Beqaj e cilëson përfundimin e paraburgimit si mbylljen e një mase të pajustifikuar. Duke iu referuar lajmeve të një dite më parë për lirimin e tij nga burgu, ai sqaron se nuk ka qenë asnjë ditë i burgosur në kuptimin juridik, pasi ky përcaktim vlen për një person të dënuar me vendim gjykate të formës së prerë.

Sipas ish-ministrit, ai ka kaluar 25 muaj në paraburgim për llogari të një hetimi të SPAK-ut dhe prej 16 muajsh ka statusin e të pandehurit.

Megjithatë, deri tani ndaj tij nuk është dhënë asnjë dënim, madje as nga gjykata e shkallës së parë.

Ai shpjegon se gjykata konstatoi dje se vazhdimi i paraburgimit nuk kishte më bazë në dispozitat e procedurës penale. Afatet e parashikuara nga ligji kishin përfunduar dhe, për këtë arsye, vendimi i paraburgimit i datës 03.07.2024 nuk kishte më vlefshmëri.

Beqaj shton se një përfundim i tillë u pranua gjatë procesit edhe nga përfaqësuesi i organit të akuzës.

Vendimit të djeshëm, sipas tij, i parapriu një tjetër vendimmarrje e gjyqtarit të seancës paraprake, e marrë pak ditë më herët. Në arsyetimin përkatës ishte vlerësuar se provat dhe argumentet e paraqitura nga organi i akuzës nuk mjaftonin për vazhdimin e gjykimit.

Beqaj pretendon se, konkretisht, 15 muajt e fundit të paraburgimit kanë qenë të padrejtë. Ai thotë se akuzohet në cilësinë e funksionarit të lartë në kundërshtim me Kushtetutën, Kodin e Procedurës Penale, jurisprudencën e GJKKO-së dhe tri vendime gjyqësore të dhëna posaçërisht për çështjen e tij.

Në reagim, ish-ministri kujton se ka ushtruar detyrën e ministrit të Shëndetësisë për tre vjet e gjysmë, ndërsa për dy vjet ka drejtuar SASPAC-un si drejtor i Përgjithshëm.

Aktualisht, ndaj tij po zhvillohen njëkohësisht tri procedime penale në SPAK. Sipas Beqajt, kohëzgjatja e hetimeve, e përllogaritur së bashku, arrin në 16 vjet, përkatësisht 6,5 + 6,5 + 3. Pavarësisht kësaj, ai thekson se nuk ka marrë ende asnjë dënim, përfshirë edhe në shkallën e parë.

Ai pohon gjithashtu se gjatë gjithë hetimeve nuk është zbuluar asnjë qindarkë apo cent që të dëshmojë një shtim të paligjshëm të pasurisë së tij, të ardhur si rezultat i veprimeve ose mosveprimeve të lidhura me funksionet shtetërore që ka mbajtur.

Pas kalimit në “arrest shtëpie”, Beqaj shprehet i lumtur që është pranë familjes. Ai thotë se, duke nisur nga shtatori, do të mund të marrë pjesë në proceset penale pa qëndruar në kafazin e sigurisë dhe do të ketë mundësi të përdorë versionin elektronik të fashikujve hetimorë.

Sipas tij, këto janë të drejta që burojnë nga Konventa Evropiane, Kushtetuta dhe legjislacioni procedural penal, por që i janë mohuar në mënyrë të paligjshme nga gjykatat, organi i akuzës dhe administrata e burgjeve.

Beqaj u bën thirrje të gjithë atyre që kanë mundësi të vijojnë betejën për këto kauza, pasi, siç shprehet ai, ato ndihmojnë garantimin e procesit të rregullt ligjor dhe barazisë së armëve.

Ish-ministri përmend në reagim edhe doktor Berishën, duke thënë se kishte mësuar se një ditë më parë ai i kishte dërguar selam.

Beqaj deklaron se nuk do t’i përgjigjet tani, pasi në vjeshtë do t’i japë mundësinë të flasë edhe më shumë, kur të paraqitet si dëshmitar në procesin për koncesionin e instrumenteve kirurgjikale.

Në mbyllje të mesazhit, Beqaj uron pushime të mbara dhe njofton se do të rishihen në shtator. Ndërkohë, ai vazhdon të jetë nën hetim nga SPAK-u, ndërsa masa e re e sigurisë e detyron të qëndrojë në banesë deri në një vendim tjetër të autoriteteve gjyqësore.

The post Ilir Beqaj pas lirimit nga paraburgimi: Afatet kishin përfunduar, më janë shkelur të drejtat appeared first on Albeu.com.

Ditën e sotme është mësur edhe qëndrimi që ka mbajtur ai përpara prokurorëve të SPAK, Ened Nakuçi dhe Edvin Kondoli.

Beqaj ka sqaruar se “ka zbatuar të gjitha detyrimet për aq sa i lejon ligji për dhënien e koncesionit”.

Sipas tij koncesioni është dhënë kundrejt të gjitha procedurave ligjore.

Ish-ministri është pyetur edhe për lidhjen që ka me biznesmenin që fitoi tenderin me vlerë 100 mln dollarë për sterilizimin e pajisjeve kirurgjikale, por ai mohoi të ketë njohje apo lidhje shoqërore me të.

Beqaj ka dhënë dëshmi si person që ka dijeni për dhënien e koncesionit dhe ndaj tij deri më tani, nuk është regjistruar ndonjë procedim penal apo hetim.

Kujtojmë se hetimi për sterilizimin nisi 3 vite më parë pas kallëzimit të nismës “Thurje” për akuzat e shpërdorimit të detyrës, korrupsionit dhe shkeljes së pabarazisë në tendera për këtë çështje në pyetje deri më tani janë marrë rreth 20 persona mes të cilëve ish-ministri Shëndetësisë, mjekë, dhe anëtarë të komisionit të vlerësimit të ofertave si dhe zyrtarë të tjerë të ministrisë./albeu.com

The post Mbi 8 orë në SPAK, zbardhet dëshmia e Beqaj: Kam zbatuar detyrimet sipas ligjit për dhënien e koncesionit appeared first on Albeu.com.

Teksa iu përgjigj interesit të madh të gazetarëve, Beqaj tha se ishte thirrur si person që kishte dijeni për tenderin e sterilizimit, por nuk pranoi që të jepte detaje të mëtejshme.

Në fjalën e tij para mediave u shpreh: “Jam thirrur në cilësinë e cështjes që jam thirrur dhe kam dhënë përgjigjet e mia para 2 prokurorëve dhe BKH. Nuk i druhem përgjegjësisë penale.”

Beqja dha një përgjigje edhe për çantën e zezë duke thënë se kishte materiale pune./albeu.com

The post Tenderi i sterilizimit, pas 9 orësh, del nga SPAK Ilir Beqaj appeared first on Albeu.com.

Lajmi u zbulua fillimisht nga gazeta Sun dhe u transmetua nga agjencia Reuters, ndërsa botimi britanik vë në dukje se tani janë vetëm tetë kandidatë.

Vihet re se kryeministri i ri do të zgjidhet nga anëtarët e konservatorëve dhe nuk do të zhvillohen zgjedhje të reja kombëtare. Në të njëjtën kohë, partia në pushtet e Britanisë së Madhe kishte bërë të ditur se dëshironte t’i ndërpresë kandidatët e mundshëm për postin e kryeministrit, për të mos polarizuar edhe më shumë situatën tashmë të tensionuar./albeu.com

The post Ish-ministri i Shëndetësisë tërhiqet nga gara për të pasuar Boris Johnson appeared first on Albeu.com.