Sipas një deklarate të lëshuar nga familja e tij, Lieberman vdiq në New York të mërkurën për shkak të komplikimeve nga një rrëzim. Ai ishte 82 vjeç. Demokrati shpesh herë kishte votuar kundër qëndrimeve të partisë.

Me kalimin e kohës ai u largua nga Partia Demokrate, duke u bërë Senator i pavarur. Kjo dhe kritikat e tij ndaj kandidatit demokrat për President Barak Obama, gjatë garës zgjedhore të vitit 2008, zemëruan jo pak demokratë. Megjithatë, mbështetja e tij për të drejtat e komunitetit LGBTI, të drejtat civile, të drejtat e abortit dhe mbrojtja e mjedisit, i siguruan atij vlerësimin e shumë liberalëve përgjatë viteve.

Zoti Lieberman ishte shumë pranë postit të Nënpresidentit në garën presidenciale të vitit 2000 që u përcaktua nga një diferencë prej 537 votash në favor të republikanit George W. Bush në Florida. Kjo u bë pas një rinumërimi votash, sfidave ligjore dhe një vendimi të Gjykatës së Lartë. Ai ishte amerikani i parë hebre në garën presidenciale si kandidat i një partie të madhe.

Zoti Lieberman shkaktoi polemika në vitin 1998 kur qortoi Presidentin Bill Clinton, mikun e tij prej shumë vitesh, për “sjellje të turpshme”, në një fjalim në Senat, kur skandali mbi marrëdhënien e Presidentit me Monica Lewinskin kishte arritur kulmin. Megjithatë, Senatori Lieberman më vonë votoi kundër ngritjes së akuzave për shkarkimin e Presidentit Clinton.

Zoti Lieberman kërkoi emërimin e partisë për president në vitin 2004, por u tërhoq pas rezultateve të dobëta në zgjedhjet e brendshme. Katër vjet më vonë, ndërsa ishte politikan i pavarur, ai ishte emri kryesor për t’u zgjedhur si kandidat për nënpresident për kandidatin republikan për President, Senatorin John McCain. Ai dhe zoti McCain ishin miq të ngushtë që ndanin pikëpamje të ngjashme mbi çështjet ushtarake dhe të sigurisë kombëtare.

Zoti McCain ishte i prirur të zgjidhte zotin Lieberman për të kandiduar së bashku në zgjedhjet presidenciale ndërsa po afrohej kuvendi i Partisë Republikane i vitit 2008. Ai zgjodhi guvernatoren e atëhershme të Alaskës, Sarah Palin në minutën e fundit pas kritikave të ashpra nga konservatorët mbi qëndrimet liberale të zotit Lieberman, sipas Steve Schmidt, i cili menaxhoi fushatën e Senatorit McCain.

Ai e mbrojti vendimin për largimin nga Partia Demokrate si një çështje ndërgjegjeje, duke thënë se ai gjithmonë kishte për zemër interesat më të mira të votuesve të shtetit prej nga vinte, Konektikat. Kritikët e akuzuan atë për ndjekjen e interesit të ngushtë vetjak.

Në njoftimin për largimin e tij nga Senati, në vitin 2013, zoti Lieberman pranoi se ai “nuk përshtatej gjithmonë me qëndrimet partiake” dhe ndjeu se përgjegjësia e tij e parë ishte t’u shërbente zgjedhësve të tij, shtetit dhe vendit, jo partisë së tij politike.

Gjatë fjalimit të tij të fundit në Senat, zoti Lieberman i kërkoi Kongresit të shikonte përtej ndasive partiake, për të tejkaluar bllokimet në Uashington.

“Duhet shikuar në anën tjetër për të gjetur partnerë nga pala e kundërt” tha Senatori Lieberman. “Kjo është ajo që nevojitet tej mase në Uashington”.

Harry Reid, i cili shërbeu si udhëheqës i demokratëve në Senat, ishte shprehur se megjithëse nuk ishte gjithmonë dakord me Libermanin, ai e respektonte atë.

“Pavarësisht nga dallimet tona, unë kurrë nuk kam dyshuar në parimet e Joe Liebermanit apo patriotizmin e tij”, tha zoti Reid. “Unë e respektoj brezin e tij të pavarur, pasi buron nga bindjet e forta”./ VOA

The post Ndahet nga jeta në moshën 82 vjeçare ish-senatori amerikan appeared first on Albeu.com.

Por, deputetët serbë nuk janë ngritur në këmbë për të nderuar jetën dhe veprën e tij.

Kjo sipas deputetes së LVV-së, Tinka Kurti, është bërë vetëm sepse Dole njihej si mik i shqiptarëve.

Kurti shkruan se deputetët serbë janë ende te politika e para 20-30 viteve.

Postimi i plotë i saj:

Deputetet e Listes Serbe nuk ngrihen ne kembe ne minutin e heshtjes per nderimin e vepres se diplomatit amerikan Bob Dole.

Vec pse njihej si miku i shqiptareve sot nuk jane as te e njerezishmja. Ata po i hakmerren per qendrimet e tij, sidomos ne vitet e ’90-ta. Pra ende jane te politika e para 30 e 20 vjetesh.

As te minimumi i respektit ne raste vdekjesh ku bashkohen njerezimi./albeu.com/

The post “Vetëm se ishte mik i shqiptarëve”, Kurti: Deputetët e Listës Serbe nuk e nderuan Senatorin Dole në një minutë heshtje appeared first on Albeu.com.

Përmes një postimi në Twitter, Osmani tha se është përherë mirënjohëse ndaj senatorit të njohur amerikan, për përkrahjen e madhe për popullin e Kosovës.

“E pikëlluar kur dëgjova për vdekjen e senatorit Bob Dole. Një hero lufte, një politikan i respektuar dhe një mbështetës i lirisë në të gjithë botën. Por në veçanti jemi mirënjohës që ai gjithmonë ka qëndruar pranë popullit të Kosovës në luftën tonë për pavarësi. U prehsh në paqe, mik i dashur”, shkruan Osmani.

Bob Dole, miku i madh i shqiptarëve, ka vdekur sot në mëngjes në moshën 98-vjeçare, gjatë kohës sa ishte në gjumë./albeu.com/

So saddened to hear of Senator Bob Dole’s passing.

A war hero, a respected politician, and a supporter of freedom all over the world. But in particular we are grateful that he always stood by the people of Kosovo in our struggle for independence.

Rest in peace dear friend. pic.twitter.com/RD2y0eaJuQ

— Vjosa Osmani (@VjosaOsmaniPRKS) December 5, 2021

The post Ndërroi jetë sot, presidentja Osmani reagon për ndarjen nga jeta të ish-senatorit Bob Dole: Hero lufte (FOTO LAJM) appeared first on Albeu.com.

Vdekja e Dole u konfirmua nga Fondacioni Elizabeth Dole në një deklaratë të dielën.

“Me zemër të lënduar njoftojmë se senatori Robert Joseph Dole vdiq këtë mëngjes herët në gjumë”, tha fondacioni.

“Deri në vdekjen e tij, në moshën 98-vjeçare, ai i kishte shërbyer me besnikëri Shteteve të Bashkuara të Amerikës për 79 vjet.”

Në shkurt, Dole zbuloi se ai ishte diagnostikuar me kancer të mushkërive të fazës 4 dhe tha se po fillonte trajtimin.

Një ish-udhëheqës i shumicës së Senatit dhe kandidati republikan për president i vitit 1996, me origjinë nga Russell, Kansas, ai mbrojti gjithçka, nga reformimi i programit federal të pullave ushqimore deri te ndërgjegjësimi për aftësitë e kufizuara.

Ai ishte një nga kandidatët më të vjetër presidencialë për herë të parë në moshën 73-vjeçare, por edhe pasi u tërhoq nga politika pasi humbi garën me presidentin Bill Clinton, Dole nuk u largua nga qendra e vëmendjes.

Pavarësisht se dështoi në përpjekjen e tij për presidencën, Dole pati një drejtim mbresëlënës në politikë. Ai ishte republikani i rangut më të lartë në Senat për gati 11 vjet; ai ishte kandidati i presidentit Gerald Ford në vitin 1976; dhe në janar 2018, ai mori një Medalje të Artë të Kongresit, duke e bërë atë senatorin e tetë që është nderuar kaq shumë.

“Dua të falënderoj të gjithë ata që kanë thënë fjalë të tilla të mira për mua,” tha Dole kur mori çmimin, nderimi më i lartë civil i dhënë nga Kongresi. Më pas ai bëri shaka: “Me siguri nuk janë të vërteta, por ishin të këndshëm”.

Dole u angazhua herët në politikën amerikane për Kosovën dhe luajti rol të rëndësishëm në procesin që çoi në krijimin e shtetit të pavarur. Për nder të tij, në Prishtinë është ngritur busti i tij./albeu.com/

The post Ndërron jetë miku i madh i shqiptarëve, ish-udhëheqësi i Senatit Amerikan Bob Dole appeared first on Albeu.com.