Fenerbahce ka konfirmuar përfundimin e bashkëpunimit me trajnerin Ismail Kartal, pasi klubi vendosi të miratojë dorëheqjen e tij pas disa ditësh të mbushura me tension.

Gjithçka nisi pas barazimit 1-1 ndaj Romës në Ligën e Kampionëve. Në konferencën për media pas takimit, Kartal njoftoi papritur se do të largohej nga drejtimi i skuadrës.

Vendimi i trajnerit erdhi pas një episodi të ndodhur gjatë ndeshjes, kur një shishe uji u hodh nga tribuna në drejtim të tij.

Fillimisht, presidenti Aziz Yildirim nuk pranoi dorëheqjen të enjten në mbrëmje. Ai tha se drejtuesit e klubit ishin befasuar nga njoftimi dhe se Kartal do të qëndronte në detyrë.

Por, gjatë orëve pasuese, qëndrimi i klubit ndryshoi.

Trajneri qëndroi larg vëmendjes publike dhe mungoi në stërvitje. Sipas gazetarit Yagiz Sabuncuoglu, drejtuesit e Fenerbahces kanë marrë vendimin për ta pranuar përfundimisht ndarjen me Kartal.

Ende nuk dihet se kush do të emërohet në krye të gjigantit turk, pjesë e të cilit është edhe Vedat Muriqi.

The post Fenerbahce pranon dorëheqjen e Ismail Kartal pas situatës së tensionuar appeared first on Albeu.com.

Situata te Fenerbahçe është përkeqësuar ndjeshëm, pasi Ismail Kartal nuk është paraqitur në stërvitjen e ekipit dhe, sipas raportimeve nga Turqia, ka ndërprerë komunikimin me drejtuesit e klubit.

Gazetari Yagiz Sabuncuoglu ka bërë të ditur se trajneri turk e ka fikur telefonin dhe aktualisht nuk mund të kontaktohet nga drejtuesit e Fenerbahces.

Mungesa e Kartalit krijoi një situatë të pazakontë në skuadër, ndërsa seanca stërvitore u drejtua nga Dirk Kuyt dhe Zeki Gole.

Ky zhvillim vjen pavarësisht deklaratave të presidentit Aziz Yıldırım, i cili kishte theksuar publikisht se Kartal vazhdon të jetë trajner i Fenerbahçes. Sipas tij, tekniku është nën stres, por duhet të qëndrojë në detyrë dhe të vazhdojë punën.

Kartal e kishte paralajmëruar largimin pas barazimit 1-1 me Romën në Ligën e Kampionëve. Përveç rezultatit, ai ishte revoltuar edhe nga një incident gjatë ndeshjes, kur një tifoz e goditi në kokë me shishe nga tribunat.

Trajneri ishte përballur gjithashtu me presion për shkak të paraqitjeve jo bindëse të ekipit në javët e para të sezonit të kampionatit turk.

Megjithatë, sjellja e tij e fundit nuk përputhet me deklaratat e presidentit. Mosprania në stërvitje dhe mbyllja e kanaleve të komunikimit janë sinjale se qëndrimi i Kartalit për të ardhmen e tij mund të ketë mbetur i pandryshuar.

drejtuesit e Fenerbahçes pritet të përpiqen ta kontaktojnë trajnerin për të zhvilluar një takim urgjent dhe për të marrë një vendim përfundimtar rreth qëndrimit të tij në stol.

The post Kriza te Fenerbahçe thellohet, Ismail Kartal ndërpret kontaktet pas deklaratave të Aziz Yıldırım appeared first on Albeu.com.

Pas barazimit 1-1 kundër Romës në Ligën e Kampionëve, Ismail Kartal la pa fjalë të gjithë duke njoftuar menjëherë largimin e tij nga stoli i Fenerbahçes.

Tanimë janë bërë publike pamjet e një momenti të tensionuar, i cili duket se e përshkallëzoi situatën dhe shpjegon revoltën e theksuar të teknikut turk.

Gjatë sfidës, një mbështetës i skuadrës së Fenerbahçes shfaqet nga shkallët e stadiumit duke iu drejtuar me tone të ashpra Kartalit, e më pas kap një shishe dhe e gjuan në drejtim të tij.

Siç raportoi kreu i klubit, objekti e qëlloi trajnerin në kokë, çka i shkaktoi jo vetëm acarim, por edhe një ndjenjë të thellë zhgënjimi.

Këto fotografi kanë tërhequr menjëherë vëmendjen e opinionit, sepse episodi erdhi pikërisht në një fazë kur trysnia mbi trajnerin ishte tejet e lartë.

Menjëherë pas mbylljes së takimit me Romën, Kartal u paraqit para gazetarëve dhe, pa pritur as edhe një pyetje të vetme, mori fjalën dhe komunikoi vendimin e tij për t’u shkëputur nga detyra.

“Unë po largohem nga posti im. Ky veprim është për të mirën e klubit dhe për t’i lënë rrugë të lirë atij”, u shpreh ai.

Megjithatë, presidenti i Fenerbahçes reagoi në çast, duke e rrëzuar këtë vendim dhe bëri me dije se Kartal do të mbetej në krye të skuadrës.

The post Zbardhen arsyet e dorëheqjes së trajnerit të Fenerbahçes – fotot e çastit të incidentit gjatë ndeshjes me Romën appeared first on Albeu.com.

Mbrojtësi i Fenerbahces, Archie Brown, u habit kur gjatë intervistës pas ndeshjes mori vesh se Ismail Kartal kishte vendosur të largohej nga detyra e trajnerit.

Kartal, i emëruar në stolin e skuadrës turke në qershor të këtij viti, e njoftoi dorëheqjen të enjten në mbrëmje, pak minuta pas barazimit 1-1 kundër Romës në Stamboll.

“Gjatë sezonit, në fazat përgatitore që zhvilluam me lojtarët tanë, presidenti dhe drejtuesit u përpoqën të na ndihmonin. Ishin ditë të mrekullueshme”, deklaroi Kartal.

“Që nga ky mbrëmje, i përgëzoj lojtarët e mi dhe jap dorëheqjen. Falënderoj mediat, tifozët dhe bashkëlojtarët e mi që më kanë mbështetur deri më sot”, shtoi ai.

Trajneri sqaroi se vendimi i tij ishte përfundimtar. “E kam lënë detyrën sonte. E mora këtë vendim për t’i hapur rrugë klubit tim. Kam vendosur të jap dorëheqjen nga posti im. Nuk do të kthehem më. Natën e mirë të gjithëve”.

Ndërkohë, pak më vonë, Brown po fliste për ndeshjen me ndihmën e një përkthyesi, kur gazetari e njoftoi për largimin e papritur të trajnerit.

Pyetjes “Ismail Kartal ka dhënë dorëheqjen nga posti. A ka folur me ty?”, mbrojtësi iu përgjigj i habitur duke iu drejtuar përkthyesit: “Çfarë do të thuash se ka dhënë dorëheqjen? Ai nuk është më trajner? E tha këtë tani? Nuk e dija fare”.

Kjo ishte periudha e katërt e Ismail Kartalit në drejtimin e Fenerbahces, pas aventurave të tij në vitet 2014, 2022 dhe 2023.

Gjatë 11 ndeshjeve në krye të ekipit, ai arriti gjashtë fitore, tri barazime dhe dy humbje.

Disfatat u regjistruan të dyja në Superligën turke, ku Fenerbahce mban aktualisht vendin e nëntë. Kjo situatë kishte rritur presionin ndaj Kartalit përpara njoftimit të tij të papritur.

The post Archie Brown mëson në intervistë për dorëheqjen e Ismail Kartalit pas barazimit me Romën appeared first on Albeu.com.

Barazimi 1-1 me Romën në Ligën e Kampionëve shkaktoi një zhvillim të papritur te Fenerbahçe, pasi trajneri Ismail Kartal njoftoi largimin e tij nga posti. Megjithatë, presidenti i klubit, Aziz Yildirim, nuk e pranoi dorëheqjen.

Vendimin për t’u larguar, Kartal e bëri publik gjatë konferencës për shtyp pas përfundimit të takimit. Ai deklaroi se kishte dhënë dorëheqjen për t’i krijuar klubit mundësinë të vazhdonte përpara dhe se nuk planifikonte të rikthehej në këtë detyrë.

Pak minuta pas këtyre fjalëve, Yildirim u shfaq para gazetarëve dhe kundërshtoi vendimin e trajnerit. Presidenti sqaroi se dorëheqja ishte nxitur kryesisht nga një incident gjatë ndeshjes, kur një tifoz i hodhi një shishe uji në drejtim të Kartalit.

“Son­te dikush i hodhi një shishe uji në kokë trajnerit Ismail. Kjo është arsyeja pse ai është i trishtuar, kjo është arsyeja e dorëheqjes së tij”, deklaroi Yildirim. Ai shtoi se drejtuesit e klubit nuk ishin vënë më herët në dijeni për vendimin e trajnerit.

Yildirim theksoi se Kartal do të qëndrojë në drejtimin e skuadrës dhe se Fenerbahçe duhet t’i japë mbështetjen e nevojshme.

“Ismail Kartal mbetet trajner. Klubi duhet ta mbështesë trajnerin tonë. Për sa kohë që unë jam president dhe nuk largohem, Kartal është trajneri i Fenerbahçes”, u shpreh ai.

I pyetur nëse vetë Kartali duhet të konfirmojë qëndrimin e tij, presidenti dha një përgjigje edhe më të prerë.

“Ismail Kartal nuk ka nevojë të thotë se do të qëndrojë. Unë jam eprori i tij dhe i them ‘Do të qëndrosh’ dhe kaq. Këto gjëra ndodhin brenda familjeve. Derisa ta them unë, Ismail Kartal nuk mund të largohet nga këtu”, tha Yildirim.

Ngjarja ndodhi pas përfundimit të takimit të parë të Fenerbahçes në këtë edicion të Ligës së Kampionëve, i cili u mbyll në barazim 1-1 ndaj Romës. Bryan Cristante shënoi për epërsinë e skuadrës italiane në pjesën e parë, ndërsa Archie Brown vendosi baraspeshën për vendasit në fillim të pjesës së dytë, pas asistimit të Mason Greenwood.

The post Yildirim refuzon dorëheqjen e Kartalit pas incidentit me shishen në ndeshjen ndaj Romës appeared first on Albeu.com.

Ismail Kartal nuk do të jetë më trajner i Fenerbahçes. Ai njoftoi dorëheqjen pas përballjes me Romën në Ligën e Kampionëve, ku skuadra turke mori një pikë pas barazimit 1-1, pavarësisht paraqitjes së mirë.

Pas përfundimit të ndeshjes, Kartal fillimisht u ndal te performanca e ekipit të tij. Ai tha se Fenerbahçe kishte zbatuar një përgatitje të duhur për takimin kundër një kundërshtari të fortë si Roma.

Pak çaste më vonë, trajneri bëri të ditur vendimin e papritur për t’u larguar nga drejtimi i klubit, duke nënvizuar se dorëheqja e tij ishte përfundimtare.

“Po jap dorëheqjen nga pozicioni im. Po jap dorëheqjen sa ka ende kohë. Po jap dorëheqjen me mirëkuptimin se nuk do të kthehem më kurrë”, tha Kartal.

Ai bëri të ditur se kishte qëndruar në krye të Fenerbahçes vetëm për tre muaj, ndërsa shprehu mirënjohjen ndaj drejtuesve të klubit për mbështetjen e dhënë gjatë kësaj kohe.

“Kam qenë këtu për tre muaj. Që nga fillimi i sezonit deri më tani, seancat stërvitore dhe kampet që kam zhvilluar me lojtarët e mi… Presidenti dhe menaxherët tanë janë përpjekur të na ndihmojnë në çdo mënyrë. Ishin ditë të mrekullueshme. Që nga kjo mbrëmje, i përgëzoj lojtarët e mi dhe po jap dorëheqjen nga pozicioni im”, përfundoi ai.

Largimi i Kartalit vjen në një periudhë të papritur për Fenerbahçen, e cila sapo ka nisur pjesëmarrjen në fazën e ligës së Ligës së Kampionëve dhe e çeli këtë aventurë me një barazim ndaj Romës.

The post Dorëheqje e papritur te Fenerbahçe, Ismail Kartal largohet pas barazimit me Romën appeared first on Albeu.com.