Gianluigi Donnarumma bëri ndërhyrjen e rrezikshme ndaj 22-vjeçarit, me këtë të fundit që tashmë ka thyer këmbën.

Bayern Munich ka zbulur edhe gjendjen e talentit gjerman. Bavarezët kanë konfirmuar dëmtimin e tij, ndërsa bëjnë me dije se përveç se ka thyer këmbën, Musiala ka edhe një dëmtim në fibulën e këmbës.

Siç pritet, lojtari do t’i nënshtrohet në ditët në vazhdim në ndërhyrje kirurgjikale. Më pas do të nisë edhe fazën e rehabilitimit dhe mund të rikthehet sërish në fushë pas 5-6 muajsh, praktikisht ka humbur pjesën e parë të sezonit të ri.

View this post on Instagram

A post shared by FC Bayern (@fcbayern)

The post Dëmtimi HORROR i Jamal Musiala, Bayern Munich zbulon gjendjen e gjermanit appeared first on Albeu.com.

Këto dy skuadra janë vënë përballë njëra-tjetrës në kuadër të çerekfinales së Kupës së Botës për Klube.

Gjatë pjesës së parë u vërejt një dominim i gjermanëve, të cilët po e kërkonin me ngulm golin e avantazhit.

Kur dukej se çdo gjë po shkonte mirë për bavarezët, ndodhi lëndimi i yllit kryesor Jamal Musiala.

Reprezentuesi gjerman mbeti i lënduar në fund të pjesës së parë, pas një ndërhyrje nga portieri Gianluigi Donarumma.

Ky i fundit në përpjekje për të spastruar topin nga zona, i ka shkaktuar një lëndim të rëndë Musialas duke ia thyer këmbën.

I menjëhershëm ishte reagimi i stafit mjekësor dhe në fund u desh që lojtari të largohej me barelë nga fusha.

The post VIDEO / Pamje të dhimbshme: Donnarumma ia thyen këmbën Musialas appeared first on Albeu.com.

Këtë sezon, mesfushori sulmues gjerman luajti 40 ndeshje për Bayern Munich, duke shënuar 18 gola dhe duke dhënë 5 asiste.

Jamal ishte një lojtar kyç në stilin e lojës që Vincent Kompany, i cili mori drejtimin e “Recordmeister” në verën e vitit 2024, po përpiqej të shpërthente.

Trajneri belg priste minimumin pritej prej tij — duke fituar titullin e Bundesligës me Bayernin. Megjithatë, suksesi nuk u shtri përtej atij trofeu — Kupa e Gjermanisë shkoi në Stuttgart, dhe në Ligën e Kampionëve, Bayern u eliminua nga Interi në çerekfinale.

Pavarësisht moshës së tij ende mjaft të re — Musiala është vetëm 22 vjeç — ai ka treguar performanca shumë të pjekura, të cilat i demonstroi më shumë se një herë këtë sezon.

Gazeta Goal.com vendosi ta pyeste gjermanin për pesë lojtarët e tij të preferuar aktualisht.

Lista e Jamal përfshin shokët e tij të skuadrës Alphonso Davies, Michael Olise dhe Leroy Sane, së bashku me fituesin e sapokurorëzuar të Ligës së Kampionëve Ousmane Dembele dhe yllin e kohëve të fundit dhe kampionin në fuqi të Evropës, Lamine Yamal.

Në gjysmëfinalen e Ligës së Kombeve, Gjermania do të përballet me Portugalinë, por Musiala nuk ka gjasa të luajë në ndeshje, pasi ai është ende duke u rikuperuar nga një dëmtim në kofshë.

The post Jamal Musiala emëron pesë futbollistët e tij të preferuar appeared first on Albeu.com.

Xhamal Musiala i ka premtuar besnikëri klubit që i besoi aq shumë kur e mori nga të rinjtë e Çelsit për ta kthyer në njërin prej tre lojtarëve më të mirë të globit.

“Jam i lumtur për firmën me Bajernin e Mynihut. Është njëri prej klubeve më të mëdhenj të botës dhe jam i lumtur që të vazhdoj të rritem këtu. Jam i bindur se së bashku do të arrijmë objektivë të mëdhenj në të ardhmen”, tha Xhama Musiala gjatë ceremonisë së rinovimit.

The post Bajerni bën goditjen e madhe, Xhamal Musiala rinovon deri në 2030 appeared first on Albeu.com.

Fantazisti i Bajernit të Mynihut ka marrë këtë çmim pas një votimi të bërë në llogarinë e Instagramit të Federatës Gjermane të Futbollit.

Musiala ka marrë 56% të votave ndërsa në vend të dytë dhe tretë renditen respektivisht Florian Virtz (38%) dhe Kai Haverc (6%).

The post Xhamal Musiala është “Lojtari i Vitit” i Kombëtares gjermane të futbollit appeared first on Albeu.com.

Pasi shënoi 12 gola dhe bëri tetë asistime në 38 ndeshje për Bayernin sezonin e kaluar, Musiala ka qenë njëri ndër lojtarët kryesor të Gjermanisë në Euro 2024.

Në fakt, ai është bërë lojtari më i ri që shënon në dy ndeshjet e para të fazës së grupeve në Kampionatin Evropian, pasi gjeti rrjetën ndaj Skocisë dhe Hungarisë.

Pas ndeshjes me Hungarinë të mërkurën, Musiala foli për ESPN për një numër temash, duke përfshirë tre lojtarët e rinj që sipas tij janë më të mirët, aty ku përmendi Jude Bellingham, Pedri dhe Bukayo Saka.

“Shumë lojtarë të rinj po bëjnë mirë momentalisht. Natyrisht, ju keni Jude, i cili po bën gjëra të mrekullueshme tek Real Madridi. Ju keni Pedrin, që mendoj se është një lojtar i mrekullueshëm”.

“Ka shumë. Saka nga Arsenali. Ndoshta ka disa emra që nuk po më kujtohen momentalisht, por tani për tani të gjithë po bëjnë mirë”, ka thënë Musiala.

Musiala i cili iu bashkua Bayernit nga Chelsea në vitin 2019, pati një miqësi të ngushtë me Bellingham gjatë kohëve sa luanin së bashku tek grupmoshat e Anglisë.

“Ishin vite të jashtëzakonshme tek Anglia. Jude dhe unë gjithmonë e kemi kuptuar njëri-tjetrin mirë në fushë, dhe kemi luajtur futboll shumë të mirë. Përkundër kësaj, ne ishim shokë dhome dhe gjithmonë kemi pasur një marrëdhënie të mirë”.

“Unë mendoj se Jude gjithmonë ka pasur një mentalitet të madh si lojtar. Ai beson shumë në veten e tij dhe nuk iu shmanget misioneve të vështira, kështu që nuk isha i befasuar ta shoh kështu tek Real Madridi”, u shpreh ai. /Telegrafi/

The post Musiala tregon tre lojtarët e rinj më të mirë në botën e futbollit appeared first on Albeu.com.

Sipas raportimeve më të fundit, të prestigjiozes britanike, “The Guardian”, i preferuari i teknikut spanjoll është “arkitekti” gjerman i Bayern Munich, Jamal Musiala, me 21-vjeçarin, që u transferua te “Bavarezët”, për vetëm 200 mijë euro, nga “Blutë” e Chelsea, në verën e vitit 2019 dhe tashmë është kthyer në një lojtar kyç në njëmbëdhjetëshen startuese, teksa vetëm këtë sezon ka marrë pjesë në 36 ndeshje , duke shënuar 12 gola dhe dhënë 7 asistime.

Me dy vite të mbetura në kontratë dhe duke marrë parasysh potencialin e sportistit, një transferim i mundshëm mund të ndodhë vetëm për rreth 100 milionë euro, megjithatë, pas largimit të Gundogan, Mahrez dhe Palmer verën e kaluar, trajneri spanjoll mendoi se nuk mjaftonte nënshkrimi i Doku dhe synon të marrë një përforcim të fortë sulmues në merkaton e radhës.

I “shumëkërkuari’ është Musiala, mirëpo, sipas raportimeve, të “The Guardian”, në listë janë edhe Luca Paqueta i “Çekanëve” të West Ham, si dhe anësori i talentuar anglez, i Crystal Palace, Eberechi Eze, megjithatë objektivi kryesor padyshim, që mbetet “arkitekti” i sulmit, të Bayern Munich.

The post Ndër më të mirët e botës, Guardiola kërkon yllin gjerman në Manchester appeared first on Albeu.com.

Ylli i Bayern Munichut është një nga lojtarët më të talentuar teknikisht në lojë sot, dhe nuk ka dyshim se ai do të kishte qenë i jashtëzakonshëm në grupin e ‘Tre Luanëve’.

Mesfushori ka shpërthyer në skenë në dy vitet e fundit, duke performuar shkëlqyeshëm për Gjermaninë në Kupën e Botës 2022, ku tregoi se çfarë di të bëjë.

Këto paraqitje kanë kaluar në karrierën e tij në klub në sezonin 2023-24, pasi 21-vjeçari është një nga emrat e parë në skenën e ekipit në Allianz Arena.

Por, nuk ishte gjithmonë Gjermania për të cilën i riu luante. Si fëmijë, ai përfaqësoi Anglinë në nivelin e të rinjve dhe madje luajti me talente të tjerë brezash, si Jude Bellingham, i cili gjithashtu ka luajtur në Bundesligë përpara se të kalonte në Real Madrid.

Është e sigurt të thuhet se Anglia ka humbur një talent të madh. Por pasi luajti për vendin në kategori të ndryshme moshash, në fund lind pyetja: pse Musiala zgjodhi të përfaqësonte gjermanët në vend të anglezëve?

Sipas The Athletic, arsyeja kryesore që Musiala zgjodhi të përfaqësonte Gjermaninë para Anglisë në nivel të lartë është se ai besonte se ishte e drejtë të luante për vendin e lindjes së tij.

Pavarësisht se luante dhe jetonte në Britaninë e Madhe si djalë i ri, Musiala në fakt lindi në Shtutgart dhe jetoi atje deri në moshën shtatë vjeçare.

Më pas ai u transferua në Angli me familjen e tij dhe jetoi në vend për një dekadë, duke luajtur në nivel klubesh me Chelsean për shumë vite.

I riu kishte vendosur të luante për tri skuadra në nivel ndërkombëtar: Anglinë, Gjermaninë dhe Nigerinë.

Dy të parat janë vetë-shpjeguese, por arsyeja pse ai ishte në gjendje të luante për Nigerinë është për shkak të kombësisë së babait të tij.

Musiala përfundimisht zgjodhi Gjermaninë në vitin 2021 dhe që atëherë nuk është kthyer më pas. Ai do të kthehet me krenari për vendin e tij të lindjes si kombi vendas i turneut Euro 2024 në verë.

Gjermania nuk ka arritur të bëjë ndonjë përshtypje të vërtetë në garat kryesore që nga Kupa e Botës 2014. /Telegrafi/

The post Pse Jamal Musiala vendosi të mos përfaqësojë Anglinë në nivel të lartë, duke përzgjedhur më pas Gjermaninë appeared first on Albeu.com.

Kur u pyet për pesë lojtarët më të mirë që ka parë të luajnë, ai përmendi disa legjenda të futbollit.

“Messi, Ronaldo, mund të vendosni Ronaldinhon, Zinedine Zidane. Ronaldo, Ronaldo brazilian”, deklaroi Musiala.

Për më të madhin nga ata të pestit, ylli i Bavarezëve e quajti Lionel Messin.

Megjithatë, kjo nuk është hera e parë që Musiala emëron pesë më të mirët e tij, pasi ka përmendur edhe ata që nuk i ka parë duke luajtur si, Pele, Diego Maradona dhe Gerd Muller.

“Është e vështirë për mua të them disa emra sepse nuk i kam parë duke luajtur. Ishte para kohës sime”, vazhdoi gjermani.

“Nëse po flisni për emra dhe kë keni dëgjuar, do të thosha Pele, Maradona dhe mund të thuash edhe Gerd Muller nga Bayern Munich”. /Telegrafi/

The post Musiala emëron pesë lojtarët më të mirë të të gjitha kohërave appeared first on Albeu.com.

“Qytetarët” dhe “Të Kuqtë” kanë qenë për një kohë të gjatë admirues të reprezentuesit gjerman dhe madje kanë dërguar skautë për të përcjellur atë nga afër.

Tani siç raporton Daily Star, bavarezët i kanë ofruar Musialas një kontratë të re sipas së cilës ai do të përfitonte 150 mijë euro në javë nga sezoni i ardhshëm, por besohet se lojtari e ka refuzuar mundësinë për të nënshkruar një kontratë të re.

Kampioni në fuqi i Evropës dhe Anglisë është i vendosur për të arritur një marrëveshje për mesfushorin gjerman, por ata do të ballafaqohen me një konkurrencë të ashpër nga Liverpooli.

Përveç këtyre dy ekipeve, interesim për shërbimet e Musialas më herët kishte paraqitur edhe Chelsea.

Në fakt Musiala është një produkt i akademisë së Chelseat ndërsa këtë sezon është paraqitur me shifra të mira për Bayernin, duke shënuar nëntë gola në 28 paraqitje si dhe duke dhuruar katër asistime.

Musiala do të rikthehet përsëri në aksion të martën, aty ku Bayerni do të synojë që të përmbysë rezultatin e ndeshjes së parë ndaj Lazios në kuadër të fazës së 1/8 së finales në Ligën e Kampionëve. /Telegrafi/

The post Jamal Musiala refuzon rinovimin me Bayernin, alarmohen gjigantët europianë appeared first on Albeu.com.