Ai theksoi se pi bëhen të gjitha përpjekjet për t’i shpëtuar jetën.

Nobuo Kishi, i cili shërben si ministër i mbrojtjes në qeverinë japoneze, shton se pavarësisht nga motivet e sulmuesit, sulmi është një akt i pafalshëm.

Zyrtarët më herët thanë se Abe u qëllua në qafë dhe gjoks dhe kishte pësuar gjakderdhje të konsiderueshme të brendshme.

Ish-kryeministri japonez ndodhet në gjendje të rëndë në spital.

The post U qëllua me armë pas shpine, vëllai i ish-kryeministrit japonez: Po bëhen të gjitha përpjekjet për t’i shpëtuar jetën appeared first on Albeu.com.

Sekretari kryesor i kabinetit Hirokazu Matsuno u tha gazetarëve të Premten se ai nuk e dinte gjendjen e Abe, por transmetuesi publik NHK, duke cituar departamentin lokal të zjarrfikësve, tha se 67-vjeçari “nuk po tregon shenja jetike”.

Matsuno tha se Abe ishte qëlluar rreth orës 11:30 të mëngjesit (02:30 GMT) dhe tha se “një akt i tillë barbarie nuk mund të tolerohet”.

NHK, duke cituar policinë japoneze, tha se Abe dukej se ishte qëlluar nga pas me një armë gjahu dhe tha se reporteri i tij në vendngjarje dëgjoi “atë që dukej si një armë që u shkreh dy herë”.

Transmetuesi publikoi pamjet që tregonin Abe të rrëzuar në rrugë, dhe disa roje sigurie vraponin drejt tij. Abe po mbante gjoksin kur u rrëzua, me këmishën e lyer me gjak.

Agjencia tha se ish-kryeministri, i cili ishte në Nara për fushatën përpara zgjedhjeve të së dielës për dhomën e lartë të parlamentit, u sulmua në një rrugë pranë stacionit Yamatosaidaiji në Nara.

Një i dyshuar 41-vjeçar është ndaluar nën dyshimin për tentativë vrasje, tha NHK. I dyshuari, i cili u identifikua si Yamagami Tetsuya, mbante një armë, të cilën policia e konfiskoi, shtoi ajo, shkruan Al Jazeera.

Abe shërbeu si kryeministër i Japonisë nga dhjetori 2012 deri në shtator 2020, duke e bërë atë kryeministrin më jetëgjatë të vendit./

The post Ish-kryeministrit japonez i bëhet atentat, në gjendje të rëndë shëndetësore appeared first on Albeu.com.