jao felix Archives - Albeu.com

Simeone reagon ndaj deklaratës së Joao Felix për ecurinë negative të skuadrës

admin — Sat, 12 Feb 2022 10:47:47 +0000

Atletico Madrid këtë sezon është shumë larg pritshmërive, teksa nuk po arrin të përsërisë sezonin e kaluar. Trajneri Diego Simeone është plot 17 pikë larg vendit të parë ndërsa ka pësuar 6 humbje në La Liga.

Humbja e shkaktuar nga Barcelona 4-2 ka lënë jashtë zonës Champions “Colchoneros”, gjithsesi 2 pika larg katalanasve nuk janë shumë për të arritur objektivin kryesor të këtij sezoni që është kualifikimi në Champions League.

Ndërkohë, Atletico do të përballet në fazën 1/8-t në Champions, me Manchester United.

“Ne e dimë se çfarë duhet për të kaluar këtë moment, por preferoj të mos flas. Ka shumë arsye pse nuk po ecim mirë, nuk mund të përmend vetëm një”, deklaroi Joao Felix disa ditë më parë.

Fjalët e yllit portugez nuk i kanë pëlqyer Diego Simeones, i cili fton 22-vjeçarin të flasë në dhomat e zhveshjes, jo në publik.

”Nëse Joao e ka të qartë problemin e skuadrës tonë, do të ishte mirë të na e shpjegonte”, deklaroi trajneri argjentinas i kampionëve të Spanjës, dukshëm i pakënaqur me deklaratën e sulmuesit luzitan./ h.ll/albeu.com

The post Simeone reagon ndaj deklaratës së Joao Felix për ecurinë negative të skuadrës appeared first on Albeu.com.

PSG po mendon për zëvendësuesin e Mbappe, piketohet sulmuesi i Atl Madrid

admin — Mon, 03 Jan 2022 20:44:18 +0000

Duket se dhe vetë klubi francez po fillon të besojë se Mbappe i ka ditët e numëruara tek PSG.

Real Madrid i është vënë pas sulmuesit francez dhe ngjasat janë se ai do të nënshkruaj për ta. Kështu, Pochettino i ka bërë një kërkesë klubit të interesohen për sulmuesin portugez, Jao Felix.

Sipas “Sport.es”, portugezi nuk është i kënaqur me rolin e tij tek Atletico Madrid dhe do të preferonte të ndryshonte klub. Megjithatë PSG do të ketë konkurrentë të fortë Manchester Cityn i cili ka kohë që e vëzhgon 22-vjeçarin./ h.ll/albeu.com

The post PSG po mendon për zëvendësuesin e Mbappe, piketohet sulmuesi i Atl Madrid appeared first on Albeu.com.

Jao Felix po mendon largimin nga Atletico

admin — Tue, 07 Dec 2021 15:16:58 +0000

Ditët e João Félix në Atlético Madrid mund të jenë të numëruara. Merkatoja e muajit të ardhshëm do të paraqesë një mundësi për 22-vjeçarin që t’i japë fund marrëdhënies së tij me Rojiblancos. Ata brenda rrethit të tij të ngushtë po studiojnë mënyra për të provuar të bindin Atléticon t’i ofrojë atij një largim, megjithëse klubi nuk ka plane ta bëjë këtë për momentin. Cilësitë e João Félix nuk përshtaten me stilin e lojës së Simeones dhe kjo po e pengon atë të tregojë më të mirën që ka për të ofruar.

Golden Boy 2019 iu bashkua Atléticos nga Benfica si nënshkrimi më i shtrenjtë në historinë e klubit. Por me Atléticon, ai ka treguar vetëm pamje kalimtare të lojtarit të madh që është. Shtuar kësaj çështjeje taktike, ai është përballur me probleme dëmtimesh gjatë tre viteve të tij në Atlético.

Atlético pagoi 127 milionë euro për João Félix në 2019 dhe ata nuk janë të gatshëm ta lënë atë të shkojë për një tarifë më të ulët se kaq. Megjithatë, eliminimi nga Champions League në fazën e grupeve do të godiste financat e tyre./h.ll/albeu.com

The post Jao Felix po mendon largimin nga Atletico appeared first on Albeu.com.

Atletico Madrid nuk gabon, shënon tre herë ndaj Betis (VIDEO)

admin — Sun, 31 Oct 2021 17:19:00 +0000

Atletico Madrid ka mposhtur Real Betis me rezultatin e pastër 3-0.
Carrasco hapi sfidën në minutën e 26’ të pjesës së parë duke shënuar një gol të bukur “solo”.

Pjesa e parë u mbyll me avantazhin e ekipit të Simeones.
Në minutën e 63’ Atletico shënon golin e dytë dhe ktë herë vjen “dhuratë” nga lojtari i Betis Pezzella i cili realizon autogol.

Suarez i le vendin Jao Felix ku ky i fundit vetëm pas 9’ minutash nga hyrja shënon golin e tretë duke vulosur sfidën .
Atletico Madrid tashmë me këtë fitore ngjitet në vendin e katërt në kuotën e 22 pikëve ./H.LL/albeu.com

The post Atletico Madrid nuk gabon, shënon tre herë ndaj Betis (VIDEO) appeared first on Albeu.com.