Sipas mediave izraelite, sirenat kanë rënë në qytetin Kiryat Shmona, i cili ka qenë edhe më herët objektiv i sulmeve të Hezbollahut, si dhe në qytete të tjera në veri të vendit.

Besohet se ky sulm, me intensitet të panjohur aktualisht, është hakmarrja e Hezbollahut për vrasjen e komandantit, raporton timesofisrael.

“Disa raketa u hodhën nga Libani në Kiryat Shmon dhe zona të tjera, si dhe në pjesën veriore të Lartësisë Golan. Nuk pati raportime për të lënduar nga sulmet”, njoftoi IDF.

Vdekja e komandantit u konfirmua nga Hezbollahu dhe deklaroi se ishte Muhammad Nimah Nasser ai që u vra në një sulm izraelit me dron në qytetin e Tiros.

Ai komandonte degën rajonale të Hezbollahut, më saktë njësinë “Aziz”, e cila ndodhet në pjesën jugore të Libanit.

Më herët, ministri izraelit i Mbrojtjes, Yoav Gallant komentoi tensionet me Libanin, duke thënë se ushtarët që luftojnë në Gaza mund të vazhdojnë të luftojnë në Liban.

“Çdo ditë ne godasim fort dhe fuqishëm Hezbollahun dhe gjithashtu do të arrijmë një gjendje gatishmërie të plotë.

Ne preferojmë një marrëveshje, por nëse realiteti na detyron, ne do të dimë të luftojmë”, tha Gallant.

https://x.com/Gloz111/status/1808512633944801282

The post VIDEO/ Sulm masiv në pjesën veriore të Izraelit, Hezbollahu nis hakmarrjen appeared first on Albeu.com.

Kryeministri i Izraelit, Naftali Bennett, tha të dielën se shteti i tij e ka për “obligim moral” që të ndihmojë në ndalimin e luftimeve në Ukrainë edhe nëse shanset për sukses nuk “janë të mëdha”.

Këto komente ai i bëri një ditë pasi qëndroi në Moskë, ku u takua me presidentin rus, Vladimir Putin.

Pas kërkesës së Kievit për të ndihmuar në nisjen e një dialogu me Moskën, Bennett po ashtu në 24 orët e fundit ka zhvilluar tri bisedime telefonike me presidentin ukrainas, Volodymyr Zelensky.

Duke folur pas mbledhjes së Qeverisë izraelite, Bennett tha se ai nuk mund të tregonte detaje të këtyre bisedimeve, por tha se Izraeli do të vazhdojë përpjekjet diplomatike “sipas nevojës”.

“Edhe nëse shanset nuk janë të mëdha – sapo të ketë një hapje të vogël dhe ne të kemi qasje në të gjitha anët – unë këtë e shoh si obligimin tonë moral që të bëjmë çdo përpjekje”, tha ai.

Bennett deri më tani nuk e ka dënuar agresionin rus në Ukrainë, pasi ka argumentuar se Izraeli ka raporte të forta edhe me Ukrainën dhe me Rusinë. /REL

The post Izraeli i sheh si “obligim moral” përpjekjet për të ndalur luftën në Ukrainë appeared first on Albeu.com.