isuf kalo Archives - Albeu.com

U nda nga jeta pak ditë më parë, Berisha homazhe për mjekun Isuf Kalo

Xh — Fri, 27 Jan 2023 11:09:09 +0000

Ish-kryeministri Sali Berisha ka zhvilluar ditën e sotme homazhe në nder të Prof. Dr. Isuf Kalo, i cili u nda nga jeta pak ditë më parë pas një sëmundje të rëndë.

Pas nderimeve, Berisha tha për mediet se i bashkonte një miqësi e pacenuar dhe Kalo la një kontribut të çmuar në Shqipëri dhe Europë.

“Erdha të shpreh nderimin tim, ngushëllime për humbjen e një mikut më te cilin më bashkon një miqësi e pacënaur në shumë dekada. Prof. Dr. Isuf Kalo u nda nga jeta por ai ka pasur dhe ka lënë një kontribut të çmuar në Shqipëri dhe në Evropë në shkencën e diabetologjisë si dhe në standardizimin e shërbimeve mjekësore, shpreh edhe një herë ngushëllimet e mia familjes, të afërmve për Prof. Dr. Isuf Kalon”, tha Berisha.

/Albeu.com/

The post U nda nga jeta pak ditë më parë, Berisha homazhe për mjekun Isuf Kalo appeared first on Albeu.com.

Mbërrin në atdhe trupi i mjekut Isuf Kalo, nesër mbahen homazhe në Akademinë e Shkencave

K Agaj — Thu, 26 Jan 2023 18:21:50 +0000

Ka mbërritur në atdhe trupi i Prof. Isuf Kalo, i cili u nda nga jeta disa ditë më parë në Kopenhagen të Danimarkës.

Për të nderuar emrin dhe kontributin e tij të vyer shkencor, në Akademinë e Shkencave do të bëhen homazhe ditën e Premte në orën 10.00 deri 13.00.

Fjala e përcjelljes do të mbahet nga anëtari i Akademisë Prof. Anesti Kondili në orën 11.00. Isuf Kalo do të prehet në Luzat të Tepelenës të shtunën në orën 12.00

Mjeku i njohur lindi në 1942 në Luzat të Tepelenës. Në vitin 1964 ai u diplomua për Mjekësi në Universitetin e Tiranës.

Më tej ai u specializua për Diabetologji dhe Endokrinologji në disa vende të Europës, duke u bërë një nga pionierët e këtyre fushave në Shqipëri.

Për disa vjet ai ishte kreu i Endokrinologjisë në Fakultetin e Mjekësisë dhe Qendrën Spitalore Universitare të Tiranës dhe mbante gradën Doktor në Shkencat Mjekësore.

Deri në vitin 1985, doktor Kalo ishte mjeku personal i Enver Hoxhës. /albeu.com

The post Mbërrin në atdhe trupi i mjekut Isuf Kalo, nesër mbahen homazhe në Akademinë e Shkencave appeared first on Albeu.com.

Vuante nga një sëmundje e rëndë, ndërron jetë mjeku personal i Enver Hoxhës

Xh — Thu, 19 Jan 2023 17:28:06 +0000

Mjeku i njohur Isuf Kalo ka ndërruar jetë ditën e sotme, në moshën 80 vjeçare. Mësohet se Kalo vuante nga një sëmundje e rëndë e cila i ka marrë jetën.

Prej disa muajsh mjeku ndodhej jashtë Shqipërisë dhe pritet që trupi i tij të sillet në Atdhe. Sipas një amaneti që ka lënë Kalo, lamtumira e fundit dhe varrimi do të kryhen në vendlindjen e tij, në Luzat.

Isuf Kalo ka qenë mjeku personal i ish-diktatorit Enver Hoxha.

Kush ishte Isuf Kalo

Kalo ka lindur në vitin 1942 në Tepelenë. Studimet i ka përfunduar në Fakultetin e Mjekësisë në Universitetin e Tiranës në vitin 1964.

Prof. Kalo u specializua në disa vende evropiane për diabetologji dhe endokrinologji. Ai është një nga pionierët e këtij domeni në Shqipëri. Për disa vite ka qenë kryetar i endokrinologjisë dhe sëmundjeve metabolike në Fakultetin e Mjekësisë dhe në Spitalin Universitar të Tiranës. Ai është Doktor i Shkencave Mjekësore, Profesor i Mjekësisë dhe i nderuar me Çmimin Punëtor Shkencëtar i Dalluar i Shqipërisë.

Në vitin 1985 Isuf Kalo ishte mjeku personal i Enver Hoxhës. Për këtë fakt disa herë në intervista të ndryshme është pyetur dhe Kalo, ka përcaktuar atë që ishte marrëdhënie personale me udhëheqësin komunist dhe marrëdhënien pacient-doktor.

Ai thotë: “Ka pak teprim në definimin tim, si mjeku personal i Enver Hoxhës, çka presupozohet, sikur gjatë gjithë jetës së tij Enver Hoxha ka pasur mjek, Isuf Kalon. Nuk është kështu. Enver Hoxha ka pasur mjekë më përpara. Ka qenë Prof. Hoxha, që i zbuloi diabetin, para tij ka qenë Dervishi, një doktor tjetër që iku në Çeki dhe kështu me radhë.

Pas kësaj, në kohën që ai u sëmur dhe koincidon me prezencën time 15 vjeçare aty, u ngrit një ekip mjekësor, i cili plotësonte gjërat që më mungonin mua, në ekspertizë…ishte në aspektin e urgjencës ose në ndonjë aksident, që mund t’i ndodhte por edhe në anën kardiake të zemrës. Pra, unë kam pasur rolin e mjekut të tij dhe të familjes. Kam ardhur shumë i ri, këtu, në bllok. Kam ardhur 23 -vjeç dhe në njëfarë mënyre, u rrita këtu edhe fizikisht dhe profesionalisht, edhe emocionalisht”, ka thene ai.

Midis 1991 dhe 2004 ai u punësua nga Zyra Rajonale e Organizatës Botërore të Shëndetësisë për Evropën (në Kopenhagë), duke drejtuar Programin Evropian të Diabetit dhe më vonë Programin e Cilësisë së Sistemit Shëndetësor në Evropë. Ai është autor i një sërë botimesh në shtypin mjekësor të vendit të tij dhe jashtë saj, si dhe është anëtar nderi i disa komiteteve ndërkombëtare dhe shoqatave mjekësore në Evropë./Albeu.com/

The post Vuante nga një sëmundje e rëndë, ndërron jetë mjeku personal i Enver Hoxhës appeared first on Albeu.com.