Pavarësisht spekulimeve në rritje se sulmuesi i krahut ishte pranë një kalimi në Stamboll, trajneri i mëparshëm i Chelsea, Real Madrid dhe Romës i ka kërkuar klubit të braktisë përpjekjet për nënshkrimin e tij.

Sipas mediumit turk Fanatik, Mourinho i ka këshilluar bordit të Fenerbahces që të kërkojë alternativa të tjera në krahë, duke i dhënë fund interesit për Sanchon.

Kjo vendim u mor pasi Mourinho konsultoi Ruben Amorimin, trajnerin aktual të Manchester United, dhe kërkoi informacion rreth arsyes pse Sancho nuk bën pjesë më në planin afatgjatë të klubit në ‘Old Trafford’. Dy trajnerët kanë një marrëdhënie të ngushtë.

Mourinho, i njohur për standardet e tij të rrepta menaxheriale, besohet se ka bazuar vendimin e tij në perceptimin për mungesën e motivimit dhe profesionalizmit të Sanchos.

Tekniku portugez shprehu rezerva për të sjellë në skuadër një lojtar që beson se ka mungesë angazhimi ndaj ekipit dhe mund të jetë më shumë i interesuar për një fitim të lartë financiar sesa për të kontribuar në fushë.

Me një të ardhme në Turqi jashtë skenës, Sancho po i afrohet një kapitulli të ri në Itali.

Manchester United raportohet se ka pranuar një ofertë prej 25 milionë eurosh nga gjiganti i Serie A, Juventus.

Negociatat për kushtet personale thuhet se janë në një fazë të avancuar, dhe bisedimet janë përshpejtuar pas miratimit të tarifës së transferimit.

The post Mourinho ia mbyll derën transferimit të yllit anglez tek Fenerbahce appeared first on Albeu.com.

Sancho, i cili iu bashkua Chelseat në verën e kaluar në formë huazimi nga Manchester United me një detyrim për blerje deri në 30 milionë euro, nuk arriti të përmbushë kushtet për një transferim të përhershëm për shkak të mosmarrëveshjeve mbi kushtet personale.

Në deklaratën e tij, 25-vjeçari shprehu mirënjohjen për eksperiencën e tij te Chelsea, duke thënë: “Jam mirënjohës për përvojën. Dashuri e madhe për të gjithë te Chelsea që më bënë të ndihem si në shtëpi: shokët e ekipit, stafin dhe tifozët. I uroj klubit më të mirën në të ardhmen”.

Gjatë kohës së tij te Chelsea, Sancho ndihmoi ekipin të renditet në vendin e katërt në Ligën Premier, duke siguruar kualifikimin për Ligën e Kampionëve, dhe shënoi në fitoren e finales së Ligës së Konferencës kundër Real Betis.

Megjithatë, rikthimi i tij te Manchester United ka nxitur reagime të ndryshme nga tifozët, disa prej të cilëve shprehin zhgënjim për vendimin e Chelseat për të mos e mbajtur lojtarin.

Sancho tani pritet të eksplorojë opsione të tjera në Angli dhe Evropë për të ardhmen e tij, ndërsa situata e tij te United mbetet e pasigurt. /Telegrafi/

The post Jadon Sancho largohet nga Chelsea, kthehet te Man United appeared first on Albeu.com.

Sipas marrëveshjes mes klubeve, huazimi përfshinte një klauzolë blerjeje prej 25 milionë eurosh.

Megjithatë, siç raportoi ‘The Telegraph‘ në shkurt, kjo klauzolë nuk ishte detyruese, por opsionale dhe Chelsea do të duhet të paguajë një tarifë prej 5 milionë eurosh nëse vendos të mos e aktivizojë atë.

Pas një fillimi të mirë sezoni, Sancho ka humbur gradualisht vendin si titullar te Chelsea muajt e fundit.

Sipas raportimit të David Ornstein nga ‘The Athletic‘, Chelsea ka vendosur të mos e blejë Sanchon përfundimisht dhe do të paguajë 5 milionë euroshin e penalitetit, duke bërë që lojtari të rikthehet te Manchester United gjatë verës.

Raporti shton se arsyeja kryesore e këtij vendimi është se klubi londinez nuk arriti të dakordohet për kushtet personale me futbollistin e përfaqësueses angleze.

Thuhet gjithashtu se Sancho do të eksplorojë mundësi të reja si brenda Anglisë, ashtu edhe jashtë saj, përpara se të marrë një vendim për të ardhmen e tij.

25-vjeçari kontribuoi në fitoren e Chelseat në Ligën e Konferencës, duke shënuar një gol në finalen e fituar me rezultat 4-1 ndaj Real Betis, pasi u aktivizua si zëvendësues në pjesën e dytë.

Ai ka qenë titullar i rregullt në Ligën Premier, por deri tani në vitin 2025 ka regjistruar vetëm dy kontribute direkte në gola.

Sipas gazetarit Fabrizio Romano, Manchester United po kërkon ta shesë Sanchon gjatë verës për të siguruar fonde të nevojshme për përforcimin e skuadrës së trajnerit Ruben Amorim.

Sancho ishte larguar si huazim nga United përpara se Amorim të emërohej trajner në nëntor, por duket se nuk ka të ardhme në “Old Trafford” pavarësisht ndryshimeve në stafin teknik.

Një rikthim në Bundesligë, ku ka pasur sukses më parë me Borussia Dortmund, mbetet një mundësi reale për të. /Telegrafi/

The post Chelsea merr vendimin përfundimtar për të ardhmen e Jadon Sanchos appeared first on Albeu.com.

Pasi dështoi të bënte emër te “Djajtë” e Manchester United, Jadon Sancho u rikthye sërish te Borussia Dortmund.

Mirëpo, edhe në “Signal Iduna Park”, duket se aventura e dytë përfundoi shpejt dhe tashmë pritet të nisë një kapitull i ri.

Sipas raportimeve më të fundit të tabloideve britanike, për kartonin e 24-vjeçarit interesohen edhe Juventusi.

Tekniku i ri i tyre, Thiago Motta, pritet të implementojë një skemë me tre sulmues dhe një anësor si Sancho do të ishte tejet perfekt për teknikun brazilian, mirëpo ende nuk është arritur akordi.

Për kartonin e yllit anglez, “Djajtë” e United nuk pranojnë më pak se një shifër mes 40 dhe 50 milionë eurove.

Megjithatë, specialisti i merkatos së Juventusit, Cristiano Giuntoli, po punon për të gjetur formulën e duhur të transferimit të anësorit. Nuk përjashtohet as një shkëmbim mes Sancho dhe Federico Chiesas.

The post Juventus kërkon sulmuesin anglez, vihet pas yllit të Manchester United appeared first on Albeu.com.

I huazuar nga Borussia Dortmund gjatë merkatos së janarit nga Manchester United, sulmuesi 24-vjeçar gjeti formën e tij më të mirë te “Verdhezinjtë” dhe në këtë situatë, Sancho shpreson që Borussia Dortmund të arrijë marrëveshje me “Djajtë e Kuq” për transferimin e tij të përhershëm në “Signal Iduna Park” ku po kalon një moment shumë të mirë.

Ndërkaq, kujtojmë se që prej rikthimit të tij në Bundesliga, Sancho është kthyer në një protagonist të vërtetë, te skuadra e teknikut, Edin Terzic, ku në 21 përballjet e zhvilluara që prej janarit ka arritur të regjistrojë tre gola, si dhe tre asistime.

The post Sancho kërkon qëndrimin në Bundesliga, Dortmund e United nisin negociatat për anglezin appeared first on Albeu.com.

Manchester United pagoi 73 milionë euro për të nënshkruar me Sanchon nga Borussia Dortmundi në 2021, por karriera e tij tek ‘Djajtë e Kuq’ shkoi si mos më keq kur Ten Hag ia ndaloi që të stërvitet me pjesën tjetër të ekipit.

Ten Hag ishte i zemëruar me komentet që bëri Sancho pasi tekniku holandez e la atë jashtë ekipit të tij në humbjen ndaj Arsenalit për shkak të nivelit të tij të dobët në stërvitje.

Në atë që dukej si një përgjigje direkte ndaj Ten Hag, Sancho kishte shkruar në platformën X: Ju lutem, mos besoni çdo gjë që lexoni.

Sancho nuk luajti më për Unitedin pasi refuzoi që të kërkojë falje ndaj trajnerit të tij dhe në janar u rikthye në formë huazimi tek klubi i tij i vjetër Dortmund.

Tani njëri prej trajnerëve tek Unitedi dhe ish-sulmuesi i njohur, Benni McCarthy, ka zbuluar arysen pse Sancho ka refuzuar që t’i kërkojë falje trajnerit të tij.

“Kam folur me Jadon si trajner, si mentor, si mik dhe si dikush që është rritur në rrugë dhe i di më së miri këto gjëra”.

“Por Jadon nuk po pajtohej dot. Ai tha: Unë nuk do të kërkojë falje, sepse nëse e bëj po kërkoj falje për shkak se jam dembel, gjithmonë vonohem, nuk e jap më të mirën. Do të kërkoj falje për këto. Ky ishte arsyetimi i tij”, ka thënë McCarthy.

Sancho e ka ndihmuar Dortmundin që të kualifikohet në finale të Ligës së Kampionëve, aty ku do të përballen nesër (1 qershor) me Real Madridin në ‘Wembley’. /Telegrafi/

The post Zbulohet arsyeja e vërtetë pse Jadon Sancho refuzoi t’i kërkojë falje Ten Hagut appeared first on Albeu.com.

Reprezentuesi anglez 24-vjeçar bëri një paraqitje fantastike teksa skuadra e tij eliminoi Paris Saint-Germainin nga Liga e Kampionëve, pasi mysafirët fituan 1-0 falë një goditjeje me kokë të veteranit me përvojë Mat Hummels.

Fitorja e tyre totale 2-0 ndaj PSG-së do të thotë që skuadra e Edin Terzic luan në finale të Ligës së Kampionëve për herë të parë në njëmbëdhjetë vjet, ku ata do të përballen ose me Bayern Munich ose Real Madrid në Wembley.

Edhe pse shumë tifozë të Manchester United mund të kenë një shije të hidhur në gojën e tyre kur shohin një huazues të United që arrin në finale, kjo nuk është një humbje e plotë nga aspekti financiar.

Dortmundi i pagoi Unitedit pesë milionë euro për kthimin e Sanchos në Signal Iduna Park plus një marrëveshje për të paguar një pjesë të pagës së tij për transferimin e tij në mes të sezonit.

Djajtë e Kuq pritet të marrin dëmshpërblim edhe më tej pasi u zbulua se të dy klubet kanë një marrëveshje, ku skuadra gjermane do t’i paguante skuadrës së Mançesterit gjashtë milionë të tjera bazuar në përparimin dhe paraqitjet e Sancho në Ligën e Kampionëve.

Besohet se shumica e shtesave të përfshira në kontratën e huazimit janë përmbushur si rezultat i kalimit të Sanchos në finale, ku luajti një rol të rëndësishëm në arritjen e ekipit gjerman në finale. /Telegrafi/

The post Shuma e majme që do ta fitojë United falë Sanchos që kaloi në finale të Championsit appeared first on Albeu.com.

Pas problemeve që kishte me trajnerin Erik Ten Hag, Sancho është huazuar te Borussia Dortmund dhe ka filluar të shkëlqej sërish në Sigan Iduna Park.

Megjithatë e ardhmja e tij nuk pritet të jetë në Old Traford, pasi Djajtë e Kuq kanë për synim ta shesin atë duke i vendosur edhe një çmim largimi.

Nuk përjashtohet mundësia që Sancho të qëndroj te Dortmund, por gjithçka do të varet nga verdhezinjtë nëse duan të paguajnë 50 milionë euro, çmimin që i kanë caktuar drejtuesit e United lojtarit anglez.

Sky Sport ka raportuar se Dortmund do të marrë një vendim në fund të sezonit për anësorin, edhe pse paraqitjet e tij deri më tani kanë qenë shumë të mira.

“Jam i lumtur për Sanchon dhe paraqitjen e tij. Do të shohim se çfarë do të ndodhë në të ardhmen”, tha ditë më parë Erik Ten Hag për yllin anglez.

24-vjeçari pëlqehet edhe nga skuadra të tjera në Angli si Chelsea, Newcastle United dhe Tottenham Hotspur, megjithatë ai po pret fillimisht Dortmundin të marrë një vendim për të ardhmen e tij.

Deri më tani Sancho ka zhvilluar 17 paraqitje me verdhezinjtë, ku ka shënuar tre gola dhe ka asistuar në dy të tjerë. /Telegrafi/

The post E ardhmja e tij është larg Old Trafordit, Man Utd i vendos çmimin e largimit Jadon Sanchos appeared first on Albeu.com.

Sancho u dëbua nga United për herë të parë nga Erik ten Hag në fillim të sezonit pas një përplasjeje për shkak të largimit për ndeshjen jashtë fushe kundër Arsenalit.

Ten Hag e kritikoi publikisht Sanchon pas ndeshjes, me anglezin që pastaj bëri një postim në rrjetet sociale për t’u mbrojtur. Pasi asnjëra palë nuk dëshironte të tërhiqej, Sancho përfundimisht u dërgua në huazim te Dortmundi ku ai ka filluar të kthehet në maksimumin e tij.

Me karrierën e Sanchos në United që duket se ka mbaruar për sa kohë që Ten Hag është në krye, me siguri do të duhet të ketë një lloj marrëveshjeje që Sancho të ndërpresë plotësisht lidhjet në Old Trafford me klubin që dëshiron midis 40 dhe 50 milionë funteve për 23-vjeçarin.

Pavarësisht çmimit të lartë të kërkuar, Football Insider ka raportuar se klubi është gjithashtu i hapur për një marrëveshje shkëmbimi për të zgjidhur situatën.

Kuptohet se Sancho do të ishte i hapur për të zgjatur qëndrimin e tij të dytë në Signal Iduna Park, dhe kjo mund të hapë derën për një marrëveshje pasi United thuhet se është i interesuar për Donyell Malen.

Malen është shfaqur si një lojtar kyç për Dortmundin gjatë gjithë sezonit 2023/24, duke u paraqitur në 33 ndeshje në të gjitha garat.

Gjatë kësaj periudhe ai gjeti rrjetën 13 herë dhe kontribuoi me pesë asistime. Që nga transferimi i tij nga PSV Eindhoven në korrik 2021, 25-vjeçari ka qenë një lojtar i fortë për klubin gjerman, duke luajtur në gjithsej 106 ndeshje, duke shënuar 32 gola dhe duke dhënë 19 asistime gjatë rrugës.

Sulmuesi holandez ka përvojë në Angli gjatë karrierës së tij të hershme ishte në akademinë e Arsenalit nga 2015-17 përpara se të kthehej në Holandë në ndjekje të futbollit të ekipit të parë. /Telegrafi/

The post Man United i interesuar për shkëmbimin që përfshin Sanchon dhe yllin e Dortmundit appeared first on Albeu.com.

Reprezentuesi anglez u huazua te ish-skuadra e tij, Borussia Dortmund, në janar pasi u përplas me trajnerin Erik ten Hag. Pasi trajneri holandez nuk arriti të përfshijë lojtarin në humbjen 3-1 nga Arsenali në shtator 2023 për çështje të lidhura me stërvitjen, sulmuesi u kundërpërgjigj, duke pretenduar se kjo ishte e pavërtetë.

Ai bëri një postim në X, por më vonë e fshiu postimin. Megjithatë, 23-vjeçari nuk arriti të bënte paqe me Ten Hag dhe bëri vetëm tri paraqitje në Ligën Premier këtë sezon, duke grumbulluar një kohë totale prej 76 minutash.

Pas kthimit të Sanchos në Gjermani, ai është paraqitur tri herë në Bundesligë dhe ka realizuar dy asistime. Megjithatë, çmimi i cituar nga Football Insider mund të duket i tepruar për një lojtar që nuk ka arritur të përmbushë pritjet.

Ai u transferua te Manchester United për një shumë prej 80 milionë euro në vitin 2021 dhe luajti 82 ndeshje për klubin në të gjitha garat. Nga ato paraqitje, sulmuesi ka shënuar vetëm 12 gola dhe ka dhënë gjashtë asistime.

Raporti i lartpërmendur gjithashtu pretendon se nuk ka gjasa që Borussia Dortmund të nënshkruajë me Sanchon në baza të përhershme gjatë verës. Një e ardhme në Old Trafford për anësorin anglez duket e padiskutueshme për momentin. /Telegrafi/

The post Manchester United i cakton çmimin Jadon Sanchos appeared first on Albeu.com.