Bastisja është pjesë e një hetimi ndaj një grupi që dyshohet se kishte bërë ndryshime në një databazë me të dhënat qeveritare për vaksinat kundër COVID-19.

Policia tha se baza e të dhënave ishte ndryshuar për të ndryshuar statusin e vaksinimit të disa individëve të paidentifikuar.

Këshilltari i afërt i Bolsonaros, Mauro Cid, u arrestua në lidhje me këtë rast. Ndërkohë, Bolsonaro ka thënë se ai nuk ka asnjë lidhje me rastin që po hetohet.

Policia federale tha se “të dhëna të rreme” ishin futur në të dhënat e vaksinimit kundër COVID-19 të Ministrisë së Shëndetësisë të Brazilit.

Sipas policisë, kjo është bërë në mënyrë që individët të cilëve u ishte ndryshuar statusi i vaksinimit të mund të merrnin certifikatat e vaksinimit të nevojshme për të hyrë në Shtetet e Bashkuara të Amerikës në atë kohë.

Bolsonaro i kishte kundërshtuar fuqishëm vaksinat kundër COVID-19 dhe disa herë kishte shpërdarë informacion të rremë në lidhje me vaksinën dhe efektet anësore të supozuara të saj.

Gjatë një transmetimi të drejtpërdrejtë në rrjete sociale në vitin 2021, ai pretendoi gabimisht se vaksinat kundër COVID-19 e rritin mundësinë e infektimit me SIDA-n.

Në tetor 2021, ai tha se nuk do ta merrte vaksinën.

Në shkurt të këtij viti, agjencia braziliane kundër korrupsionit filloi ta shqyrtojë statusin e vaksinimit të ish-presidentit. Atij iu gjet një kartë vaksinimi në të dhënat e poseduara nga Ministria e Shëndetësisë, por thanë se të dhënat mund të kenë qenë të ndryshuara.

Të dhënat e rreme dyshohet se janë futur në sistemin e Ministrisë dikur mes nëntorit dhe dhjetorit të vitit të kaluar.

Bolsonaro udhëtoi për në Florida në fund të dhjetorit, vetëm disa ditë para se rivali i tij, Luiz Inacio Lula da Silva, ta merrte detyrën si president i vendit.

Ai qëndroi në SHBA deri më 30 mars.

Që nga kthimi i tij në Brazil, Bolsonaros i është dashur të paraqitet para policisë dy herë për të dëshmuar për dy hetime të veçanta.

Njëri rast ka të bëjë me rolin e tij të supozuar në sulmin ndaj Kongresit Brazilian nga mbështetësit e tij në janar. Ai po hetohet gjithashtu nëse ka tentuar të importojë dhe të mbajë ilegalisht bizhuteri në vlerë prej miliona dollarësh që atij dhe gruas së tij i janë dhënë nga Arabia Saudite në vitin 2019./rel

The post Brazili heton falsifikimet e të dhënave për vaksina, bastiset shtëpia e ish-presidentit appeared first on Albeu.com.

Zyrtarë të partisë së tij, Partisë Liberale, thanë se Bolsonaro, i cili nuk e pranoi humbjen në zgjedhjet e vitit të kaluar, pritet ta drejtojë opozitën ndaj presidentit majtist, Luiz Inacio Lula da Silva.

Mirëpo, Bolsonaro, para se të largohej nga Florida, kishte thënë për mediumin amerikan CNN se ai nuk do ta drejtojë opozitën ndaj liderit aktual të Brazilit.

Disa analistë kanë theksuar se gjatë mungesës së tij tre-mujore, politikanë të tjerë konservativë janë shfaqur në sferën politike të Brazilit.

Kjo është herë e parë që Bolsonaro është kthyer në vendlindjen e tij që kur përkrahësit e tij sulmuan ndërtesat qeveritare në Brazilia më 8 janar. Ai është nën hetime për rolin e tij në nxitjen e këtij sulmi.

Lula e kishte mposhtur me rezultat të ngushtë Bolsonaron në zgjedhjet presidenciale të 30 tetorit të vitit të kaluar. Njëjtë si Bolsonare, edhe shumë përkrahës të tij nuk e kishin pranuar rezultatin dhe ishin grumbulluar para kazermave të ushtrisë me shpresën se ushtria do ta rrëzonte presidentin e sapozgjedhur.

Por, institucionet braziliane, përfshirë këtu edhe ushtrinë, e pranuan rezultatin e zgjedhjeve dhe kalimin e presidencës te Lula. Pas kësaj, Bolsonaro nuk u shfaq shumë në publik, por mbështetësit e tij nuk ishin të qetë.

Ata sulmuan ndërtesat kryesore qeveritare në Brasilia vetëm një javë pasi Lula mori pushtetin dhe më shumë se 1.500 njerëz ishin arrestuar.

Edhe pse Bolsonaro ishte në Florida kur ndodhi ky incident, hetuesit argumentojnë se retorika e tij – duke mos e pranuar vlefshmërinë e rezultatit të zgjedhjeve dhe duke thënë se vetëm zoti apo vdekja do ta largonte nga karrigia – i kishte nxitur protestuesit.

Bolsonaro është gjithashtu nën hetim për dyshimet se tentoi të importonte dhe mbante ilegalisht bizhuteri në vlerë prej miliona dollarësh iu dhanë atij dhe gruas së tij nga Arabia Saudite në vitin 2019. Bolsonaro është thirrur për të dëshmuar për këtë rast brenda më pak se një jave.

Pas sulmit ndaj ndërtesave qeveritare, policia i ka ndërmarrë disa masa, si rrethimi i sheshit të kryeqytetit. Sipas mediumit brazilian, O Globo, në mesin e turmës që e priti në aeroport Bolsonaron kishte më shumë policë sesa përkrahës.

Ai pritet të takohet me bashkëshorten e tij, Michelle, dhe liderët e partisë në selinë e Partisë Liberale./rel

The post Bolsonaro kthehet në Brazil, pritet ta ndihmojë opozitën djathtiste appeared first on Albeu.com.

Skenat dramatike erdhën një javë pas inaugurimit të veteranit të krahut të majtë Luiz Inácio Lula da Silva.

BREAKING: Bolsonaro supporters break into Brazil Congress building

pic.twitter.com/qHvXf898gy

— Insider Paper (@TheInsiderPaper) January 8, 2023

Mbështetësit e Bolsonaro, të cilët refuzojnë të pranojnë se ai humbi zgjedhjet, thyen barrierat dhe hynë në ndërtesën në kryeqytetin Brasília, ka raportuar BBC.

Lula mundi Jair Bolsonaro në zgjedhjet e tetorit.

Në fjalimin e tij të inaugurimit, Lula u zotua të rindërtojë një vend në “rrënoja të tmerrshme”.

Ai dënoi politikat e paraardhësit të tij, i cili shkoi në SHBA për të shmangur ceremoninë e dorëzimit.

The post VIDEO/ Mbështetësit e ish-presidentit në Brazil sulmojnë Kongresin appeared first on Albeu.com.