë ata shpjegojnë se nuk janë dakord me procesverbalin e firmosur para OPGJ dy ditë më parë dhe se e kanë firmosur pa pasur dijeni. Sot i kanë dërguar me postë prokurorisë akimimin dhe dy kërkesat.

The post U dhunuan nga fisi Rraja, Bilbil e Jashar Maja ankimojnë kundër vendimit të prokurorisë për lehtësimin e akuzës appeared first on Albeu.com.

Edhe pse banorët e Borizanës kanë denoncuar prej kohësh se gurorja po i dëmton shtëpitë, Prokuroria nisi hetimet pas video-skandalit të publikuar në media, ku fisi Rraja dhunoi me shkopa bejsbolli dhe sende të forta Bilbil dhe Jashar Majën.

Edhe pse në njoftimin zyrtar bëhet me dije se Prokuroria ka nisur hetimet që në qershor, banorët thonë të kundërtën.

Njoftimi i plotë:

Prokuroria pranë Gjykatës së Shkallës së Parë të Juridiksionit të Përgjithshëm Tiranë, duke marë shkas nga interesimi i mediave, në bazë të njoftimit të Drejtorisë së Përgjithshmë të Policisë së Shtetit dhe në vijim të informacioneve të dhëna rreth konfliktit të ndodhur në Borizanë, ju bën me dije se:

Prokuroria pranë Gjykatës së Shkallës së Parë të Juridiksionit të Përgjithshëm Tiranë, mbi bazën e materialit të referuar nga Komisariati i Policisë Krujë, më datë 18.05.2023, ka regjistruar procedimin penal nr.3223 të vitit 2023, për veprën penale “Shkatërrimi i pronës”, parashikuar nga neni 150 i Kodit Penal. Me shkresën Nr.6422, të datës 25.05.2023, dosja i është deleguar për kryerjen e veprimeve hetimore Komisariatit të Policisë Krujë.

Në vijim të materialit të referuar me nr.1466 nga Komisariati i Policisë Krujë, Prokuroria pranë Gjykatës së Shkallës së Parë të Juridiksionit të Përgjithshëm Tiranë, më datë 19.06.2023 ka regjistruar procedimin penal nr.3872 të vitit 2023, për veprën penale “Shkatërrimi i pronës”, parashikuar nga neni 150 të Kodit Penal. Çështja vijon ende në fazën e hetimeve paraprake.

Më herët gjatë ditës së sotme ishte Policia e Shtetit e cila i kalo topin Prokurorisë.

Përmes një njoftimi zyrtar Policia bëri me dije se ka kryer të gjitha veprimet konform ligjit.

Gjithashtu policia theksoi se janë trajtuar në zbatim të procedurave standarde të punës dhe çdo material procedural i është referuar Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për kryerjen e hetimeve të thelluara.

Kujtojmë që 4 persona janë arrestuar dhe 5 të tjerë janë në kërkim pas dhunës me shkopinj bjsbolli dhe grushte ndaj dy anëtarëve të fisit Maja, të cilët ishin ankuar për zhurmat e krijuara dhe plasjet në një gurore në Borizanë, në pronësi të Përparim Rrajës, vëllait të deputetit Rrahman Rraja./Albeu.com.

The post Dhuna e Rrajave për guroren dhe denoncimi i banorëve, Prokuroria e Tiranës nis hetimet appeared first on Albeu.com.

Mesazhet janë dërguar me adresa false të cilat po hetohen nga agjentët e krimi kibernetik të kryeqytetit.

Gjatë kësaj fundjave policia ka ushtruar disa kontrolle për arrestimin e 6 personave ende në kërkim për dhunimin e Bilbil e Jashar Majës por ende pa rezultat. Ende në kërkim për ngjarjen vijojnë djali i deputetit Rexhep Rraja si dhe Petrit, Xhelal e Flamur Rraja si dhe 2 të afërm të tyre.

Një ditë më parë gjykata vendosi masën e sigurisë arrest me burg për Ineid e Andi Rrajën si dhe Eni Kullajn, të arrestuar të nesërmen e ngjarjes, ndërsa për pronarin e lokalit u vendos masa e sigurisë “detyrim paraqitje”.

Nga ana tjetër prokuroria e kryeqytetit po kryen hetimet mbi kallëzimet e kryera që në maj nga banorët e Borizanës për shkatërrim prone pasi shtëpitë e tyre kanë pësuar krisje nga shpërthimi i minave në gurore.

Pikërisht për këtë mosmarrëveshje të adresuar autoriteteve muaj më parë ndodhi dhe konflikti në një lokal paraditen e 6 korrikut./Albeu.com.

The post “Hapi i radhës janë armët”, kërcënohen sërish të dhunuarit nga fisi Rraja, ende në arrati 5 persona appeared first on Albeu.com.

Rexhep Rraha është shpallur në kërkim dhe vijon puna për kapjen e tij, teksa janë 4 të dnaluar.

Njoftimi i policisë:

Në vazhdim të veprimeve hetimore në lidhje me ngjarjen e ndodhur me datë 06.07.2023, ku në një lokal në aksin rrugor Fushë Krujë-Thumanë, një grup personash kanë goditur me sende të forta shtetasit B. M., dhe J. M., Policia e Shtetit ka ndaluar 4 persona dhe ka shpallur në kërkim 3 të tjerë.

Në vijim të veprimeve hetimore është identifikuar dhe shtetasi R. Rr., për të cilin janë dërguar materialet pranë Prokurorisë së Gjykatës së Shkallës së Parë të Juridiksionit të Përgjithshëm Tiranë.

Shtetasi R. Rr., është shpallur në kërkim policor dhe vijon puna nga shërbimet e Policisë, për lokalizimin dhe kapjen e tij.

Vazhdon puna për identifikimin e personave të tjerë të përfshirë në këtë ngjarje.

Kujtojmë që konfikti i dhunshëm nisi për shkak të guroreve në zonë, që janë në pronësi të fisit Rraja.

Fisi Maja ankohet për zhurmat e krijuara nga plasjet në një gurore në Borizanë, në pronësi të Përparim Rrajës, vëllait të deputetit socialist, Rrahman Rraja

Përplasja mes fiseve Rraja dhe Maja ka degraduar në përdorimin e sendeve të forta siç janë shkopat e bejzbollit por edhe të pistoletës.

Anëtarët e fisit Rraja kanë shkuar në një lokal në zonë dhe kanë sulmuar me shkopa bejzbolli dy anëtarët e fisit Maja, të cilët në ato momente po pinin kafe.

Jashar Maja ka treguar se në momentin e dhunës ata kanë qenë duke pirë kafe me kushëririn e tij Bilbil Maja dhe një inxhinier, me të cilin po diskutonin për minimet qëu kanëdëmtuar shtëpitë.

Bilbil Maja është në gjendje më të rëndë, teksa kushëriri i tij ka paralajmëruar autoritetet se nëse nuk merren masa do të bëjë vetëgjyqësi.

The post Dhuna ndaj kushërinjve Maja, shpallet në kërkim djali i deputetit Rrahman Rrahja appeared first on Albeu.com.

Konflikti verbal degardoi në përdorimin e dhunës dhe anëtarë të fisit Rraja shunuan me shkopinj bejsbolli dy anëtarë të fisit Maja.

Kushërinjtë Jashar dhe Bilbil Maja mbetën të plagosur, ndëra ky i fundit ndodhet në gjendje të rëndë shëndetësore.

Analisti, Lutfi Dervishi përmes një postimi në Facebook thotë se ngjarja ka përmsa alarmante dhe institucionet duhet të reagojnë.

Reagimi i plotë:

The post Fisi Rraja “masakroi” me shkopa bejsbolli dy kushërinjtë, Dervishi: A ka mbetur gjyqtar që t’i tregojë burgun dhunuesve? appeared first on Albeu.com.

Vetë Jashar Maja ka treguar edhe një herë të gjithë dinamikën e ngjarjes, teksa ndodhej në një lokal duke pirë kafe bashkë me kushëririn e tij, po ashtu i plagosur rëndë, dhe një inxhinier të gurores, e cila dyshohet se ishte dhe shkaku i ngjarjes.

Jashar Maja ka thënë se ata ishin duke diskutuar me inxhinierin për mundësinë që shpërthimi i minave të ishte më i butë, pasi u janë dëmtuar banesat.

Gjatë këtij momenti kanë mbërritur një grup personash nga fisi Rraja dhe kanë ushtruar dhunë ndaj tyre me shkopa bejsbolli dhe qytën e armës. Sipas Jashar Majës, ai ka parë vëllanë e deputetit, Xhelalin, i cili kishte pistoletë në dorë.

Ai ka treguar se ka mbetur pa ndjenja, teksa sipas tij policia ka mbërritur dy orë me vonesë, pasi i tremben këtij fisi. Jashar Maja u bën apel autoriteteve ligjzbatuese, duke kërkuar që të arrestohen dhe dënohen të gjithë personat që morën pjesë në këtë sulm, për ndryshe thotë se do të bëjnë vetëgjyqësi.

“Ishim në prani të një inxhinieri të gurores dhe po diskutonim për minat, që t’i bëjnë më të buta shpërthimet sepse po na shembin shtëpinë. Menjëherë kanë ardhur fisi Rraja, me armë me shkopinj bejsbolli, na kanë dhunuar brutalisht deri sa të dy kemi rënë pa ndjenja. Kur kam ardhur në vete kam shkuar dhe kam ndihmuar çunin e xhaxhit, kemi dalë në xhade dhe kemi njoftuar policinë.

Pas dy orësh kanë ardhur se kishin frikë me këta persona. Nuk kanë njoftuar as ambulancën. Na shoqëruan me një makinë dhe kemi shkuar në spital më pas. Bilbili është shumë keq, unë kam dëmtime por jam pak më lehtë. Bilbili ndodhet në një klinikë private sepse ka thyerje dore, këmbë, shpatull, ka shumë të çara në kokë.

Kanë qenë tre veta me armë, Xhelal Rraja, atë që e kam njoh. Disponojmë dhe një video që e kanë nxjerrë po ata, nuk e di pse e kanë nxjerrë. Me dash shteti i verifikon. Unë i bëj thirrje shtetit që t’i dënojë sa i parashikon ligji nëse nuk e bën do bëj vetëgjyqësi sepse skam çfarë të bëj.

Përparimi ka një gurore, për shkak se kemi protestuar sepse na kanë plasur shtëpitë nga minat, për këtë kemi protestuar dhe kemi denoncuar. Nuk na është hapë asnjë derë. Shkojmë te policia na thonë mos shkoni te gurorja se do t’u marrim të pandehur. Ne jemi të dëmtuar nga çdo anë, ajo gurore prapë vazhdon aktivitetin. Kemi shumë dëmtime në banesë, janë të plasaritura nga shpërthimi i minave.

Ne nuk kemi as mbrojtje as ka ardhur policia të na pyes a jemi gjallë apo kemi vdekur.

Unë kërkoj të vihen autorët të gjithë të marrin dënimin përkatës, ose do ta kthej në vetëgjyqësi. Xhelal Rrajas nuk ia fal sa të jem gjallë sepse nuk i kam faj. E kam bërë shtëpinë me djersë.

Kur na sulmuan nuk na folën fare, vetëm na ofenduan. Më kanë goditur edhe me armë, edhe me shkop bejsbolli.

Kryesorët që kanë qenë me armë dhe kanë kryer dhunën, nuk janë arrestuar, sepse nuk ka kapacitet ky shtet me i kap. Për këtë gurore jam bërë kështu, se kam bërë me pisllëk sikur janë ata. Nuk kam shkuar unë te Rrajat, por kanë ardhur ata tek unë. Kryesorët e kësaj ngjarjeje janë të lirë”, u shpreh ai.

The post “Nuk e fal sa të jem gjallë”, Jashar Maja flet pas dhunës nga fisi Rraja: Policia i ka frikë, do bëj vetëgjyqësi appeared first on Albeu.com.

Shkak për përplasjen e dhunshme janë bërë guroret që operojnë në këtë zonë, për zhurmat e krijuara nga plasjet në një gurore në Borizanë, në pronësi të Përparim Rrajës, vëllait të deputetit socialist, Rrahman Rraja.

Jashari ka treguar për Abc News se si e goditën bashkë me djalin e xhaxhait, Bilbil Jashari, në kafene me shkop gome dhe me tyta armësh.

Jashari thotë se nëse nuk vendoset drejtësia, do ta vendosë vetë një të tillë. Ai sakaq, ka zbuluar se gjendja e Bilbil Majës është e rëndë dhe vazhdon të jetë i ushtruar në spital.

Gjithashtu Jashari ka treguar se policia erdhi dy orë me vonesë, pasi e njoftuan.

“Ishim në autostradë te një lokal po pinim kafe dhe në atë moment çuni i xhajës kishte lene takim me inxhinierin e gurores. Edhe duke diskutuar me të për problemin e guroreve që mos t’i bënim me rendiment më të ulët minat se na shëmben shtëpitë. Atëherë jemi ulur në kafe të tre dhe nuk ka zgjatur asnjë minutë, kanë ardhur ata Rrajat. Na kanë goditur me shkop gome, me tyta armësh. Kanë pasur armë se thonë nuk kanë pasur. Ne kemi dhe video të tjera, ku duken komplet çunat. Ka qene Xhelali, Përparimi, Flamur Rraja, kemi njohur shumë. Kemi marrë policinë në telefon pasi kanë ikur ata. Kam tërhequr çunin e xhajës zvarrë dhe kam dal në rrugë. Policia erdhi pas dy orësh. Ka ardhur një patrullë që ishte më afër dhe ka ardhur për dy orë. Na kanë shoqëruar në Komisariatin e Fushë Krujës dhe më pas në Spitalin Ushtarak. Gjendja është shumë keq. Ka dal nga spitali ushtarak dhe e kemi çuar në një spital më të specializuar privat. Unë kërkoj drejtësi nga shteti, nëse nuk vepron, nuk ia fal Xhelal Rrajës. Kam vetëm tre vjet që kam hyrë në shtëpi dhe instalimet i kam akoma pa vënë”, u shpreh Jashari.

Kujtojmë se policia ka arrestuar 4 persona ndërsa ka shpallur në kërkim tre persona të tjerë. Policia bën me dije se në pranga kanë rënë shtetasit Ineidi Rraja, Eni Kullaj, Kujtim Përdaku, Andi Rraja.

Ata akuzohen për veprat penale “Plagosja e rëndë me dashje”, “Mbajtja pa leje dhe prodhimi i armëve, armëve të zjarrit dhe i municionit”, “Moskallëzimi i krimit” dhe “Veprime që pengojnë zbulimin e të vërtetës”.

Ndërkohë janë shpallur në kërkim shtetasit Xh. Rr., 65 vjeç, F. Rr., 55 vjeç, dhe K. Rr., 31 vjeç./albeu.com/

The post Sherri për guroren në Krujë, Jashar Maja tregon si u dhunua nga fisi Rraja: Do ta vendos vetë drejtësinë nëse… appeared first on Albeu.com.