Ish-lojtari i kombëtares braziliane zbuloi se ka pirë drogë teksa ishte në Sporting Lisbonës dhe ka marrë kokainë.

– Kam mbidozuar në vitin 2002 dhe kam qenë zgjuar për shtatë ditë me kokainë. Për ata prej jush që më shikojnë, thjesht dijeni se ky nuk është një shembull pozitiv. Mendova se asgjë nuk do të më ndodhte, se gjithçka ishte në rregull. Rashë në fund dhe m’u desh shumë të ngrihesha, tha Jardel në emisionin në të cilin qau para kamerës, marrë nga Alo.

– E rëndësishme është që unë jam gjallë dhe që sot mund t’i them jo drogës – tha dikur golashënuesi më i mirë në Evropë, i cili fitoi “Këpucën e Artë” në vitet 1999 dhe 2002.

Karrierën e ka nisur te Vasko, ndërsa në Europë ka luajtur për Porton, Galatasaray, Sporting, Bolton, dhe Ancona.

Në Porto, ai shënoi deri në 130 gola në 125 ndeshje. /albeu.com/

The post Mes lotësh ish-bomberi tregon problemet me drogën: Kam qenë zgjuar për 7 ditë appeared first on Albeu.com.