Presidenti Begaj e vlerësoi këtë arritje, që është faza e parë e planit të Presidentit Trump për paqen, si një “hap të rëndësishëm drejt paqes së qëndrueshme dhe të drejtë, ndërprerjes së armiqësive dhe lirimit të pengjeve”.

Kreu i Shtetit vlerësoi rolin e Presidentit Donald J. Trump, për kontributin dhe përkushtimin e tij në arritjen e këtij procesi historik për paqen, ndërsa shprehu besimin se dialogu dhe mirëkuptimi mbeten rruga e vetme drejt një të ardhmeje të qëndrueshme në rajonin e Lindjes së Mesme.

Mesazhi i Presidentit Begaj:

“Arritja e marrëveshjes së fazës së parë të planit të paqes midis Izraelit dhe Hamasit, një hap i rëndësishëm drejt paqes së qëndrueshme dhe të drejtë, ndërprerjes së armiqësive dhe lirimit të pengjeve. Vlerësoj rolin e Presidentit Donald J. Trump për kontributin dhe përkushtimin e tij në arritjen e këtij procesi historik për paqen. Besoj se dialogu dhe mirëkuptimi mbeten rruga e vetme drejt një të ardhmeje të qëndrueshme në rajonin e Lindjes së Mesme”.

The post Marrëveshja Izrael-Hamas/ Presidenti Begaj: Hap i rëndësishëm drejt një paqeje të drejtë dhe të qëndrueshme appeared first on Albeu.com.

Tre burra të rrëmbyer nga grupi militant në 7 tetor të 2023, u liruan në këmbim të 180 palestinezëve të burgosur.

Tre izraelitët, u shfaqën në një shesh në Gazën Qendrore, më pas iu dorëzuan kryqit të kuq.

Pamjet e tre meshkujve të cilët dukshëm nuk ishin mbajtur në kushte aq të mira sa femrat që janë liruar në shkëmbimet e mëparshme, u pritën me emocione në Izrael.

Pas lirimit të pengjeve, autobusët me palestinezë dolën nga burgjet e Izraelit për tu drejtuar në bregun perëndimor. Shumë prej tyre ishin gjithashtu në gjendje të rënduar shëndetësore. Disa u dërguan në spital për ndihmë mjekësore.

Armëpushimi, i ndërmjetësuar nga SHBA-ja, Katari dhe Egjipti, synon lirimin e 33 pengjeve në total.

Negociatat për fazën e dytë pritet të nisin të hënën, por ende nuk dihen detaje për bisedimet.

Zyra e kryeministrit izraelit Netanjahu, tha se pas këtij këmbimi, një delegacion izraelit do të niset për në Doha për negociata të mëtejme për armëpushimin.

Në fazën e dytë synohet lirimi i më shumë pengjeve dhe hapja e rrugës për përfundimin e përhershëm të luftës.

The post Izrael-Hamas shkëmbejnë pengjet, priten bisedime të reja për fazën e dytë të armëpushimit appeared first on Albeu.com.

Nënkoloneli Avichay Adraee, një zëdhënës i IDF-së duke folur në arabisht, tha se trupat izraelite gjetën një laptop në një bazë të Hamasit në Gazën veriore. Sipas IDF, kompjuteri i përket një njeriu të quajtur Mohamed Washah.

Washah, nga Buriej në Gaza qendrore, është shfaqur në transmetimet e Al Jazeera muajt e fundit, me stacionin në pronësi të Katarit duke e quajtur atë një nga gazetarët e tij.

Nënkoloneli i IDF thotë se të dhënat e marra nga laptopi zbulojnë se ëashah është gjithashtu një “komandant i shquar” në njësinë e raketave antitank të Hamasit dhe në fund të vitit 2022 ai filloi të punojë në kërkimin dhe zhvillimin për njësinë e aviacionit të grupit terrorist.

Muajin e kaluar, dy gazetarë të Al Jazeera-s të vrarë në një sulm ajror izraelit në Rafah u akuzuan më vonë nga IDF si anëtarë të grupeve terroriste Hamas dhe Xhihadit Islamik Palestinez.

The post Ushtria izraelite pretendon se një gazetar palestinez i Al Jazeera ishte komandant i Hamasit appeared first on Albeu.com.

Katari, i cili ka ndërmjetësuar mes Izraelit dhe Hamasit, ka treguar se grupi militant kishte dhënë mbështetjen fillestare për një marrëveshje pas javësh negociatash delikate dhe të fshehta. Megjithatë, Katari po pret përgjigjen përfundimtare prej tyre.

“Nuk mund të themi se faza aktuale e negociatave është zero dhe në të njëjtën kohë nuk mund të themi se kemi arritur marrëveshje”, ka thënë Taher al-Nono, këshilltar i shefit të Byrosë Politike të Hamasit me bazë në Katar.
Propozimi parashikon armëpushim rreth gjashtë javë, në të cilën palestinezët në Gaza do të lejohen të lëvizin lirshëm rreth bregut, ndërsa pengjet do të lirohen në tre faza në këmbim të të burgosurve palestinezë që mbahen në Izrael.

Sipas raportimeve në mediat hebraike, gratë, fëmijët dhe të burgosurit e sëmurë dhe të moshuar që mbahen nga Hamasi do të lirohen së pari, pastaj ushtarët femra në fazën e dytë. Do të ketë rritje të ndihmave humanitare të lejuara në Gaza nga Izraeli.

Në fazën përfundimtare, më të ndjeshme, ushtarët e vegjël dhe trupat e pengjeve të vdekur do të liroheshin. Konflikti Izrael-Gaza ka lënë mijëra të vdekur deri tani.

The post Izrael-Hamas afër marrëveshjes për armëpushim appeared first on Albeu.com.

Një deklaratë nga ministria e jashtme e Izraelit, shprehet se “Afrika e Jugut po bashkëpunon me një grup terrorist që bën thirrje për shkatërrimin e Izraelit. Populli i Gazës nuk është armik i Izraelit, i cili po bën përpjekje për të kufizuar dëmin ndaj civilëve.”

Kujtojmë se që prej fillimit të luftës mes Izraelit dhe Hamasit, më 7 tetor kanë humbur jetën 21,507 palestinezë, ndërsa kanë mbetur të plagosur 55,915 të tjerë, shifrat sipas Ministrisë së Shëndetësisë në Gaza.

The post Lufta në Gaza, Izraeli akuzon Afrikën e Jugut për ‘bashkëpunim’ me Hamasin: Kërkojnë të na shkatërrojnë appeared first on Albeu.com.

Plani egjiptian, që ka tre faza, bën thirrje për lirimin e pengjeve të Hamasit të rrëmbyera me 7 tetor, kur Hamasi sulmoi Izraelin dhe lirimin e të burgosurve palestinezë që mbahen nga Izraeli; vendosjen e një armëpushimi që do t’i jepte fund luftës; formimin e një qeverie palestineze të përbërë nga profesionistë, për të qeverisur Gazën e pasluftës.

Hamasi dhe Xhihadi Islamik, dy grupet militante që luftojnë kundër Izraelit, kanë parë kopje të propozimit që javën e kaluar, sipas raportimeve.

Ushtria e Izraelit vazhdoi sulmet ajrore dhe operacionin tokësor kundër Hamasit në pjesën veriore, qendrore dhe jugore të Gazës të premten. Banorët thonë se vendbanimet në kampet e refugjatëve Nuseirat dhe Maghazi, që gjenden në pjesën qendrore të Gazës, janë goditur gjatë natës. Luftime të ashpra janë raportuar edhe në kampin e refugjatëve Bureij.

Luftime më të ashpra janë raportuar në qytetin jugor Khan Younis. Një bombë izraelite goditi një shtëpi në muzg të enjten, duke lënë tetë palestinezë të vrarë, sipas Ministrisë së Shëndetësisë në Gazë. Në kampin Maghazi tre palestinezë janë vrarë dhe gjashtë janë lënduar nga një sulm me raketë ndaj një shtëpie, sipas Kryqit të Kuq palestinez.

Tanket izraelite janë parë në afërsi të Bureij-it. Hamasi publikoi një video që tha se tregon pjesëtarët e grupit duke sulmuar tanket dhe forcat izraelite në lindje të Bureij-it. Agjencia e lajmeve Reuters tha se nuk e kishte verifikuar vërtetësinë e videos.

Zyra e ndihmave e Kombeve të Bashkuara paralajmëroi se intensiteti i shtuar i luftimeve në Rripin e Gazës, ndërprerja e shpeshtë e linjave të komunikimit, rrugët e bllokuara dhe mungesa e karburanteve po “sfidojnë operacionet për ndihmat.”

Ushtria izraelite shprehu të enjten “keqardhje për dëmet e shkaktuara ndaj civilëve të papërfshirë” në sulmin ajror të së dielës ndaj kampit refugjat Maghazi. Ministria e Shëndetësisë në territorin e qeverisur nga Hamasi njoftoi se të paktën 70 civilë ishin vrarë në sulm.

Deklarata e ushtrisë tha se aeroplanët luftarakë izraelitë kishin qëlluar dy objektiva “afër të cilëve ishin operativët e Hamasit” dhe një hetim fillestar arriti në përfundimin se ishin qëlluar edhe ndërtesa të tjera aty pranë, duke shkaktuar “dëme të paqëllimshme ndaj civilëve të tjerë që ishin të pa përfshirë.”

Presidenti francez Macron nxit armëpushim të qëndrueshëm

Ndërkohë që Izraeli mbetet i përqendruar në fushatën për të shkatërruar grupin militant, të cilin Shtetet e Bashkuara dhe vende të tjera perëdnimore e kanë shpallur organizatë terroriste, Presidenti francez Emmanuel Macron realizoi një bisedë telefonike me Kryeministrin izraelit Benjamin Netanyahun, duke nxitur atë të punojë drejt një armëpushimi të qëndrueshëm me ndihmën e partnerëve rajonalë dhe ndërkombëtarë.

Më 7 tetor, militantët e Hamasit kaluan kufirin me Izraelin dhe sulmuan komunitetet izraelite përgjatë pjesës jugore të vendit, duke vrarë 1,200 njerëz, sipas Izraelit. Hamasi po ashtu rrëmbeu 240 pengje, 129 prej të cilëve ende mbahen në Gazë.

Si kundërpërgjigje, Izraeli është zotuar të shkatërrojë Hamasin dhe nisi një sulm ajror, tokësor dhe detar ndaj Gazës. Ofensiva izraelite shkatërroi pjesë të tëra të Gazës dhe la të vrarë 21,000 palestinezë, sipas Ministrisë së Shëndetësisë që udhëhequr nga Hamasi.

Ushtria izraelite ka njoftuar se 167 ushtarë të saj janë vrarë.

Forcat izraelite konfiskojnë miliona

Në Bregun Perëndimor, ushtria izraelite njoftoi se ka kryer bastisje të martën ndaj njerëzve që dyshohet se ndihmuan të financojnë Hamasin. Sipas një deklarate të ushtrisë izraelite, 21 persona janë arrestuar dhe dhjetëra miliona shekelë (valuta izraelite) janë konfiskuar në operacionin e zhvilluar në Bregun Perëndimor.

Forcat izraelite po ashtu kanë kryer sulm ajror në qytetin e Xheninit dhe forcat izraelite kanë qëlluar palestinezë si kundërpërgjigje ndaj atyre që ushtria izraelite thotë se qëlluan me armë zjarri ushtarët e saj.

Sulmi në Bregun Perëndimor është operacioni i fundit në një mori veprimesh që Izraeli i ndërmori atje, për të cilat thonë se janë veprime për t’iu kundërpërgjigjur aktiviteteve terroriste.

Zyra e OKB-së për të drejta të njeriut publikoi një raport të enjten duke theksuar se situata e të drejtave të njeriut në Bregun Perëndimor është “përshkallëzuar me shpejtësi” nga sulmi i Hamasit ndaj Izraelit me 7 tetor.

Zyra e Komisionerit të Lartë të OKB-së për të Drejta të Njeriut tha se ka verifikuar vdekjet e 300 palestinezëve në Bregun Perëndimor që nga 7 tetori, prej të cilëve 291 palestinezë janë vrarë nga forcat izraelite, tetë nga kolonët izraelitë dhe një ose nga ushtria izraelite ose nga kolonët.

Sipas raportit, shumica janë vrarë gjatë përleshjeve ndërmjet palestinezëve dhe trupave izraelite, përfshirë në protesta dhe gjatë operacioneve që ushtria izraelite ndërmori në qytete palestineze.

“Përdorimi i taktikave ushtarake dhe armëve në kontekstin e vendosjes së rendit dhe ligjit, përdorimi i forcës së panevojshme ose të tepruar dhe zbatimi i kufizimeve të shumta, arbitrare dhe diskriminuese të lëvizjes ndaj palestinezëve janë jashtëzakonisht problematike,” deklaroi komisioneri i OKB-së Volker Turk.

Ai i bëri thirrje Izraelit të ndërmarrë veprime për të ndalur dhunën e kolonëve dhe për të hetuar incidentet e dhunshme të kolonëve dhe ushtrisë izraelite.

Luftanija rrëzon dronin, raketën

Në Detin e Kuq të enjten, luftanija amerikane USS Mason rrëzoi një dron dhe një raketë me rreze të gjatë veprimi kundër anijes për të cilën Pentagoni tha se ishte hedhur nga rebelët Houthi në Jemen. Gjatë kohës së sulmit, 18 anije ishin në atë pjesë, por nuk u raportua për dëme apo të lënduar, njoftoi Komanda Qendrore amerikane në platformën X.

The post Delegacioni i Hamasit në Kajro, për të shqyrtuar propozimin e Egjiptit për paqen appeared first on Albeu.com.

Marrja në pyetje e 200 të dyshuarve të rinj u njoftua në një deklaratë të përbashkët të shtunën nga ushtria izraelite dhe shërbimi i sigurisë së brendshme Shin Bet.

BBC raporton se në deklaratë thuhej se disa nga të dyshuarit ishin fshehur në mesin e popullatës civile dhe ishin dorëzuar vullnetarisht, ndërsa theksohej se ata ishin ndër mes qindra të dyshuarve të përfshirë në aktivitete terroriste”.

Izraeli thotë se 700 militantë palestinezë janë arrestuar që kur filloi operacionin e tij ushtarak dhe pushtimin e Gazës me qëllim të eliminimit të Hamasit. Nga ana tjetër, grupi i Hamasi thotë se gra dhe fëmijë po vriten nga sulmet e izraelit.

Izraeli ka theksuar më parë se ndërmerr hapa për të shmangur viktimat civile dhe fajëson Hamasin për përfshirjen e tij në zonat me popullsi të dendur, shkruan më tej BBC.

Izraeli filloi operacionin e tij hakmarrës pasi luftëtarët e Hamasit kaluan nga Gaza në Izraelin jugor më 7 tetor, duke vrarë 1200 njerëz dhe duke marrë rreth 240 pengje. Më shumë se 20,000 njerëz janë vrarë dhe 53,000 janë plagosur në Gaza që atëherë, sipas ministrisë së shëndetësisë të drejtuar nga Hamasi.

Përditësimi i tij të shtunën tha se 201 njerëz të tjerë ishin vrarë dhe 368 të tjerë u plagosën vetëm një ditë më parë OKB-ja njoftoi më herët se punonjësi i saj i ndihmës Issam al-Mughrabi, 56 vjeç, ishte vrarë në një sulm – së bashku me gruan, fëmijët dhe më shumë se 70 anëtarë të familjes së tij të gjerë.

Izraeli njoftoi se pesë nga ushtarët e tij ishin vrarë në luftimet në Gaza, duke e çuar totalin në 144 që nga fillimi i operacionit tokësor, ndërkohë që ushtria ka vazhduar fushatën e saj të bombardimeve në Gaza, duke urdhëruar civilët të largohen.

Të shtunën, ushtria izraelite tha se një nga avionët e saj luftarakë kishte vrarë Hassah Atrash, një njeri që e akuzoi për kontrabandë armësh në Gaza për të armatosur Hamasin, por për diçka të tillë nuk kishte asnjë konfirmim nga Hamasi.

Ushtria izraelite ka thënë se ka pothuajse kontrollin e plotë operacional të veriut të Rripit të Gazës dhe po shton operacionet në jug.

The post Të dyshuar si të përfshirë në aktivitete terroriste, Izraeli arreston qindra anëtarë të Hamasit dhe Xhihadit Islamik: Do i marrim në pyetje appeared first on Albeu.com.

Sulmi i së premtes ndaj një ndërtese në Qytetin e Gazës ishte në mesin e sulmeve më vdekjeprurëse që kur ka nisur lufta mes Izraelit dhe Hamasit – grupit palestinez të shpallur organizatë terroriste nga SHBA-ja – 12 javë më parë, tha Mahmoud Bassal, zëdhënës i Departamentit të Mbrojtjes Civile në Gazën e kontrolluar nga Hamasi. Ia ofroi një listë të pjesshme të emrave të të vrarëve – 16 krerë të familjes al-Mugharabi – dhe tha se në mesin e viktimave ka gra dhe fëmijë.

Në mesin e të vrarëve ishte edhe Issam al-Mughrabi, punonjës i Programit për Zhvillim të OKB-së, gruaja dhe pesë fëmijët e tij.

Izraeli shpalli luftë ndaj grupit radikal të Hamasit, pasi luftëtarët e tij sulmuan Izraelin më 7 tetor, duke vrarë 1.200 persona dhe duke marrë peng 240 të tjerë. Izraeli është zotuar se do të vazhdojë luftën derisa Hamasi të shkatërrohet e të rrëzohet nga pushteti në Gazë si dhe të lirohen të gjitha pengjet.

Autoritetet shëndetësore në Gazë kanë thënë se mbi 20.000 palestinezë janë vrarë gjatë luftës dhe mbi 53.000 janë plagosur.

Izraeli fajëson Hamasin për numrin e lartë të civilëve të vrarë, duke thënë se grupi operon në zonat e banuara.

Ushtria izraelite ka thënë se 139 ushtarë të saj janë vrarë gjatë ofensivës tokësore. Ajo ka thënë se ka vrarë mijëra luftëtarë të Hamasit, përfshirë edhe rreth 2.000 në tri javët e fundit, por nuk ka paraqitur asnjë dëshmi për këto pretendime.

Izraeli ka njoftuar të premten në mbrëmje se forcat e tij po zgjerojnë ofensivën tokësore “në zona të tjera të Rripit, me përqendrim në jug”.

Ushtria tha se do të vazhdojë po ashtu operacionet në veri të Gazës, përfshirë edhe në Qytetin e Gazës, ku fillimisht ishte përqendruar ofensiva tokësore.

The post Sulmet izraelite vrasin 76 anëtarë të një familjeje në Gazë appeared first on Albeu.com.

Ai e përshkroi ofensivën e Izraelit në Gaza, si “operacion”, raporton “BBC”.

Austin ka thënë se SHBA-ja e mbështet “të drejtën e Izraelit për ta mbrojtur veten”.

Austin pas një takimi me ministrin e mbrojtjes së Izraelit Yoan Galant dhe kryeministrin izraelit Benjamin Netanyahu, tha se diskutimet i pati rreth “qëllimeve dhe objektivave” në Gaza.

Ai ka thënë se në këtë përfshihet mënyra se si mund të reduktohen dëmet në civilë dhe nevoja “për të siguruar një kalim nga operacione e intensitetit më të lartë në operacione me intensitet më të ulët” dhe një qasje “më kirurgjikale”.

Sekretari Amerikan i Mbrojtjes ka thënë se SHBA-ja do të vazhdojë ta furnizojë Izraelin me armë dhe ka kërkuar që të reduktohet numri i vdekjeve të civilëve në Gaza.

The post SHBA-ja kërkon të ulet niveli i operacioneve ushtarake në Gaza appeared first on Albeu.com.

“Ne kemi mbajtur anën e Izraelit pas sulmeve të Hamasit dhe i kërkojmë Izraelit të mbrohet në përputhje me ligjin ndërkombëtar, duke mbrojtur popullsinë civile”, tha Meloni.

Duke iu referuar politikës së Italisë për luftën e Rusisë në Ukrainë, ajo theksoi mbështetjen e qartë dhe të fortë të qeverisë për Kievin.

“Respekti në politikën e jashtme arrihet duke mbajtur fjalën. Italia ka gjithçka për të humbur në një botë ku forca e ligjit zëvendësohet nga ligji i më të fortëve”, tha Meloni. 

Meloni tha gjithashtu se sulmi i Rusisë ndaj Ukrainës ka qenë i motivuar nga nostalgjia e saj për imperializmin sovjetik, raportojnë mediat e huaja.

Izraeli ka bombarduar Rripin e Gazës nga ajri dhe toka, ka vendosur një rrethim dhe ka ngritur një ofensivë tokësore si hakmarrje për një sulm ndërkufitar nga grupi palestinez Hamas më 7 tetor.

Sipas autoriteteve shëndetësore të Gazës, rreth 18,800 palestinezë janë vrarë që atëherë në sulmet izraelite, shumica prej tyre gra dhe fëmijë, dhe 51 mijë janë plagosur.

Numri i të vdekurve izraelitë në sulmin e Hamasit është 1200, ndërsa më shumë se 130 pengje ende mbahen nga grupi palestinez në Gaza, sipas shifrave zyrtare.

The post Meloni: E drejta e Izraelit për vetëmbrojtje duhet të jetë në përputhje me ligjin ndërkombëtar appeared first on Albeu.com.