Ivan Perisic kaloi Kroacinë në avantazh ndaj Portugalisë në fazën e 1/16-tës së Kupës së Botës, edhe pse në përfundim skuadra e tij u mposht 2-1 dhe i dha fund rrugëtimit në turne.

Goli i realizuar prej tij në minutën e 53-të pati peshë të madhe në planin personal. Me këtë realizim, Perisic ka gjetur rrugën e rrjetës në katër edicione të ndryshme të Kupës së Botës, ndërsa falë asistimit ndaj Anglisë më herët gjatë këtij turneu, ai ka dhënë gjithashtu asist në katër Kupa Bote të ndryshme.

Në moshën 37-vjeçare, kroati është bërë futbollisti i vetëm përkrah Lionel Messit që ka arritur të shënojë dhe të asistojë në katër Kupa Bote të ndryshme. Perisic ka regjistruar të paktën një gol dhe të paktën një asistim në ‘Brazil 2014’, ‘Rusi 2018’, ‘Katar 2022’ dhe në këtë Kupë Bote në SHBA, Kanada dhe Meksikë.

Pas ndeshjes ndaj Anglisë, kompanitë e statistikave bënë të ditur se Perisic ishte lojtari i dytë në histori, pas Messit, që ka asistuar në katër Kupa Bote të ndryshme.

Realizimi ndaj Portugalisë ishte goli i tij i shtatë në Kupën e Botës. Me këtë shifër, ai la pas Davor Suker, që kishte shënuar gjashtë gola për Kroacinë në Kupën e Botës, duke u bërë golashënuesi më i mirë kroat në historinë e këtij kompeticioni.

Para nisjes së këtij turneu, Perisic numëronte gjashtë gola në Kupën e Botës: dy në Brazil, tre në Rusi dhe një në Katar.

Në total, në katër Kupa Bote, Perisioc ka mbledhur shtatë gola dhe gjashtë asistime, pra 13 përfshirje të drejtpërdrejta në golat e Kroacisë. Veçanërisht spikat paraqitja e tij në Katar, ku realizoi një gol dhe dhuroi tre asistime, ndërsa më pas FIFA e përfshiu mes asistuesve më të mirë të turneut. //

The post Ivan Perisic arrin një tjetër rekord historik dhe vendoset përkrah Messit në Kupën e Botës appeared first on Albeu.com.

Sipas një analize të publikuar nga Gradient Sports, janë identifikuar futbollistët që kanë treguar aftësinë më të madhe për të përdorur njësoj mirë të dyja këmbët gjatë Kupës së Botës 2026. Vlerësimi është bazuar në çdo pasim, goditje, krosim dhe largim topi të regjistruar në turne.

Në vendin e parë renditet veterani kroat Ivan Perisic, i cili ka arritur ekuilibrin ideal mes këmbës së djathtë dhe të majtë.

Të dhënat statistikore tregojnë se Perisic ka raport 50/50, çka i jep edhe maksimumin prej 100 pikësh në indeksin e balancës.

Menjëherë pas tij vijnë mbrojtësi norvegjez Torbjorn Heggem dhe francezi Ousmane Dembele, të cilët kanë pothuajse të njëjtin shpërndarje në përdorimin e të dyja këmbëve, me raport 49/51 dhe nga 98 pikë secili.

Në pozitën e katërt gjendet mbrojtësi uzbek Rustam Ashurmatov me 94 pikë, ndërsa top-pesëshja mbyllet me përfaqësuesin e Marokut, Brahim Diaz, që ka raport 47/53 dhe 93 pikë.

Me të njëjtin total prej 93 pikësh figuron edhe kroati Marin Pongracic, ndërsa Josko Gvardiol, po ashtu nga Kroacia, zë vendin e shtatë me 90 pikë, duke nxjerrë sërish në pah nivelin teknik të futbollistëve kroatë.

Dhjetë vendet e para plotësohen nga Yazan Al-Arab i Jordanisë, Manuel Akanji i Zvicrës dhe talenti i Bregut të Fildishtë, Yan Diomande.

Kjo listë dëshmon se përdorimi efikas i të dyja këmbëve po merr gjithnjë e më shumë peshë në futbollin modern.

Lojtarët që e zotërojnë këtë cilësi bëhen më të vështirë për t’u lexuar në fazën sulmuese, ofrojnë më tepër alternativa në ndërtimin e aksioneve dhe përshtaten më lehtë me role të ndryshme taktike.

The post Statistikat e Botërorit 2026 zbulojnë lojtarët që përdorin më mirë të dyja këmbët appeared first on Albeu.com.

Perisic ka firmosur me PSV-në një kontratë 2-vjeçare, pra të vlefshme deri në vitin 2027. Vlen të përmendet se ai u mor falas nga ekipi holandez në shtator të vitit 2024, kur kroati mbylli aventurën me Hajduk Split.

Në sezonin që lamë pas, 36-vjeçari bëri mjaft mirë. Ivan Perisic mori pjesë në 39 ndeshje dhe ia doli që të shënonte plot 16 gola dhe të asistonte në 11 të tjerë.

The post ZYRTARE / Mes Barcelonës dhe PSV-së, Ivan Perisic vendos për të ardhmen dhe firmos për dy vite appeared first on Albeu.com.

Siç raporton “Mundo Deportivo”, ish-sulmuesi i Interit dhe i Bayern Munich është shumë pranë transferimit te katalanasit si lojtar i lirë. Kontrata e 36-vjeçarit kroat me kampionët e Holandës skadon në fund të qershorit.

Në rast të një transferimit të mundshëm në Spanjë, do të ishte një ribashkim i Hansi Flick dhe Ivan Perisic. Sulmuesi kroat ka bërë pjesë në ekipin e Bayern Munich në vitin 2020 ku drejtohej nga tekniku aktual i Barcelonës.

The post “Bomba” e verës, Barcelona gati të ribashkojë Flick me ish-in e Bayernit appeared first on Albeu.com.

Njoftimin e ka bërë vetë klubi i Eindhoven-it, i cili ka bërë të ditur se marrëveshja me ish-lojtarin e Interit, Bayern dhe Tottenham do të zgjasë deri në fund të sezonit aktual. Pra, deri në qershor 2025.

Më pas Ivan bëri ​​disa deklarata për kanalet zyrtare të klubit:

“Që kur u bëra lojtar i lirë, kam pritur për një opsion si ky. Një klub dhe një mjedis ku ndihem mirë dhe me të cilin mund të fitoj trofe. I kërkova Dumfries këshilla, që më bindi më tej se PSV ishte hapi i duhur, mezi pres të filloj, të jap gjithçka dhe të fitoj trofe”.

The post Perisic te PSV: Këshillat e Dumfries më bindën më shumë appeared first on Albeu.com.

Kontrata e Perisic me Tottenhamin vazhdon edhe për gjashtë muaj të tjerë, ndërsa ai po rikuperohet nga operacioni i ligamentit të gjurit.

Perisic u prezantua zyrtarisht në konferencën për shtyp sot dhe po ashtu u zbulua se ai do të luajë në Hajdukun për një pagë mujore prej 1 euro, ashtu si Nikola Kalinic, i cili erdhi në klub pak më herët në këtë afat kalimtar.

Të dy yjet e futbollit kroat nënshkruan kontratën me një pagë kaq simbolike.

Por Perisic do të ketë bonuse të caktuara nëse Hajduk arrin në grupet e garave evropiane, ndërsa ka edhe të drejtën e largimit në të dy periudhat e ardhme të afatit kalimtar, me kusht që klubi që e kërkon të paguajë paratë e përcaktuara nga shuma ende e panjohur e klauzolës.

Duke qenë se Perisic është lojtar i ekipit të parë të Kroacisë dhe do të luajë në Kampionatin Evropian të Gjermanisë, ai do të kthehet në fushë shumë shpejtë.

Duke luajtur me Hajdukun do të tentojë të futet në formë për Euro 2024, por edhe të ndihmojë klubin në luftën për titullin e parë të kampionatit pas vitit 2005. /Telegrafi/

The post Paga e Perisic te Hajduku është 1 euro në muaj appeared first on Albeu.com.

Klubi i madh kroat ka njoftuar me kënaqësi rikthimin e yllit të madh, Perisic.

“HNK Hajduk mund të konfirmojë për kënaqësinë e gjithë publikut që e ka pritur me padurim këtë moment që Ivan Perisic të veshë sërish fanellën e bardhë të Hajdukut me numrin katër pas gati 17 vitesh e gjysmë”, njoftoi Hajduku në faqen e saj zyrtare.

Perisic ka mbërritur në formë huazimi deri në fund të sezonit nga Tottenham Hotspur dhe pas përfundimit të kontratës me klubin londinez, ai do të nënshkruajë kontratë me Hajdukun edhe për një sezon dhe do të jetë lojtar i tyre të paktën deri në fund të sezonit 2024/2025.

Anësori këmbëshpejtë është fëmijë i Hajdukut, pasi i kaloi të gjitha kategoritë e të rinjve të klubit të Splitit, por në moshën 17-vjeçare, në verën e vitit 2006, shkoi në Sochaux pa asnjë ndeshje zyrtare për ekipin e parë.

Në vitin 2009, nga Sochaux, Ivan shkoi në huazim te Rooselare në Belgjikë, më pas nënshkroi për Club Brugge, dhe më pas për klubet gjermane Borussia Dortmund, Ëolfsburg dhe Bayern Munich.

Ai luajti për shumë vite për Interin, ndërsa nga vera e vitit 2022 ishte anëtar i Tottenhamit. /Telegrafi/

The post Ivan Perisic nënshkruan me Hajduk Splitin appeared first on Albeu.com.

20 vjeçari shqiptar zgjodhi fanellën me numër 14-të, një nnumër që e mbante Perisic në fanellë para se të largohej në drejtim të Tottenham.

Krisjan  Asllani cilësohet si i duhuri për të bërë rolin e Brozovic dhe ka marrë shumë komente të mira nga shumë lojtarë profesionistë por jo vetëm.

Ivan Perisic ka komentuar në faqen zyrtare të Interit duke uruar djaloshin e talentuar shqiptar: “Paç fat vogëlush”!/ h.ll/albeu.com

The post Koment emocionues, Ivan Perisic uron Asllanin pasi i mori numrin tek Interi appeared first on Albeu.com.

“Që nga kontaktet e para me klubin i thashë drejtorit sportiv dhe Antonio Conte se doja të vija në Tottenha,. Që nga viti 2009 kam qenë pranë transferimit në një klub të Premier League disa herë dhe më në fund ka ardhur koha për të luajtur.

Do të punoj shumë. Më pëlqen të punoj shumë për ekipin sepse kjo është mënyra e vetme për të fituar trofe të rëndësishëm. Unë mund  të luaj në pozicione të ndryshme në skemën që luan Tottenham.

Unë gjithashtu do të sjell shumë përvojë. Kam luajtur për shumë klube të mëdha dhe, siç thashë, mezi pres të filloj të luaj dhe të stërivtem me këtë ekip.”

Ai është trajnuar për dy sezone nga tekniku italian Antonio Conte, dhe përsëri rigjen atë te Tottenham.

“Është privilegj të punosh sërish me një trajner si ai. Tek Interi ne bëmë shumë mirë, fituam kampionatin pas 10 vitesh, ishte një vit perfekt. Jam shumë i lumtur që do të trajnohem përsëri nga Conte, unë e di që ai ka besim të plotë te unë dhe sigurisht, unë do ia paguaj këtë besim në fushë”, është shprehur Ivan Perisic./h.ll/albeu.com

The post Tottenham, Perisic: Mezi pres të luaj, jam i lumtur që do të punoj përsëri me Conten appeared first on Albeu.com.

Anësori kroat ka qenë padyshim më i miri tek Interi për këtë sezon por edhe ndër më të mirët gjithë këto vite. Ai me një postim në Instagram është përshëndetur me klubin dhe tifozët zikaltër.

“Pas 254 ndeshjesh, 55 golave, 49 asistimeve, 3 trofeve dhe 18,934 minutave të luajtura në fushë me këtë fanellë të lavdishme, aventura ime me Interin përfundon këtu. Nëse çdo fund shënon një fillim të ri, është e rëndësishme të kthehem pas në këto vite të kaluara dhe të ndaj me ju krenarinë time më të sinqertë për punën e bërë dhe qëllimet e arritura së bashku.

Unë si lojtar dhe gjithë familja ime, për ekipin, stafin, të gjithë punonjësit, por mbi të gjitha tifozët zikaltër: ju do të keni gjithmonë një vend të veçantë në zemrën time. Me kaq shumë emocione në zemrën time, dhe kaq i priveligjuar që kam luajtur për këtë ekip, po ju them mirupafshim

Është një gëzim i pafund që zgjat gjithë jetën, Pazza Inter!”/ h.ll/albeu.com

 

View this post on Instagram

 

A post shared by Ivan Perišić (@ivanperisic444)

The post Perisic përshëndetet me Interin: Është një gëzim i pafund që zgjat gjithë jetën, Pazza Inter! appeared first on Albeu.com.