Ish-trajneri i Shqipërisë dhe ish-futbollisti i Barcelonës, Sylvinho, ndoqi nga shkallët e stadiumit një ndeshje miqësore të zhvilluar së fundmi në impiantin modern të “Camp Nou”.

Pas rikthimit në shtëpinë e klubit katalanas, ku ka përjetuar momentet më të rëndësishme të karrierës dhe ka fituar gjithçka, Sylvinho ndau në rrjetet sociale emocionet e tij për këtë vizitë.

“Dje u ktheva në Camp Nou. Është e vështirë të shpreh me fjalë se çfarë do të thotë me të vërtetë ky vend për mua. Këtu kam përjetuar disa nga ditët më të lumtura të karrierës sime.

Të rikthehesh brenda, të ndjesh atë atmosferë të jashtëzakonshme dhe të të presin me kaq shumë dashuri… është një ndjenjë e paharrueshme.

Jam thellësisht mirënjohës ndaj Barcelonës dhe të gjithë njerëzve të saj për këtë pritje kaq të ngrohtë. Një falënderim i veçantë shkon për Presidentin, bordin e klubit dhe veçanërisht për mikun tim të përjetshëm, Deco, i cili sot po drejton me klas absolut operacionet e futbollit të klubit. Faleminderit, Barça”, shkroi Sylvinho.

The post Sylvinho rikthehet në “Camp Nou”: E pamundur të përshkruaj me fjalë çfarë përfaqëson ky vend për mua appeared first on Albeu.com.

Armando Cungu, ish-trajneri i Vllaznisë, ka kritikuar ashpër paraqitjet e Argjentinës në këtë Kupë Bote. Sipas tij, kombëtarja argjentinase dhe Lionel Messi kanë përfituar trajtim favorizues gjatë kompeticionit.

I ftuar në emisionin “Kampionët e Botës” në TV Klan, Cungu theksoi se shqetësimet për Argjentinën kishin nisur që në përballjen me Algjerinë, ku sipas tij Messi nuk u ndëshkua me karton të kuq.

“Nëse e shohim Argjentinën, ajo pati probleme që në ndeshjen kundër Algjerisë. Messit nuk iu dha një karton i kuq. Për gjithçka që ka dhënë në futbollin botëror, Messi është një futbollist para të cilit duhet të heqësh kapelen.

Por ligji duhet të funksionojë edhe në sport. Të gjithë duhet të trajtohen njësoj, jo që njëri të përjashtohet me të kuq dhe tjetri të favorizohet. Dhe kjo nuk ka ndodhur vetëm në një takim, por pafundësisht.

Ka pasur problematika ndaj Algjerisë, Kepit të Gjelbër, Egjiptit dhe Zvicrës. Këtë mund ta quaj edhe masakër. Mediat botërore flasin për 31 ndërhyrje të ‘pista’ dhe i kanë të shoqëruara me minutazh. Më vjen keq, sepse kam pasur shumë respekt për Argjentinën.

Ata kanë prodhuar emra të mëdhenj, mjafton të kujtojmë Maradonën dhe Messin. Asnjëherë nuk i kam parë të luajnë në një mënyrë kaq të pisët”, u shpreh Armando Cungu.

The post Armando Cungu: Messi duhej ndëshkuar me të kuq, Argjentina po merr favore të pafundme appeared first on Albeu.com.

“Të gjithë mund të shohin se unë kam një sëmundje që nuk është e mirë, dhe të gjithë supozojnë se është kancer, dhe është. Por unë duhet ta luftoj atë sa më gjatë që të jetë e mundur.

Unë e di që në rastin më të mirë është rreth një vit, në rastin më të keq edhe më pak. Ose në rastin më të mirë, mendoj edhe më gjatë. Nuk mendoj se mjekët janë plotësisht të sigurt. Është më mirë të mos mendosh për këtë. Ju duhet të mashtroni trurin tuaj. Mund të mendoja për këtë gjatë gjithë kohës dhe të ulesha në shtëpi dhe të thosha se jam i pafat”, tha Eriksson.

75-vjeçari e çoi Anglinë në finalet e Kupës së Botës në 2002 dhe 2006, duke humbur në çerekfinale në të dy rastet, si dhe në Euro 2004.

Ai gjithashtu, trajnoi ekipe si Benfica, Roma dhe Manchester City gjatë karrierës së tij prej katër dekadave.

Në shkurt të vitit të kaluar, ai u largua nga roli i tij në klubin suedez Karlstad, për shkak të “çështjeve shëndetësore”.

The post Ish-trajneri Eriksson bën rrëfimin tronditës: Më ka mbetur një vit jetë appeared first on Albeu.com.