Ish-deputeti demokrat thotë se e ka lënë pas të shkuarën ndërsa komenton sfidat e detyrës së re.

Gazetarja: Zoti. Sula ju vini nga një karrierë e gjatë politike 20 vite në logon e PD, nga një zë kritikues tashmë do të jeni bashkëpunëtor me mazhorancën. Si e pranuat ftesën e Kryeministrit Edi Rama?

Dashnor Sula: Dhunshëm u përzura dhe nuk kisha asnjë të ardhme që të përfshihesha për të dhënë këtë kontribut. Z.Rama më hodhi dorashkën dhe më paraqiti sfidën për të marrë pjesë në ndërtimin e një institucioni të shtetit shqiptar.

Gazetarja: A patët dilema për të pranuar detyrën e Kryeinspektorit pasi me reformën e re ju do të keni 17 inspektoriate për të menaxhuar. A mendoni se do të quheni tradhtar nga pala tjetër?

Dashnor Sula: Fillimisht e kisha të vështirë. Por më ka thënë z.Rama se qytetarët shqiptarë nuk janë vetëm socialistët, qytetarët shqiptarë janë edhe ata me bindje të tjera e demokratike. Dhe kostumin e politikanit unë e kam lënë në shtëpi dhe kam veshur kostumin e një nënpunësi të shtetit.

Gazetarja: Si ndodhi afrimi me Edi Ramën, pasi ju keni qenë kritikues ndaj njëri-tjetrit për një kohë të gjatë në Parlament?

Dashnor Sula: Unë kam konstatuar një veçori dhe atë e ka Edi Rama dhe rrallë një politikan tjetër në Shqipëri. Nëse do të gjeni një moment të vetëm që z.Rama është një person që i hyn në familje të politikanit tjetër. Nuk ka. Këtë cilësi e kam pas dhe unë në politikë.

Gazetarja: A mendoni që e tepruat kur thatë që e vlerësoni vizionin e Ramës?

Dashnor Sula: Nuk mund të mohohet që Edi Rama ka sfidë të fusë Shqipërinë në BE.

Gazetarja: Po reagimin e Berishës si e pritët ?

Dashnor Sula: Nuk do ja lejoja vetes dhe nuk do të ishte e moralshme që të vazhdoj të bëj komente politike.

Gazetraja: Tashmë ju keni marrë detyrën e Kryeinpektorit, cilat janë sfidat që ju janë caktuar?

Dashnor Sula: Të shkëputemi nga modeli që ka qenë përgjatë këtyre 35 viteve dhe shpresoj se deri në fund të vitit të kemi një sistem të digjitalizuar.

The post “Nuk jam tradhtar”/ Ish-deputeti i PD tregon bisedën me Ramën, Sula: Më tha që nuk do ju shërbesh vetëm… appeared first on Albeu.com.

Pak ditë më parë, prokurori Dritan Prençi i ka komunikuar akuzën Bllakos, i cili prej më shumë se dy vitesh ndodhet në qeli për inceneratorët.

Në muajin prill të këtij viti, SPAK çoi për gjykim një pjesë të të akuzuarve për incineratorin e Tiranës.

Konkretisht: ish-ministrin e Mjedisit Lefter Koka; Pëllumb Abeshin; Erjon Murataj; Bledar Karolin; Taulant Tushën; Namik Simixhiu; Etleva Kondi; Alba Thoma; Valbona Ballgjini; Sidita Kopliku; Jetmir Llapaj; si dhe Silena Tolën.

Organi i Akuzës i komunikoi atyre akuzën “shpërdorim detyre”.

Koka, Bllako, Tusha dhe Karoli ndodhen në masën “arrest në burg”, ndërsa Alba Thoma, Ballgjini, Temali, Kondi, Abeshi dhe Tola në masën “arrest në shtëpi”. Namik Simixhiu ka masën “detyrim paraqitje”.

Për incineratorin e Elbasanit, Alqi Bllako u shpall i pafajshëm nga shkalla e parë, ndërsa për incineratorin e Fierit ai u dënua me 4 vite, dënim i cili zbriti në 2.8 vite burg për shkak të gjykimit të shkurtuar.

The post Incineratori i Tiranës “dj*eg” ish-deputetin e PS-së, Alqi Bllako merret i pandehur për korrupsion në dy raste appeared first on Albeu.com.

Aktualisht furgoni i Policisë që do e transferojë në Tiranë ndodhet në ambjentet e jashtme të polisë Durrësit.

Pritet që pas procedurave të para, ish deputeti të sillet në Tiranë dhe më as të vihet në dispozicion të hetimeve të SPAK.

Pas kësaj faze, Çyrbja do të paraqitet në GJKKO për t’u njohur me masën e dhënë ndaj tij në mungesë.

Çyrbja akuzohet nga SPAK se gjatë kohës që ka qene në krye të hipotekës ka shpërdoruar detyrën, ka nxjerr sekretet shtetërore si dhe ka kryer korrupsion aktiv në zgjedhje.

Për të gjitha këto akuza ai është pyetur disa herë nga SPAK. Ndërkohë sipas raportimeve, Çyrbes i është sekuestruar makina dhe telefoni celular.

Gjithashtu mësohet se i arrestuari tjetër, Ahmet Masha dyshohet se është pjesë e grupit me të cilin Çyrbja kë kryer këto vepra penale.

Përveç tyre është shpallur në kërkim dhe një tjetër. Dyshohet se ka edhe persona të tjerë të përfshirë në veprimtarinë kriminale.

Nga Skyy Ecc kanë dalë komunikimet me grupin. SPAK ka marrë informacione nga autoritetet belge, franceze etj.

The post “Ka shitur sekrete shtetërore dhe pjesë e grupeve kriminale” – Ish-deputeti i PS-së Jurgis Çyrbja, do sillet në Tiranë appeared first on Albeu.com.

Nuk dihet ende arsyeja e thirrje së ish-deputetit në SPAK.

Sakaq  ai është parë i vetëm në ambientet e Prokurorisë së Posaçme.

Ralf Gjoni është një nga dy deputetët që nuk pranuan të digjnin mandatin në shkurt 2019

The post Ish-deputeti Ralf Gjoni paraqitet në SPAK appeared first on Albeu.com.

Basha shprehet se ndonëse i sfiduar dhimbshëm nga dallgët e jetës, gjeneral Baki Shehi ruajti përherë zemërgjerësinë dhe fisnikërinë.

Mesazhi i plotë:

Mësova me hidhërim ndarjen nga jeta të Baki Shehit, deputet i Partisë Demokratike, gjeneral i Forcave të Armatosura dhe studiues i apasionuar i historisë. I dashuruar pas vendlindjes së tij, të cilës i përkushtoi me pasion dhe humanizëm aktivitetin e tij politik, përmes një pune të gjatë e të palodhur, Baki Shehi hulumtoi me kërshëri të shkuarën e lashtë të Ndroqit, duke i dhënë jetë një libri që do të mbetet testament i lidhjes së tij të ngushtë me këtë komunitet, të cilit i shërbeu me devocion dhe dashuri.

Ndonëse i sfiduar dhimbshëm nga dallgët e jetës, gjeneral Baki Shehi ruajti përherë zemërgjerësinë dhe fisnikërinë me të cilën do të kujtohet nga miqtë dhe kolegët e tij. Me ndarjen e tij nga kjo jetë Partia Demokratike humbi një prej kontribuesve të saj të vyer.

Mendimet dhe lutjet e mija janë me familjen, të afërmit dhe miqtë e dashamirët e tij të shumtë.

U prehtë në paqe!

The post Ndahet nga jeta ish-deputeti i PD, Basha mesazh ngushëllimi: Ruajti përherë fisnikërinë appeared first on Albeu.com.

Teksa ka ndarë foton e parë me të voglën nga materniteti, Valteri ka njoftuar se familja e tij ditën e sotme u bekua me një tjetër ëngëll.

“Sot Zoti e bekoi familjen time me nje engjell

Erdhi midis nesh DUA Valteri

Ardhsh e mbare dhe e begate per te gjithe familjen bija ime”, shkruan Valter.

/Albeu.com/

The post Ish-deputeti bëhet baba, vjen në jetë e vogla Dua appeared first on Albeu.com.

Dy figurat që Bajri i ndruhej jashtë mase se mund ta godasin dhe sjellin dëme, janë pikërisht Dorian Duli dhe Ibrahim Lici. Të tjerët as i llogariste fare.

“…Lict të hanë k…, përveç atij të Tiranës, Bracces…”- i shprehej në një bisedë Bajri, Pëllumb Gjokës, teksa ky i fundit e këshillonte Beharin që të mos dilte në qytet.Madje edhe nëse dilte, të bënte kujdes, mos binte në gjumë.

Behari ja kthen se: …unë nuk bëj ulje dhe paqe.Nëse vijnë për pajtim, do u them hajdeni vritena përballë…

Mes mobilizimit të informatorëve nga Leksi i Druve, Prek Kodra, Bardhyl Mavraj, shefi i policisë Shkodër Ardrit Hasanbegaj, Behar Bajri mer takim dhe me ish-deputetin PS në Lezhë, Arben Noka.

Kapja e Dorian Dulit duhej bërë sa më parë.Ai është mjaft i përgatitur dhe taktikisht di të përdorë mirë armën.

Grupi “Bajri” e cilëson të pa arritshëm, nëse Duli është i armatosur dhe shfaqin frikë ti afrohen.Duke ja ditur këto cilësi, skuadra e vrasësve me në krye Behar Bajrin dhe Pëllumb Gjokën, duan ta heqin Dorian Dulin në Lezhë.

Plani ishte ta zinin në pritë me pabesi, pasi Dorian Duli, frekuentonte herë pas here Shëngjinin duke takuar Leksin e Druve.

Por duke qënë se Duli po planifikohej të vritej në Lezhë, Bajri kërkon takim dhe lidh aleancë me Ben Nokën, pasi ky i fundit ka baza të sigurta në Lezhë dhe Shëngjin.

Behari i shkruan Pëllumb Gjokës që sot është duke ardhur të më takoj Ben Noka do të flas një herë me të, të më ndihmoj për “Dorin” (Dorian Duli) që ta “heku” në Lezhë.

Pëllumbi shprehet që, ti duhet ta ndash mendjen për “Dorin” sepse ai shkon në Shëngjin.

Behari shprehet që, e kam të ndame dhe se du ma e “hek”, por kam qef ta heq jashtë Shkodre.

Me datë 3 korrik 2020 ora 13.38 Behar Brajoviq duke përdorur TIV9E3 komunikon me përdoruesin e 7142D9 i identifikuar si Pellumb Gjoka.

Në 3 korrik 2020 ora 13:38 Behar Brajoviq flet me Pëllumb Gjokën, ku Behari i tregon që, “…mbrëmë erdhi dhe më takoj “Beni”, mirë u ndava. Më tha do të ndihmoj për Dorin se shkoka në Lezhë dhe kam unë baza më tha. Shkoka me Genc Tafilin dhe me Colin. Do të ndihmoj më tha, unë kam prit me dal ti…”.

Ndërkohë pabesia e anëtarëve të grupit, shfaqet në një moment kur Aleks Ndreka në 14 shtator 2020 komunikon me Prek Kodrën, i cili ishte ngarkuar nga Behar Bajri për të gjetur “strofkën” e Ibrahim Licit, Dorian Dulit dhe Genc Tafilit.

Madje Ndreka e ka në tavolinë Genc Tafilin, me të cilin pi kafe dhe i bën foto dhe ja nis grumbulluesit të informacionit Prek Kodra.

Mes tyre zhvillohet kjo bisedë ku Aleksi i dërgon një foto të një personi dhe i shkruan “…Tafil…”.

Preka e pyet: nëse, je me të dhe ku…?

Aleksi i përgjigjet: “…që, jam me të në Shëngjin, po ai tjetri për Dorian Dulin, nuk ka ardhur. Do ti shkoj Tafilit me pi kafe për shtëpinë e re, këtij.

Preka i shkruan që, mos e le pa shku dhe fiksoje mirë. Shumë na duhet ai tjetri, mua po më presin.

Aleksi i shkruan që:”…Duro, se pasnesër do shkoj me pi kafe për shtëpinë e re…”.

Ndërkohë në 16 tetor 2020 ora 20:23 Prekë Kodra duke biseduar, komunikon me Aleks Ndreka, ky i fundit i shkruan: “…A e don një zgjidhje të mirë ma e nxjerr Dorin në pritë dhe me tall k… me të. Me ta nxjerr qefull Dor Dulin.

Dështimi i vrasjes së Dorian Dulit, erdhi sipasojë e nuhatjes së ketij të fundit për planin e vrasjes.

Madje nga informacionet operative, Dorian Duli ka kuptuar se njeriu që mblidhte informacion dhe ja jepte Bajrave ishte pikërisht Ardrit Hasabegaj, shefi i sektorit të hetimit në policinë e Shkodrës.

Me guximin e tij, Dorian Duli mësohet të jetë paraqitur në policinë e Shkodrës, duke kërkuar takim kokë më kokë me Hasanbegaj.

Duli ka paralajmëruar Hasanbegaj, që nëse kishte bërë lojra për ta vrarë, të parit kapelja do i fluturonte atij. /Oranews/

The post METAMORFOZA/ Bajri i kërkoi ndihmë ish-deputetit për të vrarë Dor Dulin appeared first on Albeu.com.

Të ftuar në Top Channel, avokatja Bozheku dhe ish-deputeti Valteri kanë debatuar në lidhje me “merkaton” e politikanëve.

Për avokaten bozheku personat të cilët ndërrojnë partitë dhe ideologjitë janë njerëz pa karakter, ndërkohë që ish-deputeti është përgjigjur me batutë duke thënë se sot njerëzit po ndërrojnë gratë përditë, jo më partitë.

Pjesë nga biseda:

Halit Valteri: Ju nuk mund të jeni as gjykatëse, as prokurori.

Avokatja: Ne flasim për absurdin. Vazhdojmë tek tjetra

Halit Valteri: S’mund të bësh dorën “le të vazhdojmë”, se nuk më ke në punë.

Avokatja: Po unë shyqyr, unë nuk mund të marr njerëz në punë që janë partiak, apo që ndërrojnë parti.

Halit Valteri: Po s’ka lidhje. Më mirë të ndërrosh parti se të ndërrosh ndonjë gjë tjetër.

Avokatja: Kur ndërron parti, s’ke as dinjitet as karakter.

Halit Valteri: Njerëzit po ndërrojnë gratë…

Avokatja: Po ç’lidhje ka te gratë, ajo është çështje personale

The post “Njeri pa karakter …”, debat mes avokates dhe ish-deputetit: Sot po ndërrojmë përditë gratë, jo më partitë appeared first on Albeu.com.

Mediat e huaja shkruajnë se Bela Kovacs akuzohet se ka punuar midis 2012 dhe 2014 për interesa të Rusisë dhe për dobësimin e politikës së BE-së. Gjithashtu theksohet se ka punuar për inteligjencën ushtarake ruse.

Kovacs akuzohet për nënshkrimin e kontratave praktike “fiktive” që i kanë shkaktuar dëme financiare Parlamentit Evropian. Ai u dënua gjithsej me pesë vjet burg.

The post Punoi për interesa të Rusisë dhe dobësim të politikës së BE-së, ish-deputeti hungarez dënohet për spiunazh në Moskë appeared first on Albeu.com.

Meta filloi duke e akuzuar Halit Valterin pas fillimit të hetimeve nga ana e SPAK.

Me anë të një reagimi në Facebook Valteri shprehet se ai nuk ka asnjë lidhje me ato që shkruan Meta, dhe se për herë të parë ish-Presidenti i Republikës do të përballet ashtu siç duhet me ligjin dhe do të dalë gjithë e vërteta duke i urur të mos përfundojë njësoj si presidenti kroat, i cili është akuzuar 3 herë për korrupsion.

Postimi i Valterit:

Kam ndjekur me shumë vëmendje deklaratat e ish presidentit Like Metaj dhe kisha zgjedhur të mos prononcohem, por meqënese më paska akuzuar për lidhje me Vienën dhe inceneratorët i kisha dy fjalë.

I dashur Like, unë as nuk kam bërë dhe as do të bëj kurrë diçka qe nuk e mendoj dhe që nuk është e drejtë. Dendoncimi im vjen si pasojë e gjithë atyre pasthirrmave nga populli i thjeshtë të cilin ti e ke zhvatur për më shumë se 30 vjet, duke mos lëshuar karrigen e politikanit për asnjë ditë të vetëm. Ti ja ke arritur tia hedhesh paq falë vendimeve të gjykatave të manipuluara, falë kapjes së sistemit të drejtësisë nëpërmjet rryshfetit dhe herë pas herë nëpërmjet shantazheve, si kjo e fundit kur akuzove kreun e SPAK.

Sëdyti, i dashur Like, unë quhem Halit Xhezar Valteri dhe as babi im dhe as gjyshi im nuk kemi ndryshur as emrin as mbiemrin, ndryshe nga ty. Nëse je ashtu siç pretendon dhe nuk je ai I.M. që gjoja të paskan stisur, tregohu njëherë i ndershëm para shqiptarëve dhe dil publikisht bëj kerkesë pranë institucionit të dosjeve të shohim të vërtetën cullak siç ka hije.

Sëtreti, i dashur Like, fajin mos u mundo ta gjesh tek unë, se ashtu si unë ka dhjetëra të tjerë të cilët rastin tënd ja kanë besuar drejtësisë. Deri me sot nuk je njohur, se manteli i pushtetit të ka ruajtur por shtatori po vjen dhe të paktën nje herë në jetë do të ballafaqohesh me atë çka ke mbjellë këto 30 vite.

Sëkatërti, i dashur Like, unë sinqerisht uroj që ti mos te behesh si Ivo Sanader, ish kryeministri i Kroacisë i cili eshte dënuar 3 herë për korrupsion dhe sapo shkon në gjysmën e njërit dënim, i ngarkohet tjetri.

Sëpesti, i dashur Like, të këshilloj të marrësh masat e të bësh të paktën një herë diçka të mirë për popullin shqiptar, ato paratë që të kane dalë tepër nga 7% e nga gjitha % e tjera, jam i sigurtë që janë aq shumë sa mund të mbajnë gjithë shqipëtarët 1 vit me rroga, rroga e madje te majme. Të paktën këtë herë jepja atyre se nuk do të duhen më, mos u trego zemergur siç u bëre në 2011, që i fshehe milionat e eurove tek shtepia e Luan Pobratit dhe më pas shkove dhe i rimore e i ndjeri iku mga kjo jetë me pishmanin se nuk i dhe as 100 euro për shërbimin e bërë. Më beso, bëje këtë të mirë për popullin e gjorë se veç e ke vjelur. .

Sëgjashti, i dashur Like, nëse si dorëzon lekët popullit, do i bëj thirrje SPAK-ut të të marri në vëzhgim shtëpinë që mos kesh ku ti cosh paratë.

Sëfundmi, i dashur Like, meqënëse ti i ke të gjitha shifrat me 700 mijë dhe studio e avokatisë në Vjenë kushton më shumë, do i bëj unë thirrje shqiptarëve që të mbledhin paratë për ty dhe të vesh “drejtësinë” në vend, sepse gazeta prestigjoze Kronen Zeitung paska “shpifur” për ty.

Je shah mat shoku Like. Jo nga unë, por nga përtej Atlatikut…

The post SPAK nisi hetimet për Metën, Valteri: Në shtator do dalë cullak para popullit appeared first on Albeu.com.