Halevi është shprehur se ushtria është e aftë të kryejë çdo detyrë që i caktohet.

The post Izraeli bëhet gati për operacion tokësor në Rafah, Netanyahu kërkon gatishmërinë e ushtrisë appeared first on Albeu.com.

Duke folur me familjet e tyre, Netanyahu tha: “Është shumë herët të thuhet se si do të ndodhë, por po bëhen përpjekje në këto ditë, në këto momente, pikërisht në këto orë.”

Kujtojmë se dje, Netanyahu përsëriti zotimin e tij për të mos tërhequr trupat nga Gaza deri në “fitoren totale” dhe kthimin e pengjeve.

Ai është zotuar vazhdimisht se do të vazhdojë luftën derisa Izraeli të shkatërrojë Hamasin, por gjithashtu mbetet nën presionin e SHBA-së për të planifikuar një rrugëdalje nga lufta.

The post Netanyahu takon familjarët e pengjeve: Po bëhen përpjekje reale për t’i kthyer në shtëpi, por është ende shumë herët appeared first on Albeu.com.

I pyetur në lidhje me komentet e tij me dyer të mbyllura, një regjistrim audio i të cilit u zbulua në TV izraelit këtë javë, se ai po përmbahej nga falënderimi i Katarit për ndërmjetësimin e tij dhe e konsideroi atë “problematik”.

“Unë nuk tërhiqem nga asgjë”, ka deklaruar ai.

The post Lirimi i pengjeve, Netanyahu me tone të forta, rrit presionin ndaj Katarit: Unë nuk tërhiqem nga asgjë appeared first on Albeu.com.

“Britania është e tronditur” dhe ka vendosur të “pezullojë përkohësisht të gjitha financimet” për agjencinë e OKB-së për palestinezët “ndërkohë që po shqyrton akuzat”,- tha ministria e Jashtme britanike.

Listës së vendeve që kanë pezulluar mbështetjen financiare i është bashkuar edhe Finlanda.

UNRWA reagoi ndaj provave të paraqitura nga Izraeli duke hapur një hetim të brendshëm dhe duke pushuar nga puna “disa” operatorë.

The post Lufta në Gaza, pas SHBA-së dhe Kanadasë, Finlanda e Britania pezullojnë fondet për UNRWA appeared first on Albeu.com.

Ministria e Shëndetësisë në Gaza thotë se 25.900 palestinezë janë vrarë që nga 7 tetori dhe 64.110 janë plagosur.

Sipas ministrisë, Izraeli ka kryer 21 vrasje masive në 24 orët e fundit, duke vrarë 200 dhe plagosur 370.

The post Lufta e përgjakshme Izrael-Palestinë/ Rreth 26 mijë palestinezë të vrarë në Gaza që nga 7 tetori appeared first on Albeu.com.

Izraeli i ka urdhëruar banorët që të largohen nga qendra e qytetit Khan Younis, ku ndodhet edhe spitali Nasser dhe dy objekte më të vogla mjekësore, ndërsa vazhdon ofensivën tremujore kundër Hamasit.

Zyra humanitare e Kombeve të Bashkuara tha se në atë zonë banonin 88,000 palestinezë dhe strehoheshin 425,000 të tjerë të zhvendosur nga luftimet gjetkë.

Organizata Mjekët pa Kufij tha se për shumë njerëz largimi nuk ishte alternativë.

Organizata tha se stafi i saj ishte bllokuar brenda spitalit Nasser me rreth 850 pacientë dhe mijëra njerëz të zhvendosur, sepse rrugët përreth ishin të bllokuara ose shumë të rrezikshme.

Spitali Nasser është një prej dy spitaleve të vetme në Gazën jugore që ende mund të trajtojë pacientë të sëmurë rëndë, tha organizata Mjekët pa Kufij.

Ministria e Shëndetësisë e Gazës tha gjithashtu se objekti ishte i izoluar.

Kryeministri izraelit, Benjamin Netanyahu, është zotuar ta vazhdojë ofensivën deri në “fitoren e plotë” kundër Hamasit, i cili shkaktoi luftën pas sulmit ndaj Izraelit më 7 tetor duke vrarë 1200 njerëz dhe marrë 250 pengje.

Ushtria izraelite tha se forcat e saj po luftonin me militantët brenda qytetit pasi e kishin rrethuar atë një ditë më parë.

Avionët luftarakë kanë goditur objektiva dhe kanë vënë në shënjestër militantë të dyshuar në pjesën qendrore dhe veriore të Gazës, thanë zyrtarët ushtarakë.

Të martën, mijëra njerëz u larguan nga qyteti Khan Younis drejt qytetit Rafah.

OKB-ja thotë se rreth 1.5 milionë njerëz, afro dy të tretat e popullsisë së Gazës, janë të grumbulluar në strehimore dhe kampe tendash në Rafah dhe përreth tij, në kufi me Egjiptin.

Siguria për të zhvendosurit ka qenë e vogël pasi Izraeli kryen vazhdimisht sulme brenda dhe përreth qytetit.

Dëshmitarët palestinezë thanë se ditët e fundit ushtarët dhe tanket izraelite ishin futur në zonën ranore Muwasi përgjatë bregdetit që Izraeli e kishte shpallur zonë të sigurt, ku dhjetëra mijëra njerëz jetojnë në tenda pa shërbime bazë.

Sipas agjencisë së OKB-së për refugjatët palestinezë rreth 1.7 milionë njerëz janë zhvendosur brenda Gazës.

The post Përleshje të ashpra mes trupave izraelite dhe militantëve palestinezë appeared first on Albeu.com.

Ahmed Abdullah Abu Shalal, i cili sipas ushtrisë izraelite ishte përgjegjës për infrastrukturën dhe kishte planifikuar disa sulme kundër izraelitëve në Jerusalem, ishte në mesin e katër të vrarëve gjatë sulmit të kryer mëngjesin e së mërkurës në kampin e refugjatëve Balata, në qytetin Nablus.

Gjysmëhëna e Kuqe palestineze tha se forcat izraelite kanë parandaluar mjekët që të shkojnë në vendin e ngjarjes. Kjo organizatë tha përmes rrjeteve sociale se “të shtënat me armë zjarri iu drejtuan ekipeve tona”.

Ushtria izraelite pretendoi se Abu Shalal dhe celula e tij planifikonin të kryenin një sulm dhe kishin marrë fonde dhe udhëzime nga “ burimet iraniane”. Ushtria nuk ofroi dëshmi për këto pretendime.

Dhuna ka shpërthyer në Bregun Perëndimor të pushtuar nga Izraeli, që kur ka nisur lufta në Gazë mes Izraelit dhe Hamasit – grupit palestinez të shpallur organizatë terroriste nga Shtetet e Bashkuara dhe Bashkimi Evropian.

Mbi 350 palestinezë janë vrarë në tre muajt e fundit, sipas Ministrisë palestineze të Shëndetësisë, shumica gjatë bastisjeve izraelite dhe protestave të dhunshme.

Izraeli ka intensifikuar sulmet ajrore në Bregun Perëndimor, por vrasjet e shënjestruara janë kryesisht të rralla në këtë territor.

The post Izraeli kryen sulme vdekjeprurëse ajrore në Bregun Perëndimor appeared first on Albeu.com.

Ai tha se ishte “i qartë” se palestinezët duhet t’iu mundësohet të kthehen në shtëpitë e tyre “sapo të krijohen kushtet”, duke shtuar se SHBA-ja refuzon çdo propozim që parasheh vendosjen e tyre jashtë territorit të Gazës, një gjë të cilën anëtarët e krahut të djathtë të koalicionit qeverisës në Izrael kanë kërkuar.

Përderisa Blinken vizitoi Izraelin, ushtria e këtij shteti vazhdoi me ofensivën e saj në Gazë, përfshirë edhe kryerjen e bombardimeve të ashpra në territorin me 2.3 milionë banorë.

Lufta u nxit pasi Hamasi – grupi palestinez i shpallur organizatë terroriste nga SHBA-ja dhe Bashkimi Evropian – sulmoi jugun e Izraelit duke vrarë 1.200 persona dhe duke rrëmbyer 250 të tjerë.

Blinken tha se ka marrë premtim nga katër shtetet arabe dhe Turqia që do të ndihmojnë në rindërtimin e Gazës pas luftës. Por, këto shtete dëshirojnë që luftimet të ndalen në Gazë dhe të ndërmerren hapa konkretë për krijimin eventual të një shteti palestinez, diçka që kryeministri izraelit, Benjamin Netanyahu, është zotuar se nuk do të lejojë që të ndodhë.

“Izraeli duhet të ndalet së ndërmarri hapa që minojnë aftësinë e palestinezëve që të qeverisin me veten në mënyrë efektive”, tha Blinken gjatë një konference për media të martën, pasi u takua me liderët izraelitë.

“Izraeli duhet të jetë një partner i udhëheqësve palestinezë, të cilët kanë vullnet të udhëheqin popullin e tyre dhe të jetojnë krah për krah në paqe me Izraelin”, shtoi ai.

Sipas kryediplomatit amerikan, dhuna e kolonëve, zgjerimi i vendbanimeve, shembjet e shtëpive dhe dëbimet e palestinezëve nga shtëpitë e tyre “e bëjnë më të vështirë, jo më lehtë, për Izraelin që të arrijë paqe të qëndrueshme dhe siguri”.

Pas sulmit të 7 tetorit nga Hamasi, Izraeli u kundërpërgjigj me sulme tokësore, ajrore dhe detare në Gazë duke vrarë mbi 23.000 persona. Sipas Ministrisë së Shëndetësisë në Gazën e kontrolluar nga Hamasi, dy e treta e viktimave ishin gra dhe fëmijë. Kjo ministri nuk bën dallimin mes civilëve dhe luftëtarëve të vrarë.

The post Blinken i bën thirrje Izraelit të punojë me palestinezët për rrugën drejt një shteti appeared first on Albeu.com.

Rritja e numrit të ushtarëve të vrarë izraelitë ka të ngjarë që do të jetë një faktor i rëndësishëm i mbështetjes së publikut izraelit për luftën, që u nxit pasi luftëtarët e Hamasit sulmuan jugun e Izraelit më 7 tetor, duke vrarë 1.200 persona dhe duke rrëmbyer 240 të tjerë. Lufta ka shkatërruar pjesë të Rripit të Gazës dhe ka vrarë pothuajse 20.400 palestinezë. Si pasojë e luftës, 85 për qind e popullsisë prej 2.3 milionë banorësh e Gazës është zhvendosur nga shtëpitë e tyre.

Sipas Ministrisë së Shëndetësisë në Gazën e kontrolluar nga Hamasi, 166 persona janë vrarë në enklavë gjatë ditës së kaluar.

Izraeli vazhdon të insistojë në qëllimet e tij për të shkatërruar aftësitë qeverisëse dhe ushtarake të Hamasit dhe lirimin e 129 pengjeve të mbetura. Mbështetja e publikut për këto qëllime ka qenë kryesisht e qëndrueshme, pavarësisht rritjes së presionit ndërkombëtar ndaj ofensivës së Izraelit dhe numrit të paprecedent të viktimave në mesin e palestinezëve.

Por, rritja e numrit të ushtarëve të vrarë mund ta minojë këtë mbështetje. Kjo çështje është e ndjeshme në Izrael, ku shërbimi ushtarak është i detyrueshëm për shumicën e hebrenjve.

Të 14-të ushtarët izraelitë u vranë të premten dhe të shtunën gjatë betejave në Gazën qendrore dhe jugore, një indikacion se si Hamasi ende po reziston kundër forcave avancuese izraelite, edhe pse Izraeli pretendon se i ka dhënë një goditje të madhe grupit radikal.

Sipas një radioje të ushtrisë izraelite, katër ushtarë u vranë kur makina e tyre u godit nga një raketë kundërtanke. Të tjerët u vranë gjatë luftimeve sporadike.

Me vdekjen e ushtarëve gjatë fundjavës, numri i ushtarëve izraelitë të vrarë që nga nisja e ofensivës në Gazë ka arritur në 153.

“Lufta kërkon një çmim shumë të lartë nga ne, por ne nuk kemi zgjidhje pos të vazhdojmë të luftojmë”, tha kryeministri izraelit, Benjamin Netanyahu, gjatë mbledhjes së Kabinetit të Luftës të dielën.

“Ne do të vazhdojmë me gjithë forcën tonë, deri në fund, deri në fitore, derisa të arrijmë qëllimet tona”, shtoi ai.

Edhe pse izraelitët mbështesin luftën, pakënaqësitë janë rritur kundër Qeverisë së Netanyahut, të cilin shumë e kritikojnë për dështim që të mbrojë civilët më 7 tetor dhe për politika që kanë lejuar Hamasin të forcohet gjatë viteve.

Të shtunën mbrëma, mijëra persona protestuan në Tel Aviv, duke brohoritu “Bibi, Bibi, nuk të duam më”, duke iu referuar Netanyahut me nofkën e tij.

Netanyahu ka shmangur që të pranojnë përgjegjësinë për dështimet e ushtrisë dhe të politikave që çuan në ngjarjet e 7 tetorit, duke thënë se ai do t’iu përgjigjet pyetjeve të vështira kur të përfundojë lufta.

Të shtunën, ushtria izraelite njoftoi se po zgjeron ofensivën e saj në veri dhe jug të Gazës dhe trupat u tha se po luftojnë në Han Junis, qytetin e dytë më të madh në Gazë, ku Izraeli beson se po fshihen udhëheqësit e Hamasit.

Ofensiva e Izraelit ka qenë një prej fushatave më shkatërruese ushtarake në historinë moderne, duke shkaktuar numër të lartë të viktimave në mesin e civilëve palestinezë. Mbi dy e treta e viktimave janë gra dhe fëmijë, ka thënë Ministria e Shëndetësisë në Gazë, institucion që nuk bën dallimin mes civilëve dhe luftëtarëve të vrarë.

The post Rritet numri i ushtarëve izraelitë të vrarë gjatë ofensivës në Gazë appeared first on Albeu.com.

Sipas të njëjtave burime Egjipti dhe Katari, dy vende që negociuan një armëpushim njëjavor të arritur më parë gjatë të cilit u lirua një pjesë e pengjeve, këmbëngulën në përshpejtimin e ndihmës dhe hapjen e vendkalimit Kerem Shalom, përpara fillimit të çdo negociate.

Po ndërsa kalimi rezulton të jetë i hapur, ata thanë se ndihma po vonohej për shkak të inspektimeve dhe se ende nuk kishte hyrë në Egjipt.

Të shtunën shpresat për armëpushim u rritën, kur një burim tha se shefi i spiunazhit të Izraelit, kishte biseduar të premten me kryeministrin e Katarit.

Hamasi këmbëngul që të jetë ai që përcakton listën e pengjeve që do të lirohen dhe kërkon që forcat izraelite të tërhiqen pas zonave të paracaktuara, thanë burimet për agjencinë Reuters.

Ndërsa Izraeli bie dakord që Hamasi të përcaktojë listën, ai kërkon ta shohë atë, përpara përcaktimit të një kohe për armëpushimin si dhe kohëzgjatjen e tij.

Burimet shtuan gjithashtu se Izraeli refuzon që të tërhiqet.

The post Burimet egjiptiane: Izraeli dhe Hamasi të hapur për armëpushim, por mosmarrëveshjet vazhdojnë appeared first on Albeu.com.