Ekzekutimi i vendimit nuk do të bëhet për dy vjetët e ardhshme.

Fu Zhenghua është zyrtari i radhës i lartë që është ndëshkuar për korrupsion. Lista është mjaft e gjatë që kur presidenti i Kinës, Xi Jinping ka marrë pushtetin në fund të vitit 2012.

Fu 67-vjeçar është deklaruar fajtor se ka abuzuar me pushtet si në rolin e ministrit ashtu edhe sa ishte kryepolic në kryeqendër të Kinës, Pekin, nga vitet 2005 deri më 2021, duke fshehur krimet, përfshirë edhe ato të vëllait të tij dhe tjerëve.

Fu në shkëmbim ka marrë para dhe prona në vlerë totale 16.5 milionë dollarë, shkroi në korrik gazeta kineze “China Daily”.

Nuk është bërë e ditur se çfarë aktivitete kishte bërë vëllai i ish-ministrit.

CCTV ka publikuar pamje ku Fu paraqitet në gjykatë për të pranuar vendimin.

Dënimet me vdekje nganjëherë në Kinë kthehen në burg afatgjatë nëse i dënuar vlerësohet se është reformuar.

Fu do të dënohet me burgim të përjetshëm pa mundësi lirimi me kusht, nëse i zbutet dënimi.

The post Ish-ministri i Drejtësisë në Kinë dënohet me vdekje, akuzat e rënda ndaj tij appeared first on Albeu.com.

Manjani ngarkon me përgjegjësi Kryeministri Edi Rama, Ministrin e Brendshëm Bledi Çuçi si dhe Ministren e Turizmit Mirela Kumbaro për vrasjen e 7-vjeçares në Himarë.

Postimi i Manjanit:

Ja ku e keni edhe nenin që ngarkon me përgjegjësi Edi Ramën dhe ministrat e Tij të Turizmit dhe të Brendshëm. Ligji me numër 43 i vitit 2020, ka rregulluar lundrimin detar për qëllime turistike. Që ky ligj të zbatohet,duhej që Edi Rama dhe ministrat e Tij të bënin disa akte nënligjore, brenda 6 muajve i ka urdhëruar Parlamenti!!!

Me këto akte sigurohet regjistrimi i mjeteve, pronësia e tyre, përdorimi, rregullat e përdorimit e çdo gjë që i bën ato të sigurta. Por hiç! As 6,as 12,as 24 e as hiç muaj. As Edi e as ministrat përgjegjës nuk e qethën fare. Ah po, kanë bërë vetëm një udhëzim për të dhënë lejet e drejtimit, po ato kryesoret hiç. Po meqë janë “dashnorët” e përgjegjësisë individuale, ja ku e kanë ligjin e shkelur. Ja se si e kanë shpërdoruar detyrën duke krijuar pasojë të rëndë, humbjen e jetëve njerëzore!

Kujtoj se në paraburgim ka sot zyrtarë që s’i kanë bërë asgjë detyrës, por janë në burg. Ndërsa Edi &co tallen me detyrën sipas qejfit, duke marrë jetë njerëzish e s’u hyn gjëmb në këmbë!!! Dakord, nuk do politikë, po ligj do?! Ja ku e ka! E ka shkelur me të gjitha këmbët. Kjo papërgjegjshmëri i bën përdoruesit e mjeteve lundruese të sillen si të duan. Ndoshta rasti i policit kriminel,nuk do kishte kuptim as ligji, por së paku do dallohej edhe mëqartë përgjegjegjësia individuale e tij. Sot këtë përgjegjësi e mban Edi Rama dhe të paktën 2 ministra përgjegjës. Jo për gjë po e kishin përgatitur më së miri këtë sezon…! E kanë qa.

Ngjarja e rëndë ndodhi më 2 gusht në Plazhin e Potamit në Himarë, ku 7-vjeçarja Jonada Avdia, u godit për vdekje nga gomonia teksa po lahej në det. E mitura u përplas fillimisht nga pjesa ballore e gomones dhe më pas trupi i saj është prerë nga helikat duke ndërruar jetë në vend. Fëmija, me origjinë nga Tropoja jetonte me familjen e saj në Angli, por ishte kthyer në atdhe për pushime. Drejtuesi i gomones është shefi i policimit në komunitet në Elbasan, Arjan Tase u shoqërua në polici, ndërsa drejtuesi i Policisë së Shtetit, Gledis Nano e përjashtoi Arjan Tasen përfundimisht nga policia./albeu.com/

The post Manjani zbulon nenin e shkelur nga Rama: Përgjegjës për vrasjen e të miturës appeared first on Albeu.com.