Gjykata e Lezhës ka pranuar kërkesën e prokurorisë për të marrë kampionet e ADN-së së ish-efektivit të RENEA-s Remal Rada dhe shokut të tij Elton Hithit.

Mostrat u janë marrë dy të dyshuarve ditën e sotme dhe përgjigjja pritet të dalë brenda kësaj jave.

Organi i akuzës në Lezhë kërkon që të krahasojë ADN-në pasi në armën tip snajper me të cilën u ekzekutua Kastriot Reçi në Rrëshen janë gjetur gjurmë biologjike që mund të çojnë në identifikimin e autorëve.

Prokurori ka kërkuar marrjen e mostrave biologjike për të bërë krahasimin e tyre. Prokuroria e Lezhës ka dyshime se Rada dhe Hithi mund të kenë informacion se ku është marrë snajperi që u përdor për të vrarë Reçin. Mostrat e ADN-së u janë marrë dy të dyshuarve në paraburgimin 313.

The post Dyshime për atentatin në Rrëshen, i merret ADN-ja ish-efektivit të RENEA-s të kapur me snajper: Mund të jetë përdorur për të vrarë Reçin appeared first on Albeu.com.

Sipas burimeve nga policia, ai po udhëtonte së bashku me shokun e tij Elton Hithi.

Gjatë kontrollit në mjetit policia u gjeti targa të huaja, snajper dhe një mjet identifikimi ai ato të Policisë dhe një pult për hapjen dhe mbylljen e targave të mjetit.

Rada, ka shërbyer më herët në radhët e Policisë së Shtetit, në repartin RENEA. Ai lëvizte me një automjet luksoz me targa të huaja (angleze). Efektivi kishte 2-3 muaj që ishte larguar nga radhët e policisë. U ndalua nga shërbimet e policisë rrugore fillimisht dhe iu gjet snajper. Dyshohet se Rada dhe Hithi do kryenin vrasje.

Arrestimi i tyre është bërë mbrëmjen e kaluar në kryeqytet në kuadër të operacionit “Double strike”. Policia sqaroi se gjatë kontrollit në automjetin me drejtues shtetasin Remal Rada dhe pasagjer Elton Hithi, gjetën dhe sekuestruan, në cilësinë e provës materiale, një armë zjarri snajper, targa të huaja, një mjet identifikimi ai ato të Policisë dhe një pult për hapjen dhe mbylljen e targave të mjetit.

Ndërkohë, gjatë kontrollit në banesat e tyre u gjetën një armë zjarri pistoletë, dy palë dylbi dhe municion luftarak, të cilat u sekuestruan, në cilësinë e provës materiale, së bashku me automjetin./albeu.com/

The post Ky është ish-efektivi i RENEA-s që u kap me snajper: Dyshime se do të vriste dikë! (FOTO LAJM) appeared first on Albeu.com.