Ai u gjend sot, pas kësaj kohe të gjatë në ishullin Elba në Toskana të Italisë.

Renato Pecorelli, babai i Davide Pecorellit, biznesmenit të gjetur pas tetë muajsh i zhdukur është shprehur shumë i lumtur pas këtij lajmi. Mediat italiane shkruajnë se Renato Pecorelli ka thënë se do ta përqafojë të birin sapo ta shohë, por ai nuk do të shpëtojë as nga ndonjë shkulje veshësh.

“Unë do ta përqafoj, por menjëherë pasi t’i tërheq veshët! Unë po shpresoja për të, edhe pse kishte kaluar një kohë e gjatë, nusja më tha se kishte folur me Daviden dhe tha se ai është mirë, tani mezi po pres ta shoh përsëri, kështu që ai do të më tregojë çfarë ndodhi gjatë kësaj kohe”, tha i ati.

Pecorelli ka dhënë deklarimet në polici dhe më pas është lënë i lirë, por nuk dihen ende arsyet se çfarë i ka ndodhur biznesmenit gjatë kësaj kohe./albeu.com

The post “Do t’ia shkul veshët”, vjen reagimi i babait të Pecorellit pas “ringjalljes” së tij appeared first on Albeu.com.