Ivan Balliu Archives - Albeu.com

Marash Kumbulla pranë një klubi të ri, vijon aventurën në La Liga

albeu.com — Sun, 02 Aug 2026 17:22:50 +0000

Marash Kumbulla pritet të vazhdojë karrierën te Rayo Vallecano. Sipas ekspertit të merkatos Fabrizio Romano, klubi spanjoll dhe Roma kanë arritur mirëkuptimin për transferimin e mbrojtësit në formë huazimi.

Për qendërmbrojtësin e Shqipërisë, kjo do të jetë eksperienca e tretë në futbollin spanjoll. Kumbulla ka luajtur më herët për Espanyol, ndërsa së fundmi ishte pjesë e Mallorca po përmes së njëjtës formulë marrëveshjeje.

Te Rayo Vallecano, 26-vjeçari do të bashkohet me Ivan Balliun, shokun e tij në Kombëtare. Përpara zyrtarizimit të Kumbullës nga klubi i ri kanë mbetur vetëm procedurat e fundit.

The post Marash Kumbulla pranë një klubi të ri, vijon aventurën në La Liga appeared first on Albeu.com.

VIDEO/ E paprecedentë, tjetër sherr i futbollistit të Kombëtares me trajnerin për zëvendësimin

M C — Wed, 14 Jan 2026 21:29:59 +0000

Ivan Balliu po kalon një sezon të çuditshëm me Rajo Vajekanon. Hera e dytë që duket se trajneri e surprizon me vendimin për ta zëvendësuar, duke sjellë edhe përplasje mes të dyve.

Futbollisti i Kombëtares la fushën e lojës në minutën e 40-të, ndërsa Vajekano luan në transfertën e Alavesh për raundin 1/8 të Kupës së Mbretit. Zgjedhja e trajnerit Inigo Perez nuk u prit aspak mirë.

Regjia u fokusua për disa momente te pankina ku tensioni ishte i pranishëm. Për Balliu është kthyer në situatë të pazakontë, pasi e njëjta sjellje u regjistrua në nëntor ndaj Lek Poznan për Ligën e Konferencës.

Mbrojtësi i djathtë është preferuar titullar te dy ndeshjet në fjalë, siç nuk ka ndodhur në La Liga. Zëvendësimet më pas e kanë zhgënjyer.

VIDEO

The post VIDEO/ E paprecedentë, tjetër sherr i futbollistit të Kombëtares me trajnerin për zëvendësimin appeared first on Albeu.com.

Ylli i Shqipërisë krah Benzema dhe Vinicius në formacionin më të mirë të javës në La Liga (FOTO LAJM)

E S — Tue, 11 Jan 2022 14:25:22 +0000

Mbrojtësi i Kombëtares shqiptare dhe i Rayo Vallecanos në Spanjë, Ivan Balliu është duke kaluar momentin më pozitiv në karrierë.

Balliu është një titullar i padiskutueshëm me klubin e La Liga-s e cila këtë sezon po kalon një moment të mirë pasi ndodhet vetëm 2 pike pas Barcelonën e vendin të 6-të.

Ndeshja e fundit përballë Real Betis ishte ndoshta më e mira e këtij sezoni deri më tani për shqiptarin i cili realizoi edhe golin e barazimit për skuadrën e tij.

Mbrojtësi i krahut të djathtë është përzgjedhur nga La Liga si një nga 11 lojtarët e formacionit të javës përkrah si yjeve të mëdhenj si, Benzema, Vinicius apo Oyarzabal. r.t/albeu.com

The post Ylli i Shqipërisë krah Benzema dhe Vinicius në formacionin më të mirë të javës në La Liga (FOTO LAJM) appeared first on Albeu.com.