Megjithatë, Manja nuk bëri të ditur se cilat kategori të të burgosurve do të përfitojnë amnisti.

“Për amnistinë e kemi projektuar një proces për institucionet tona të vuajtjes së dënimit. Do të kemi një amnisti në institucionet e vuajtjes së dënimit, por se cilat do të jenë, do vendoset”, tha ai.

Ministry u pyet dhe për rastin e vdekjes së Jani Rustemajt, i riu që përfundoi në koma në QSUT teksa ishte i arrestuar për vjedhje, ndërsa humbi jetën 1 muaj më vonë.

Teksa u shprehu ngushëllime familjarëve, ai tha se hetimi vazhdon dhe refuzon të flasë.

“Për sa kohë është duke u hetuar, ka disa kakofoni dhe refuzoj të flas. kemi përgjigje konkrete për secilin nga rastet dhe për secilin prej këtyre personave që kanë humbur jetën. Iu shpreh ngushëllime familjarëve. Edhe në këto qendra ndodhin aksidente njerëzore, por në përfundim të hetimit ftoj që të merren procedurat në rastin konkret.”, pohoi Manja.

The post Vdekja e Jani Rustemajt, Manja nuk pranon të komentojë: Hetimi vazhdon appeared first on Albeu.com.

27-vjeçari i u arrestua për vjedhjen e një tapeti dhe ndërroi jetë në ambientet e spitalit të QSUT, ku u transportua pasi u ndje keq.

Familjarët pretendojnë se i riu është dhunuar nga policia dhe kanë kërkuar që të zbardhet e vërteta e vdekjes së 27-vjeçarit. Familjarët janë shprehur se provat do t’i dërgojnë në Prokurori pasi janë të bindur se është dhunuar.

“Janë kanë thyer këmbët djalit me dru”, ka thënë një prej familjarëve të të riut.

“Ma morën djalin si kokra e mollës dhe ma sollën me arkivol. Djali im nuk ka pasur agjë. Duam drejtësi për djalin tim. Ne dyshojmë për dhunë”, tha e ëma e Rustemaj.

Ndërkohë, Prokuroria njoftoi sot se ka nisur hetimet në lidhje me ngjarjen.

Jani Rustemaj u arrestua më 12 Prill për veprën penale të vjedhjes. Dy ditë më pas ai shfaqi shqetësimet e para shëndetësore, ndërsa që prej 17 prillit ndodhej i shtruar në QSUT në gjendje kome./Albeu.com/

The post “Djalit i janë thyer këmbët”, familjarët e Jani Rustemajt protestojnë para ministrisë së Drejtësisë appeared first on Albeu.com.

Në një intervistë për “Uniko” foli me lot në sy duke thënë se djalin po e rrihnin dhe e kishin arrestuar për vjedhjen e një tapeti dhe një palë atelete.

Po ashtu konfirmon se i biri ishte përdorues i lëndëve narkotike dhe nga spitali i kishin thënë se i kanë dhënë metadon, ilaç kundër varësisë.

“Pasi u kap, i shkova njëherë në burg. E arrestuan për vjedhje, kishte marrë një tapet e një palë atlete.  Më thanë ke djalin sëmurë. Nuk ma thanë pse, ai nuk kishte asnjë problem. Kam shkuar dhe kam pyetur te spitali i burgjeve, pyeta se ku e kam djalin. Shkova atje, nuk ishte i shtruar aty, erdha në shtëpi. Pas disa ditëve, më erdhi policia në shtëpi, më thanë shko në spital se ke çunin me ftohje. Djali ishte shumë keq, doktori tha nuk kam shpresa. Ai ishte shumë mirë, i çoja paketa. Nuk e di, ishte shumë mirë. Doktori më tha i kanë dhënë shumë metadon. Ai pinte hashash, e dija që pinte, jo shumë, ishte për bukuri”, tha nëna e tij.

Jani Rustemaj, u arrestua dy javë më pare (12 prill) për vjedhje dhe ndodhet aktualisht në gjendje kome.

Për këtë, e ëma e tij ngriti dyshimin se kjo gjendje e të birit vjen si pasojë e pakujdesisë nga ana e rendit. Ky rast qarkulloi në media dhe nuk u raportua nga ana e policisë. Pra ngjarja u fsheh nga blutë e Tiranës që 27-vjeçari përfundoi në gjendje kome pas arrestimit të tij për vjedhje.

Pas daljes së lajmit  në media, policia e Tiranës ka bërë një sqarim ku thotë se po heton shkaqet. Në njoftimin nga ana e policisë listohen ditët kur Jani Rustemaj është dërguar për ndihmë mjekësore sipas ditëve.

Dy ditë pas arrestimit i riu filloi të shfaqte probleme shëndetësore dhe mori ndihmë mjekësore.

Një ditë më pas, më datë 15 Jani Rustemaj është shoqëruar në gjykatë ku është njohur me masën e sigurisë “Arrest me burg”.

Ditën tjetër, Jani Rustemaj shfaqi sërish shqetësime, por Burgu 313 nuk e mori përsipër sepse kishte mbingarkesë dhe ai u mbajt në burgun e sigurisë. Më pas, më datë 17 27-vjeçari është shoqëruar në QSUT.

E ëma e të riut kallëzoi në polici në fund të prillit, pasi i biri përfundoi në gjendje kome. Mamaja ka ngritur dyshimet e saj për policinë e Tiranës pas arrestimit të djalit të saj./Albeu.com/

The post U arrestua për vjedhje dhe përfundoi në koma, flet me lot në sy nëna e 27-vjeçarit: U fut në burg për një tapet dhe një palë atlete appeared first on Albeu.com.

Jani Rustemaj, 27-vjeçari i cili u arrestua dy javë më parë për vjedhje ndodhet aktualisht në gjendje kome.

Për këtë, e ëma e tij ngriti dyshimin se kjo gjendje e të birit vjen si pasojë e pakujdesisë nga ana e rendit. Ky rast qarkulloi në media dhe nuk u raportua nga ana e policisë. Pra ngjarja u fsheh nga blutë e Tiranës që 27-vjeçari përfundoi në gjendje kome pas arrestimit të tij për vjedhje.

Pas daljes së lajmit  në media, policia e Tiranës ka bërë një sqarim ku thotë se po heton shkaqet. Në njoftimin nga ana e policisë listohen ditët kur Jani Rustemaj është dërguar për ndihmë mjekësore sipas ditëve.

Deklarata e policisë:

Më datë 12.04.2023, është arrestuar shtetasi J. R., për veprën penale “Vjedhja”, parashikuar nga neni 134 i Kodit Penal. (Për këtë arrestim është dhënë njoftim për shtyp me datë 13.04.2023).

Me datë 14.04.2023, kohë që ky shtetas ka qenë në Bllokun e Sigurisë te DVP Tiranë, ka shfaqur shqetësime shëndetësore, dhe nga strukturat që merren me sigurimin e të ndaluarve dhe arrestuarve është njoftuar shërbimi i emergjencës mjekësore, të cilët janë paraqitur në ambientet e Bllokut të Sigurisë dhe pas ndihmës mjekësore të dhënë, gjendja e tij është përmirësuar.

Me datë 15.04.2023, ky shtetas është shoqëruar në ambientet e Gjykatës së Rrethit Gjyqësor Tiranë, ku kjo Gjykatë ka caktuar masën e sigurisë “Arrest në burg”.

Me datë 16.04.2023, pas daljes së urdhrit të ekzekutimit të masës së sigurisë nga Prokurori, është përgatitur dokumentacioni i nevojshëm, dhe ky i arrestuar është dërguar në IEVP-313, Tiranë. Autoritetet e IEVP 313, nuk kanë pranuar që ta marrin në dorëzim për shkak të mbingarkesës në këtë institucion dhe në këto kushte ai është rikthyer dhe vendosur përsëri në Bllokun e Sigurisë Tiranë.

Me datë 17.04.2023, shtetasi J. R., ka shfaqur përsëri shqetësime shëndetësore dhe pas ardhjes së emergjencës shëndetësore është transportuar në spitalin “Nënë Tereza”, ku dhe është shtruar dhe në ambientet e spitalit është siguruar me punonjës Policie të DVP Tiranë. Në zbatim të urdhrit të ekzekutimit të Prokurorit, me datë 19.04.2023, në ambientet e spitalint “Nënë Tereza”, është marrë në ruajtje nga strukturat e Drejtorisë së Përgjithshme të Burgjeve.

Më datë 30.04.2023, në Komisariatin e Policisë Nr. 3, Tiranë, është paraqitur dhe ka bërë kallëzim shtetasja P. R., (nëna e të arrestuarit) e cila ka ngritur pretendime për trajtimin shëndetësor të djalit të saj.

I riu u arrestua më 12 prill, dy ditë më pas ai filloi të shfaqte probleme shëndetësore dhe mori ndihmë mjekësore.

Një ditë më pas, më datë 15 Jani Rustemaj është shoqëruar në gjykatë ku është njohur me masën e sigurisë “Arrest me burg”.

Ditën tjetër, Jani Rustemaj shfaqi sërish shqetësime, por Burgu 313 nuk e mori përsipër sepse kishte mbingarkesë dhe ai u mbajt në burgun e sigurisë. Më pas, më datë 17 27-vjeçari është shoqëruar në QSUT.

E ëma e të riut kallëzoi në polici në fund të prillit, pasi i biri përfundoi në gjendje kome. Mamaja ka ngritur dyshimet e saj për policinë e Tiranës pas arrestimit të djalit të saj./Albeu.com/

The post 27-vjeçari u arrestua për vjedhje në Tiranë dhe përfundoi në koma, policia fshehu ngjarjen: Po hetojmë shkaqet appeared first on Albeu.com.