Besimtarë të shumtë kanë shoqëruar arkëmorti e Kryepeshkopit, ndërkohë që përfaqësues të klerit ortodoks nga brenda dhe jashtë vendit, përfaqësues të komuniteteve fetare në vend, përfaqësues të trupit diplomatik në Shqipëri i kanë dhënë atij lamtumirën.

Të pranishëm ishin edhe zyrtarë të lartë të shtetit, Presidenti Bajram Begaj, Kryeministri Edi Rama, kryeparlamentarja Elisa Spiropali e të tjerë.

Në meshën e lamtumirës i pranishëm ishte edhe kryeministri grek, Kyriakos Mitsotakis i shoqëruar nga ministra të kabinetit të tij qeveritar si dhe Kryepeshkopi i Athinës.

Mesha e përshpirtje për kryepeshkopin Anastas Janalluts u mbajt nga Patriarku Bartolomeu I, kreu botëror i Kishës Ortodokse.

Kryepeshkopi ndërroi jetë më 25 janar 2025, në orën 08:30 të mëngjesit, në moshën 95-vjeçare, në spitalin “Evangelismos” në Athinë.

Kryepeshkopi Anastas do të prehet në kriptën e Katedrales, aty ku sipas traditës së lashtë ortodokse, varrosen prijësit e kishës që kanë ndërtuar e drejtuar tempujt e shenjtë.

The post Lamtumirë Anastas! Përcillet për në banesën e fundit Kryepeshkopi, do të prehet në kishën “Ngjalla e Krishtit” appeared first on Albeu.com.

Në një postim në rrjetet sociale, Berisha vlerësoi kontributin e jashtëzakonshëm të Kryepeshkopit Anastas në ringjalljen e Kishës Ortodokse Autoqefale të Shqipërisë pas dekadave të represionit komunist.

“Dielli perëndoi përgjithmonë për Fortlumturinë e tij, Kryepeshkopin e Tiranës, Durrësit dhe gjithë Shqipërisë, Anastasios Janullatos. Sot, me nderim dhe respekt të veçantë, shpreh vlerësimin tim më të madh për kontributin e pavdekshëm të Fortlumturisë së tij në ringjalljen nga shkrumbi i diktaturës komuniste të Kishës Autoqefale të Shqipërisë,” shkroi Berisha.
Ai gjithashtu u shprehu ngushëllimet e tij familjes së Kryepeshkopit, Kishës Ortodokse Autoqefale të Shqipërisë dhe të gjithë besimtarëve ortodoksë në vend. Në përfundim, Berisha shtoi lutjet e tij që “shpirti i ndritur i këtij shërbëtori të pakursyer të Kishës dhe Zotit të gjejë paqen e amshuar.”

The post Ndarja nga jeta e Kryepeshkopit Anastas, Berisha mesazh ngushëllimi: Kontribuoi në ringjalljen e Kishës Autoqefale të Shqipërisë appeared first on Albeu.com.

Berisha shprehet se duhet të bashkojmë lutjen tonë me të gjithë besimtarët shqiptarë për shëndetin e një shërbëtori të pakursyer të Zotit, siç e quajti ai kryepeshkopin Anastas.
“Fort lumturia e tij, Kryepeshkopi i Tiranës, Durrësit dhe i gjithë Shqipërisë është në spital, në gjendje kritike. Ju ftoj të bashkojmë lutjen tonë me të gjithë besimtarët ortodoks dhe të gjithë besimtarët shqiptarë, për shëndetin dhe shërimin e këtij shërbëtori të pakursyer të Zotit, që me dashuri dhe përkushtim hyjnor bëri aq shumë në ringjalljen e Kishës Ortodokse Autoqefale të Shqipërisë!”, shkruan Berisha.

The post Kryepeshkopi Anastas në gjendje kritike, reagon Berisha: Të bashkojmë lutjen tonë me të gjithë besimtarët shqiptarë për shëndetin e shërbëtorit të pakursyer të Zotit appeared first on Albeu.com.