Shqetësimit të shprehur nga Bashkimi Evropian në lidhje me shembjen e banesave buzë Liqenit të Ujmanit i është bashkuar edhe Ambasada e Italisë në Prishtinë. Përmes faqes së saj zyrtare në Facebook, kjo përfaqësi diplomatike ripublikoi reagimin e mëparshëm të bllokut evropian.

Aksioni për rrëzimin e 11 objekteve banimi në breg të liqenit, në territorin e komunës së Zubin Potokut, filloi më 24 korrik. Arsyetimi i dhënë nga autoritetet ishte se këto ndërtesa ishin ngritur pa leje në pronën e administruar nga Ndërmarrja Publike Hidroekonomike “Ibër-Lepenci”.

Bashkimi Evropian shprehu shqetësimin se në këtë rast, si dhe në disa ngjarje të tjera të ndodhura në veri të Kosovës që prej muajit shkurt, nuk u zbatua një proces i rregullt ligjor. Thirrja e bllokut ishte e qartë: kërkoi ndalimin e menjëhershëm të çdo shembjeje, dëbimi me forcë apo konfiskimi të mëtejshëm, deri në adresimin siç duhet të çështjeve që lidhen me procesin e rregullt, proporcionalitetin, të drejtat e pronësisë, të drejtat e njeriut dhe mjetet efektive juridike.

Në vijim të reagimit, BE-ja theksoi domosdoshmërinë që institucionet të bashkëpunojnë pa vonesë me qytetarët dhe komunat e prekura, duke synuar gjetjen e zgjidhjeve brenda kornizës ligjore.

Operacionet e shembjes u zhvilluan me përkrahjen e Policisë së Kosovës, për të cilën BE-ja vuri në dukje se roli i saj në veprime të tilla duhet të mbetet rreptësisht në përputhje me mandatin ligjor, i bazuar në urdhra apo vendime të mirëpërcaktuara nga autoritetet përkatëse dhe i dokumentuar në mënyrën e duhur.

Në deklaratë u theksua gjithashtu se masat e zbatimit që janë të pakthyeshme, të ndërmarra gjatë zhvillimit të procedurave dhe pretendimeve të kontestuara mbi pronën, ngrenë pikëpyetje serioze mbi sundimin e ligjit. Duke iu referuar rrugës evropiane të Kosovës, BE-ja pret që autoritetet t’i qasen këtyre shqetësimeve me urgjencë e transparencë dhe të garantojnë se veprime të ngjashme nuk do të përsëriten.

The post Ambasada italiane bën jehonë të shqetësimit të BE-së për prishjen e banesave pranë liqenit të Ujmanit appeared first on Albeu.com.

Shqipëria dhe Italia gëzojnë një numër të madh marrëveshjesh të nënshkruara apo projektesh të zhvilluara bashkërisht, në fusha si mbrojtja, shëndetësia, teknologjia, infrastrukturë, ekonomi e deri tek mbështetja për Shqipërinë drejt anëtarësimit në Bashkimin Evropian.

Në vitin 2010, dy shtetet firmosën Deklaratën e Partneritetit Strategjik.

Në agjendën e ditës së sotme, është parashikuar edhe shkëmbimi i Marrëveshjeve Dypalëshe dhe Memorandumeve të Mirëkuptimit.

Në fund të muajit tetor, qeveria miratoi në parim një marrëveshje bashkëpunimi me Italinë për të paktën 10 sektorë.

Pikërisht kjo marrëveshje do të jetë ajo që pritet të nënshkruhet mes Kryeministrit Edi Rama dhe homologes së tij italiane Giorgia Meloni.

Mësohet se 10 ministra të Qeverisë, së bashku me Kryeministrin Edi Rama, do të udhëtojnë drejt Romës.

Në orën 11:40 është parashikuar takimi mes Edi Ramës, dhe Kryeministres së Italisë, Giorgia Meloni.

Në orën 12:30 do të nisë mbledhja e përbashkët me pjesëmarrjen e delegacioneve të të dy vendeve, ndërsa rreth orës 14:00 pritet nënshkrimi i disa marrëveshjeve dhe memorandumeve në fusha si: mbrojtja dhe siguria, energjia, migracioni, mbrojtja civile, shëndetësia, mjedisi, zhvillimi ekonomik dhe infrastruktura.

The post Sot mbledhja e parë e përbashkët mes qeverisë shqiptare dhe italiane appeared first on Albeu.com.

Duke menduar sërish për atë zgjedhje, Grimaldi nuk e fsheh keqardhjen dhe hidhërimin që iu desh të bënte një zgjedhje kaq të vështirë. “Ndonjëherë gratë, ndoshta në fillim të karrierës së tyre, e gjejnë veten duke u detyruar të zgjedhin,” shpjegoi ajo. “Unë do të doja t’u thoja ” zgjidhni jetën”.

Aktorja ka treguar gjithashtu se këtë vendim e ka marrë pa përfshirë babain e fëmijës, një koleg me të cilin ka pasur një lidhje të shkurtër. “Nuk doja të përfitoja nga emri i tij”, tha ajo, duke theksuar se ishte një zgjedhje që e bëri vetë.

Vite më vonë, gjatë martesës me Fabrizio Ambroso, me të cilin ishte e martuar nga viti 2006 deri në 2010, Grimaldi ndjeu dëshirën për t’u bërë nënë, e cila megjithatë mbeti vetëm e tillë:

“Kur përpiqesha të bëja një fëmijë, gjithmonë mendoja ‘më është dhënë mundësia një herë, por jo herën e dytë’”.

The post Aktorja italiane përlotet në studio: Abortova në moshën 30-vjeçare, jam penduar appeared first on Albeu.com.

Protesta e tyre vjen në një kohë kur si kampi i Shëngjinit, po ashtu dhe i Gjadërit, janë boshatisur, madje edhe nga punonjësit, pasi Gjykata e Romës bllokoi dërgimin e refugjatëve.

Një prej protestuesve deklaroi për mediat se do vazhdojnë protestat kundër kësaj marrëveshje, pasi sipas tij kërkojnë një Europë, Shqipëri dhe Itali më demokratike.
“Kemi protestuar me aq sa kemi mundur kundër kësaj marrëveshje. Është një farë shtyse shumë e fortë që jo vetëm këtë marrëveshje, por me të gjitha këto lloj marrëveshjes ta vazhdojmë rezistencën tonë.

Solidariteti juaj është forcë për ne, forcë për të gjithë ata emigrantë.

Europa që ne duam nuk është Europa e Melonit, nuk është Europa e Von der Leyen, nuk është Europa e Ramës, por e demokracisë,.

Ne do të luftojmë dhe do jemi për një Europë më demokratike, një Itali më demokratike dhe një Shqipëri me demokratike, ku emigrantët të jenë pjesë integrale e shoqërisë dhe të trajtohen si gjithë të tjerët me të drejta të barabarta”, tha ai.

Azikërkuesit u kthyen në Itali, pas vendimit të Gjykatës së Romës, e cila pasi vendosi kthimin e tyre në shtetin fqinj, ia referoi çështjen Gjykatës Evropiane të Drejtësisë, për shak se ata vini nga vende të konsideruara jo të sigurta nga kjo gjykatë.

The post Kundër qendrave të emigrantëve, qindra aktivistë të shoqërisë civile italiane dhe shqiptare protestë në Shëngjin appeared first on Albeu.com.

I pyetur lidhur me raportin e tij me kryeministren e së djathtës ekstreme Giorgia Meloni, Rama u shpreh se kushdo që e njeh atë nuk mund të mos ketë një marrëdhënie të mirë me të, ajo është një person shumë real dhe i drejtpërdrejtë.

“Kushdo që e njeh Giorgia Melonin nuk mund të mos ketë një marrëdhënie të mirë me të, ajo është një person shumë real dhe i drejtpërdrejtë.

Kur më pyesin si do të jetë Shqipëria e së ardhmes, u them të shikojnë Italinë. Kjo është Shqipëria e së ardhmes”, është shprehur kryeministri shqiptar Edi Rama, në intervistën e tij për gazetarin Federico Marconi.

Po ashtu, Rama ka sqaruar se Shqipëria nuk ka asnjë përgjegjësi ligjore për kampin e refugjatëve që do të ngrihet në Gjadër të Lezhës, duke theksuar se e gjithë kostoja e projektit është e Qeverisë së Italisë.

The post Rama për median italiane: Shqipëria e së ardhmes do jetë si Italia, për emigrantët kostot janë të qeverisë tuaj appeared first on Albeu.com.

Dy mjetet lundruese drejtoheshin nga dy të rinj italian N. L., 19 vjeç, dhe S. D., 20 vjeç. Si pasojë e përplasjes, ka ngelur i dëmtuar njëri prej dy drejtuesve, shtetasi N. L, i cili ndodhet për ndihmë mjekësore në spitalin rajonal të Shkodrës. Të dy mjetet lundruese Jet Ski u bllokuan nga shërbimet e Policisë Kufitare.

Njoftimi i policisë

Në plazhin e Velipojës, në thellësi të detit rreth 1 milje jashtë përimetrit të sigurisë, dyshohet se si pasojë e manovrave të gabuara, janë përplasur dy mjete lundruese Jet Ski, të drejtuara nga dy shtetasit italian N. L., 19 vjeç, dhe S. D., 20 vjeç.

Si pasojë e përplasjes, ka ngelur i dëmtuar njëri prej dy drejtuesve, shtetasi N. L, i cili ndodhet për ndihmë mjekësore në spitalin rajonal të Shkodrës.

Të dy mjetet lundruese Jet Ski u bllokuan nga shërbimet e Policisë Kufitare.

Grupi hetimor, nën drejtimin e Prokurorisë, vijon punën për sqarimin e plotë të rrethanave të rastit.

The post Po bënin manovra në det, përplasen me Jet-Ski dy turistët italianë në plazhin e Velipojës! Një prej tyre përfundon në spital appeared first on Albeu.com.

Gardianët italianë që do punojnë në qendrat e emigrantëve në Shqipëri janë paralajmëruar që të shmangin flirtet me gratë vendase.

Dyzet e pesë roje meshkuj janë përzgjedhur deri më tani për të punuar në një bazë të re për emigrantët në Gjadër, një nga dy objektet që do të hapen së shpejti në veri të Shqipërisë.

Qendrat janë pjesë e një marrëveshjeje dypalëshe të diskutueshme për të strehuar njerëzit e shpëtuar me anije në Detin Mesdhe.

Gjatë kursit të tyre të trajnimit, oficerëve italianë iu dha një manual me 14 udhëzime që i këshillonte për sjelljet si duhet të vishen, të hanë dhe ku të pinë kafe.

Por një paralajmërim më i qartë në lidhje me seksin e kundërt ka provokuar një protestë politike dhe ka rindezur debatin për vlerën e të gjithë skemës së emigrantëve në det të hapur.

“Shmangni shoqërimin me femrat shqiptare në mjedise të ndryshme apo në mënyrë spontane”, thuhej në manual.

“Kjo është një shoqëri më konservatore, veçanërisht në veri të vendit. Një burrë që e di ose e sheh gruan e tij duke u ndjekur nga një burrë tjetër, mund të reagojë keq.”

Udhëzimet theksonin gjithashtu se shqiptarët janë “një popull modest, kështu që lakuriqësia apo veshja më pak konservatore nuk është e mirëpritur”.

Paralajmërimet u kritikuan si “surreale” nga sindikata e rojeve të burgut, ndërsa kundërshtarët e qeverisë thanë se demonstronin natyrën farsë të kësaj skeme të veçantë të emigrantëve.

“Ne menduam se ishte lajm i rremë, por më pas mësuam se manuali ishte hartuar dhe shpërndarë në të vërtetë”, tha Gennarino De Fazio, sekretari i përgjithshëm i sindikatës së rojeve të burgut.

“Ne nuk besojmë se ishte qëllimisht seksiste, intolerante apo anti-etnike. Ndoshta është punë e ndonjë zyrtari të zellshëm, por ajo që është e habitshme është se kjo mund të trajtohet në mënyrë të jashtëzakonshme dhe pa verifikim paraprak nga drejtuesit e lartë.”

Planet për qendrat e propozuara të emigrantëve në Shqipërinë veriore u njoftuan nga Giorgia Meloni, kryeministrja italiane, në nëntor të vitit të kaluar.

Duke punuar me Edi Ramën, homologun e saj shqiptar, ajo premtoi që qendrat të funksionojnë duke nisur nga maji, por ato ende nuk janë funksionale.

Matteo Renzi, një ish-kryeministër që kryeson partinë Italia Viva, e përshkroi manualin si “gafën e radhës ndërkombëtare” në lidhje me qendrat e emigrantëve.

“Më shumë se një tragjedi, ky operacion po bëhet një komedi, por askush nuk po qesh,” tha ai.

Filiberto Zaratti, një deputet nga partia Europa e Gjelbër, e akuzoi qeverinë për “racizëm kulturor”.

Oficerëve u kërkohet të mos i ndjekin gratë sepse ‘shqiptarët janë konservatorë’ dhe të mos vrapojnë lakuriq sepse ‘shqiptarët janë modeste’”, tha ai. “Ata nuk mund ta bënin më keq se kaq”.

Qendrat shqiptare të emigrantëve janë një zotim i zonjës Meloni për të reduktuar anijet që mbërrijnë në Itali nga Afrika e Veriut.

Më shumë se 156.000 migrantë arritën në Itali përmes detit vitin e kaluar, krahasuar me 105.000 në 2022.

Ashtu si propozimi i qeverisë britanike për të dërguar emigrantë në Ruanda, plani i Italisë iu nënshtrua një sfide ligjore nga Gjykata Kushtetuese e Shqipërisë, e cila përfundimisht e miratoi atë.

Sipas planit italian, objektet e emigrantëve pritet të kushtojnë deri në 688 milionë paund dhe do të strehojnë deri në 3,000 emigrantë çdo muaj.

Qendrat do të strehojnë emigrantët e kapur në ujërat ndërkombëtare – duke përjashtuar gratë, fëmijët ose ata që konsiderohen të pambrojtur.

Personat të cilëve u miratohet kërkesa për azil pritet të dërgohen në Itali, ndërsa emigrantët e refuzuar do të kthehen në vendet e tyre të origjinës.

Pavarësisht se ndërtimi po pengohet nga vonesat, qendra e parë – në Gjadër – pritet të funksionojë nga 20 gushti.

The post “Mos flirtoni me shqiptaret”/ The Telegraph: Udhëzime surreale për gardianët italianë! Ky operacion po bëhet një komedi, por askush nuk po qesh appeared first on Albeu.com.

Vendi ka pamje nga Mesdheu dhe kufizohet si nga Joni ashtu edhe nga Adriatiku dhe mbi të gjitha është shumë afër Italisë, gjë që e bën këtë shtet një zgjedhje të vlefshme për pushimet e ardhshme të turistëve italianë.

Më poshtë kemi renditur disa nga plazhet më të bukura në të gjithë Shqipërinë nga Veriu në Jug.

Cilat janë plazhet më të bukura në Shqipëri: mrekullitë e veriut

Plazhet në pjesën veriore të Shqipërisë, të cilat kryesisht kanë pamje nga deti Adriatik, priren të jenë me rërë dhe me ujëra të cekët. Prandaj, zona është e përkryer për pushime me familjen dhe fëmijët.

Përveç detit, ka edhe laguna dhe ekosisteme natyrore dhe për këtë zona është shumë e dashur edhe nga alpinistët dhe adhururesit e gjelbërimit.

Një nga plazhet më të njohura në veri të Shqipërisë është padyshim Plazhi i Velipojës i vendosur në pikën më veriore të vendit jo shumë larg qytetit të Shkodrës.

Ky, është në fakt një nga destinacionet e preferuara për adhuruesit e detit.

Plazhi shtrihet në një sipërfaqe rreth 14 kilometra në bregun e Adriatikut dhe i gjithi karakterizohet nga rëra shumë e imët dhe e pasur me jod.

Ky është gjithashtu vendi i përsosur për ata që duan të praktikojnë sporte ujore si kanoe apo kajak.

Gjithashtu, në zonën veriore të vendit ndidhet Plazhi i Shëngjinit, i cili është gjithashtu me rërë dhe i përshtatshëm për pushime me familjen.

Këtu do të gjeni diell të paktën 300 ditë në vit dhe një kuzhinë tipike vendase të shkëlqyer.

Në veri të Shëngjinit, përballë kodrave të Rencit, ndodhet plazhi i mrekullueshëm i quajtur “Rana e Hedhun”.

Këtu mund të gjeni hapësira rëre të mbrojtura mirë nga erërat tipike të zonës.

Nëse e doni detin e pastër dhe rërën e imët, plazhi ideal për ju me siguri do të jetë ai i Gjirit të Lalzit në veri të Durrësit.

Ky në fakt konsiderohet si një nga plazhet më tërheqës në bregdetin shqiptar të Adriatikut, i rrethuar nga një pyll i dendur me pisha, dhe është vendi i duhur për ata që duan të pushojnë buzë detit.

Plazhi është vetëm 25 kilometra nga kryeqyteti, Tirana dhe është lehtësisht i aksesueshëm me transport publik.

Së fundi, një nga plazhet e fundit në Shqipërinë e Veriut për t’u vizituar është Vlora. Është porti i dytë më i madh në vend dhe një nga qendrat e turizmit shqiptar.

Plazhi është i pajisur dhe ofron shumë lehtësira turistike, sidomos për shkak të vendndodhjes së tij, pasi ndodhet mes plazheve të gjirit të Vlorës dhe portit të Orikumit.

Plazhet e Shqipërisë së Jugut

Bregdeti Jon i Shqipërisë është gjithashtu plot me peizazhe magjepsëse dhe plazhe që të lënë pa frymë.

Në këtë pjesë të vendit mund të gjeni male me pamje nga deti, natyrë të pacënuar dhe ujë të pastër kristal.

Kjo është arsyeja pse prej disa vitesh kjo zonë është bërë më turistike në vend.

Plazhi i parë në pjesën jugore të Shqipërisë që duhet vizituar është Ksamili, i riemërtuar si Perla e Jonit.

Ky plazh i mrekullueshëm qëndron përballë ishullit të Korfuzit, disa kilometra larg kufirit me Greqinë.

Nga kjo pikë është vërtet e lehtë për të arritur në Sarandë, e konsideruar si shumë e ngjashme me Rimini, në Itali për të kaluar mbrëmjet me argëtim dhe muzikë.

Aty ndodhet edhe peizazhi i mrekullueshëm i Karaburunit, një plazh mahnitës që ofron gjithmonë kënde të reja të fshehura falë limaneve të tij të shumtë.

Ai ndodhet pranë bregut që rrethon Vlorën dhe është i njohur për rërën e bardhë me guralecë dhe ujin e pastër kristal të detit.

Nëse jeni në pjesën e detit Jon, mos humbisni Porto Palermon, një gadishull i vogël në krye të një fortese, të ndërtuar nga Ali Pasha i Tepelenës gjatë shekullit të XIX.

Ky plazh është vendi i përsosur për ata që e duan natyrën e egër dhe të pacënuar.

Megjithatë, nëse jeni në kërkim të jetës së natës dhe plazheve të mbushura me njerëz, vizitoni Plazhin e Dhërmiut, një nga më të famshmit në vend.

Këtu do të gjeni shumë vendas dhe shumë turistë të tërhequr nga ujërat e tij të mrekullueshëm dhe të pastra blu.

Së fundi, është Plazhi i Borshit, më i gjati në bregdetin shqiptar të Jonit.

Në fakt, ky plazh shtrihet në 3 kilometra vijë bregdetare dhe është vendi ideal për ata që duan të relaksohen.

Plazhi është i rrethuar nga një natyrë e përbërë kryesisht nga pemë ulliri dhe agrume.

Turistët që duan të bëjnë ecje mund të ndjekin rrugën përgjatë bregdetit, ndërsa ata që duan të zhyten në kulturën dhe historinë vendase mund të vizitojnë fshatin që ndodhet jo shumë larg detit.

The post Media italiane: Vizitoni plazhet më të bukura në Shqipëri, nga Veriu në Jug appeared first on Albeu.com.

Historia e Heidit dhe Romeos ka pushtuar mediat italine, në të cilat i kanë quajtur edhe të martuar. Madje ata nuk kanë ngurruar të shkruajnë për ta edhe tashmë që çifti po shijon romancën bashkë.

Edhe pse kjo gjë është pritur dhe është folur mes banorëve duket se Romeo dhe Heidi po mbajnë me kuriozitet edhe Italinë veç Shqipërisë.

The post Janë martuar? Historia e Heidit dhe Romeos “pushton” mediat italiane, ja çfarë shkruajnë për çiftin appeared first on Albeu.com.

Kryeministri Edi Rama ka ndarë në Facebook, video ku shihen edhe momente të shkëputura nga qytete të ndryshme në Itali.

Rama thekson se do të jetë një javë e mbushur me aktivitete të shumta që përfaqësojnë të mirën e një kulture që admirohet nga e gjithë bota.

“Shqipëria mikpret Italinë, nga data 2 deri me 8 qershor në një javë të mbushur me një seri aktivitetesh fantastike si koncerte, opera, shfaqje kontemporane, sport e shumë të tjera, të gjitha aktivitete që përfaqësojnë thelbin dhe më të mirën e një kulture që admirohet nga e gjithë bota, e që ja vlen të përjetohet në çdo grimcë”, shkruan Rama.

The post Java kulturore italiane, Rama ndan videon: Shqipëria mirëpret Italinë, nga data 2 qershor aktivitete fantastike appeared first on Albeu.com.