Menjëherë pas njoftimit, policia thotë se u vu në ndjekje të mjetit lundrues, duke bërë të mundur shoqërimin e 4 personave që ndodheshin në bordin e jahtit.

Në bord ndodheshin katër persona, të identifikuar me inicialet B. C., 31-vjeç, L. H., 31-vjeç, A. K., 49-vjeç dhe P. Gj., 60-vjeç, të cilët u shoqëruan nga policia.

Gjatë kontrolleve të ushtruara në jaht dhe ndaj personave që ndodheshin në bord, nuk u gjet asnjë armë apo send tjetër i kundërligjshëm.

“Nga grupi hetimor vijuan veprimet e mëtejshme procedurale, duke marrë deklarime në cilësinë e personave që kanë dijeni për rrethanat e ngjarjes, si dhe duke kryer ekspertimet për përcaktimin e faktorëve plotësues të qitjes”, njofton policia.

Njoftimi:

Në vijim të informacionit të dhënë mbrëmjen e djeshme, ku rreth orës 21:00 është marrë njoftim se, në det, përballë Palasës, dyshohej se ishte qëlluar me armë zjarri në ajër nga një mjet lundrues, ju informojmë se:

Menjëherë pas marrjes së njoftimit, shërbimet e Policisë Kufitare, Njësia Policore Detare, Delta Forcë, shërbimet e Komisariatit të Policisë Himarë/Stacionit të Policisë Dhërmi, si dhe grupet e Forcës Kombëtare të Sigurisë (FKS), u vunë në ndjekje të mjetit lundrues nga deti dhe toka, pasi jahti po lëvizte në drejtim të Himarës.

Si rezultat i veprimeve të shpejta policore, u bë e mundur ndalimi i jahtit në det, përballë Himarës, si dhe shoqërimi i tij së bashku me personat që ndodheshin në bord, konkretisht shtetasit B. C., 31-vjeç, L. H., 31-vjeç, A. K., 49-vjeç dhe P. Gj., 60- vjeç.

Në vijim të veprimeve hetimore dhe procedurale të kryera nga Komisariati i Policisë Himarë, nën drejtimin e Prokurorisë, shërbimet e Policisë ushtruan kontroll në ambientet e jahtit dhe ndaj personave që ndodheshin në bord, ku nuk u konstatua asnjë send apo mjet i kundërligjshëm.

Nga grupi hetimor vijuan veprimet e mëtejshme procedurale, duke marrë deklarime në cilësinë e personave që kanë dijeni për rrethanat e ngjarjes, si dhe duke kryer ekspertimet për përcaktimin e faktorëve plotësues të qitjes.

Grupi hetimor, nën drejtimin e Prokurorisë, vijon hetimet për sqarimin e plotë të rrethanave të ngjarjes, verifikimin e informacionit të marrë dhe dokumentimin ligjor të këtij rasti.

Materialet procedurale do t’i referohen Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

The post VIDEO/ Të shtënat me armë zjarri nga jahti në Palasë, policia ndalon mjetin lundrues dhe shoqëron katër persona appeared first on Albeu.com.

Bëhet me dije se mes personave të shoqëruar janë Astrit Gjonpalaj, ish-punonjës policie dhe pronar i kompanisë “Globus Travel”, si edhe Astrit Meta, shtetas shqiptaro-amerikan.

Këta të fundit, dyshohet se kanë qenë në jaht në momentin kur janë dëgjuar të shtënat.

Gjatë ndjekjes, dy nga personat që ndodheshin në bordin e jahtit, kanë tentuar të afroheshin në breg me gomone për t’i ikur policisë, por pasi kanë parë praninë e efektivëve në tokë, janë kthyer sërish drejt jahtit.

Ndërsa, njëri nga personat e tjerë, është hedhur në det, por është kapur më pas nga Policia Kufitare.

Jahti fillimisht kishte marrë drejtimin për në Greqi, por më pas ndryshoi kurs. Në përpjekje për t’i ikur autoriteteve, jahti ka fikur dritat dhe ka vijuar lëvizjen në det, por pas dy orësh ndjekjeje, mjeti u ndalua dhe u dërgua në Portopalermo për kontroll të imtësishëm.

Ngjarja ka ndodhur rreth orës 21:00, kur pushues që ndodheshin në zonë njoftuan policinë se nga një jaht ishin dëgjuar të shtëna me armë zjarri.

Menjëherë pas marrjes së sinjalizimit, shërbimet e Policisë Kufitare dhe të Njësisë Policore Detare janë ngritur me urgjencë në këmbë dhe i janë vënë në ndjekje mjetit lundrues në hapësirën detare.

Mjeti lundrues iu nënshtrua një kontrolli të imtësishëm nga forca të shumta policie, por ende nuk është bërë e ditur se çfarë është gjetur në bord.

Megjithatë ende nuk dihen motivet e të shtënave dhe as kush ka qëlluar me armë, ndërsa hetimet vijojnë për të dokumentuar rrethanat e plota të ngjarjes.

The post Të shtënat me armë nga jahti në Palasë, mes personave të shoqëruar edhe biznesmeni i njohur appeared first on Albeu.com.

Këngëtarja me prejardhje shqiptare ka ndarë së fundmi me ndjekësit e saj në platformën X (ish-Twitter) një fotografi mjaft provokuese, të realizuar nga kuverta e një jahti luksoz, ku shfaqet duke vënë në pah linjat e saj të bujshme trupore.

Megjithatë, përveç pamjes që nuk kaloi pa u komentuar nga fansat, ishte mbishkrimi i fotografisë ai që mori vëmendjen më të madhe.

“Prisja që një ‘daddy’ të më çonte në një jaht, pastaj e kuptova… unë jam vetë ‘daddy’”, ka shkruar artistja, duke lënë të kuptohet me humor dhe vetëbesim se nuk ka nevojë të mbështetet te dikush tjetër për të shijuar luksin dhe suksesin që ka ndërtuar vetë.

Postimi u prit me mijëra pëlqime dhe komente, me ndjekësit që vlerësuan jo vetëm paraqitjen e saj, por edhe mesazhin plot ironi dhe pavarësi që përcolli.

Ndërkohë, Bebe Rexha po shijon suksesin e albumit të saj më të ri, “Dirty Blonde”, i cili u publikua më 12 qershor dhe është pritur pozitivisht nga publiku dhe kritikët, duke shënuar një tjetër kapitull të rëndësishëm në karrierën e artistes shqiptaro-amerikane.

The post Bebe Rexha provokon me poza nga jahti: Prisja që një ‘daddy’ të më çonte në jaht, pastaj e kuptova që unë jam ‘daddy’ appeared first on Albeu.com.

Dorian Alikaj u njoftua rreth orës 14:00 të mesditës që mjeti i tij lundrues me emrin “Tamomar 2” nuk ishte në zonën ku ishte ankoruar prej disa muajsh. Ai menjëherë ka vënë në dijeni Policinë Kufitare e më pas ka shkuar në Komisariatin e Durrësit për të depozituar kallëzimin.

Mirëpo, pas denoncimit jahti është parë duke u rikthyer në vendin ku ishte ankoruar ndërsa në bord ndodheshin 3 persona. Autoritetet kanë shoqëruar për në komisariat këta tre persona me qëllim sqarimin e plotë të rrethanave të rastit.

Vijon të mbetet e paqartë sesi këta persona kanë arritur të ndezin mjetin lundrues ndërsa çelësat ruheshin nga kapiteni i jahtit, Memet Ayhan Ulus.

The post Zhduket jahti në Portin e Durrësit, pronari në panik bën denoncimin në polici! Pak orë më vonë mjeti shfaqet duke u rikthyer appeared first on Albeu.com.

Këngëtarja, 33 vjeçe, ishte e buzëqeshur teksa kalonte kohë me bashkëshortin Taika Waititi dhe shoqen e saj, aktoren Jodie Turner-Smith.

Ajo dukej e pabesueshme, teksa tregonte figurën e saj të tonifikuar në bikinit dypjesëshe, shkruan DailyMail.

Rita i ka aksesuar rrobat e banjës me një palë vathë jeshilë dhe ka veshur një byzylyk ari dhe një zinxhir barku.

Ajo dukej në humor të lartë ndërsa u hodh nga skaji i varkës me një numër vajzash dhe shkoi të notonte në oqean.

Këngëtarja e “Poison” i shtyu nga fytyra flokët e saj të gjata kaçurrela, ndërsa u ngjit përsëri në varkën luksoze.

The post Rita Ora shfaq format e saj të mrekullueshme me bikini të gjelbra, teksa shijon një ditë në jaht me bashkëshortin Taika Waititi appeared first on Albeu.com.

Për pasojë, është ndëshkuar me masë administrative 100 mijë lekë, pronari i mjetit lundrues, i cili nuk ishte i pajisur me Certifikatën e Operatorit Turistik Detar.

“Shërbimet e Policisë Kufitare të DVKM Vlorë, në bashkëpunim me shërbimet e Njësisë Speciale Delta, gjatë patrullimit të vijës bregdetare, me qëllim garantimin e rendit dhe sigurisë publike në zonat turistike, si dhe për kontrollin e përdorimit të mjeteve lundruese, bazuar dhe në informacionet e marra se në vendin e quajtur “Zhapovel”, Karaburun, një shtetas ushtronte aktivitetin, me mjetin e tij lundrues jaht, pa licencën përkatëse, kanë ndërhyrë menjëherë duke bërë shoqërimin dhe bllokimin e këtij mjeti.

Shërbimet e Policisë Kufitare e kanë ndëshkuar drejtuesin e mjetit lundrues, shtetasin A. T, me masën administrative 100 000 lekë të rinj, bazuar në ligjin nr. 43/2020 “Për operatorët turistikë detarë”, pasi rezultoi se nuk ishte i pajisur me Certifikatën e Operatorit Turistik Detar, për të ushtruar aktivitetin me mjetin lundrues jaht, në bordin e të cilit u konstatuan 10 turistë të huaj.

Policia e Vlorës fton qytetarët që të denoncojnë në numrin pa pagesë 112, çdo rast paligjshmërie duke iu garantuar anonimat, reagim të shpejtë dhe profesional”, thuhet në njoftimin e policisë.

The post Vlorë/ Kishte mungesë dokumentesh, bllokohet jahti në Karaburun, gjobitet pronari appeared first on Albeu.com.

Të 17 personat në bordin e Irmao 27 metra i gjatë dhe pesë anëtarë të ekuipazhit shpëtuan të padëmtuar, sipas raportimeve.

Jahti u ankorua në Cavall d’en Borràs, në veri të ishullit, në Balearics, përballë një restoranti të njohur të quajtur El Tiburon.

Pronari i jahtit është Diego Gómez González, 34 vjeç, një lojtar profesionist i pokerit, i cili quhet “Luani”.

Zjarri shpërtheu të shtunën në mbrëmje dhe u përhap shpejt, duke e kthyer jahtin në një top zjarri.

Një kolonë e madhe tymi mund të shihej nga ishulli fqinj i Ibizës, i cili është 12 milje në veri.

Jahti u mbyt rreth orës 21:00.

Nuk dihet nëse Gómez, i cili mori pseudonimin e tij pasi kishte veshur një kostum luani me trup të plotë në Pragë një dekadë më parë, ishte në bord në momentin e zjarrit./Albeu.com/

The post Digjet jahti luksoz i “Luanit”, i ankoruar në ishullin e njohur appeared first on Albeu.com.

Rezidenca lundruese, e quajtur më parë Graceful, u pa për herë të fundit duke u drejtuar për në Shën Petersburg pasi u largua nga porti i saj në provincën ruse të vendosur midis Polonisë dhe Lituanisë.

Fotot tregojnë se anija 270 metra është riemërtuar Kocatka, fjala ruse për balenën vrasëse.

Ai ishte ankoruar në rajonin e Kaliningradit që kur i shpëtoi sanksioneve duke lënë një kantier detar gjerman disa ditë përpara pushtimit të Ukrainës nga Mad Vlad në shkurt.

Anija besohet të ketë fikur transponderët e saj AIS që do të thotë se nuk mund të gjurmohet

Ndër lukset në jaht janë një pishinë që mund të shndërrohet në një pistë vallëzimi dhe teatër, një piano e madhe dhe bar koktej.

The post “Balena Vrasëse”, Putin ndryshon emrin e jahtit për t’i shpëtuar sanksioneve appeared first on Albeu.com.

Gruaja është rreth të 20-ave dhe bëri një deklaratë në fillim të gushtit me policinë në zonën Crumlin, një periferi e kryeqytetit të Irlandës, Dublin.

“The Irish Sun” ka raportuar se gruaja pretendon se ka pësuar mavijosje në sulmin e supozuar, për të cilin ajo thotë se ndodhi në jahtin që ndodhej në Ishujt Balearik të Spanjës. Mendohet se ngjarja e supozuar ka ndodhur në 17 korrik 2022, kur McGregor po festonte ditëlindjen e tij të 34-të. Deklarata dhe pretendimet, së bashku me detajet e takimeve mjekësore, tani i janë dërguar policisë spanjolle në Formentera.

Guardia Civil ka përjashtuar që autori të jetë vetë Conor McGregor apo nëse ky i fundit është përfshirë në incident. Vajza në fjalë thotë se kontaktoi autoritetet lokale, por ishte e nxehur nga mungesa e tyre të të kuptuarit anglisht, dhe më pas vendosi të mos bënte një deklaratë në atë kohë.

Një hetues në Spanjë komentoi, përsëri sipas burimit të lartëpërmendur.

“Tani janë dërguar dokumente nga Iralnda në Spanjë. Kur gruaja ishte në Spanjë ajo nuk firmosi asgjë sepse ishte e vendosur të kthehej në shtëpi.

Autoritetet në Iralndë do të ndihmojnë kolegët e tyre në Spanjë gjatë këtij hetimi.”/ h.ll/albeu.com

The post Gruaja pretendon se është sulmuar në jahtin e McGregor, policia nis hetimet appeared first on Albeu.com.

The post Sekuestrohet superjahti rus, do të shitet në ankand në Gjibraltar (VIDEO) appeared first on Albeu.com.