Në konferencën e tij për shtyp, Hansi Flick ishte i qartë: “Nuk isha i kënaqur me pjesën e parë. Nuk luajtëm sipas standardeve tona ose me ritmin tonë të zakonshëm. Por ishte një ditë e mirë”.

Për golin e Bernal: “Të gjithë u ngritën nga stoli. Ishte një moment i jashtëzakonshëm për të, një ëndërr e bërë realitet. Është një hap tjetër përpara”.

Flick më pas përsëriti rëndësinë e sistemit të të rinjve: “Ky është udhëtimi ynë. La Masia është thelbësore. Të shohësh lidhjen midis atyre që u rritën këtu është diçka e veçantë”.

Në fund një koment për Yamalin: “Duhet të menaxhojmë minutat e tij. E pyeta nëse donte të largohej dhe ai tha po”.

The post Flick nuk është i lumtur me fitoren e Barçës: Luajtëm nën nivelin e duhur. Yamal? Ai duhet të menaxhohet appeared first on Albeu.com.

Niko Garrido, lojtari 10-vjeçar i Sant Andreu, dha një intervistë për “El Chiringuito TV”, ku shpjegoi se ishte tifoz me Barcelonën, edhe pse për momentin ishte i inatosur me katalanasit.

“Jam tifoz me Barcelonën, por jam i inatosur me ta. Pse? Sepse më morën në ekip kur isha 7 vjeç dhe pastaj më larguan. Nuk ma shpjeguan pse”, tha lojtari me pamje shumë serioze.

Megjithatë, ai mbetej tifoz me katalanasit teksa zbuloi se idhulli i tij ishte Karles Pujol. Ndërsa kishte kritika edhe për Lamin Jamal. “Mua më pëlqen se si luan. Por është vetëm 18 vjeç dhe kujton se është Mesi”, ishin fjalët e djaloshit që kanë bërë xhiron e rrjetit me miliona shikime.

The post VIDEO/ Intervista që po bën xhiron e rrjetit, futbollisti 10-vjeçar: Barça më largoi dhe nuk më shpjegoi pse, Jamal kujton se është Mesi appeared first on Albeu.com.

Flick dhe skuadra e tij janë të pandalshëm, duke mposhtur Villarrealin 2-0 pavarësisht disa gabimeve në mbrojtje.

Raphinha zhbllokoi sfidën me një penallti në minutën e 10-të, ndërsa Yamal vulosi fitoren në minutën e 53-të.

Kështu katalanasit vazhdojnë të fitojnë, duke u mburrur me shifra të pabesueshme: 46 pikë dhe pesëmbëdhjetë fitore në 18 ndeshje të La Ligës, 51 gola të shënuar dhe një epërsi prej 4 pikësh ndaj Real Madridit.

Ndërkohë, Villarrealit i është ndërprerë seria e fitoreve, duke rënë në vendin e katërt me 35 pikë. Atlético i ka kaluar, por Amarillo Submarino ka luajtur dy ndeshje më pak se tre të parat në ligë.

The post Barça vazhdon të fluturojë me Raphinha e Yamal appeared first on Albeu.com.

Pasi fitoi gjithçka brenda vendit me Barcelonën dhe fitoi Euro 2024 me Spanjën, ky sukses do të ishte sensacional nëse Barça do të ngrinte Ligën e Kampioneve dhe Spanja do të triumfonte në Kupën e Botës.

Në një ntervistë të gjatë ekskluzive me CBS News, sulmuesi 18-vjeçar u thellua më pas në temën më të ndjeshme për të, vendimin për të luajtur për Spanjën, ndërsa Maroku vendi i lindjes së babait të tij po e ndiqte intensivisht.

Jamal zbuloi se e kishte konsideruar seriozisht opsionin maroken, veçanërisht pas paraqitjes së tyre historike në Kupën e Botës 2022.

“Kam një ndjenjë të çuditshme, sepse i thashë vetes se ëndërroja të luaja për Marokun. Në atë pikë, Maroku kishte arritur në gjysmëfinalet e Kupës së Botës…”.

Pavarësisht dashurisë së tij të thellë për rrënjët e tij, talenti i ri shpjegon se vendimi i tij përfundimtar nuk u lëkund kurrë.

Kriteri ishte sportiv, i lidhur me rritjen dhe ambicien: “Në momentin vendimtar, nuk pata kurrë dyshime. Me gjithë dashurinë dhe respektin që kam për Marokun, gjithmonë kam dashur të luaj në Kampionatin Evropian dhe të qëndroj në futbollin evropian. Unë besoj se futbolli evropian është më popullor dhe më afër nivelit më të lartë ndërkombëtar”.

Sulmuesi i Barçës, e përfundoi reflektimin e tij me fjalë të forta dhe të dashura për Marokun, duke e pranuar atë si vendin e tij po aq sa Spanjën.

“Falë Zotit, ia dola ta bëj. Kjo më afron edhe me Kupën e Botës dhe mundësinë për ta fituar atë… Gjithmonë do ta dua Marokun, sepse është edhe vendi im. Nuk do të kishte qenë asgjë e çuditshme ose e gabuar të luaja për ta. Por unë u rrita në Spanjë dhe e konsideroj edhe atë shtëpinë time”.

The post Jamal: Mendova të zgjidhja Marokun, por në fund mbizotëroi ambicia dhe vendosa për Spanjën appeared first on Albeu.com.

Njëra për shkak të konkurrencës midis lojtarëve të tij, dhe tjetra si pasojë e rikuerimeve të futbollistëve që vijnë nga dëmtimet.

Debati i parë ka të bëjë me qendrën e mbrojtjes. Në ndeshjet e fundit, trajneri gjerman ka përdorur dyshen Kubarsí dhe Eric Garsía.

Është e vështirë të besohet se ai do të vazhdojë me këtë qasje, duke pasur parasysh se deri më tani i ka alternuar shumë qendërmbrojtësit e tij, por është gjithashtu e qartë se skuadra ka nevojë për më shumë stabilitet në vijën e mbrojtjes dhe mekanizma automatikë për të shmangur pësimin e kaq shumë golave.

Megjithatë, Ronald Araujo, po kërkon një vend dhe nuk e priti mirë faktin që u zëvendësua të martën e kaluar kundër Olimpiakos.

Në një El Clasico ku mbrojtja do të jetë shumë e rëndësishme kundër presionit të Real Madridit dhe Mbapes, gjithçka sugjeron se ai do të jetë në formacionin titullar dhe partneri i tij mund të jetë Kubarsí.

Dyshimi tjetër është në sulm.

Duket e qartë se tre lojtarë do të luajnë si titullar. Lamin Jamal, është favorit për praninë e tij në fushë, edhe pse nuk ka qenë në formën e tij më të mirë në ndeshjet e fundit.

Rashford dhe Fermín, shënuan pesë gola së bashku në ndeshjen e fundit kundër Olimpiakos. Trajneri do të dëshirojë të përfitojë nga forma e tyre e mirë. Prandaj, mbetet një vend në sulm, i cili do t’i shkojë Rafinjës ose Ferran Torresit.

Nëse është në formë, opsioni më i mundshëm do të ishte braziliani, i cili do të luante në krah, dhe Rashford si qendërsulmues.

Nëse jo, ai që do të largohej do të ishte Ferran Torres, i cili është shëruar pak më shpejt. Nuk priten surpriza në portë.

Shezsni do të jetë në portë, ndërsa Koundé dhe Balde do të mbulojnë mbrojtësit e krahut në mbrojtje.

Pedri dhe De Jong do të luajnë në pozicionin e preferuar me kusht që problemet me shëndetin të holandezit të përmirësohen në orët në vijim.

The post Hansi Flik ende në dilemë/ Formacioni ende në ajër, vetëm Jamal e ka të sigurtë vendin kundër Realit appeared first on Albeu.com.

Ish-lojtari i blaugranëve, duket pak përpara në garë, i mbështetur nga triumfi i tij në Ligën e Kampioneve, një trofe që shpesh peshon shumë në vendimet e jurisë.

Jamal, megjithatë, e ka magjepsur Europën me performancat e tij të paracaktuara, duke u bërë tashmë simbol i epokës së re të Barçës në vetëm 18-vjeç.

Për këtë trofe flet edhe Serxhio Buskets, një zë i respektuar në futbollin spanjoll dhe një legjendë katalanase.

Kur u pyet për fituesin e mundshëm, mesfushori që aktualisht luan për Inter Majemin nuk kishte dyshime: “Dembele ka qenë më i mirë se të tjerët dhe më i qëndrueshëm. Ne e dimë se çfarë lloj lojtari është ai, ndryshimin që mund të bëjë dhe çfarë është i aftë të ofrojë. Disa nga lojtarët e Barcelonës do ta meritonin gjithashtu, por nuk e di se çfarë do të vendosin votuesit”.

Këto janë fjalë me peshë, veçanërisht duke pasur parasysh lidhjen e fortë të Buskets me klubin.

Një qëndrim që pasqyron njohjen ndërkombëtare të sezonit të jashtëzakonshëm të Dembeles, duke kombinuar talentin dhe qëndrueshmërinë, dy cilësi që atij shpesh i mungonin në të kaluarën.

The post Dembele apo Jamal? Buskets voton për ish-shokun e tij të skuadrës: “Topin e Artë” e fiton… appeared first on Albeu.com.

Levandovski ka humbur kryesimin si golashënues vetëm pak javë nga fundi. Dëmtimi i tij, i kombinuar me një moment të mirë para portës nga Mbape, i ka lejuar francezit të vendosë një distancë midis vetes dhe francezit. Aktualisht, lojtari i Madridit ka 29 gola, katër më shumë se polaku. Duket e pamundur që sulmuesi, i cili kanë qenë në krye të tabelës për pjesën më të madhe të sezonit, do të rifitojë pozicionin e tij të privilegjuar.

SFIDA E DYFISHTË E JAMAL – Një tjetër nga emrat e duhur është Lamin Jamal. Anësori kryeson kategorinë e asisteve në La Liga me 15. Është e vështirë për lojtarin e ri ta humbasë këtë klasifikim të veçantë, pasi lojtarët e vendit të dytë, Rafinja dhe Aleks Baena, kanë nga 9 asiste. Lamin gjithashtu kryeson në statistikat në driblim. Ai e ka kryesuar këtë statistikë gjatë gjithë sezonit, por tani diferenca e tij me lojtarin e vendit të dytë, Lukebakio është shumë e madhe. /Panorama Sport

The post Nga Levandovski te rekordet e Jamalit, ja objektivat e kampionëve të Barcelonës appeared first on Albeu.com.

Lionel Mesi ishte i pranishëm në një event të “Adidas”, në të cilin disa nga të pranishmit mundën t’i bënin disa pyetje në lidhje me tema të ndryshme. Njëri prej tyre donte të dinte se cilët ishin futbollistët e rinj të tij të preferuar dhe, konkretisht, nëse do të zgjidhte dikë që i pëlqente veçanërisht. Argjentinasi ka qenë i qartë duke zgjedhur mes të gjithë yjeve të rinj, sulmuesin 17-vjeçar të Barcelonës dhe kombëtares spanjolle, Lamin Jamal.

“Mendoj se në qarkullim ka lojtarë të mëdhenj që kanë një të ardhme spektakolare”, filloi ylli nga Rozario, i cili u pyet gjithashtu nga të pranishmit në event nëse kishte ndonjë lojtar nga kjo valë e re që i kujtonte veten kur ishte i ri.

Lojtari aktual i Inter Majamit përfundoi duke u shprehur për Lamin Jamalin si të përzgjedhurin e tij.

“Nëse më duhet të zgjedh me dikë, do të qëndroj me Jamal për shkak të asaj që ai ka bërë deri më tani në moshën e tij dhe për shkak të së ardhmes që e pret përpara. Kjo varet nga ai, edhe nga shumë gjëra të tjera natyrisht, sepse futbolli është i tillë. Por ai është e tashmja dhe e ardhmja e futbollit”, përfundoi ai, mes duartrokitjeve të të pranishmëve.

The post Lionel Mesi zgjedh pasardhësin e tij: Jamal, e tashmja dhe e ardhmja appeared first on Albeu.com.

Sipas raportimeve, Lamine dhe Anna u panë duke bërë blerje në qytetin katalanas, të veshur me kapuç për të shmangur paparacët. Megjithatë, videot e çiftit janë shpërndarë gjerësisht në internet, duke nxitur komente nga fansat që e kanë identifikuar Annën si një sensacion të TikTok-ut italian.
Anna dhe shoqja e saj, sipas raporteve, udhëtuan nga Italia për të mbështetur Lamine në kthimin e tij nga lëndimi, gjatë ndeshjes që Barcelona humbi 2-1 ndaj Las Palmas. Ky veprim ka konfirmuar më tej lidhjen mes dyshes.

Romanca mes Lamine dhe Annës vjen pas ndarjes së futbollistit nga ish-e dashura e tij, Alex Padilla, këtë verë. Sipas spekulimeve, ndarja ndodhi për shkak të tradhtisë së pretenduar të Alex-it, çka ka nxitur dyshime te fansat që Lamine ka gjetur ngushëllim tek Anna.

Me vetëm 19 vjeç, Anna Gegnoso ka fituar një audiencë të madhe online përmes përmbajtjes së saj kreative dhe duket se po fiton gjithashtu zemrën e talentit të futbollit. Çifti tani është nën vëmendjen e publikut, ndërsa marrëdhënia e tyre vazhdon të zhvillohet.

The post Lamine Yamal shihet në Barcelonë me të dashurën e re appeared first on Albeu.com.

Në këtë moment Barcelona nuk gëzon shëndet të mirë në aspektin financiar dhe një super menaxher si Mendez do të jetë një problem jo i vogël për Laportën.

Problemet e para mund të evidentohen me Lamine Jamal. Tani, Zhorzh Mendez, përfaqësues i lojtarit, ka filluar të lëvizë për të kërkuar rishikim të kushteve në kontratën e klientit të tij.

Sipas “Sport”, Mendes është hedhur në aksion pasi është i vetëdijshëm që paga e Jamal është shumë larg shpërblimeve që marrin futbollistët e tjerë të ekipit të parë.

Në këto ditë të para stërvitjeje Hansi Flik ka grumbulluar në ekipin e parë edhe dy lojtarë të rinj në moshë siç janë Toni dhe Zhill Fernández. Që të dy menaxhohen nga portugezi dhe nëse arrijnë që të jenë të gatshëm për ekipin e parë atëherë sigurisht që Mendez do të kërkojnë rishikim të kontratës.

The post Yamal kërkon rritje page, Zhorzh Mendez ka në dorë të ardhmen e Barçës appeared first on Albeu.com.