“Tashmë ka deklarata të dëshmitarëve okularë nga qytetarët e Mariupolit për mizoritë që ata panë dhe po shohin ende, për fat të keq”, tha Boychenko.

Ai tha se numri i njerëzve të vrarë në Mariupol është i frikshëm me mbi 20 000 të vrarë.

Ai shtoi se imazhet satelitore nga teknologjia Maxar tregojnë varreza masive dhe ka disa dëshmi të reja që kemi marrë sot nga një zonë tjetër.

Ai tha se trupat ruse po shkatërrojnë qytetin me banorët e tij dhe ata po e bëjnë këtë me qëllim.

“Ata vendosën këtë gjenocid duke mbyllur qytetin dhe duke përdorur artileri tokësore dhe sulme ajrore në fillim, dhe më pas anijet që mbërritën më vonë. Qëllimi dhe shenjat e një krimi lufte dhe një gjenocidi të qytetarëve të Mariupolit,” tha Boychenko./albeu.com

The post Kryetari i bashkisë së Mariupolit: Mbi 20 000 njerëz të vrarë appeared first on Albeu.com.

Pritet që qyteti i cili është goditur më shumë nga forcat ruse, tani të mbyllet edhe për civilët, duke ndaluar rrjedhimisht çdo hyrje-dalje.

Një këshilltar i kryebashkiakut të qytetit, Petro Andryushchenko, tha në Telegram sot se forcat ruse planifikojnë të ndalojnë njerëzit të largohen ose të hyjnë në Mariupol duke filluar nga 18 prilli.

“Unë kam folur me nënkryetarin e bashkisë Serhii Orlov, i cili tha se një mbyllje e tillë është aplikuar për katër ose pesë ditët e fundit”, tha ai.

Orlov nuk ndodhet fizikisht në Mariupol, megjithatë ai mban kontakte me njërezit atje.

Sipas këshilltarit të kryebahskiakut Rusia planifikon të zgjasë politikën për një javë tjetër që nga e hëna. Ai beson se forcat ruse planifikojnë të zbatojnë rregulla “më strikte” brenda qytetit që përfshijnë pikat e kontrollit për të monitoruar dhe kufizuar lëvizjen në rrethe.

“Ata kërkojnë leje të brendshme dhe ata që nuk i kanë këto leje do të shkojnë në ‘filtrim’,” tha ai, duke iu referuar kampeve që thuhet se përdoren përpara se njerëzit të deportohen në Rusi.

Rrethimi ushtarak dhe kolapsi në komunikimet në Mariupol do të thotë se nuk është e mundur të verifikohen raportet.

Pavarësisht raportit për një mbyllje të vendosur, një zyrtar nga qeveria qendrore e Ukrainës në Kiev thotë se më shumë se 360 njerëz nga Mariupol mbërritën në Zaporizhzhia të premten. Nuk është e qartë se kur u larguan nga qyteti. Udhëtimi i rrezikshëm shpesh mund të zgjasë disa ditë./albeu.com/

The post Si po planifikon Rusia të izolojë Mariupolin appeared first on Albeu.com.