Begaj uron ish-presidentin Alfred Moisiu në 95-vjetorin e tij të lindjes

V K — Sun, 01 Dec 2024 08:28:08 +0000

Ditën e sotme, Presidenti i Republikës së Shqipërisë, Bajram Begaj, përmes një mesazhi ka uruar në ditën e tij të lindjes ish-presidentin e vendit Alfred Moisiu.

Në mesazhin e tij, Begaj shkruan; “I dashur President Moisiu, ju transmetoj urimet e mia më të përzemërta për shëndet të plotë, jetë të gjatë dhe aktive”.

Më tej, Begaj ish-Presidentin Moisiu, s cilëson si një model frymëzues për autoritetet shtetërore dhe politike shqiptare.

Ish-presidenti Alfred Moisiu, feston sot 95-vjetorin e tij të lindjes.

Mesazhi i presidentit Begaj:

“Njoftim për shtyp Tiranë, më 1.12.2025

I dashur President Moisiu,
Kam kënaqësinë e veçantë që, me rastin e ngjarjes së gëzueshme të 95-vjetorit të datëlindjes Suaj, të bashkohem me familjarët, miqtë dhe dashamirësit tuaj të shumtë për t’ju transmetuar urimet e mia më të përzemërta për shëndet të plotë, jetë të gjatë dhe aktive.

Në rrugëtimin historik të shtetit shqiptar, ju, i nderuar President Moisiu, keni dhënë kontribute të shumta e të çmuara, për të cilat populli shqiptar ju vlerëson me konsideratë të lartë.

Në moshën e adoleshencës, u u rreshtuat në radhët e Ushtrisë Nacional-Çlirimtare të Shqipërisë, për t’u përfshirë më pas në angazhime të rëndësishme dhe përgjegjësi shumë të larta, duke kulmuar me postin e Presidentit të vendit.

Në çdo hap që keni hedhur, Ju keni shkëlqyer!

Ju kontribuuat me përgjegjësi gjatë ushtrimit të detyrës së Kreut të Shtetit, veçanërisht në kohë zhvillimesh të vështira, por edhe me urtësi, ekuilibër dhe frymë përbashkuese në konsolidimin e demokracisë, shtetit të së drejtës, parimit të të drejtave dhe lirive themelore, si dhe forcimit të imazhit ndërkombëtar të Shqipërisë.

Në këtë jubile mjaft të veçantë, të cilin ju e keni arritur me shumë përkushtim, punë të palodhur e atdhetari shembullore, duke u bërë model frymëzues për autoritetet shtetërore dhe politike shqiptare, është kënaqësi për mua t’ju drejtohem me urimet më të përzemërta”.

The post Begaj uron ish-presidentin Alfred Moisiu në 95-vjetorin e tij të lindjes appeared first on Albeu.com.

Njëzet e gjashtë vite nga atentati mbi ish-presidentin Kiro Gligorov (FOTO LAJM)

admin — Sun, 03 Oct 2021 20:04:50 +0000

Para 26 viteve më 3 tetor ishte kryer atentat mbi presidentin e atëhershëm të shtetit, Kiro Gligorov, i cili e mbijetoio me lëndime të rënda në kokë, transmerton MIA.

Në vendin e atentatit ndërroi jetë shoferi i tij Aleksandar Spirovski, ndërsa ishte lënduar edhe truproja e tij, Ilço Teovski. Si pasojë e lëndimeve ndërroi jetë edhe kalimtari i rastit Hristo Hristomanov, ndërsa u lënduan edhe Klime Korobar dhe Jovan Atanasovski.

Mbetet e panjohur se kush qëndronte pas atentatit. Procedura hetuese e cila zhvillohet kundër një autori të panjohur ende është e hapur. Hetimi konfirmoi se atentati ka qenë mirë i përgatitur dhe organizuar dhe se vetëm rrethanë fati është që presidenti Gligorov e mbijetoi atentatit.

Sulmi është kryer me automobil-bombë më 3 tetor të vitit 1995 në ora 9:50 në rrugën “Maqedonia” para hotelit “Bristol” në Shkup kur Gligorov me automjet zyrtar ka lëvizur nga rezidenca e tij në vendin e punës në Kuvend.

Në një automobil “citroen ami 8” kanë qenë të fshehura 20 kilogramë shpërthyes, i cili është aktivizuar me telekomandë kur automjeti i Gligorovit lëvizte drejt ndërtesës së Kuvendit. Para shpërthimit automjetin zyrtar të presidentit në rrugën “Maqedonia” e ka ngadalësuar një “fiqo”.

Kiro Gligorov ndërroi jetë në moshën 94 vjeçare, më 1 janar të vitit 2012.

The post Njëzet e gjashtë vite nga atentati mbi ish-presidentin Kiro Gligorov (FOTO LAJM) appeared first on Albeu.com.

ish-presidentin Archives - Albeu.com

Begaj uron ish-presidentin Alfred Moisiu në 95-vjetorin e tij të lindjes

Njëzet e gjashtë vite nga atentati mbi ish-presidentin Kiro Gligorov (FOTO LAJM)