O’Brien tha se rikujtoi se themelimi i Asociacionit është “i rëndësishëm për serbët në Kosovë në mënyrë që ata të kuptojnë se si do të duket jeta e tyre”.

“Nëse ka shqetësim se komuniteti ndërkombëtar nuk po përmbush obligimin për të ndihmuar në këtë çështje, unë shpresoj që ne do të bëjmë gjithçka që kemi në dorën tonë për të ndihmuar në përmbushjen e premtimit ndaj vetes dhe të tjerëve”, tha zyrtari i lartë amerikan gjatë një konference për media në Beograd më 20 prill, pas takimit që zhvilloi me presidentin e Serbisë, Aleksandar Vuçiq.

Në kuadër të dialogut për normalizimin e raporteve, që ndërmjetësohet nga Bashkimi Evropian, Kosova dhe Serbia kanë arritur marrëveshje më 2013 dhe më pas më 2015 për themelimin e Asociacionit.

Më 2015, Gjykata Kushtetuese e Kosovës kishte thënë se Marrëveshja mbi parimet për themelimin e Asociacionit nuk kishte në përputhje të plotë me Kushtetutën.

Po ashtu, themelimi i Asociacionit është përfshirë edhe në Marrëveshjen në rrugën drejt normalizimit të raporteve që palët arritën vitin e kaluar.

BE-ja dhe SHBA-ja vazhdimisht i kanë bërë thirrje Kosovës që themelojë Asociacionin. Vitin e kaluar, bashkësia ndërkombëtare i paraqiti Kosovës dhe Serbisë një draft-statut për Asociacionin.

Palët fillimisht e pranuan draft-statutin, por ende nuk është ndërmarrë ndonjë hap drejt themelimit të tij.

Duke folur për rezolutën që pritet të miratohet në Kombet e Bashkuara për Srebrenicën, O’Brien tha se qëllimi është që të ketë partneritet me Serbinë dhe këdo tjetër, për t’u përballur me të vërtetën.

Zyrtari amerikan tha se ka qenë avokat që ka punuar në hetimin e krimeve të luftës dhe ka qenë pjesë e ekipit të parë që ka hetuar vrasjet në Srebrenicë.

“Atëbotë, forcat e Qeverisë së Serbisë na garantuan ne sigurinë dhe më pas me ne ishin edhe përfaqësuesit e OKB-së teksa ne po kryenim punën për të vërtetën. Edhe sot e kësaj dite po e bëjmë këtë, dhe ne duhet të përballemi me të vërtetën. Ne ishim partnerë atëherë dhe duhet të jemi partnerë edhe tani”, tha ai.

Nismëtarët e rezolutës së Srebrenicës janë Gjermania dhe Ruanada. SHBA-ja, Franca dhe shtetet e tjera më pas iu bashkuan këtyre dy shteteve si sponsorizues të rezolutës.

Pritet që rezoluta finale të paraqitet në fillim të majit.

Pavarësisht vendimeve të gjykatave ndërkombëtare, zyrtarët në Beograd mohojnë se në korrik të vitit 1995 në Srebrenicë të Bosnje e Hercegovinës është kryer gjenocid. Në Srebrenicë u vranë më shumë se 8.000 burra dhe djem boshnjakë.

Ndërkaq, presidenti serb, Aleksandar Vuçiq, tha se shteti i tij dhe SHBA-ja pajtohen për pak gjëra, përveç që paqja dhe stabiliteti duhet të ruhen.

“Ne pajtohemi se është shumë e rëndësishme që të ruhen paqja dhe stabiliteti. Nga ana serbe, premtoj që Serbia do të sillet në mënyrë të përgjegjshme dhe serioze”, tha Vuçiq.

Ai shtoi se është “veçanërisht i shqetësuar” lidhur me rezolutën e OKB-së për Srebrenicën, duke theksuar se shteti i tij kundërshton “fuqishëm” miratimin e rezolutës.

“Sepse e dimë se çfarë nënkupton kjo dhe sa shumë do të jetë pengesë për raportet në rajon”, tha Vuçiq.

Ai tha se Serbia do të vazhdojë luftën që Kosova të mos pranohet në organizatën e Këshillit të Evropës.

Asambleja Parlamentare e Këshillit të Evropës javën e kaluar mbështeti anëtarësimin e Kosovës në këtë organizatë.

Çështja tani kalon në Këshillin e Ministrave, të cilët takohen në maj. Ky këshill është organi i fundit që vendos përfundimisht nëse një shtet bëhet anëtar i Këshillit të Evropës./rel

The post O’Brien: Shpresojmë se do të bëhet gjithçka që të themelohet Asociacioni appeared first on Albeu.com.

O’Brien ka thënë se SHBA është duke i vëzhguar ushtrimet e ushtrisë serbe, derisa ka thënë se çështja kryesore është që të dy palët të reduktojnë tensionet në rajon. O’Brien ka thënë se kjo përfshinë edhe veprimet që s’janë të lidhura me ushtrimet në fjalë.

Ai në bisedën me gazetarë ka thënë se SHBA ia ka bërë të qartë Serbisë që individët që kanë qenë të përfshirë në sulmin e Banjskës duhet të mbahen përgjegjës për veprimet e tyre, dhe ka shtuar se SHBA-ja pret që një gjë e tillë të ndodh shumë shpejt.

Ndërsa, ka thënë se Qeveria e Serbisë tashmë ka marrë disa hapa që nga 24 shtatori 2023, duke përmendur shkarkimin e Alekasnder Vulinit nga pozita e shefit të inteligjencës serbe. Zyrtari amerikan ka thënë se SHBA e ka mirëpritur një vendim të tillë, përfshirë këtu edhe heqjen e trupave prapa dhe ofrimin e disa garancive për aktivitete në Veri.

“Pra, nga palës serbe ne ia kemi bërë të qartë se individët që u përfshinë në aktet e shtatorit duhet të mbajnë përgjegjësi për veprimet e tyre. Dhe ne presim që kjo të ndodhë dhe të ndodhë së shpejti. Qeveria serbe tashmë ka ndërmarrë një sërë hapash që nga 24 shtatori, dhe ne i mirëpresim ato, duke përfshirë shkarkimin e kreut të agjencisë së inteligjencës, zhvendosjen e bazës së trupave prapa dhe ofrimin e disa garancive për aktivitetin në veri. Por ne duam të shohim që këto tensione të mbeten të ulëta, dhe kështu disa nga këto aktivitete janë ato që ne do të preferonim të mos ndodhin”, ka thënë James O’Brien.

The post O’Brien: Mbajtja përgjegjës e autorëve të Banjskës duhet të ndodhë shpejt, mirëpresim shkarkimin e Vulinit e ofrimin disa garancive nga Serbia appeared first on Albeu.com.

O’Brien u prit të hënën në Podgoricë nga kryeministri malazez, Millojko Spajiq.

Paraprakisht, ai u takua edhe me prokurorin e lartë dhe special të Malit të Zi.

“Jam i bindur për përkushtimin e Malit të Zi në rrugën evropiane. Fakti që prokurorët po veprojnë me kapacitet të plotë, është një arritje e madhe e qeverive të fundit. Institucionet e ndërtuara do të punojnë për të mirën e qytetarëve”, tha O’Brien.

Më 27 janar, Kuvendi i Malit të Zi zgjodhi Millorad Markoviqin prokuror të lartë të shtetit – pesë vjet pasi kjo pozitë u mbajt nga ushtrues detyre.

Komisioni Evropian e vlerësoi emërimin e tij si jetik për sundimin e ligjit.

Spajiq tha se në fokus të bisedës së tij me zyrtarin amerikan ishte ekonomia. Ai tha se pret që ekonomia amerikane të jetë shumë më e interesuar për tregun malazez.

“Mali i Zi nuk mund të ecë përpara pa një ekonomi si ekonomia amerikane prej 25 trilionë eurosh. Ne i vlerësojmë miqtë tanë amerikanë që ishin vërtet shumë konstruktivë në lidhje me dialogun ekonomik malazezo-amerikan”, tha Spajiq.

Ai tha se Mali i Zi ka përgatitur një plan prej rreth 90 reformash, të cilat do ta afrojnë atë me tregun e BE-së dhe shtoi se Uashingtoni po e ndjek atë.

O’Brien deklaroi se Bashkimi Evropian është duke përgatitur një paketë për Malin e Zi, e cila duhet t’i zvogëlojë kostot financiare, ta përshpejtojë transportin dhe ta lehtësojë punën e komunitetit të biznesit.

Qeveria e Spajiqit u zgjodh tetorin e kaluar me mbështetjen e Lëvizjes së tij Evropa Tani, Demokratëve, Partisë Popullore Socialiste pro-serbe, Frontit Demokratik pro-rus dhe partive kombëtare shqiptare.

Duke iu përgjigjur pyetjeve të gazetarëve nëse mendon se një pjesë e Qeverisë në Mal të Zi është pro-ruse dhe pro-serbe dhe si reflekton kjo në integritetin e vendit si anëtar i NATO-s, O’Brien tha se Qeveria ka paraqitur disa qëllime – mes të cilave edhe rrugën evropiane – dhe se vendi do të mbetet partner i besueshëm i NATO-s.

“Nëse ka nevojë, ne do t’ia tërheqim vërtejtjen Qeverisë [malazeze]”, tha O’Brien.

The post O’Brien: Mali i Zi, partner i fuqishëm i NATO-s appeared first on Albeu.com.

Ai, në takimin e liderëve nga rajoni kushtuar Planit të Rritjes për Ballkanin Perëndimor, në Shkup, të miratuar nga Komisioni Evropian, ka deklaruar se e mbështesin perspektivën e dialogut mes dy vendeve dhe presin punë në procesin e dialogut.

“Besojmë se dy vendet duhet të punojnë në procesin e dialogut për të implementuar planin e zbatimit”, u shpreh ai, raporton rtklive.com.

Kjo deklaratë e zyrtarit të lartë amerikan të shtetit u bë në një konferencë për media në Shkup të Maqedonisë së Veriut, ku u mbajt edhe takimi i liderëve të vendeve të Ballkanit Perëndimor e ku u diskutua për planin e rritjes për Ballkanin Perëndimor nga Komisioni Evropian.

The post SHBA me porosi për Kosovën e Serbinë: Të implementohet plani i zbatimit appeared first on Albeu.com.