Në një deklaratë të publikuar pas mbledhjes së bordit të radiotelevizionit publik islandez RÚV, u tha: “Shërbimi Kombëtar i Transmetimit në Islandë (RÚV) ka vendosur të mos marrë pjesë në Eurovision, që do të mbahet vitin e ardhshëm në Vjenë, Austri”.

Sipas RÚV, përfshirja e transmetuesit izraelit KAN ka shkaktuar “ndarje të theksuar mes anëtarëve të Unionit Europian të Transmetuesve (EBU) dhe opinionit të gjerë publik”.

Ky vendim erdhi vetëm pak orë para afatit të fundit për konfirmimin e pjesëmarrjes në edicionin jubilar të 70-vjetorit të festivalit, që do të mbahet në maj. Islanda ishte vendi i fundit që kishte mbetur pa njoftuar një vendim përfundimtar, shkruan BBC.
Prania e Izraelit në Eurovision ka shkaktuar tensione të vazhdueshme, sidomos për shkak të luftës në Gaza dhe shqetësimeve për procesin e votimit dhe fushatat publike. Madje janë bërë akuza se qeveria izraelite ka tentuar të ndikojë votën publike në edicionin e këtij viti.

Javën e kaluar, gjatë një samiti të EBU-së, u miratuan masa të reja për të mbrojtur integritetin e procesit të votimit. Pas këtyre ndryshimeve, shumica e vendeve konfirmuan pjesëmarrjen në ‘Eurovision 2026’.

Megjithatë, RÚV tha se, pavarësisht se masat adresonin një pjesë të shqetësimeve, ende kishte “dyshime nëse rregullimet e reja do të ishin tërësisht të kënaqshme”.

Transmetuesi publik shtoi se ka ngritur vazhdimisht shqetësimet e tij, duke theksuar se shumë grupe të rëndësishme islandeze — përfshirë organizatat e artistëve dhe vetë publiku – ishin kundër pjesëmarrjes.
Prandaj, RÚV ka vendosur t’i njoftojë sot EBU-në se nuk do të marrë pjesë në Eurovision vitin e ardhshëm”.

Bordi i RÚV kishte miratuar më herët një rekomandim për t’i kërkuar EBU-së që të përjashtonte Izraelin nga konkursi.

Raportet thonë se Islanda ka qenë mes shtatë vendeve që kërkuan votim të veçantë për pjesëmarrjen e Izraelit në takimin e përgjithshëm të EBU-së javën e kaluar. Kjo kërkesë u refuzua, dhe pjesëmarrja e Izraelit u lidh me një votim mbi rregullat e reja të votimit dhe fushatës.

Sipas një transkripti të mbledhjes së së enjtes të siguruar nga KAN, drejtori ekzekutiv i transmetuesit, Golan Yochpaz, kritikoi vendet që po përpiqeshin ta përjashtonin Izraelin: “Përpjekja për të larguar KAN nga konkursi mund të kuptohet vetëm si një bojkot kulturor. Ndoshta sot fillon me Izraelin, por askush nuk e di se ku mund të përfundojë apo kë të tjerë mund të dëmtojë”.

“A është ky vërtet imazhi me të cilin duam të mbahet mend konkursi në 70-vjetorin e tij?”.

Izraeli merr pjesë në Eurovision që nga viti 1973, pasi KAN – transmetuesi i tij publik – është anëtar i EBU-së që organizon konkursin. Ai ka fituar katër herë, së fundmi në vitin 2018, dhe mori vendin e dytë në edicionin e vitit 2025.

The post Islanda bëhet shteti i pestë që heq dorë nga Eurovisioni, shkaku i pjesëmarrjes së Izraelit appeared first on Albeu.com.

Kosova do të përballet me disa mungesa të rëndësishme për këto dy ndeshje. Ndërsa Edon Zhegrova dhe Eliot Bujupi kanë qenë jashtë listës për shkak të dëmtimeve dhe Muharrem Jashari për shkak të pezullimit, në fundjavë dëmtime kanë pësuar edhe Fisnik Asllani dhe Florent Hadërgjonaj, të cilët nuk janë të gatshëm për këto dy ndeshje.

“Kemi disa mungesa, tani duhet të gjejmë zgjidhje të reja. Islandën e kemi studiuar shumë mirë, e dimë që është është intensive në lojën e saj dhe mjaft agresive dhe ka lojtarë shumë të mirë te Lille dhe Real Sociedad. Por, tani e rëndësishme është që idenë tonë ta zbatojmë në fushë, të tregojmë paraqitje si ndaj Rumanisë. Shpresoj shumë të fitojmë në shtëpi. Duhet të kemi intensitet të shtuar në lojë dhe t’i zbatojmë idetë tona”, tha Foda.

Ai vlerësoi se shanset për të dyja kombëtaret janë të barabarta, por tha se pret një mbështetje të madhe nga tifozët në ndeshjen e parë në “Fadil Vokrri”.

“Islanda është një kundërshtar i fortë, mundësitë janë 50:50 që të fitojmë në shtëpi. Me atmosferën që do të krijojnë Dardanët sigurisht se do të kemi përparësi. Për të arritur objektivin duhet të fitojmë dy ndeshjet. Është e rendësishme të kemi një paraqitje të mire në fushë. Të luajmë si ekip i bashkuar, të tregojmë mendësi të fortë dhe ta përkrahim njëri-tjetrin në fushë. Kështu e arrijmë fitoren”.

Sa i përket dëmtimit të Amir Rrahmanit, Foda tha se ai ka problem të lehta muskulore. “Ai do të vijë në kampin stërvitor dhe do të shohim në ditët në vijim si do të shkojë ecuria e tij dhe nëse do të jetë i gatshëm për ndeshjen e së enjtes”.

Ka folur edhe për lojtarët e rinj të grumbulluar. “Lion Abdullahun dhe Dion Gallapenin i kam evidentuar në kampin stërvitor të janarit. Ata kanë marrë ftesë sepse kanë pasur paraqitje shumë të mirë në kamp. Demakun e njoh nga Austria dhe i kam kushtuar shumë kujdes. Këta lojtarë të rinj e kanë mbështetjen e stafit të trajnerëve dhe ne e kemi një përshtypje të mirë dhe sigurisht se këta tre lojtarë kanë përspektivë të mirë në kombëtare”.

Lidhur me mungesën e ftesës për Meriton Korenicën, trajneri tha se mendon se lojtarët që i ka ftuar janë të duhurit për këto dy ndeshje. “Po, Korenicën e njoh prej kohësh. E kam njohur që kur ishte te Ballkani, e tani e kam ndjekur edhe në ndeshjet e tij të fundit. Fatkeqësisht nuk mund të ftoj 30 lojtarë. Ne mund t’i ftojmë vetëm 25 lojtarë dhe këta që i kam ftuar na kanë bindur që janë të duhurit. Në qershor kemi ndeshjet miqësore, nëse lojtari në fjalë vazhdon në formë të mirë mund të vijë një ftesë për ato ndeshje”.

I pyetur lidhur me largimin e Etnik Brrutit, i cili ka vendosur të përfaqësojë Shqipërinë, si dhe për lojtarët e tjerë të rinj që kanë një dëshirë të tillë, Foda tha: “Kemi zhvilluar një kamp stërvitor me lojtarë të rinj në janar dhe aty ka qenë edhe Brruti. Po ashtu e kam parë në shumë ndeshje të Malishevës. Kam biseduar personalisht me të në janar dhe i kam dhënë sqarimet dhe konsultat e mia se ku duhet të përmirësohet. Natyrisht se ka qenë një lojtar me shumë perspektivë, ka qenë kapiten i Kombëtares U18 dhe i Kombëtares U21, por për mua me rendësi është që një lojtar i Kosovës, cilido që të jetë ai, të luajë dhe të vendos me zemër për Kosovën. Tani ai ka vendosur te luaj për Shqipërinë dhe është vendim i tij të cilin duhet ta pranojmë. Nuk ka pasur ftesë për ndeshjet e marsit, sepse kemi vendosur për lojtarë të tjerë. Por, për të ardhmen ka qenë një opsion real”.

The post Kosova me mungesa, Foda: Duhet të gjejmë zgjidhje të reja appeared first on Albeu.com.

Në pamjet e shpërndara në rrjet shihet se si mali i llavës përpin gjithçka që i del para.

Llava ka mbërritur në qytetin e vogël Grindavik, ku mediat vendase raportojnë se janë evakuuar banorët.

The post Gadishulli në gjendje të jashtëzakonshme, vullkani në Islandë del sërish në sipërfaqe appeared first on Albeu.com.

Mendohet të jetë shpërthimi më i fuqishëm deri tani. Llava ka arritur në mbrojtjen lindore rreth qytetit të evakuuar të Grindavik, thanë mediat lokale.

Njerëzit janë zhvendosur gjithashtu, nga Laguna Blu aty pranë, një nga atraksionet turistike më të njohura të Islandës.

Hapësira ajrore e Islandës mbetet e hapur. Derdhje gjigante e llavës po çliron sasi të madhe tymi në ajër.

A volcano in Iceland erupted for the fourth time since December, spewing smoke and bright-orange lava into the air https://t.co/L8vPHODJ0G pic.twitter.com/3lf02pk9ss

— Reuters (@Reuters) March 17, 2024

Sipas shërbimit të mbrojtjes civile të vendit, shpërthimi filloi pas orës 20:00 me orën lokale të shtunën midis Hagafell dhe Stora-Scogfell-në veri të Grindavik.

Ky është një vend i ngjashëm me shpërthimin që filloi më 8 dhjetor. Pamjet e shpërthimit treguan re tymi dhe magmë të ndezur, që rrjedh dhe flluskon nga vrimat në tokë.

Aeroporti Ndërkombëtar Keflavik dhe aeroportet e tjera rajonale, nuk janë prekur nga shpërthimi.

Gjeofizikani Magnus Tumi Gudmundsson, i cili ishte ndër ata që fluturuan mbi zonat e prekura me një helikopter, tha për mediat lokale se shpërthimi i së shtunës ishte më i fuqishmi deri më tani.

Dy rrjedha llave, kanë lëvizur në perëndim dhe në jug. Mediat lokale, raportuan se llava nga kjo e fundit kishte arritur në muret lindore të mbrojtjes së Grindavikut.

Gudmundsson, tha se ishte gjithashtu e mundur që llava të mund të derdhej në det, por se kjo mund të mos ndodhë nëse aktiviteti vullkanik lehtësohet.

Einar Bessi Gestsson, ekspert i fatkeqësive natyrore në Agjencinë Meteorologjike Norvegjeze, i ka thënë transmetuesit publik të Islandës RUV se gaze të rrezikshme dhe shpërthime të vogla, mund të ndodhin nëse llava bie në kontakt me ujin e detit.

Ndërkohë, llava që lëviz në perëndim thuhet se ka arritur në rrugën Grindavikurveg që çon në Grindavik, duke u nisur në drejtim të Lagunës Blu dhe termocentralit gjeotermik Svartsengi, i cili siguron ujë të nxehtë për pjesën më të madhe të gadishullit Reykjanes.

The post Islanda nën ankthin e vullkanit që transporton sasi të mëdha llave (VIDEO) appeared first on Albeu.com.

Siç shihet edhe në grafikën e postuar më lart të marrë nga EMCS, Islanda është goditur nga më shumë se 11 tërmete brenda pak minutash.

Më i forit ka qenë me magnitudë 4.4 dhe më i vogli me magnitudë 3.2. Islanda njihet si zonë me aktivitet sizmik shumë të lartë, por rrallëherë kishte dnodhur që të goditej nga kaq shumë tërmete brenda disa minutash.

Aktualisht nuk raportohet për dëme materiale apo lëndime në njerëz.

The post Çfarë po ndodh? Shteti europian goditet nga 11 tërmete brenda pak minutash appeared first on Albeu.com.

Indeksi vjetor i Paqes Botërore 2023, u përpilua nga Instituti për Ekonominë dhe Paqen dhe renditi 163 vende bazuar në mënyrën e jetesës..

Indeksi mat nivelin e paqes në vend duke vlerësuar “konfliktet e vazhdueshme të brendshme dhe ndërkombëtare, sigurinë dhe mbrojtjen sociale dhe stabilitetin”.

Nëse keni nevojë ndonjëherë për më shumë arsye për të lënë rrënjët tuaja dhe për të kaluar në një vend tjetër, me siguri çështja e sigurisë mund të jetë një faktor kryesor.

Islanda ka mbetur vendi më paqësor në botë që kur studimi u publikua për herë të parë në vitin 2008. Gjithashtu renditet si vendi i tretë më i lumtur në botë, pas Finlandës dhe Danimarkës./Albeu.com/

The post Islanda shpallet vendi më paqësor në botë për të 15-in vit radhazi appeared first on Albeu.com.

Islanda është kurorëzuar si kampionia e Europës për brezin e gjerë të vitit 2022, sipas një studimi vjetor nga cable.co.uk, bazuar në më shumë se 200 milionë teste lidhjesh të kryera në të gjithë kontinentin. Luksemburgu, Lihtenshtajni, Andorra dhe Franca përfundojnë pesëshen e parë, me shpejtësi mesatare shkarkimi midis 120 dhe 220 megabit për sekondë.

Madhësia e një vendi ka një ndikim në shpejtësinë e tij të internetit. Për shembull, vende si Luksemburgu ose Lihtenshtajni kanë avantazhin që duhet të ofrojnë shërbim në një zonë më të vogël se ajo e vendeve më të mëdha si Gjermania ose Italia. Franca performoi mirë në vitin 2022 – edhe nëse sondazhi nuk merr parasysh dallimet rajonale. Duke përjashtuar vendet me më pak se një milion banorë, rrjeti francez i internetit fiks renditet i treti në mbarë botën, pas Tajvanit dhe Japonisë. /albeu.com

The post HARTA/ Shqipëria me internetin më të ngadaltë në Europë, cili shtet mban vendin e parë appeared first on Albeu.com.

Gjithçka nisi në favor të kombëtares tonë, ku në minutën e 11-të, Gunnarsson doli me kartonin e kuq pas një ndërhyrje të ashpër ndaj Uzunit.

Pas agresivitetit të djemve tanë, Uzuni merr krahun e majtë dhe shërben një top të bukur drejt zonës dhe në minutën e 35-të Lenjani shënon me kokë, duke dërguar kështu ekipet në dhomat e zhveshjes me këtë rezultat.

Pjesa e dytë ishte plot raste nga Shqipëria, por nuk arritën të gjenin golin e dytë.

Broja u aktivizua në pjesën e dytë duke dhënë disa shkëndija por nuk arriti të gjente golin. Uzuni gjithashtu pati një rast të bukur dhe të pastër, por nuk arriti të shënonte.

Fati ynë i keq nuk na u nda edhe në këtë ndeshje, kur në minutën e 96-të, Islanda gjen golin e barazimit./ h.ll/albeu.com

The post Shqipëria nuk mund të fitojë ndaj Islandës me 10-të lojtarë, e pësojmë në sekondat e fundit (VIDEO) appeared first on Albeu.com.

Policia e Tiranës, plan masash për ruajtjen e rendit dhe sigurisë, para, gjatë dhe pas zhvillimit të ndeshjes së futbollit midis Shqipërisë dhe Islandës, që do zhvillohet më datë 27.09.2022, në orën 20:45, në stadiumin “Air Albania”.

Masat e marra nga Policia e Tiranës përfshijnë jo vetëm ambientet e stadiumit, por edhe perimetrin jashtë tij.

Në këtë kuadër do të ketë bllokime të disa segmenteve rrugore gjatë momentit të kalimit të tifozëve, nga ora 18:00 deri në përfundim të aktivitetit, konkretisht:

– Rruga “Lek Dukagjini”, përreth stadiumit, rruga “Dervish Hima”, rruga “Gjergj Filipi”, rruga “Papa Gjon Pali II”, nga kryqëzimi me rrugën “Ismail Qemali” deri tek stadiumi “Air Albania” dhe bulevardi “Dëshmorët e Kombit”, nga Presidenca deri te sheshi “Nënë Tereza”.

Policia do të garantojë lëvizjen e tifozëve përgjatë rrugëkalimeve të përcaktuara dhe nuk do të lejojë grumbullim apo kalim të tifozëve jashtë itinerarit të caktuar.

Policia e Tiranës kërkon mirëkuptimin e tifozerive respektive, për zbatimin e detyrimeve të mësipërme, si dhe mirëkuptimin e qytetarëve për të evituar lëvizjen me automjete në segmentet rrugore të lartpërmendura, nga ora 18:00 deri në përfundim të aktivitetit.

Po në zbatim të planit të masave, do të ushtrohen kontrolle ndaj tifozëve, para hyrjes në stadium, për sende të kundërligjshme (si armë, sende të forta, bidonë uji, çadra, çelësa metalikë, lëndë piroteknike etj). Çdo tifoz duhet të jetë i pajisur me dokument identifikimi.

Nuk do të lejohen të futen në stadium persona të papajisur me dokument identifikimi, si dhe fëmijët nën moshën 16 vjeç, pa praninë e prindërit apo të kujdestarit.

Gjithashtu, nuk do të lejohen të futen në stadium tifozët që në aktivitete të ndryshme sportive janë të identifikuar nga Policia, si problematikë.

Policia ju bën me dije se në rastet e prishjes së rendit dhe qetësisë publike, do të ndërhyjë si në ambientet e jashtme të stadiumit, ashtu dhe në ambientet e brendshme, për rivendosjen e rendit dhe shoqërimin e personave që do shkaktojnë trazira apo do të kryejnë veprime antisportive.

Policia e Tiranës apelon edhe njëherë për tifozëritë e të dyja skuadrave që të zbatojnë rregullat dhe ligjin.

The post Ndeshja Shqipëri-Islandë, Policia merr masa, nga ora 18.00 nuk mund të kaloni në këto rrugë appeared first on Albeu.com.

Gjatë deklaratës së tij tekniku italian nuk la pa përmendur edhe humbjen me Izraelin dy ditë më parë, duke theksuar se gabimet individuale e kanë penalizuar skuadrës.

Sipas Rejës ndryshime do të ketë ndryshim skeme ndaj Islandës për të provuar fitoren, ndërsa trajneri nuk preferoi të thoshte asgjë sa i takon të ardhmes së tij.

Një fitore në 9 ndeshjet e fundit? E kemi folur shpesh pse nuk po marrim rezultatin, kemi bërë paraqitje të mira në miqësore me Spanjën dhe Gjeorgjinë ashtu siç luajtëm  mirë edhe ndaj Polonisë pavarësisht se nuk kemi fituar. Flasim për gabime individuale, kundërshtarët po shfrytëzojnë gabimet tona.  Është shumë e rëndësishme të qëndrojmë bashkë dhe të analizojmë gabimet dhe ti përmirësojmë ato. Të dy golat ishin dhurata dhe i lamë shumë hapësirë Izraelit. Të tilla gabimet nuk duhet të ndodhin kurrsesi.

Ndryshime në skemë ndaj Islandës? Sigurisht se mund te ketë ndryshime. Është normale të shikoj gjithë grupin kur janë dy ndeshje afër, dhe un do të bëj ndryshime por nesër do të ndaj skemën. janë 5-6 lojtarë nuk kanë shumë minuta në këmbë dhe duhet të bëj vlerësimet e mia, duhet të shikojmë edhe formën e tyre. Sigurisht do ketë ndryshime.

Shqipëria nuk ka përmbysur asnjëherë rezultatin? Na ka ndodhur shpesh që në minutat e fundit na rezultati na ka ndryshuar. Kur pëson gol e përjeton keq, sepse kur pëson gol duhet të kesh karakter për të qenë të qetë dhe për të reaguar siç duhet. Është e gjitha çështje karakteri për të përmbysur rezultatin. Në Izrael duhet të ishim të më ekuilibruar, por pjesa psikologjike nuk na ndihmoi. Ekipi duhet të reagojë.

E ardhmja? Unë në këtë momente mendoj vetëm për Islandën dhe për asgjë tjetër.

Gjendja psikologjike e skuadrës? Ndaj Islandës duhet të jemi sa më në formë në aspektin psikologjik. Kritikat nuk i ndjej shumë, ndoshta lojtarët më shumë. Lojtarët duhet të reagojnë mirë dhe të kenë formën e duhur në fushën e lojës. Është një skuadër që mund ta mposhtim  duke shmangur edhe gabimet e përfolura. Duhet të jemi të qetë në fushën e lojës. Nëse nuk luajmë me impenjimin e duhur dhe me karakterin e duhur atëherë do të ketë probleme, pastaj shtohen edhe gabimet. Ndaj Islandës duhet të tregojmë karakter sepse ata janë të fortë.

The post “I lamë hapësira Izraelit”, Reja: Nesër duam fitoren, zoti e di të ardhmen appeared first on Albeu.com.