Trupi gjykues, i përbërë nga gjyqtarët Engert Pëllumbi, Igerta Hysi dhe Iliriana Olldashi, dënoi përfundimisht S.H. me 2 vjet e 4 muaj burgim, pasi përfitoi ulje dënimi sipas gjykimit të shkurtuar.

Vendimi përfshin gjithashtu konfiskimin e një shume prej 1,000 eurosh, ndërsa pjesa tjetër e parave të sekuestruara do t’i kthehet të pandehurit.

VENDIMI I APELIT TË GJKKO-SË:

R E P U B L I K A E S H Q I P Ë R I S Ë

GJYKATA E POSAÇME E APELIT PËR KORRUPSIONIN DHE KRIMIN E ORGANIZUAR

Tiranë, më datë 18.06.2025

KOMUNIKIM PËR MEDIAN

Gjykata e Posaçme e Apelit për Korrupsionin dhe Krimin e Organizuar, me trup gjykues të përbërë nga gjyqtarët Engert Pëllumbi (kryesues), Igerta Hysi (anëtare) dhe Iliriana Olldashi (anëtare), më datë 18.06.2025, shpalli vendimin lidhur me çështjen e regjistruar me nr. 19 akti, datë 18.02.2025 regjistrimi, kthyer për rishqyrtim me një tjetër trup gjykues nga Gjykata e Lartë, pas prishjes së vendimit nr. 18, datë 23.03.2023, të Gjykatës së Posaçme të Apelit për Korrupsionin dhe Krimin e Organizuar lidhur me të pandehurin S.H. – disponuar mbi ankimet e paraqitur ndaj vendimit nr. 36, datë 31.05.2022 të Gjykatës së Posaçme të Shkallës së Parë për Korrupsionin dhe Krimin e Organizuar, dhe vendosi:

Lënien në fuqi të vendimit nr. 36, datë 31.05.2022, të Gjykatës së Posaçme të Shkallës së Parë për Korrupsionin dhe Krimin e Organizuar, për të pandehurin S.H. lidhur me deklarimin e tij fajtor për kryerjen e veprës penale “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”, e parashikuar nga neni 319/ç i Kodit Penal, si dhe llojin dhe masën e dënimit për këtë vepër penale;

Në zbatim të nenit 55, paragrafi 2, të Kodit Penal, në bashkim të dënimeve i pandehuri S.H. dënohet me një dënim të vetëm prej 3 (tre) vjet e 6 (gjashtë) muaj burgim;

Në zbatim të nenit 406, pika 1, të Kodit të Procedurës Penale, të pandehurit S.H. i ulet 1/3 (një e treta) e dënimit, duke u dënuar përfundimisht me 2 (dy) vjet e 4 (katër) muaj burgim;

Ndryshimin e vendimit nr. 36, datë 31.05.2022, të Gjykatës së Posaçme të Shkallës së Parë për Korrupsionin dhe Krimin e Organizuar, për pjesën tjetër, në këtë mënyrë:

Moszbatimin e nenit 59 të Kodit Penal për të pandehurin S.H.;

Bazuar në nenin 190, pika 1, shkronja “a”, të Kodit të Procedurës Penale, e lidhur me nenin 36, pika 1, shkronja “ç”, të Kodit Penal, provat materiale, kartëmonedhat në vlerën 1,000 (një mijë) euro, të sekuestruara me procesverbalin e datës 19.06.2021, të konfiskohen dhe të kalojnë në favor të shtetit;

Bazuar ne nenin 190, pika 1, shkronja “ç”, të Kodit të Procedurës Penale, provat materiale, kartëmonedhat në vlerën 1,070,000 (një milion e shtatëdhjetë mijë) lekë dhe 1,000 (një mijë) euro, të sekuestruara me procesverbalin e datës 19.06.2021, t’i kthehen të pandehurit S.H.;

Shpenzimet gjyqësore edhe të gjykimit në apel i ngarkohen të pandehurve solidarisht;
Kundër këtij vendimi mund të bëhet rekurs në Gjykatën e Lartë, brenda 45 (dyzet e pesë) ditëve nga e nesërmja e njoftimit të tij;

U shpall në Tiranë, sot më datë 18.06.2025.

Ish-prokurori mori ryshfet për të pushuar procedimin penal

Ish-prokurori i Sarandës, u arrestua qershorin e vitit 2021 me urdhër të SPAK, pasi dyshohej se kishte pushuar një procedim penal ndaj një personi kundrejt marrjes së parave.

Sipas SPAK, ish-prokurori dyshohet se mori ryshfet nga Elsona Papa, motra e shtetasit Emiljano Mirani, një person që prokurori ishte nën hetim, duke i pushuar më pas çështjen.

Motër e vëlla u gjetën fajtor gjithashtu për korrupsion. Sali Hasa nisi të procedohej në vitin 2020. Atij iu gjetën në banesë 11 milionë lekë të vjetra dhe 2 mijë euro.

Po ashtu, GJKKO për këtë çështje ka dënuar edhe Emiljano Miranin me 2 vite e 6 muaj burg, Elsona Papa me 1 vit burg, Napolon Hodaj me 2 vite burg, Julian Zera me 1 vit e 3 muaj burg, Markelian Alinani me 3 vite e 6 muaj burg, Qerim Ruçi me 2 vite e 6 muaj burg, Bledar Hajredini me 2 vite burg.

The post Apeli i Posaçëm dënon me burg ish-prokurorin, Sali Hasa do të shkojë në qeli për të vuajtur dënimin appeared first on Albeu.com.

Ylli Rakipi: Avokat, ju e keni hetuar dhe madje jeni kërcënuar prej tij me vrasje. Përse e keni hetuar ju?

Eugen Beci: Ky person në vitin 2002-2003 kishte kryer dy tentativa vrasjeje në qytetin e Vlorës për të cilat ishte në kërkim. Në tentativën e parë, personi u plagos dhe shpëtoi. E shpallëm në kërkim. Nuk ishte abuluar ende ngjarja e vitit 1999 se u zbulua me të dhëna dhe gjatë kohës që ishte në kërkim bëri një tjetër plagosje me tentivë vrasje dhe ne e arrestuam. Gjykata dhe sistemi dështoi ta dënonte. Unë kërkova 17 vite burg, ai u dënua vetëm 2 vite. Në momentin kur doli nga burgu pati një problem nga ana hetimore e realizoi, por e parandaloi policia.

Ylli Rakipi: Nuk e kuptoj, ti thua 17 vjet dhe u dënua me 2 vjet.

Eugen Beci: Po prandaj erdhi te dera e shtëpisë ai.

Ylli Rakipi: Ç’do me thënë kjo punë? Të erdhi te dera ty?

Eugen Beci: Po. Mbasi mbaroi hetimin dhe gjykimin, 2 vjet, ishte i pakënaqur që prokuroria kërkoi 17 vjet dhe e pa se mund të kishte një mundësi që të dilte, siç doli, dhe për këtë arsye pati një tentativë për të realizuar një eliminim fizik ndaj meje. Nuk u realizua, u bë hetimi. U kap nga policia, nuk u provua tentativa ndaj organeve të drejtësisë. Por dua të them se ishte një personazh kompleks për të cilën edhe atëherë edhe sot nuk është folur, që realizoi një grup të strukturuar dhe që investonte për të shpëtuar veten e tij dhe grupin e tij kriminal.

The post Ish-prokurori tregon se si e kërcënoi Dritan Rexhepi: Më erdhi te dera e shtëpisë … appeared first on Albeu.com.

Teksa ishte i ftuar në emisionin “Log”, Beci tha se javët e fundit kriminaliteti në vend ka goditur ashpër.

Ai shtoi se situate kriminale në vend është e rëndë dhe sipas tij organet ligjzbatuese nuk janë shkëputur nga koncepti që Shqipëria do të mbajë zgjedhjet e 14 majit.

Pjesë nga biseda në studio:

Nako: Nuk është një lloj standarDi i parë në përgjithësi. Si fillim ndoshta flas pak teorikisht. Në Shqipëria kemi një shtresë të tërë sociale, që është e përbërë me individë me të kaluar kriminale që kanë krijuar një lloj potenciali ekonomik dhe nuk janë domosdoshmërisht përdorues të dhunës. Kjo shtresë qëndron afër politikës dhe përdor atë që quhet paraja. Kjo metamorfozë ka krijuar një shtresë goxha të fortë në vendin tonë. Kjo lloj shtrese lëviz edhe kriminalitetin. I luan të gjitha rolet. I luan rolet e kompromentuesit dhe të aleatit. Përdor mikrokriminalitetin dhe kriminalitetin në lëvizje. Kemi pasur momente krizash kur këta persona janë pasuruar. Kjo lloj shtrese për hir të të vërtetës pasurohet me një shtresë të dytë. Për fat të keq në vendin tonë edhe tregu kriminal është një treg i vogël. Kemi vetëdije që kemi një sasi të madhe individësh në diasporë që merret me kriminalitet. Këto para që fitohen diku do të vendosen. Kriminaliteti shqiptar ka një bazë solide në vendin e vetë. Unë personalisht nuk mund të flas, por në përgjithësi çështjet e sigurisë janë çështje perceptimi. Perceptimi në përgjithësi është që në fushën e ndërtimit, është një para që gjenerohet.

Beci: Ka një fakt konkret që në tre javët e fundit kriminaliteti ka goditur ashpër. Kemi ngjarje që kanë prekur edhe lirinë e medias, ku mënyra sesi është kryer krimi ka cënuar rëndë sigurinë. Rendi në vend është cënuar seriozisht. Krimi pa ndëshkim sigurisht që do të prodhojë krim tjetër. Kemi një ngjarje në Don Bosko ku një grua ka mbetur e vdekur për shkak të një sulmi. Kemi ngjarjen e sotme e cila tregon që stabiliteti dhe rendi ende ka probleme serioze. Përdoren armë në mes të qytetit. Konflikte të vjetra çojnë në vetëgjyqësi. Ndëshkimi, zbulimi i autorëve të krimit. Ke ngjarjen e Don Boskos që kemi motiv të qartë por nuk kemi autor të përcaktuar. Në ngjarjen e TCH nuk kemi asnjërën prej tyre. Të gjitha organet ligjzbatuese nuk janë shkëputur nga koncepti që Shqipëria do të bëjë zgjedhje.

Bregu: Për të marrë një informacion, shumë shpejt. Atë që i them unë vajzës, ma thotë mua policia se ku ti gjejë autorët. Ne kemi shumë ngjarje kriminale dhe nuk kemi autorë. Nëse nuk gjejmë autorët, situate do të agravohet gjithmonë e më tepër. Kur shkoj në Kosovë ka një shprehje, “tash” dhe po të thanë këtë shprehje, nuk ka asgjë. Kemi një ekspertizë që e shohim në çështje raportesh, në çështje nivelesh.

The post Aktet kriminale në Shqipëri, ish-prokurori: Persona të inkriminuar qendrojnë afër politikës appeared first on Albeu.com.

Ish-Prokurori Eugen Beçi, i ftuar në studion e “Abc Live” në Abc u shpreh se kjo dëshmi do ta vonojë hetimin dhe do të duhen prova konkrete nga vendet e përmendura nga Dumani.

Beçi: Do na duhen prova Nga Italia, Belgjika për të përcaktuar se si janë këto deklarime që ky person ka dhënë. Letër-porosia do kohën e vet dhe me mbërritjen e atyre provave hetimi do kërkojë shumë më tepër kohë. Rezulton se do kemi shumë surpzira në botën e krimit. Komunikimi i sigurt nëpërmjet aplikacioneve nuk është më i sigurt pasi vetë autoritet blege kanë dhënë deklarime që po ecin në zbardhjen e këtyre ngjarjeve.

Beçi sqaroi edhe procedurën për të arritur deri te statusi i të penduarit të drejtësisë. Në gjykimin e tij, duhet treguar kujdes pasi bërja publike e të dhënave dhe emrave të personave që marrin statusin e të penduarit të drejtësisë mund të cenojë sekretin hetimor.

Beçi: Nëse një nga autorët e kryerjes së veprës penale, prokurori dëgjon të dhënat që jep ky person. Nëse këto të dhëna jenë shumë më tepër, që mbështeten në prova dhe shërbejnë për të provuar një çështje kriminale, prokurori lidh marrëveshjen dhe personi merr statusin e të penduarit të drejtësisë. Kjo është një marrëveshje që realizohet gjatë hetimit paraprak. I parashtrohen këtij personi përfitimet që do te ketë nga bashkë;punimi me drejtësisë dhe duke dëgjuar nga ana tjetër se çfarë është i gatshëm të japë ky person. Nëse ky person është i gatshëm të japë të dhëna që çojnë në zbulimin e ngjarjeve të tjera, atëherë shikon se çfarë shikon ti dhe çfarë shikoj unë. Me ketë persona duhet treguar kujdes i jashtëzakonshëm. Duhet ruajtur një ekuilibër mes asaj që duhet t’i japësh publikut dhe asaj që duhet të ruash për sekretin hetimor. Nuk duhen bërë publike emrat e këtyre personave dhe atyre që kanë bashkëpunuar. Të bësh publikë emrat e personave të arrestuar është tjetër gjë, dhe të thuash janë të penduar të drejtësisë është tjetër gjë. Duhet të tregosh shumë kujdes. Këta persona duhet të trajtohen si të arrestuar por jo të thuash që janë të penduar. Duhet ruajtur sa më shumë sekreti aq më shumë kur kemi të bëjmë me bashkëpunëtorë drejtësisë.

Sa besim mund të kesh te deklaratat që ata thonë?

Beçi: Këtu ka një problem procedurial që ka të bëjë me fazën e parë të marrëveshjes që lidh. Personi duhet të tregojë pa rezerva gjithçka që di. Nuk është i mjaftueshëm deklarimi i një personi. Duhet që ky deklarim të shoqërohet me prova dhe indicie. Nxjerrja e detajeve, të dhënave dhe personazheve bën që provat mos jenë më objektive. Çdo person që merr dijeni përgatit alibinë e tij. Nëse nj person që është i implikuar dëgjon ngjarjen ai përgatit alibi.

A ndikon implikimi i emrave të zyrtarëve ve lartë dhe policëve në çështje kriminale? Sipas avokatit duke pasur në radhët e krimit persona që mund të prishin provat e drejtësisë, bëhet më i vështirë hetimi.

Beçi: Kjo e bën të vështirë sepse krimi i organizuar prandaj është specifik sepse kërkon të rekrutojë në radhët e tij njerëz të policisë. Duke pasur në radhët e tij njerëz që mund të prishin prova hetimi bëhet më i vështirë. Por stoku I dosjeve nuk ka shumë lidhje me krimin e organizuar. Ka mangësi në gjyqtarë, prokurorë. Në parimin e ligjit çështja nuk mund të jetë me prioritet, duhet të marrë kohën dhe rëndësinë e duhur. Drejtësia duhet të jetë gjithnjë Brenda disa afateve. Në fazën ku jemi po ndodh shumë shpesh që po shkelen afatet, për shkak të mungesës së madhe ër arsye të heqjes së prokurorëve dhe gjyqtarëve dhe për shkak të ngarkesës së madhe. Duhet që shteti të marrë masa dhe të sigurojë që çdo hetim të shkojë deri në fund pa cenuar elementin kohë. /abcnews.al/

The post Ish-prokurori: Dumani zbardhi vrasjen e eksponentëve të krimit në Belgjikë e Holandë appeared first on Albeu.com.

Ai deklaroi se lufta ndaj krimit të organizuar duhet të jetë pa kompromis sepse në momentin që ndërrohet “shefi”, rrezikohet vetë shteti.

Ish-prokurori i Krimeve të Rënda tha se metodat e reja të hetimit, siç është edhe ajo e bashkëpunimit me të penduarit, janë mjaft efikase.

“Drejtësia ka nisur të funksionojë në forma të tjera sa i përket goditjes ndaj krimit. Ky është rezultat i punës së disa prokurorive. Instiuti i të penduarit është një institute shumë i rëndësishëm. Krimi i organizuar është elementi kryesor që korrupton edhe politikën. Sa më i zgjeruar të jetë krimi i organizuar, aq më i madh do të jetë edhe korrupsioni në politike sepse vetë krimi tenton të korruptojë sa më shumë njerëz me pushtet. Politika duhet të heqë dorë nga lidhjet me krimin sepse në momentin që ‘shefi’ nuk është më politikani por krimineli, atëherë rrezikohet edhe vetë ekzistenca e shtetit. Nëse një kriminel bëhet shefi i atij deputetit që ka çuar në parlament, atëherë do të kemi një problem shumë të madh. Mendoj që metodat speciale të hetimit që po aplikohen, fillimisht nga Krimet e Rënda dhe sot nga SPAK, do të jenë tepër efikase”, tha Beci për “Kontrast” në Report TV.

The post Ish-prokurori: Zgjerimi i krimit të organizuar shton politikanët e korruptuar, nga çfarë duhet të kemi kujdes appeared first on Albeu.com.

Beci theksoi se në Shqipëri nuk ka një numër të saktë të bashkëpunëtorëve me drejtësinë, por edhe nëse do të kishte nuk mund të bëhet publik. Po ashtu ai tha se emrat e tyre nuk duhet të bëhen publik gjatë procesit gjyqësor.

“Nuk duhet të bëhet publik emri i tij në proces. Legjislacioni shqiptar që ka ndryshuar në vitin 2004 për herë të parë është futur koncepti i bashkëpunëtorëve të drejtësisë. Në Mars të 2004 me krijimin e Prokurorisë së Krimeve të Rënda u fut dhe koncepti i dëshmitarëve të drejtësisë dhe i bashkëpunëtorëve të drejtësisë”, tha Beci.

Por çfarë kërkohet që një person të bashkëpunojë me drejtësinë?

“Ka shumë faza. Në përzgjedhjen që duhet të bëjë prokurori, në grupi e bandës do duhet që të gjejë më të dobëtin që ta zbërthesh. Është çështje psikologjike. Ose duhet të gjesh personin që ka më shumë prova. Je i fundosur, do i bësh presion më shumë. Do i ofrosh shumë më tepër se çfarë i ofron organizata kriminale”, tha Beci. /albeu.com

The post Përzgjedhja e bashkëpunëtorëve të drejtësisë, ish-prokurori zbulon prapaskenat: Kap më të dobëtin që ta zbërthesh appeared first on Albeu.com.

Autor i dyshuar i krimit, shtetasi me inicialet M.P., ka hyrë në një lokal ku ishte ulur ish-dhëndri i tij dhe ka qëlluar disa herë me armë, duke i marrë atij jetën.

Ndërkohë që është plagosur lehtë ish-prokurori, aktualisht avokat, Adriatik Cama, i cili është transportuar në spital. Mësohet se çifti ka qenë në proces divorci, duke e çuar autorin drejt aktit të rëndë.

Menjëherë autori i dyshuar i ngjarjes është larguar me një automjet tip ‘Hyundai’. /albeu.com/

The post Qëlloi disa herë pa mëshirë, si vjehrri i mori jetën ish-dhëndrit në lokal, ish-prokurori plagoset rastësisht (FOTO LAJM) appeared first on Albeu.com.

Burime nga vendi i ngjarjes kanë bërë të ditur se ka mbetur i plagosur edhe Adriatik Cama, ish-prokuror. Ai ndodhet jashtë rrezikut për jetën. Ai është avokati i Nevaldo Hajdaraj, që vrau të riu Klodian Rasha.

Një ditë më parë prokuroria kërkoi 13.4 vite burg për policin Nevaldo Hajdaraj. /albeu.com/

The post Ky është ish-prokurori që u plagos pranë Gjykatës ku mbeti i vrarë një person (VIDEO) appeared first on Albeu.com.