Nënkryetari i Kuvendit të Shqipërisë, Agron Gjekmarkaj, e cilësoi këtë veprim si kërcënues dhe të dëmshëm për përpjekjet e përbashkëta për një shoqëri europiane.

Ai kërkoi nga autoritetet shqiptare të reagojnë diplomatikisht dhe të mbështesin komunitetin shqiptar në Mal të Zi.

Gjithashtu, Gjekmarkaj theksoi se respekti për përfaqësimin e drejtë është kyç për stabilitetin dhe integrimin rajonal.

Deklarata e plotë e Gjekmarkajt:

Shqiptarët në Mal të Zi, malsorët dhe qytetarët e Tuzit, kanë qenë dhe mbeten një faktor thelbësor në proceset demokratizuese dhe integruese të Malit të Zi.

Ata kanë kontribuar me përgjegjësi dhe vizion në forcimin e bashkëjetesës ndëretnike, në stabilitetin institucional dhe në orientimin perëndimor të vendit.

Pikërisht për këtë arsye, çdo sulm me retorikë kërcënuese ndaj një përfaqësuesi autentik e autokton si z. Nik Gjeloshaj, personalitet perfaqesues me integritet, Zëvendëskryeministër i Malit të Zi, dhe aq më tepër kur vjen nga vetë Presidenti i Republikës, z. Jakov Milatović, është jo vetëm preokupues , por përbën një cenim të drejtpërdrejtë të përfaqësimit të shqiptarëve dhe të përpjekjeve të përbashkëta shqiptaro-malazeze për një shoqëri demokratike, gjithëpërfshirëse dhe europiane.

Në këtë kontekst, ftoj Qeverinë e Republikës së Shqipërisë dhe Ministrinë për Evropë dhe Punë të Jashtme të ndjekin nga afër këtë ngjarje, të kërkojnë sqarimet e nevojshme nga autoritetet malazeze dhe të mbështesin pa komplekse komunitetin shqiptar në Mal të Zi, në funksion të respektimit të standardeve demokratike dhe të përfaqësimit të drejtë dhe dinjitoz.

Nuk mund të ketë stabilitet afatgjatë dhe integrim europian në rajonin tonë pa barazi reale mes qytetarëve dhe pa respekt institucional për të gjithë komponentët kombëtarë të shteteve tona.

Shpreh mbështetjen time të palëkundur për z. Gjeloshaj dhe për të gjithë qytetarët shqiptarë në Mal të Zi. Është detyrë e çdo shteti serioz, përfshirë Shqipërinë, të mbrojë interesin kombëtar me dinjitet dhe me përgjegjësi, jo përmes retorikës, por përmes qëndrimeve të qarta dhe veprimit diplomatik.

The post Presidenti malazez kërkon shkarkimin e Nik Gjeloshajt/ Agron Gjekmarkaj: Sulm me retorikë kërcënuese appeared first on Albeu.com.

Të dy presidentët, u fokusuan gjatë bisedës së tyre në vijimin e politikave të fqinjësisë së mirë, mbështetjen e ndersjelltë të projekteve që synojnë zhvillimin e dy vendeve, si dhe në përshpejtimin e procesit të anëtarësimit të Ballkanit Perëndimor në BE.

Presidenti Begaj, e vlerësoi bisedën me homologun e tij, për rëndësinë e afrimit të qëndrimeve në lidhje me çështjet dypaleshe dhe rajonale në kontekstin e ndryshimeve që sjellin zhvillim të qëndrueshëm për rajonin.

“Me mikun tim dhe fqinjin tonë, Jakov Milatovic, për një qasje të përbashkët ndaj ndryshimeve që sjellin zhvillim të qëndrueshëm në rajon”, shkruan Begaj.

Ndërtojmë ura dhe forcojmë miqësinë me fqinjët tanë.

Në ftesën e Presidentit të Shqipërisë @BajramBegajAL patëm një drekë pune në Lezhë që është një simbol shtesë i lidhjeve tona të forta dhe miqësisë 🇲🇪 dhe 🇦🇱.

Mbështetja e ndërsjellë në rrugën drejt një qëllimi të përbashkët është shumë e rëndësishme sepse e ardhmja jonë është në 🇪🇺.

Duhet të shfrytëzojmë potencialin e madh për bashkëpunim ekonomik dhe tregtar për të mirën e qytetarëve tanë.

Fillon një epokë e re në marrëdhëniet 🇲🇪 dhe 🇦🇱.

The post Presidenti Begaj takohet me homologun e Malit të Zi Jakov Milatoviç appeared first on Albeu.com.

Milatoviç, sipas tij, duhet të mbledhë të gjithë aktorët politikë dhe së bashku të përcaktojnë datën e re të zgjedhjeve.

“Mund të jetë në fund të qershorit, para sezonit”, tha Abazoviç në një intervistë për TV Prva.

Çështja, siç theksoi ai, është se “presidenti legjitim dhe deputetët legjitimë” mund të përcaktojnë bashkërisht datën e zgjedhjeve.

“Nuk mendoj se është mirë që Gjukanoviç të shkarkojë deputetë kështu, është e papranueshme”, tha Abazoviç.

Gjukanoviç, pas miratimit të dekretit për shpërndarjen e Kuvendit, shpalli zgjedhjet e jashtëzakonshme parlamentare për 11 qershor./albeu.com

The post Abazoviç, kërkesë presidentit të ri: Anulo vendimin e Gjukanoviç për zgjedhjet e parakohshme appeared first on Albeu.com.

“Urime Presidentit të sapozgjedhur të Malit të Zi, Jakov Milatovic
dhe mbështetja domethënëse që ai mori nga zgjedhësit u ktheftë në sa më shumë mbarësi për vendin fqinj, me të cilin na lidh pazgjidhshmërisht e shkuara, e sotmja dhe e ardhmja”, shkruan Rama.

Kujtojmë se në zgjedhjet e së dielës, Milatoviç ka mundur bindshëm Milo Gjukanoviç, i cili pranoi rezultatin dhe dha dorëheqjen dhe nga drejtimi i partisë së tij DPS.

The post Mundi bindshëm Gjukanoviçin, Rama uron presidentin e ri të Malit të Zi appeared first on Albeu.com.

“Një nga prioritetet kyçe të politikës së jashtme për Malin e Zi, si dhe për mua si president i ri i vendit, do të jetë përshpejtimi i anëtarësimit të vendit në BE, në mënyrë që, me shpresë, Mali i Zi të bëhet anëtari i ardhshëm i BE-së gjatë 5 vviteve të mandatit tim”, tha Milatoviç në një intervistë për agjencinë Associated Press (AP), i cili shton se angazhimi i tij ndaj BE-së bie ndesh me akuzat se ai është një kukull e Moskës.

Milatoviç tha se arsyet kryesore për humbjen e Milo Gjukanoviçit ishin sundimi i tij afatgjatë, si dhe akuzat për korrupsion të përhapur gjatë sundimit të tij.

“Kjo është arsyeja pse ne na pëlqen të themi se kemi mundur një nga diktatorët e fundit në Evropë… Prandaj unë vërtet besoj se fitorja në këtë shtet të vogël ballkanik është gjithashtu një fitore e madhe evropiane, një fitore e vlerave evropiane,” tha Milatoviç.

AP thekson se kjo ishte humbja e parë e Gjukanoviçit në zgjedhje që kur ai hyri në politikë në ish-republikën jugosllave në fillim të viteve 1990.

Gjukanoviç gjatë mandatit të tij shpesh është akuzuar për korrupsion dhe presion ndaj drejtësisë, gjë që e ka mohuar.

Milatoviç i tha AP se paraardhësi i tij “është me të vërtetë një simbol i regjimit që sundoi vendin duke përdorur krimin e organizuar dhe korrupsionin.”

“Këto tre gjëra, një rënie e konsiderueshme ekonomike, krimi i organizuar dhe korrupsioni dhe integrimi shumë i ngadalshëm evropian janë simbole të regjimit (të Gjukanoviçit),” tha ai.

AP gjithashtu thekson se marrëdhëniet midis Serbisë dhe Malit të Zi janë përkeqësuar që kur Gjukanoviç e nxori vendin nga bashkimi me Serbinë në vitin 2006 dhe më vonë e futi atë në NATO në 2017.”

Milatoviç tha se do të përpiqet të përmirësojë marrëdhëniet me Serbinë, si dhe me shtetet e tjera fqinje të Ballkanit.

“Unë besoj se e ardhmja e të gjitha vendeve të Ballkanit Perëndimor është në BE dhe mendoj se Mali i Zi me siguri mund të jetë i pari që do të hyjë”, tha Milatoviç.

Sa i përket marrëdhënieve me Rusinë, Milatoviç kujtoi se “Mali i Zi fuqimisht, 100 për qind udhëheq politikën e jashtme të BE-së” dhe se “i tillë do të mbetet”.

“Pra, politika e plotë e BE-së është ajo që duhet të udhëheqë Mali i Zi në të ardhmen, dhe është veçanërisht e rëndësishme tani kur bëhet fjalë për agresionin rus kundër Ukrainës… Nuk ka njeri në Evropë dhe padyshim në Mal të Zi që mund të mbështesë pushtimin e një vendi në një vend tjetër sovran”, shtoi për AP presidenti i sapozgjedhur i Malit të Zi. /Albeu.com/

The post Presidenti i ri i Malit të Zi: Do të ndjekim politikën e BE-së ndaj Rusisë dhe do të forcojmë lidhjet me Serbinë appeared first on Albeu.com.

“Qofshim të gjithë të bekuar me këtë fitore”, tha Milatoviç në festën në Qendrën Universitare në Podgoricë.

Milatoviç tha se Mali i Zi sonte bëri një hap përpara drejt BE dhe “i tha lamtumirë regjimit të vjetëruar të Gjukanoviçit” dhe

“Ju e shihni forcën e Malit të Zi. Prandaj kjo fitore është kaq e madhe dhe kaq historike. Ne i thamë lamtumirë krimit dhe korrupsionit. Kjo është një ditë historike për të gjithë, i ftoj të gjithë të festojmë me dinjitet”, theksoi ai.

Milatoviç tha se premton të jetë president i të gjithë qytetarëve.

“Në pesë vitet e ardhshme, ne do ta sjellim Malin e Zi në Bashkimin Evropian. Gjithashtu, kurrë nuk do të vijnë më konflikte nga Mali i Zi ndaj ndonjë vendi të Ballkanit Perëndimor dhe fqinjëve tanë. Ne duam unitet, harmoni dhe përparim në Ballkanin Perëndimor evropian.”

Në selinë e asaj partisë së tij, Lëvizjes Evropa Tani, erdhën përfaqësues të partive politike që e mbështetën Milatoviçin në raundin e dytë të zgjedhjeve./albeu.com

The post Fitoi zgjedhjet, Milatoviç bën premtimin e parë si president: Mali i Zi, brenda 5 viteve në BE appeared first on Albeu.com.

“E përgëzoj Milatoviçin për zgjedhjen e tij si presidenti i parë evropian në historinë e Malit të Zi. Misioni ka përfunduar”, ka shkruar Abazoviç në kanalin Telegram.

Kryeministri shtoi se Mali i Zi ka një të ardhme të ndritur.

“Ne do të punojmë së bashku për një Mal të Zi evropian, civil dhe ekologjik”, tha Abazoviç.

The post Abazoviç: Milatoviç është presidenti i parë evropian në historinë e Malit të Zi appeared first on Albeu.com.

Pasi janë numëruar pjesa dërmuese e votave, Gjukanoviç përgëzoi pasardhësin e tij.

“Mali i Zi zgjodhi. Unë e respektoj atë zgjedhje. E përgëzoj Jakov Milatoviçin për besimin që mori në zgjedhje”, tha Gjukanoviq në fjalën e tij.

Ai falënderoi të gjithë qytetarët që i besuan.

“Për mua, secila votë është e vlefshme sa një mal, sepse ruajtja e besimit pas 30 vjetësh në pushtet nuk është shumë e lehtë”, theksoi Gjukanoviç, ndërsa shtoi se, partia e tij ka treguar përgjegjësi absolute ndaj Malit të Zi.

Milo Gjukanoviq për 30 vjet ka qenë në pushtet ku dy herë ishte president dhe shtatë herë kryeministër.

The post Zgjedhjet presidenciale në Mal të Zi, Gjukanoviç pranon humbjen appeared first on Albeu.com.

Sipas rezultateve preliminare të Qendrës për Monitorim dhe Hulumtim (CeMI), bazuar në 78,7 për qind të votave të numëruara, Milatoviç ka fituar 60,2 për qind të votave, ndërsa kandidati i Partisë Demokratike të Socialistëve (DPS) Milo Gjukanoviç 39,8 për qind.

Sipas të dhënave të CeMI, pjesëmarrja ishte 70.6 për qind.

Qendra për Tranzicion Demokratik (CDT) njoftoi, sipas 76,3 për qind të votave të numëruara, se Milatoviç fitoi 56,9 për qind të votave dhe Gjukanoviq 43,1.

Më herët kanë bërë të ditur se pjesëmarrja ka qenë 70.7 për qind.

The post Zgjedhjet presidenciale në Mal të Zi, Vijesti: Milatoviç mund bindshëm Gjukanoviçin appeared first on Albeu.com.

Qendra për Monitorim dhe Hulumtim në Podgoricë, tha se sipas rezultateve paraprake presidenti aktual dhe kandidati i Partisë Demokratike të Socialistëve, Milo Gjukanoviç, ka fituar numrin më të madh të votave, përkatësisht, 35.4 për qind.

Kandidati i Lëvizjes Qytetare “Evropa Tani”, Jakov Milatoviç, fitoi 29.3 për qind.

Kandidati i Frontit Demokratik pro-serb dhe pro-rus, Andrija Mandiç siguroi 19.1 për qind të votave

Katër kandidatët tjerë morën prej 10.9 deri 0.8 për qind të votave.

Qendra për Tranzicionin Demokratik njoftoi se në zgjedhjet presidenciale morën pjesë 344.700 votues, që i bie 63.6 për qind të 542.154 qytetarëve me të drejtë vote.

Sipas raporteve të vëzhguesve dhe Komisionit Shtetëror të Zgjedhjeve, dita e zgjedhjeve kaloi relativisht e qetë, pa ndonjë parregullsi të theksuar që do të mund të prishte procesin zgjedhor.

Në raundin e dytë të zgjedhjeve që do të mbahet pas 14 ditësh, me 2 prill, konkurrojnë dy kandidatët që kanë marrë numrin më të madh të votave.

Këto janë zgjedhjet e katërta presidenciale që nga rivendosja e pavarësisë, por kësaj radhe zgjedhjet presidenciale u zhvilluan në një mjedis krize institucionale dhe politike.

Viteve të fundit, shumica e paqëndrueshme dhe heterogjene parlamentare zëvendësoi dy qeveri, të cilat e zhytën Malin e Zi në një krizë institucionale dhe thelluan më tej ndarjet në skenën politike.

Që nga viti 2020, nuk ka pasur përparim në procesin e negociatave për anëtarësim në Bashkimin Evropian për shkak të arritjeve të pamjaftueshme në procesin e reformës.

Vendi i vogël buzë Adriatikut u bë anëtar i NATO-s në vitin 2017, pas një përpjekjeje të dështuar për grusht shteti në vitin 2016 për të cilin qeveria fajësoi agjentët rusë dhe nacionalistët serbë. Moska i hodhi poshtë pretendimet e tilla./VOA/

The post Gjukanoviç dhe Jakov Milatoviç do të përballen në raundin e dytë të zgjedhjeve presidenciale, në Mal të zi, asnjëri nuk siguroi shumicën appeared first on Albeu.com.