Mesfushori 28-vjeçar do t’i bashkohet menjëherë skuadrës blu dhe do të jetë nën drejtimin e trajnerit Ilir Daja, i cili pritet ta ketë në dispozicion për përballjen ndaj Astanës në raundin e parë kualifikues të Conference League.

Ky transferim shënon një rikthim të pogradecarit te Dinamo, ndërsa gjatë karrierës së tij ai ka mbajtur edhe fanellat e Laçit, Tomorit, Pogradecit, Ilirisë dhe Partizanit B.

Manellari ka qenë së fundmi pjesë e Elbasanit, skuadër me të cilën mbylli bashkëpunimin vetëm pak ditë më parë, një zhvillim që u bë i ditur nga Newsport, që zbuloi edhe klubin e tij të ardhshëm.

“Isi Manellari vishet blu!

Isi Manellari është përforcimi i radhës për skuadrën tonë. Mesfushori 28-vjeçar vjen si një afrim i rëndësishëm për klubin dinamovit, pas eksperiencave që ka pasur sezonet e fundit si titullar në Superiore.

Pas marrëveshjes me presidentin Adrian Bardhi, Manellari ka firmosur kontratën me klubin tonë dhe ka udhëtuar drejt Ohrit për t’u bashkuar me skuadrën. Besojmë fort se do të jetë një element me vlera në mesfushën blu.

Mirë se vjen dhe suksese me fanellën e 18 herë kampionëve të vendit, Isi Manellari!”

The post ZYRTARE/ Dinamo zyrtarizon rikthimin e Isi Manellarit, mesfushori vihet menjëherë nën urdhrat e Ilir Dajës appeared first on Albeu.com.

Ka qenë vetë lojtari që e ka bërë publik vendimin përmes rrjeteve sociale. Për trajnerin Ivan Gvozdenovic, Manellari përbënte një element referues në repartin të mesfushës, duke qenë titullar i padiskutueshëm dhe njëkohësisht lojtari më i shtrenjtë i këtij reparti te Elbasani. Sipas “Transfermarkt”, vlera e tij arrin në 300 mijë euro.

Ky largim vjen në një moment delikat për trajnerin Gvozdenovic, pikërisht para ndeshjeve të Conference League, teksa 28-vjeçari nga Pogradeci ka qenë një nga lojtarët më stabël të formacionit. Ende nuk dihet se cili do të jetë destinacioni i ardhshëm i Manellarit.

The post ZYRTARE/ Elbasani humbet një nga pikat kyçe të mesfushës, Isi Manellari largohet para Conference League appeared first on Albeu.com.