Bëhet e ditur se zjarri tashmë është vënë nën kontroll, por me vështirësi, ndërsa po ashtu raportohet se 13 anëtarë të ekuipazhit janë arrestuar dhe mjeti lundrues është sekuestruar. Jahti me emrin “Persephone” ishte marrë me qira nga një grup prej 17 personash nga Kazakistani.

“Jemi të indinjuar që disa njerëz në mënyrë kaq të papërgjegjshme hedhin fishekzjarre në një pyll me pisha”, tha kryetari i bashkisë së Hydra, Giorgos Koukoudakis, mëngjesin e sotëm.

Zjarret e fuqishme janë të zakonshme në vendin fqinj, por ato janë bërë më shkatërruese pasi sezonet verore janë bërë më të nxehta, më të thata dhe me erëra te forta, gjë që shkencëtarët e lidhin me ndryshimet klimatike. Banorëve të disa fshatrave në zonat e prekura nga zjarri iu kërkua të largoheshin nga shtëpitë e tyre, ndërsa disa përdorën kova të vogla për të ndihmuar në shuarjen e flakëve.

Së fundmi, një zjarrfikës vullnetar 55-vjeçar vdiq nga plagët që mori duke luftuar një zjarr në rajonin jugor të Ilia në gadishullin e Peloponezit. Në fillim të këtij viti, shteti grek solli ligje më të ashpra, me autorët e zjarreve që tani përballen me 20 vjet burg dhe gjoba deri në 200 mijë euro.

The post Fishekzjarret nga jahti dogjën pyllin e vetëm në ishullin grek, arrestohen 13 persona appeared first on Albeu.com.

Këta janë kryesisht peshkatarë që kapin dhe shesin purtekën e çmuar të Nilit, e cila në të njëjtën kohë simbolizon burimin dhe mallkimin e madh të liqenit Victoria.

Duke jetuar në ishull, territori i të cilit pretendohet si nga Uganda ashtu dhe dhe Kenia, mijëra banorë të lumtur të Migingo kursejnë karburant dhe jetojnë kryesisht në vendin e punës.

Burrat dalin në det me kanoe çdo ditë dhe gratë merren me jetën e përditshme në fshatin e dendur ishullor.

Ishulli Migingo as nuk ekzistonte deri në fillim të viteve 1990, kur ujërat e Liqenit Viktoria filluan të tërhiqen.

Megjithëse peshkatari nga Uganda Joseph Nsubuga mbetet koloni më i hershëm i regjistruar, dhe pohoi se tashmë kishte një shtëpi të braktisur në ishull kur u transferua në Migingo në 2004.

Nsubuga tha se udhëtimi për në Migingo zgjat dy orë me skaf, ndërsa Uganda është gjashtë orë larg.

Shtëpitë, apo kasollet, janë fjalë për fjalë njëra mbi tjetrën, dhe përveç ndërtesave të thjeshta, ka katër kafene, një farmaci e madje dhe një shtëpi publike.

Është interesante se pikërisht pranë Migingos është ishulli më i madh Usingo, i cili është praktikisht i pabanuar.

Kjo pasi banorët e Migingos nuk duan të jetojnë duke pretenduar  se aty endet një demon, por gjithashtu sulmohet shpesh nga piratët që enden në këtë liqen tropikal më të madh në botë./albeu.com

The post FOTO/ Ishulli më i çuditshëm në botë, 1 mijë njerëz jetojnë në 2 mijë metra katror tokë, farmacitë ngjitur me shtëpitë publike appeared first on Albeu.com.

Këto janë pjesë toke, popullsia totale e të cilave nuk i kalon 3000 banorë – disa, në fakt, kanë vetëm dy banorë të përhershëm. Synimi i qeverisë, nëpërmjet një programi të ri të titulluar “Ishujt tanë të gjallë”, është të rigjallërojë ato komunitete ishullore, duke tërhequr banorë dhe kapital të ri, në mënyrë që ato të bëhen “të qëndrueshme”.

Nuk është për t’u habitur, sipas deklaratës, “ka shqetësime të vazhdueshme për ruajtjen e niveleve të popullsisë së ishujve, ku mosha mesatare është, në përgjithësi, më e lartë, pasi shumë të rinj zgjedhin t’i lënë ata për të studiuar ose për të kërkuar mundësi profesionale”.

Subvencionet shtetërore që do t’u jepen banorëve të rinj janë të destinuara për rinovimin e shtëpive të vjetra, të braktisura që ekzistojnë tashmë në ishuj, me kusht që të jenë ndërtuar para vitit 2008 dhe të jenë bosh prej të paktën dy vitesh.

The post Ju pëlqen vetmia? Ky vend do t’ju paguajë 85 mijë euro për t’u zhvendosur në një nga ishujt e tij të izoluar appeared first on Albeu.com.

Mirëpo, sot Turqia ka lëshuar dronët drejt ishujve Lesvos dhe Samos, shumë pranë Turqisë duke bërë foto të disa anijeve ushtarake, të cilat zbresin në ishull një numër të madh mjetesh të blinduara, raporton abcnews.al.

Bëhet fjalë për mjete të blinduara që amerikanët ia dhanë grekëve disa muaj më parë, gjë që ka acaruar shumë Turqinë.

Dërgimi i dronëve luftarakë turq në hapësirën ajrore greke është një çështje tjetër që mund të nxisë debate mes dy shteteve pasi bëhet fjalë për “Bayraktarët” e armatosur. Në këtë mënyrë, turqit i treguan grekëve se mund t’i godasin kurdo për aq kohë sa i vunë në shënjestër.

Ndërkohë, më herët, grekët vunë në shënjestër avionët turq përmes sistemit të raketave S-300 të vendosura në Kretë.

Situate duket shumë e tensionuar dhe ndonjë “çmenduri” e dikujt Mesdheu mund të kthehet në një arenë lufte të madhe mes dy shteteve të NATO-s.

The post Grekët zbarkojnë në ishull me blinda amerikanë, turqit lëshojnë dronët e armatosur: Egjeu në prag të “shpërthimit” appeared first on Albeu.com.

Lindi ka publikuar disa foto në Instagram, krahas të cilave ka shkruar me humor: Si nisi dita dhe si shkoi në vazhdim…

 

View this post on Instagram

 

A post shared by LIND ISLAMI (@lind_islami)

The post U “arratisën” me pushime në ishull, Venerës dhe Lindit iu ndodh e papritura (FOTO LAJM) appeared first on Albeu.com.

Prej pak ditësh, Marina dhe Getoari ndodhen në ishullin Seychelles, ku po kalojnë kohë vetëm. Mes fotove të publikuara në rrjetet sociale nga pushimet, në disa prej tyre ajo shfaqet e veshur me rozë dhe nxjerr në pah barkun e rrumbullakosur. Moderatorja ka vendosur në kokë edhe një lule rozë, dhe po ashtu përshkrimin e fotos ka vendosur që ta shoqërojë me një lule në këtë ngjyrë duke konfirmuar në njëfarë mënyre se është në pritje të një vajze.

The post Marina Vjollca konfirmon gjininë e fëmijës me këto foto të ëmbla nga ishulli? (FOTO LAJM) appeared first on Albeu.com.

Pikërisht këtu, në vitin 1659 u takuan mbretërit e2 shteteve fqinje për të nënshkruar Traktatin e Pirenejve, që i dha zyrtarisht fund Luftës Tridhjetëvjeçare. Sipas traktatit,10 kilometrat e fundit të rrjedhës së lumit Bidasoa, u caktuan si një kufi natyror midis dy kombeve, deri në Gjirin e Biskajës.

Dhe siç ndodh gjithmonë kur një lumë shënon kufirin ndërshtetëror, ky vendoset afërsisht në qendër të rrjedhës së ujit. Duke ndjekur këtë linjë, ishulli u nda në mënyrë ideale përgjysmë, me Francën dhe Spanjën që zotërojnë përkatësisht pjesët që ndodhen në anën e tyre.

Por të dyja vendet arritën më pas një tjetër marrëveshjeje:Ishulli Fazan u shndërrua në njëterritor mbi të cilin ushtrojnë sovranitet të barabartë disa kombe. Historikisht, ka pasur disa raste të tilla, por ato nuk kanë zgjatur shumë.

Suksesi i një marrëveshje të tillë kërkon bashkëpunimin e të gjitha palëve të përfshira, gjë që nuk është e lehtë të ruhet për një kohë të gjatë. Shembulli më i suksesshëm është ndoshta ai i Antarktidës, ku 53 vende e ushtrojnë sovranitetin e tyre që nga viti 1961.

Ishulli i Fazanëve nuk është i vetmi territor që ka rezistuar për kohën më të gjatë me këtë status, por ai është gjithashtu i vetmi në të cilin sovraniteti nuk ndahet njëkohësisht, por në mënyrë alternative:për 6 muaj të vitit sundohet nga francezët, dhe për 6 të tjerat ngaspanjollët.

Para nënshkrimit të Traktatit të Pirenejve, statusi i ishullit nuk ishte i përcaktuar mirë. Por ai ishte në parim një lloj zone neutrale, që u përdor si një vend takimi midis përfaqësuesve të Francës dhe Spanjës, dhe si një vend për shkëmbimin e të burgosurve.

Duket e çuditshme që një ishull me një sipërfaqe vetëm 3.000 metra katrorë,është përdorur sinjë skenë e ngjarjeve të rëndësishme historike, por dhe për fejesa dhe dasma mbretërore midis trashëgimtarëve të kurorave të tyre përkatëse.

Sot, Ishulli i Fazanëve nuk mund të vizitohet nga turistët. Por ai mund të shihet lehtësisht nga bregu, siç sugjeron zyra lokale turistike. Pra vizitorët janë të detyruar ta kundrojë ishullin e veçantë nga të2 anët e brigjeve të lumit Bidasoa, nga qyteti Hendaje në Francë dhe nga ai i Irunit në Spanjë.

The post Ishulli i Fazanëve, i vetmi vend në botë që ndryshon sovranitet çdo 6-të muaj appeared first on Albeu.com.

Askush nuk është i sigurt për arsyet pse shteti nuk lejon hyrjen në këtë ishull, mbase është kërcënimi që fshihet pas tij, fakti që ju mund të hidheni në erë nga një bombë 250 kg.

Ata nuk e quajnë pa të drejtë Nomans Land, megjithëse ky ishull i ndaluar dikur njihej si “Ishulli i Dashurisë”, dhe ka histori të shumta për Vikingët, fantazmat, nazistët dhe kontrabandistët. Më pak se 5 milje nga Martha’s Vineyard, një nga vendpushimet më të njohura në Massachusetts, SHBA, ishulli i pabanuar i Nomans Land vazhdon të jetë një makth për autoritetet.

Jo vetëm sepse ka bomba kudo, por sepse vitet e fundit jeta ka filluar të lulëzojë atje.

Fati i tij mbetet i hapur për negociata. Të tjerët e duan atë si një strehë të jetës së egër, të tjerët si një destinacion të klasit të parë kërkimor, dhe disa më në fund flasin për një vend t që duhet të restaurohet.

Kjo është historia e një ishulli ndryshe nga të tjerët.

Ky ishull nuk ka asgjë që të kujton peizazhin e njohur të ishujve të tjerë dhe për shumë është e çuditshme që nuk është shfrytëzuar komercialisht, si ishujt ngjitur që përbëjnë vendpushimin më të njohur të Martha’s Vineyard.

Një ishull me 250 kilometra katrorë ku klasa sunduese kalon pushimet dhe është më pak se 5 kilometra larg.

Megjithatë, në Nomans Land, mbizotëron një atmosferë krejtësisht e ndryshme. Është një vend i shenjtë për jetën e egër, pas asnjë ndërhyrje nga njerëzit. Mbi të gjitha, vetë njerëzit bënë gjithçka që kishin në dorë për të zhdukur çdo jetë nga sipërfaqja e saj, raporton abcnews.al

Për 50 vite të tëra, midis 1943-1996, ishulli shërbeu si një shënjestër për bomba të Marinës Amerikane. Dhe përkundër përpjekjeve të saj për ti hequr bombat, Nomans Land ka ende shumë bomba të pashpërthyera, një kurth vdekjeprurës për këdo që përpiqet të shkojë në brigjet e saj.

Kjo është arsyeja pse ishulli ka qenë i mbyllur. Por jeta është rikthyer në ishull. Dhe bashkë me të lind edhe pyetja që mundon banorët, autoritetet dhe ekspertët: çfarë po ndodh Nomans Land?

Për vendasit, ishulli i pabanuar prej 612 hektarësh është vetëm një pikë në hartë, një vend i harruar dhe i ndaluar, sikur të mos kishte jetuar askush atje. Ishulli u ble nga marina amerikane në 1938 për t’u përdorur si një vend prove për bombat e saj.

Fusha ishte aktive deri në vitin 1996, megjithëse pas vitit 1952 vendi supozohej të përdorej për stërvitje për pilotët e rinj. Kjo shkatërroi çdo shenjë të pranisë njerëzore në ishull. Dhe çdo lloj jete, fatkeqësisht.

Historia e ishullit fillon zyrtarisht në 1602, kur u zbulua për herë të parë nga pirati dhe eksploruesi britanik Bartholomeë Gosnold. Kolonitë e para europianë kanë mbërritur në 1715 dhe të gjithë po kërkojnë thesaret që supozohet se janë varrosur këtu nga piratët.

Thesari i vetëm i vërtetë ishte peshku i mirë dhe së shpejti ishulli do të bëhet i njohur si një fshat peshkimi.

Ishulli, megjithatë, filloi të shkretohet në fund të shekullit të 19-të, kur peshkimi i merlucit u bë gjithnjë e më pak fitimprurës. Në 1896, The Boston Globe dërgoi një gazetar për të raportuar dhe ai zbuloi se vetëm një familje jetonte atje.

“Boston Globe” informon vazhdimisht lexuesit e tij për fantazmat që ndjekin ishullin, duke treguar për një tjetër legjendë. E dyta ishte kolonia e Vikingëve, e cila nuk u vërtetua kurrë.

Ajo që dihet është se ishulli është përdorur si një strehë për kontrabanduesit e alkoolit gjatë 1920. Familja e Joshua Crane, i ashtuquajturi “monarku i Nomans Land”, u zotua se ka parë nëndetëset gjermane të kalonin atje përpara Luftës së Dytë Botërore.

Po atë vit, Flota Detare e mori me qira ishullin për 50,000 dollarë. Crane ëndërronte ta kthente atë në një vendpushim luksoz. Sidoqoftë, Marina i prishi planet në 1952, kur konfirmoi se ishulli do të ishte në zotërim të tij.

Që nga viti 1952, vetëm studiuesit me leje të veçantë mund ta vizitonin ishullin. Dhe një i tillë është biologu Gus Ben David, një banor i zonës, i cili vizitoi ishullin për herë të parë në 1973 për të hulumtuar biodiversitetin e tij.

Biologu u kthye në ishull të paktën edhe 80 herë të tjera, shpesh i shoqëruar nga zyrtarë të qeverisë. “Një nga tiparet më të habitshme të jetës sime është marrëdhënia ime me nomanët”, tha ai një herë për Martha’s Vineyard Magazine. Ai është nga një botë tjetër. Është një diamant biologjik. ”

Ai madje i bëri thirrje Marinës që të mos pastronte ishullin nga bombat e pa-çaktivizuara. Kjo sepse bombat i mbanin të huajt larg ishullit, duke u lënë trashëgiminë zogjve dhe krijesave të ujit.

Duke lënë mënjanë planet për konstrukturimin e ishullit, i cili mbetet joshja e madhe për shumë të huaj, ka nga ata që e duan ishullin e pastruar nga bombat. Disa shpresojnë të jenë në gjendje ta vizitojnë, si vendasit, të cilët e konsiderojnë një vend piktoresk.

Brian McCarty, një ish oficer i Forcës Ajrore dëshiron që ishulli të jetë i hapur për një numër të kufizuar vizitorësh, studiuesish dhe vendasish.

Por shqetësimi i tij i është i ndryshëm nga pjesa tjetër. Kjo për arsye se rreziku i një municioni të pashpërthyer është real, vendasit gjithashtu shqetësohen për ndotjen e shkaktuar nga bombat e ndryshkura . Uji i pijshëm që pinë banorët e Martha’s Vineyard dhe mijëra turistë vjen nga i njëjti ujëmbajtës. Çdo gjë që gërryen tokën e Nomans Land përfundon duke ndotur ujin e zonës.

Davidi kaloi më shumë kohë në ishull se çdo person tjetër. Dhe ai vazhdon të argumentojë se duhet të mbetet ashtu siç është, me bombat e pashpërthyera dhe zogjtë e tij migrues.

Nomans Land tani është një parajsë e botës së egër. Dhe Davidi e di këtë më mirë se kushdo. Çdo përpjekje për të hequr bombat e pashpërthyera kërcënon natyrën e saj si një habitat, thotë ai.

“Unë e di se ku është çdo bombë në këtë ishull,” përfundon ai.

Marina Amerikane publikoi një raport në gusht të 2020, duke thënë se midis 1997 dhe 2014 ajo hoqi 11,000 municione, rreth 305 tonë material.

Marina kërkon që të jepet fund përpjekjeve për eliminimin e bombave dhe ti jepet peshë njerëzve duke i informuar pse duhet të qëndrojnë larg ishullit. Forcat Detare vlerësojnë koston e heqjes së municioneve të pashpërthyera në 31 milion dollarë. Në përgjithësi, ata që flasin për trashëgiminë e tij kulturore kanë pasur gjithmonë debate për fatin e ishullit të vogël, raporton abcnews.al

Sipas të dhënave, atje jetonte një fis i amerikanëve vendas (Fisi Wampanoag i Gay Head) dhe ka shumë persona që kërkojnë nga autoritetet të nxjerrin në pah provat e ekzistencës së tyre.

Duke lënë menjëanë indianët, vikingët, nazistët, piratët, kontrabandistët, peshkatarët, dhe cilindo tjetër që është pjesë e kësaj histori, shteti dhe populli duhet të punojnë së bashku për të gjetur një zgjidhje.

Ideja që ishulli të mbetet siç është në të njëjtat kushte është joshëse aq sa është logjike, të kërkosh të mos ketë asnjë gjurmë nga shkatërrimi njerëzor duke e lënë atë si dikur.

Mbetet për tu parë, se si mund të arrihet një marrëveshje e përbashkët.

The post Sekreti që qëndron pas këtij ishulli vdekjeprurës (VIDEO) appeared first on Albeu.com.