Togat e zeza të apelit të posaçëm kanë miratuar vendimin e Shkallës së Parë duke e dënuar me vendim të formës së prerë me 1 vit e 4 muaj ish drejtorin. Ai u shpall fajtor për akuzën e shpërdorimit të detyrës, në lidhje me tenderin për blerjen e pajisjeve për kanalin RTSH Agro.

Gjithashtu në fuqi u la vendimi edhe për tre personat e tjerë të vënë nën akuzë për të njëjtën çështje. Sipas Prokurorisë së Posaçme, Gëllçi në cilësinë e drejtuesit dhe 3 zyrtarët e tjerë pjesë e Komisioneve përzgjedhëse kanë favorizuar kompaninë fituese nëpërmjet kritereve të vendosura.

Gëllçi së bashku me Julian Tapia, Alban Malaveci dhe Ervin Muraj u arrestuan në tetor te vitit 2021.

Në gusht të 2022, ish drejtori la qelitë për shkak shkak të përfundimit të dënimit. Pas arrestimit në atë kohë përmes një njoftimi zyrtar, Prokuroria bëri të ditur se ish-zyrtari i lartë i Televizionit Publik, i cili financohet nga buxheti i shtetit, akuzohet për shkeljet e konstatuara në procedurën e hapur të prokurimit me objekt blerje pajisjesh për kanalin RTSH Agro, me fond rreth 1 milion dollarë të zhvilluar në datën 9 nëntor 2018. Për të njëjtën çështje në pranga kanë rënë edhe tre punonjësit e RTSH.

The post U dënua për shpërdorim detyre, Gjykata e Apelit lë në fuqi vendimin për ish-drejtorin e RTSH-së appeared first on Albeu.com.

SPAK pritet që në ditët në vijim ta dërgojë dosjen në gjykatë, e më pas të caktojë një datë për seancën paraprake.  SPAK e akuzon atë për shpërdorim detyre në lidhje me tenderin prej 86 milion lekësh për blerje pajisjesh për kanalin RTSH Agro.

Prokuroja Dolorez Musabelliu paraqiti në gjykatë faktet ku sipas hetimit, ai ka nisur procedurat e tenderimit ende pa marrë miratimin për hapjen e këtij kanali nga autoriteti i mediave audiovizive i cili më herët kishte refuzuar mbylljen e kanalit RTSH fëmijë për ta zëvendësuar me RTSH Agro. Gëllci po ashtu akuzohet se ka favorizuar firmën fituese të tenderit duke zgjatur afatin e dorëzimit të produkteve ndërsa avokati i tij foli për një inskenim që lidhet për të penguar rikandidimin për të qenë në krye të RTSH. Gjithashtu sipas burimeve mësohet se prokuroria e Posaçme është duke hetuar edhe disa tendera të tjera të bëra në kohën kur Gëllçi drejtonte TVSH-në, që dyshohet se janë kryer procedura në kundërshtim me ligjin

The post Abuzoi me tenderin, SPAK mbyll hetimet, çon për gjykim dosjen e ish-drejtorit të RTSH appeared first on Albeu.com.