Pas incidentit, ai u transportua me urgjencë në spital në gjendje kritike, por mjekët nuk mundën ta shpëtonin. Për ngjarjen është ndaluar 32-vjeçari Mattia Miraglia, banues në Vescovato dhe pa precedentë penalë.

Miraglia ka mbetur gjithashtu i plagosur dhe po merr trajtim në spitalin Maggiore, nën mbikëqyrjen e autoriteteve. Ndërkohë, karabinierët po vijojnë hetimet për të sqaruar të gjitha rrethanat e krimit.

Dyshimet e para të hetuesve lidhen me motive sentimentale dhe xhelozinë për një vajzë. Përplasja mes 24-vjeçarit dhe të dyshuarit nisi në një lokal, ku të dy kishin debatuar dhe situata dukej se ishte qetësuar pa pasoja të tjera.

Më pas, N. Dalipaj shkoi së bashku me vëllezërit e tij pranë banesës së 32-vjeçarit në Vescovato. Sipas rindërtimit paraprak të autoriteteve, Miraglia doli nga banesa me thikë, plagosi fillimisht në bark një nga vëllezërit e viktimës dhe më pas goditi disa herë N. Dalipajn, plagë të cilat i shkaktuan vdekjen.

The post Itali, 24-vjeçari shqiptar humb jetën pas plagosjes me thikë, ndalohet 32-vjeçari appeared first on Albeu.com.

Sipas raportimeve të mediave vendase, në aksident janë përfshirë një autobus, një furgon dhe tre automjete. Bilanci është tragjik: 6 persona kanë humbur jetën, ndërsa mbi 30 të tjerë kanë mbetur të plagosur. Tre prej të lënduarve raportohet se ndodhen në gjendje të rëndë dhe janë transportuar me urgjencë drejt spitaleve.

Aksidenti ka ndodhur në rrugën që lidh qytetet e Rietit dhe Ternit, mes kryqëzimeve të Colli sul Velino dhe Piediluco, pranë Liqenit Ventina, në dalje të tunelit Greccio.

Sipas të dhënave të para, përplasja ballore mes furgonit, i cili po udhëtonte në drejtim të Ternit, dhe autobusit, që lëvizte në kahun e kundërt drejt Rietit, ka qenë veçanërisht e fuqishme. Pas përplasjes janë përfshirë edhe tre automjete të tjera, drejtuesit e të cilave nuk kanë mundur të shmangin aksidentin.

Nga përplasja, një prej automjeteve është shkatërruar pothuajse plotësisht, ndërsa një tjetër është përmbysur. Në vendngjarje kanë mbërritur menjëherë ekipet e emergjencës, zjarrfikësit dhe forcat e rendit. Pasagjerët e autobusit janë evakuuar, ndërsa disa prej tyre kanë marrë lëndime dhe janë trajtuar për gjendje shoku.

Për transportimin e të plagosurve më rëndë janë angazhuar edhe helikopterë të urgjencës, të cilët i kanë dërguar drejt spitaleve në rajonet e Umbrias dhe Lazios. Gjithashtu, në Bashkinë e Ternit është ngritur një kamp i Mbrojtjes Civile.

Rruga është mbyllur në të dyja drejtimet për të lehtësuar operacionet e shpëtimit dhe për të garantuar sigurinë. Trafiku është devijuar në kryqëzimet e Colli sul Velino dhe Piediluco, duke shkaktuar radhë dhe pritje të gjata për drejtuesit e automjeteve. Shkaqet dhe rrethanat e aksidentit janë ende nën hetim.

The post Aksidenti i rëndë rrugor u merr jetën 6 personave në Itali, 30 të tjerë mbeten të plagosur appeared first on Albeu.com.

Operacioni u zhvillua në kuadër të misionit evropian EUNAVFOR MED IRINI, që monitoron trafikun e armëve dhe naftës në Mesdhe.

Anija ushtarake italiane Thaon di Revel ndaloi për verifikim tankerin Toa Payoh, i cili ndodhet nën sanksionet e Bashkimit Evropian.

Anija lundron me flamurin e deklaruar të Kamerunit dhe ishte nisur më 16 korrik nga porti i Cotonou në Benin me destinacion Stambollin.

Sipas Ministrisë italiane të Mbrojtjes, kapiteni i tankerit nuk bashkëpunoi fillimisht me autoritetet.

Më pas, një ekip ushtarak zbriti në bord me helikopter nga anija Thaon di Revel dhe kreu kontrollet e parashikuara për verifikimin e kombësisë së anijes dhe dokumentacionit të saj.

Operacioni zgjati rreth dy orë dhe u zhvillua me mbështetjen e një anijeje greke dhe një avioni patrullues polak. Autoritetet italiane bënë të ditur se inspektimi u krye në përputhje me nenin 110 të Konventës së OKB-së për të Drejtën e Detit (UNCLOS), që lejon verifikimin e anijeve tregtare në kushte të caktuara.

Pas përfundimit të kontrollit, autoritetet italiane kanë nisur shqyrtimin e informacionit dhe dokumentacionit të mbledhur gjatë inspektimit për të përcaktuar hapat e mëtejshëm.

The post Dy orë kontroll në det, Italia ndalon anijen ruse të naftës pranë Siçilisë, nis verifikimi i dokumenteve appeared first on Albeu.com.

Që të enjten, në ditën e parë të krizës, Italia kishte kritikuar në nivelet më të larta politike veprimet e Spanjës, përmes ministrit të Jashtëm, Antonio Tajani, dhe kryeministres Giorgia Meloni, duke paralajmëruar pezullimin e marrëveshjes së Shengenit.

“Italia nuk do të qëndrojë duarkryq”, theksoi kryeministrja, duke i përshkruar pamjet nga Ceuta si “tronditëse”.

Ndërsa kreu i diplomacisë italiane theksoi në një postim se “pamjet që vijnë nga Ceuta tregojnë se zgjedhja e qeverisë së Madridit për t’u dhënë shtetësi spanjolle, dhe për rrjedhojë edhe europiane, mbi 500 mijë emigrantëve të parregullt është thellësisht e gabuar dhe inkurajon trafikimin e qenieve njerëzore”.

Për të njëjtën çështje, kryetarja e Komisionit Europian, Ursula von der Leyen, komentoi në një postim se “nuk do të lejojmë askënd të hyjë në BE pa respektuar rregullat tona”, ndërsa theksoi se “kalimet e rrezikshme duhet të ndalen menjëherë dhe rrjetet e kontrabandës duhet të çmontohen”.

Në të njëjtën kohë, Franca dhe Gjermania premtuan se do ta ndihmonin Spanjën, nëse ajo do ta kërkonte. Nga ana tjetër, Danimarka, përmes kryeministres Mette Frederiksen, vlerësoi se BE-ja duhet të marrë në konsideratë pezullimin e rregullave të Traktatit të Shengenit pas ngjarjeve në Ceuta.

Në anën tjetër të Atlantikut, Trump zgjodhi të përdorte krizën në Ceuta për të sulmuar demokratët, duke thënë se duhet ta kujtojmë këtë imazh, sepse “kështu do të jemi pas tre vitesh, nëse fiton partia e gabuar”.

Ndërkohë, autoritetet spanjolle raportuan se të paktën 57 persona humbën jetën duke u përpjekur të arrinin në Ceuta, ndërsa nuk përjashtohet mundësia që të ketë pasur edhe më shumë viktima në anën marokene.

Disa prej tyre u mbytën, ndërsa të tjerë u shkelën gjatë përpjekjeve për t’u ngjitur në dallgëthyesin ku ndodhet gardhi kufitar.

The post Kriza e emigratëve në Ceuta, Italia pezullon Marrëveshjen e Shengenit me Spanjën appeared first on Albeu.com.

Sindrit Guri është prezantuar si përforcimi më i fundit i Legnanese AC. Sulmuesi shkodran, 32 vjeç, është larguar nga Varesina, skuadër e Serie D italiane, për të vijuar karrierën në ligën e 5-të të Italisë.

Guri ka nënshkruar me klubin e ri një marrëveshje 1-vjeçare, e cila do të jetë në fuqi deri në verën e vitit 2027. Ky transferim përbën një lëvizje surprizuese për futbollistin, i cili e nisi rrugëtimin në nivele të larta dhe u dallua si golashënues, por më pas pësoi një rënie të ndjeshme në karrierë.

Karriera e 32-vjeçarit nisi te KF Shkodra, ndërsa më vonë ai u bë pjesë e Vllaznisë. Në Shqipëri, sulmuesi ka veshur gjithashtu fanellat e Besës, Kastriotit, Korabit dhe Kukësit, përpara se të transferohej në Belgjikë te Oostende.

Pas kalimit te Oostende nisi edhe rënia në karrierën e Gurit, i cili numëron dy paraqitje me Kombëtaren shqiptare. Në vazhdim, ai ka luajtur për Shkëndijën e Tetovës, Istanbulspor, Varese dhe Prishtinën.

The post Ish-sulmuesi i Kombëtares, Sindrit Guri transferohet në kategorinë e pestë të Italisë appeared first on Albeu.com.

Pas sugjerimeve të ngritura nga Taulant Balla, drejtues i grupit parlamentar socialist, Shehaj vuri në dispozicion dokumentet italiane që tregojnë se prona e tij e deklaruar në ILDKPI, e shitura për 15 milionë euro, ishte blerë fillimisht në vitin 2019 dhe më vonë u ristrukturua një vit më pas me një investim prej të paktën 4 milionë eurosh, duke respektuar plotësisht legjislacionin italian.

Ai u shpreh se po ndërmerr një hap që asnjë politikan tjetër shqiptar nuk e ka bërë më parë: të ndajë me qytetarët çdo detaj rreth pronave të tij.

Sipas tij, prona në Itali u ble në vitin 2019 për 2.9 milionë euro dhe në vitin 2020 mori leje ndërtimi për të ngritur një vilë rreth 500 metra katrorë.

Investimi për rindërtim arriti në 4 milionë euro dhe tërësia e këtyre veprimeve figuron në deklaratat e pasurisë, derisa prona u shit për 15 milionë euro në vitin 2025.

Shehaj theksoi se çdo investim i tij është plotësisht i dokumentuar dhe i verifikuar në Itali, një vend ku, sipas tij, askush nuk toleron shkeljet e ligjit dhe pasojat janë të rënda.

Drejtuesi i Mundësisë publikoi gjithashtu informacion të detajuar për një rezidencë tjetër, për të cilën Balla kishte shpërndarë pamje dhe të dhëna të ambientit ku jetojnë bashkëshortja dhe fëmijët e tij.

Ai sqaroi se këtë vilë e ka blerë për 10 milionë euro dhe planifikon ta rishesë me një çmim më të lartë pas një riinvestimi, ndoshta edhe për 25 milionë euro.

Pas këtij akti transparence me dokumentacion, Shehaj deklaroi se sulmet ndaj tij janë të porositura nga Edi Rama. Ai e sfidoi kryeministrin të tregojë hapur se si arriti të ndërtojë një vilë në Surrel me një sipërfaqe prej 1 mijë metrash katrorë dhe katër godina, duke deklaruar një kosto prej vetëm 400 mijë eurosh në ILDKPI.

Shehaj vuri në dyshim se kjo shumë nuk do të mbulonte as pagesën e arkitektit dhe kërkoi që Rama të shpjegojë origjinën e këtyre parave dhe identitetin e ndërtuesit.

Ai shtoi se fushata kundër tij nuk do ta frenojë nga zbulimi i aferave qeveritare, duke theksuar se pasurinë e tij e ka krijuar me punë të ndershme, ndërsa akuzuesit e tij kanë përfituar nga vjedhja e popullit më të varfër në Evropë.

Shehaj akuzoi mazhorancën se po përdor të gjithë aparatin e propagandës për ta sulmuar, sepse i ka ardhur fundi. Ai madje pretendoi se janë angazhuar individë nga mediat e opozitës për ta bërë baltën më të besueshme, por shprehu bindjen se njerëzit e kuptojnë se ai i ka rritur fëmijët me punë të ndershme, ndërsa kundërshtarët e tij me paratë e qytetarëve shqiptarë.

Prej më shumë se një jave, përfaqësues të mazhorancës dhe media të caktuara kanë nisur një sërë akuzash ndaj Shehajt, të cilat ai i ka cilësuar si shpifje dhe u është përgjigjur duke ofruar transparencë me dokumente.

The post Shehaj zbulon dokumentet e pasurisë në Itali dhe i kërkon Ramës: Trego si e ndërtove vilën në Surrel me 400 mijë euro appeared first on Albeu.com.

17-vjeçari, i cili në kohën e ngjarjes ishte 15 vjeç, e bëri rrëfimin gjatë seancës së Apelit, duke hequr dorë nga pretendimi i mëparshëm për pafajësi.

Sipas mediave italiane, ai pranoi se kishte shkaktuar vdekjen e vajzës më 25 tetor 2024.

I riu u shfaq përmes një lidhjeje video nga burgu i të miturve në Catanzaro, ku po vuan dënimin pas vendimit të shkallës së parë, që e dënoi me 17 vite burg.

Gjatë seancës, ai kërkoi falje për veprimin e tij dhe për kohën e gjatë që kaloi pa treguar të vërtetën. Gjykata ndërkohë ka kërkuar një raport mbi sjelljen e tij në institucionin e vuajtjes së dënimit, pasi ndaj tij janë raportuar edhe çështje të tjera.

Emri i të riut nuk është bërë publik për shkak se ai është i mitur.

Avokati që përfaqëson nënën e Aurorës, Emilio Malaspina, e cilësoi rrëfimin si një hap të rëndësishëm në proces, ndërsa kërkoi që vendimi i shkallës së parë të merret në konsideratë.

Ngjarja ndodhi më 25 tetor 2024 në Piacenza të Italisë, ku 13-vjeçarja Aurora Tila humbi jetën pas rënies nga një ballkon.

The post Pas muajsh mohimi, vjen rrëfimi për të miturën shqiptare në Itali/ 17-vjeçari pranon se e shtyu 13-vjeçaren nga ballkoni appeared first on Albeu.com.

Dardan Vuthaj është zyrtarisht lojtar i Chievo Verona. Sulmuesi shqiptar nga Laçi ka mbyllur eksperiencën e tij te Ligorna, ndërsa tashmë do të vijojë karrierën me skuadrën verdheblu nga Verona, që garon në Serie D të Italisë.

Një nga sezonet më të spikatura të Vuthajt mbetet ai i 2021-2022, kur me Novarën arriti ta mbyllte kampionatin si golashënuesi më i mirë i Serie D, duke realizuar 35 gola në një edicion të shkëlqyer.

Sa i përket trofeve në nivel klubesh, i vetmi i fituar deri tani nga Dardan Vuthaj është ai me Egnatian në sezonin 2024-2025, kur fitoi titullin kampion në Superiore.

The post Chievo Verona prezanton Dardan Vuthajn, sulmuesi shqiptar nis një tjetër aventurë pas titullit me Egnatian appeared first on Albeu.com.

Futbollisti 23-vjeçar, i cili aktivizohet te Martina në Serie D italiane, nuk ka mundësi të luajë në nivelet më të larta të futbollit profesionist në Itali për shkak të pasaportës shqiptare. Kjo situatë e ka revoltuar mesfushorin, i cili ka zgjedhur ta shprehë pakënaqësinë përmes një postimi në rrjetet sociale.

“Prej vitesh punoj, stërvitem dhe bëj sakrifica që të ndjek ëndrrën që të bëhem një futbollist profesionist. E kam treguar vlerën time në fushë, duke luajtur dhe duke dhënë gjithçka nga vetja ime çdo ditë.

E megjithatë, sot, pengesa ime më e madhe nuk është një kundërshtar, nuk është një dëmtim dhe nuk është mungesa e impenjimit. Pengesa ime është kombësia.

Të di që rrugëtimi im mund të kufizohet jo për atë që bëj në fushë por për çështje burokratike, është diçka që të dhemb. Do të vazhdoj të luftoj për ëndrrën time”, shkruhej në mesazhin e Zenelajt.

The post Endri Zenelaj shpërthen në Itali: “Pengesën më të madhe ma sjell kombësia”, pasaporta shqiptare i bllokon rrugën appeared first on Albeu.com.

Ai u shpreh në lidhje me luftën e rëndë me sëmundjen dhe vdekjen e motrës së tij Eva, e cila është mamaja e këngëtares së njohur Elsa Lila.

Gjatë rrëfimit të tij, Vishaj tregon edhe në lidhje me arrestimin e këngëtares dhe shprehet se ajo është shpallur e pafajshme dhe do të marrë dëmshpërblim për dëmin që i është shkaktuar nga ana e shtetit italian.

“Martesa që në momentet e para ishte një shoqëri, që herë pas here kalonte në dashuri. Ishim shokë në radhë të parë, ndihmonim njëri-tjetrin në lidhje me punën. Kemi punuar të dy shumë, për 30-35 vite. Unë kisha kancer, të lësh një njeri me kancer në rrugë, nuk e bën asnjë. Sëmundja më ka munduar shumë, jam në fazën e fundit të kemioterapisë, është për të kaluar edhe një vatër që ka mbetur në mushkëri.

Kur isha në koma dhe jam zgjuar, kam pyetur për datën dhe më kam thënë se kam gjyq. Ndonjëherë them më mirë që mamaja është në botën tjetër, sepse po të më shihte në atë gjendje, do ta vuante shumë. I kanë rënë shumë halle dhe vdekja e motrës ka qenë shumë e rëndë. Unë e gjeta trupin e saj dhe më 26 e kemi varrosur. Unë po me 26 maj kam qenë në sallën e operacionit dhe i lutesha Zotit të mos na merrte në një ditë.

Ajo për mua është e pazëvendësueshme, ka lënë dy vajza jetime në moshë tepër të vogël, janë bërë nëna tashmë. Jam munduar të mbuloj rolin e Evës te dy vajzat. Mua më mungon jashtë mase, mos i ndodhtë asnjërit! Nëna pas vdekjes së motrës nuk doli më nga shtëpia. Kështu e kanë gratë labe, rrinë në shtëpi, vishen me të zeza dhe presin të dielën për të shkuar në varreza. Të të vdesë evlati është shumë e rëndë. Tani vajzat e ndiejnë mungesën e mamasë, se janë bërë vetë nëna.

Jemi në një moment që në Shqipëri ndodh gjithçka. Të vrasësh një femër, ke vrarë një shoqëri të tërë. Goditja e grave, mosdërgimi i lekëve apo çdo funksion tjetër që i lidh ka ndikuar edhe të bëj librin për dhunën në familje. Femrat janë të shtypura, janë të gëzuara në fillim, por shkojnë në shtëpinë e burrit dhe ndihen sikur asgjë nuk është e tyre.

Vajza e Elsës është një nga topmodelet më të njohura në Itali, është 16-vjeç, shumë e bukur. Elsa (Lila) është shumë e zonja, por në Itali është e vështirë të gjejë veten, po përpiqet, është punëtore, ka ngritur një orkestër të veten dhe po punon. Kur u arrestua kam ikur me rrobat e punës, kam udhëtuar gjithë natën.

Unë kam qenë në seancë si avokat i saj, kam bërë shumë memo për të thënë se është e pafajshme. Brenda dy muajsh gjyqtarja më lajmëroi se do të shkojmë te shtëpia. Çështja e saj është pushuar dhe do të marrë dëmshpërblim për atë që shteti italian ka bërë, për dëmin që i është shkaktuar. Nuk e takonim dot. I vetmi që mund të takonte Elsën ishte një prift, fusnim atë që të kuptonim çfarë i duhej Elsës”, u shpreh Vishaj.

The post Avokati Saimir Vishaj flet për humbjen e motrës dhe arrestimin e Elsa Lilës: E rëndë vrasja e një gruaje, la dy vajza jetime, Elsa do të marrë dëmshpërblim nga shteti italian appeared first on Albeu.com.